القصة فكرتها مش وحشه جديدة شوي بس قرأت اول فصلين وشوي من التالت لكن مكلمتوش حسيته مط احداث لانه خرج عن اطار الاحداث لكن في نقط غريبة شوي في اول فصلين ذي مثلا إن تامر معاه 22 ألف جنية يجيب بيهم ايفون لاخته هدية ومعاه فلوس تكفية يركب اوبر لمشاويره ومعاه فلوس يجيب لبس كتير لاخته ويفسحها وكدا كل ده وهو طالب لسه فمعناه انه بيشتغل شيء عادي فهل الشغل العادي بيجيب كل الفلوس دي؟ ..
تاني حاجه في حوار الكفاتيريا هل من الطبيعي واحد معرفته سطحية بواحد هيروح يقوله انا عاوز اتعرف علي وحدة وصلني ليها وهي ولا تقربله ولا صحبته ولا حتي الي بيكلمه ده يعرفه؟ .. دا بعيدا عن الفديو المنتشر يعني لو فرضنا للجدل إن ده طبيعي يحصل هل هطلبه من واحد انا اخاف علي الي بحبها منه؟.
وفي الكفاتيريا برضوا لما راح يقعد مع البنات من الاول الالي بترد عليه منة والي بتصده جهاد فايه وجه الاستغراب عشان لما تضحك ييقولها ما انتي بتتكلمي وتضحكي اهو! فغالبا كان المفروض البطل يقول الجملة دي لجهاد العصبية الساكتة!.
تالت نقطة بالنسبة لشريحة الفون فهل من الطبيعي واحد معاه شريحة بيتواصل من خلالها مع شخص ببيتفقوا علي مليون دولار تقع منه وميهتمش بيها خالص كدا!.
رابع نقطة موضوع طرد اخت البطل ليه فهو كان نتاج الصدمة النفسية فدي كانت نقطة حلوة إن حياتها متمحورة حوالين اخوها وتتصدم فيه فرد فعلها كويس.
خامس نقطة جهاد ومنة وصحاب والفديو الي اتنشر في الاول كان موضح وش تامر وام منة لما بدأ يغتصبها فهل معرفاش ام صحبتها فكلمت صحبتها!.
سادس نقطة جهاد بتتصل علي البطل ومهتمة بيه وتساعدة لدرجة انها تدفع ليه فلوس الايجار ليه؟ .. دي وحدة كانت مخطوبة وبتحب خطيبها ومتعرفش عن تامر غير انه من منطقتها فـ ليه تهتم بيه وتتصل عليه؟ .. واصلا جابت رقمه منين حضرتك موضحتش دي!.
سابع نقطة انت رسمت شخصية جهاد انها طيبة ومحترمة جدًا وخجولة وبتخاف علي اسمها وسمعتها وده ظهر لما كانت رافضة شاب غريب يقعد معاهم في الجامعة وظهر طردته بالزوق من القعدة معاها هي وصحبتها وظهر في تصرفها مع خطيبها .. كل ده جميل .. بس كل ده راح فين وهي رايحية تقابل شاب غريب مغتصب في آخر الليل وحدها؟ .. واذاي وحده بالمواصفات دي تطلب من مغتصب يحضنها وايه السبب اصلا انه يحضنها دا هو الي في مشكلة مش هي! .. واذاي وحده بالصفات دي تسمح ليه يبوسها!.. ومن النقطة دي نطلع لنقطة جديدة.
تامن نقطة واحد في مشاكل مالهاش اول من آخر ..اتصدم في ابوه؛ اخته ضربته وطردته ومش مصدقاه؛ كل اصحابه ومعارفه بعوه؛ الرأي العام بيطالب بموته؛ وهو في حالة نفسية زفت بيفكر في الجنس وعاوز يمارس مع وحده ميعرفهاش غير في نفس اليوماليوم الصبح؟ .. دا الواحد لما بتحصله مشكلة شغل حتي نفسيته بتفضل متأثرة شوي!.
اخيرًا اتمني كل كلامي ده ميزعلكش او ييأثر عليك بالسلب بس ده رأي شخصي عشان بتمني تركز في الاحداث والتفاصيل شوي .. تقبل مروري وتحياتي. ヅ