الواحد بيتغير كتير لما بيفضل فترة كبيرة فى عزلة الرجوع من العزلة لمواجهة الناس تانى بتبقى صعبة خصوصا لو الدنيا بتتغير باستمرار والفترة اللى انعزل فيها كانت كبيرة العزلة زى اى شئ فى الدنيا ليها مميزات وليها عيوب بس عيوبها اكتر من مميزاتها لما بتيجى ترجع تبدأ تتعامل تانى مع الناس بتحس انك كنت فى فجوة زمنية وجى من زمن تانى عقلك مبيكنش فى أحسن حالاته مبتعرفش تكلم تانى مع الناس زى الاول وبتنسى انت كنت بتتعامل ازاى اصلا مع الناس قبل ما تنعزل عن اللى حواليك عشان توصل معلومة لحد بتبقى صعبة لانك مش عارف تقول ايه يا هنتكلم فى اى حاجة ويكون شكلك مش احسن حاجة وهنا هيتقال عليك كلام كتير اوى ممكن يأثر عليك نفسيا يا هتلجأ انك تبقى قاعد مع ناس ساكت وبرده فى الحالة دى هيتقال عليك ياما غامض ياما رخم على حسب نظرة الشخص اللي. قدامك ساعتها بعد مرور ٨ سنين فى عزلة عن الناس حرفيا انا مكتفى بنفسي بس حتى شغلى كان من البيت فا مكنتش بخرج ولا بروح ولا يقابل حد وكلامى كان يدوووووب على القد اوى حسيت معظم الوقت فى غرفتى قافل على نفسي خسرت كتير اوووووى ولما قررت انى ابدا ارجع تانى والتعامل مع البشر مقدرتش اواكب الناس بقيت بخاف جدا العزلة مش حل او متكنش لوقت طويل عشان متنساش ازاى تعرف تتعامل مع الناس وتكسب حبهم واحترامهم خليك دايما متطلع على الجديد خصوصا فى لغة الحوار عشان متحسش انك منبوذ من اللى حواليك عشان يبقى فيه تواصل بينك وبين البشر العزلة مش حل طلعت هروب والهروب مش هيحل بيعقد اكتر الأمور بحاول كتير انى مرجعش فى العزلة دى تانى وبتعلم من جديد ازاى اتعامل مع الناس
