الغيرة
كلمة مطاطية بشكل كبير
اغلبنا بيعيشها وبيشوفها
طب هو يعني اي غيرة
بص ي سيدي الغيرة دي وخلينا نتكلم كلام عادي من غير مفاهيم كبيرة
مشاعر بنتولد بيها موجوده ف فطرتنا كلنا بنطورها ونستخدمها ب اشكال وسلوكيات مختلفه تبعا لموقف ما او شخص ما
طيب هي الغيرة صح .كويسه يعني
الإجابة هي انها لو غيرة بجد ف ايوا كويسه وصح وطبيعيه
طب أمته تكون الغيره مش كويسه لما تبدأ تروح لمناطق تانيه
زي الشك او حب التملك او الحقد والحسد
وللاسف كتير منا بيقع ف فخ ال شك او حب تملك او الحقد او الحسد وبيكون فاكر انو كدا بيغير
للاسف دا الموضوع بيتحول معاه لغيرة مرضيه
طب هل في اسباب ممكن تخلي الشخص يتحول بيها من الغيره لحجات تانيه غلط
الحقيقه الاسباب كتير بس خلينا نقول اهمها
رقم ١ التربيه
او بمعني أصح التربية الغير صحيحة
ان الاب والام يبدأ كل واحد فيهم يبني عند طفلهم سلوك سئ بيحولوا بيه الغيرة عند الطفل لغيرك مؤذية
اقولك ازاي
اكيد معظمنا وهو صغير سمع كلمه انت فاشل او بص لابن عمك ل بنت عمتك لا اخوك الصغير لاخوك الكبير
الاهل فاكرين انهم كدا بيشجعو ابنهم انو يكون احسن لما يقارنوه بحد بس ميعرفوش انهم بينقلو تركيزه من انو يطور نفسه لانه يركز مع الشخص اللي بيقارنوه بيه
بيبدأ يركز معاه يغير منه وف الاغلب بيبدا يحقد عليه
رقم ٢ ضعف الثقة بالنفس
في ستات بتشوف انها قليله ديما قدام جوزها
بتشوف انها ديما مش بتعرف ترضيه وتملي عينه
بتشوف ان الستات التانيه احسن منها وهيوقعو جوزها
او بتبني كل سعادتها وحياتها ع جوزها
بتنسي انها ممكن تشتغل انها ربة منزل انها ام انها مسؤلة عن أسرة وبتبدا تفكر ان لو جوزها ضاع منها دي نهاية العالم والدنيا خلصت ع كدا فمينفعش يسيبها فتفضل وراه تتجسس عليه تراقبه تخاف ليبص لواحده غيرها
او الراجل اللي معندوش ثقه ف نفسه سواء انو مش بيملي عين مراته او مش مكفيها جنسيا او اواواو
فثقته فنفسه بتتهز وتتحول الغيرة من طبيعيه لمرضيه
رقم ٣ المعاير والثقافات المختلفه للزوجين
بمعني ان حاجه الراجل شايفها عادي انو يضحك مع ستات او يهزر او يصاحب والعكس بردو الست تكون بتهزر بتضحك مع رجاله او حتي في صاحب راجل ف حياتها
لو الفكرة دي مش موحده عند الاتنين الدنيا بتبوظ
رقم ٤ الماضي السيء
سعات الماضي بتاعنا من حجات عشناها فاشله بتخلينا خايفين من تكرار الفشل فبنبدا نشك سواء راجل او ست
او لو لينا ماضي قديم سئ سعات شريكنا مع أول لحظة غيرة بيبدا يشك
بصو في اسباب كتير بتحول الغيرة من حاجه حلوه لحاجه مقيتة وبتكون سبب ف فشل حياتنا سواء الزوجية العمليه الأسرية
طب في نصايح نتخلص من الغيرة المرضية دي
عايز من حضراتكم بقي تقولوا اي اللي ممكن يعالج مشكلة الغيرة المرضيه
واي رايك ف الغيرة
لو في اسباب كمان بتحول الغيرة لحجات تانيه يا ريت تقولها
