- إنضم
- 21 مارس 2022
- المشاركات
- 321
- مستوى التفاعل
- 216
- نقاط
- 318
- الجنس
- ذكر
- الدولة
- مصر (المنيا)
- توجه جنسي
- أنجذب للإناث
الفصل الاول
هزلي و تعريف
و في غرفه معيشه بها عدد ليس بقليل من الشباب
يجلس شاب في ركن بعيد عن اخوته يتصفح احد المنتديات الشهيره (نسوانجي ) فهو متعلق به و لقد كان بدايه انطلاقه لي يدخل عليه فتاه مستفزه تبدأ بلعب على غروره لكي يقع في الفخ و اسم الشاب علي الصمدي
علي : احا يا جدعان اللحقوني
يتدخل اخيه بدر السلامي
بدر : في ايه
علي : مصيبه
بدر : مصيبه ايه انطق اتنسينا
علي : لالا مش كده هو احنا نتنسي حتي انتا
بدر : طيب في ايه
علي : في بنت اسمها دندوش على منتدي نسوانجي
بدر : ملها دي
علي : استفزتني يا جدع و دخلت معاها في منافسه على المنتدى لي القصص
بدر : يا نهار اسود ليلتك سوده ولاا يا مازن
يناده لي اخيهم الاوسط مازن الخديوي
مازن : ايه يا رجاله و ليله سوده ليه بقي
بدر : البية دخل في منافسه كتابيه مع كاتبه على المنتدي في مسابقه
مازن : ليله اهلك سوده
بدر : لا وطي صوتك اخوك الكبير لو سمع الخبر ها ينفضه
علي : و انا مالي الاكونت ده مشترك بنا احنا الاربعه ها تلبسه معايا
مازن : لا يا غالي مش ها شيل شيلة مش شيلتي كفايه عليا
علي : لا بقولكم ايه ده اللي عندي مش هلبس لوحدي ده لسه لما يعرف ها ينفخني انا كمان
يخرج من احد الغرف شاب طويل القامه زو ملامح مختلطه بين الاوروبية و المصريه و ماسك في ايده كاس من الخمر و الايد التانيه تلفون و اسم الشخص نوح الدهبي
نوح : انتا يا حيوان ياللي اسمك مازن
مازن : و انا مالي
نوح : حركات العيال دي متطلعش غير منك انا شوفت الاعلان دلوقتي
مازن : و حيات عيالي معملت حاجه
علي : بلاش كذب ولد احترم نفسك
بدر : ايوه اتأدب
مازن : ايه الهبل ده مش انا يا نوح ده علي
نوح : و حركات العيال دي تطلع من علي برده علي عاقل و كبير
علي : ايوه قوله الولد المتصابي ده
مازن : ايه متصابي دي قديمه شويه
علي : معرفش سمعتها في فيلم رد قلبي
نوح : يا علي انا لسه بشكر فيك
علي : اه اسف لزم نشوف حل لي الموضوع ده لو شاف الاعلان ها يزعلنا
بدر : خلاص نشتغل من وره
نوح : ازي
بدر : كمل قصتي و اكتب انتا تاني عادي
علي : او قصتي
نوح : لالا قصه بدر منتهيه و انتا يا علي كفايه عليك اوي كده ده جت فتره على المنتدى مفيش قصه مفهاش علي الصمدي يا جدع ده احنا زهقنا منك اذا كان انا زهقت
علي : (بص لي مازن )
بدر : (بص لي مازن )
مازن : لا يا عسل مكنش يتعز مش ناوي ارجع لي بنت الخديوي ابدا دي وليه مفتريه ياعم و القراء ها يموته و يعرفه ايه اللي عملته اذا كنت قتلتها وله لا و بعدين لو فتحت عندي لزم الناس تعرف اذا كان علي الصمدي عايش وله لا ها تفتح على نفسك فتحه
بدر : مش فاضل غيرك يا نوح
نوح : ازي انا شخصيه كاتب مليش قصه وله شخصيه و بعدين اللعبه اتلعبت مره تتبلع مرتين تعدي ثلاثه تبوخ
مازن : خلاص نعتذر
نوح : مينفعش الحساب موقفش إشعارات البت دي فضحتنا بسببك
مازن : ياعم قولت مش انا
اتفتح باب الشقه و دخل منه شخص كلهم ارتعبه منه في ايده كيس فيه طعميه و كف ايده فيه عيش بلدي و الايد التانيه فيها ربطتين جرجير
شخص : صباح الخير يا شباب انا جبت عيش و فطار و الجرجير لي نوح اهو البتنجان لي علي و بدر مازن جبتلك ببسي عليك عشره جنيه
مازن : (صامت و خايف )
شخص : مالك يلاا انتا و هو ساكتين ليه .... اههه هبتته ايه اتخانقته مع الجيران علي ضربت ابن الجيران و ابوه تاني قصدي عاشر
علي : محصلش ده وقع على السلم اتكعبل و دماغه اتفتحت دراعه اتكسر و عينه ورمت على وشه شويه كدمات هو و ابنه
شخص : يا جدع كل ده من وقعه سلم و هو و ابنه
علي : مهو وقع و ابنه نزل يلحقه اتكعبل قضاء و قدر
شخص : يا واد يا مؤمن و ايه سبب بقى (بصيت لي نوح ) تاني
نوح : ايه
شخص : تاني يا ذكي انتا مش بتحرم ياض عكست بنت الراجل تاني
نوح : لا المره دي امها هههه
علي : ههههه بس بطل
نوح : ايوه
شخص : يابني انتا و هوا
بدر : يا حماده اهدا شويه
حماده : اهدا ايه كل يومين مشاكل مع الجيران
مازن : هو في مشكله كده
طلع التلفون وره حماده كل حاجه و هنا دارت المعركه
بعد المعركه تربيزه النقاش و الحوار بالعقل قعده عليها كلهم بس علي وشه وارم
علي : اشمعنا انا اللي اضربت
حماده : (ولع سجار و متعصب ) علشان الحركه دي متطلعش غير منك انتا و بس
مازن : شوفت يا نوح شوفت
علي : عرفت منين
حماده : ياض ده انتا فكرتي يعني حفظك صم
بدر : طيب و بعدين الحل ايه
حماده : ها نعتذر و خلاص مش عايز صداع
نوح : لا استنا شوف البت دي كاتبه ايه في الاعلان
حماده : (قرا الاعلان و وقف ) قاعده زهقانه تتسلاا على حماده فتحي احا ولاا انتا و هوا انا هنزل بقصه جديده
علي : ايوه بقي يا كبرنا خليها تلعب
بدر : قصه جديده ايه علي راهنها على قصه قديمه و شخصيه قديمه يعني حد منا
حماده : (بص لي علي بغضب )
علي : احنا أصحاب الشعبيه الكبيره يعني لو عطسنا ها نجيب رتش
حماده : رتش ايوه بس متعه الناس لا عيب البعبع يلعب بكرت قديم و محروق
مازن : طيب تعاله نبتكر حاجه جديده
نوح : حلو ده حد عنده افكار
علي : انا عندي شوفه يا جدعان
القصه تبدأ
الصعيد يوم مشمس و شاب شغال في الغيط فقير و لبسه مهترء و بالي شغال يحرت في ارض ابوه قيراط صغير خالص وسط افدنه الباشوات حوليه بيضرب بفاسه في الارض يسمع صوت حاجه يحفر يطلعها تطلع تمثال اثري
بره القصه
مازن : يا عم الحج بقي هيا كلها اثار متمشيش معاك مخدرات مثلا
علي : مبحبش المخدرات
مازن : ياعم تعاله على نفسك
علي : طيب سمعنا انتا يا ابو العريف
مازن : طيب القصه من عندي
القصه تبدأ
شاب عنده محل مشروبات سخنه في يوم ممطر يدخل عليه شخص لبسه شيك بدله محترمه بس مبهدله من المطره مصاب بثلاث طلقات يسقط على الارضيه يقرب منه الشاب و الراجل يقوله ابني سامحني اني بعدتك عني الموت قرر ياخدني النهارده في اليوم اللي فكرت ارجعك لي حضني تاني
يموت الشخص ده و الشاب يفتح الشنطه يلقي فيها تماثيل اثار
بره القصه
علي : لا يا راجل معرفتاكش انا كده
مازن : دي اشيك ابوه هو اللي تاجر اثار مش هو
علي : مش شبه حكايتي مثلا يعني اصل محمد الصمدي مكنش تاجر سبح
مازن : لالا غيرها اسمع مني مختلفه
نوح : طيب تسمعه كلمتي
مازن و علي : نسمع
نوح : القصه رعب
مازن: حلو ده
نوح : شوفه يا جماعه
القصه تبدأ
شاب ابوه متوفي و امه كمان ملهوش في حياته غير جده الراجل تاجر العطاره اب عن جد تاجر عطاره كبير من بعد موت ابنه اللي هو ابو الشاب بيعتزل الناس و يسلم التجاره لي ابنه التاني بطلنا معتمد في دخله على فلوس ابوه اللي توفه و سابها ليه و معتزل عيله ابوه كلها يقوم الجد يموت و يكتب بيته بأسم حفيده و بيته بس يقوم الحفيد علشان يروح البيت ده يفضيه جيله مشتري في البيت اللي مساحته خرافيه و في موقع حيوي روح هناك و يبدأ بالتفتيش في اغراض جده يقع تحت ايده كتاب جلدته من جلد البشر و ورقه قديم و بالي و اسمه كتاب العزيف
بره القصه
حماده : ولاا اقفل السيره دي مش عايز اتلبس تاني كفايه عليا حراس المدينه
نوح : طيب اعملك ايه طيب بدر عندك فكره
بدر : عندي فكره بس تسمعه
نوح : قول
بدر : نفس الشاب اللي اتكلم عليه علي قطعه الارض اللي على مساحه قيراط تدخل كردون مباني الشاب فقير مش ها يقدر على تكاليف البناء لا يملك إلا دماغه يقوم ينزل القاهره و يروح لي شركه مقاولات كبيره يدخله معه شركاء يبنه على أرضه و يقبل بنسبه قليله ثلث ليه و ثلثين ليهم بنصيبه تبدأ امبراطوريه تاجر اراضي و عقارات
حماده : (قاعد حاطت ايده على دماغه )يابني انتا و هو يعني لزم كل قصه منكم تكون مرتبطه بحاجه تخصكم خلاص يا جماعه انته كرت و اتحرق الناس عرفتهم و شافتهم و تخيلتكم انا لو هنافس بجد هنافس بفكره جديده
نوح : حماده انتا معندكش افكار جديده دلوقتي احنا محتاجين فكره جديده و علشان تطلع بفكره جديده بسرعه افتكر ان انا و انتا عرفين كويس لزم تستعين بمين
حماده : عارف
علي : و ده مش سهل تتعامل معه وله تحجمه بسهوله
بدر : غير كده لما بيخرج عن السيطره بيلوش في الكل
مازن : انا بخاف منه
حماده : (جنبه كوتشينا مجمعه بص ليها شويه و مد ايده ليها بحزر حط ايده على اول كرت و فكر مره و اتنين قبل ما يسحبه و سحبه بص ليه ببطيء و بيدعي انة يكون شايف غلط و لكن لا دي الحقيقه كانت ورقه الجوكر ) انا هلعب بالجوكر
الكل امتعض و خاف في نفس الوقت
نوح : حماده
حماده : اقوي اسلحتنا
قام حماده و اتجه لي كنبه عليها شخص مربوط بقميص مستشفي المجانين
الجوكر : حماده حماده فكني انتا محتاجلي
حماده : كل مفكك ادخل في اكتئاب و مش عارف برجع ليك دايما
الجوكر : انا وشك التاني محتاجلي
حماده : مش عارف بحتاج ليك على ايه يمكن بتجيب افكار كويسه وله انا حبيت جلد الذات و جنونك يمكن انا المجنون و انتا العاقل
الجوكر : انا مش مجنون انا بس مش مفهوم فكني و انا ها فهمك
حماده : ماشي بس تلعب بأدب
الجوكر : هلعب بأدب حاضر
قرب حماده من رباط القميص و حاله و معه اتحرر الجوكر المجنون
الجوكر : شكرا يا حماده
حماده : مش عايز اندم على فعلتي ها تلعب نلعب بشكل جماعي
الجوكر : حاضر يا حماده حاضر
حماده : ايه فكرتك
الجوكر : السفاح
حماده : ممتاز و ايه اول خطواتك
الجوكر : اول خطواتي بسيطه خالص يا حماده خالص نامه
قالها الجوكر و نام الجميع هو صاحب اليد العليا طالما هو حر الكل قدامه ضعيف
الجوكر : (بص ليك يا عزيزي )ايه ده عزيزي عامل ايه انتا كويس واحشني معلش يا عزيزي مش هقدر استقبلك كده ثواني اغير هدومي و ارجعلك ثواني بس ده انتا منورنا
دخل غير هدومه لبس بدله عليها اللوان مختلفه غير متناسقه و في ايده صينيه عليها كبايتين قهوه
الجوكر : اتفضل يا عزيزي اتفضل شويه قهوه مش من مقامك بس اهو التحويجه الوحيده اللي بيعملها الفاشل ده يله ارزاق ايه بتقول ايه عايزني اكتب عنهم مين دول لا طبعا يا عزيزي دول اشباه قصص ..... لا شوف بما اني حر ها تتفرج على افكاري اصل كنت بديهم الافكار و ادخل انام اللقيهم لعبه بديلهم و بهدله الدنيا بس ها تتفرج دوله ..... اولع لا يا حبيبي مش بدخن اصلي مش عبيط اسيب نفسي تحت رحمه السجاير ولع انتا و اشرب قهوتك او شايك هلب يور سلف اتفضل و اقعد علشان احكيلك الحكايه
تبدأ القصه
شوف يا عزيزي القصه دي في إيطار زمني سنة ٢٠١٥ اخر يوم في ٢٠١٤ و اول يوم في ٢٠١٥
تبدأ الحكايه لما يوصل بلاغ لي الشرطه عن وجود جثه إمرأه مجهوله مرميه في صفيحه زباله تتحرك قوه من الشرطه لي عمل كردون امني حول المكان و يلحقهم بسياره جب مديل السنه المقدم هيثم عرابي ضابط المباحث الشاب لي يصل اللي موقع الجريمه و ينزل من عربيته وسط المطر و يدخل جوه الكردون و يستقبله الامين حسن
انا : اكتشفته الجثه ازي
حسن : شويه شباب كانه قاعدين في عربيتهم مروقين دماغهم واحد منهم نزل يفك حصره وره الصندوق لقي ددمم قامه بلغه
انا : هما دول (شاورت على اربع شباب و عربيه مرسيدس مديل السنه لسه جديده )
حسن : ايوه
انا : طيب سحبت البطايق منهم شكلهم ولاد ناس
حسن : حصل و دي البطايق (ادها ليا )
انا : (بصيت في البطايق و فعلاً اللي حسبته لقيته ولاد ناس من عائلات تجار ) دول مش ولاد ناس دول ولاد اكابر
حسن : العمل ايه دلوقتي
انا : الضابط يحي فين
حسن : بيعاين مع النيابه
انا : طيب النيابه امرت بأيه مع الشباب
حسن : نتحفظ عليهم بس حضرتك عارف يحي بيه هما قاله يستنه حضرتك
انا : امممم طيب تعاله
روحنا لي الاربع شباب
انا : مساء يا شباب سنه سعيده عليكم طبعا انته شباب صغير اكبر واحد فيكم عنده ٢٠ سنه و موقف زي ده صعب عليكم بس مين اللي اكتشف الجثه
شاب : عمار ( و شاور )
انا : (بصيت لي عمار و طلعت بطاقته الواد صغير حسبه ١٧ سنه و بس كده ابن الحج جابر اكبر تاجر سيارات في مصر ) طيب شوفه احنا محتاجين انكم تيجه معانا القسم
شاب٢ : ازي مينفعش بابا لو عرف اني دخلت قسم ها يقتلني
انا : اسمك ايه
شاب٢ : ياسر أبو اليزيد
انا : (بصيت في بطاقته ابن ثابت ابو اليزيد رأيس محكمه جنائية عنده ١٨ سنه ) طيب يا ياسر لزم تفهم ان دي مش حاجه سهله خالص الموضوع كبير انته دلوقتي مشتبه فيكم لي قضيه القتل شوفه الموضوع بسيط ها تيجه معانا و يقدر اهلكم يبعته محامي واحد عنكم
شاب٤ : قسم مين انتا متعرفش انا ابقي ابن مين
انا : (طلعت بطاقته من صورته و ده المشكله سامي ابو السعد ابوه يبقي راغب ابو السعد صاحب شريكات مقاولات كبيره و متعهد مقاولات حكومي ليه شغل كبير و ده اكبرهم سن عنده ٢٠ سنه و شكله هو اللي ممشيهم ) و ادينا عرفنا انتا مين و بعدين
سامي : و بعدين احنا ها نروح احنا معملناش حاجه اصلا علشان تتحفظه علينا وله نقف كده في الشارع احنا ولاد ناس
انا : عارف يا حبيبي علشان كده بقولك لزم تيجي و بأدب و احترام
سامي : غصب عنك لزم تعاملنا بأدب و احترام
انا : اه طيب امين حسن ركبهم البوكس لو رفضه اجبرهم بسرعه
سبتهم و روحت لي الجثه و حوليها النيابه و الضابط يحي
انا : مساء الخير
يحي : مساء النور يا هيثم بيه
انا : (كلمت النيابه) تمام يا فندم اتحفظنا على المشتبه فيهم
وكيل النيابة : تمام يا هيثم بيه تابعه التحقيقات بنفسكم عايز اعرف مين الست دي في اسرع وقت الشباب اللي اتاخدت دي ها تعملنا مشاكل كتير
انا : (ركزت في الجثه )
وكيل النيابة : في حاجه يا هيثم بية
انا : في حاجه غريبه الخدين مقطوعين بمشرط و متخيطين مع الفم تاني العيون كمان مخيطنها و الودان مقطوعه دي مش جريمه قتل عاديه
وكيل النيابه : عندك حق هيا شكلها مش عاديه صوابع الايد و صوابع الرجل عليهم خياطه شكله تمثيل مش قتل عادي
انا : تمام يا فندم ها نتابع الموضوع بنفسنا
وكيل النيابه : (شاور لي بتاع الاسعاف ) ها شد على الطب الشرعي يسرع شويه في الكشف و التقرير
شاله الجثه و انا و يحي رجعنا العربيه جري من المطر اللي اشتد و اتحركنا لي مديريه الامن النهارده مفيش مرواح شكلها
وصلت مكتبي في المديريه و دخلت جوه قفلت على نفسي و طلعت شنطه خلعت هدومي كلها و طلعت من الشنطه غيار و لبس و فوطه نشفت نفسي كويس و لبست هدومي نضفت الكوتشي بتاعي و لبسته طلبت حاجه سخنه من الكافتيريا و طلبت منهم يدخله الشاب اللي اسمه عمار اصغر واحد فيهم و حلقه ضعف
دخله عمار و قعد على الكرسي و الواد مصدوم جدا
انا : عمار انتا كويس
عمار : (مفيش رد )
انا : طيب اطلبتك حاجه سخنه تشربها
عمار : (برده مش بيرد )
انا : (قومت قعدت قدامه على الكتب )شوف يا عمار انتا شاب محترم و لسه سنك صغير عارف ان صدمه موقف زي ده صعبه عليك و مش ها تعرف تتعداها بسهوله عارف بس لزم تبقي راجل
عمار : (لسه ساكت )
انا : انتا تعرف الضحيه
هنا عمار انهار و بدأ يبكي بالدموع
انا : بس اهدا اهدا لمون سخن يا عسكري بسرعه
عسكري : تمام يا فندم
انا : اهدا و قولي تعرفها منين
عمار : ( و هو منهار ) مس اماني مدرسه عندنا دي دي دي ست كويسه جدا و طيبه جدا ازي ازي حد ممكن يعمل فيها كده و ليه
انا : بس اهدا كويس انتا كده قصرت علينا الطريق واحده واحده مس اماني ساكنه فين وله متجوزه عندها اولاد
عمار : مس اماني متجوزه
انا : طيب محل سكنها
عمار : معرفهوش
انا : طيب انتا في مدرسه ايه
عمار : المدرسه الاسبانيه
انا : تمام يا عمار يا عسكري
عسكري : تمام يا فندم
انا : خد عمار رجعه لي اصحابه و خليهم في الاستراحه
عسكري : تمام يا فندم
كتبت اسم الضحيه و اسم المدرسه و بعت بيها إشاره لي النيابه علشان تصدر امر لي المدرسه تكشف عن بياناتها
و انا قعدت اخد اقوال الشباب دول اللي كان باين عليهم السكر اخدت الاقوال و ساعتين و شرف المديريه كتيبه محامين و طبعا الشباب الاربعه خرجه
و انا رجعت مكتبي تاني و بدأت اراجع الاقوال لحد ما نمت مكاني و صحيت تاني يوم على تلفوني بيرن من يحي
انا : يحي باشا
يحي : هيثم حصلني بسرعه على المشرحه
انا : على الصبح كده
يحي : بسرعه
انا : طيب
قومت بالعافيه شربت كبايه مايه و روحت الحمام غسلت وشي و طلعت اخدت عربيتي و روحت على المشرحه دخلت قابلت الدكتور عصام
انا : دكتور اخبارك
عصام : اهلا يا هيثم بيه ايه موعود بالجثث
انا : مباحث يا دكتور
عصام : طيب الجثه وصلت امبارح بليل و كان فيها شغل كتير بدأت من وقتها
يحي : طيب يا دكتور قول لي هيثم شوفت ايه بالظبط
عصام : اولا الجثه دي غريبه توفت من يومين القاتل عارف بيعمل ايه كويس و جراح ممتاز جدا اولا العيون متشاله هيا و اللسان و الودن و متخيط مكانهم و الفتحات بتعتهم الصوابع مقطوعه
انا : و متخيطه صح
عصام : لا متبدله بصوابع واحده ست تانيه خالص الرحم متشال بعمليه جراحيه حصلت بعد الوفه و فتحه المهبل مقفوله و القلب مش موجود بعمليه جراحيه برده بس في حاجه غريبه
انا : ايه
عصام : الرحم و الصوابع و القلب هما القصه القاتل شايل الرحم بعد الوفه يعني يقدر يشيله بطريقه عشوائيه بس لا ده اتشال بطريقه طبية بحته كائنه مكنش عايز يشوه الجثه كأنها لوحه فانيه الغريب ان الجثه نضيفه زياده عن اللزم يعني مفيش اي اثر لي اي حاجه مفيش اي بصمه دي ان اي مفيش زيرو
انا : اللي عمل كده فاهم بيعمل ايه كويس
عصام : جدا بس الاغرب هيا ورقه محفوظه جوه كيس بلاستك مقاوم لي التأكل محطوط في كيس المراره في العادي احنا مش بنفتح الكيس ده لكن نضافه الجثه المثيره شككتنا يوم في اي ماده مخدره ماده غريبه ها نلقيها جوه بس لقينا ورقه صغيره
انا : ورقه !!!
عصام : رساله مش ورقه (طلع ورقه متصوره ) اتفضل احنا صورنها بس الورقه الاصلية بنحاول نرفع من عليها بصامات و اي دليل اقراء المكتوب
انا : (قريت و كان مكتوب ( هذه الجثه توفت في تاريخ ٢٨ /12 /2014 سوف يتم اكتشاف الجثه في ليله رأس السنه قبال الساعه ١٢ عشر ليلا و يتم الكشف عليها من قبل الطب الشرعي و يصدر تقريرها في بدايه العام الجديد بعد اكتشافها احب ان انوه انها مجرد لعبه مع السيد هيثم عرابي ضابط المباحث الذكي نابغه وزاره الداخليه سياده المقدم من بدايه الساعه الـ٥ يبدأ عد تنازلي لي جثه اخر حاول ان تنقذها سوف اقوم بأرسال الالغاز لكي تحلها و تساعدك على انقاذ الشخص و لكن سوف يكون مبتور الاصابع من هنا تبدأ اللعبه و العد التنازلي ٥ ٤ ٣ ٢ ١ ) قفلت الورقه ) ايه
عصام : شكله تحدي و شكله مش قاتل عادي
يحي : ده سفاح
انا : (مش عارف بفكر في الشخص ده و لكن قطع صوت تفكيري تلفوني لما رن من اخويا رديت ) امير مش هقدر اكلمك دلوقتي
امير : (بصوت مهزوز و خايف ) هيثم هيثم انتا فين ارجع البيت بسرعه في مصيبه
انا : انا جايلك دلوقتي
نزلت جري من المشرحة و اخدت عربيتي و اتحركت لي المقطم بأقصي سرعه وصلت هناك نزلت من العربيه و دخلت سور الفيلا فتحت الباب لقيت امير قاعد في ركن و شكله خايف
انا : في ايه يا امير
امير : (بيشاور على علبه هدايا و ايده بتترعش و عليها ددمم ) ده ده
فتحت علبه الهدايا لقيت فيها
يتبع......
بره الحكايه
الجوكر : هيا دي يا عزيزي بدايه القصه .... ايه يا نهار ازرق نسيت اعرفك بالشخصيات ..... يابا متركزش اوي كده الموضوع بسيط ..... شوف عندك حق الموضوع غريب الشخصيات نفسها غريبه عنك تحس انهم اقتحمه حياتك زي مقولت بس ليه متقولش انك انتا اللي اقتحمت حياتهم انتا اللي دخلت ليهم مش حابب خلاص امشي .....ههههه لا طبعا يا عزيزي مقدرش اطردك دي قصه بطلنا هيثم عرابي ضابط شاطر جدا و سيطه مسمع بدايه القصه هنا عدونا شكله ذكي متمكن فاهم بيعمل ايه كويس و اللعبه شكلها كبيره يله اسيبك تقول رأيك يا عزيزي علشان تشجعني دي اول مره اكتب روايه بوليسية يله باي
الفصل الثاني
وقفنا لما امير اخويا كلمني و هو خايف قولت حصلت مصيبه في البيت وله حاجه اتحركت بسرعه على البيت اصل امير اخويا مش صغير ايوه بس لبخه مش بيعرف يتصرف نهائي
وصلت البيت و فتحت الباب دخلت جوه و لقيت امير قاعد في ركن على جنب و خايف جدا
انا : في ايه
امير : (شاور على علبه ) هناك
انا : (روحت لي العلبه و رفعت الغطاء لقيت ددمم و حاجه لونها احمر زي متكون حتت لحمه وله حاجه ) ايه ده
امير : معرفش ايه ده
انا : اهدا طيب اهدا (بصيت لي الغطاء من جوه مكتوب عليه (دي حاجه المفروض تدفن ابقي ادفنها ) اول حاجه جت في دماغي قولت يمكن طلعت تلفوني و كلمت يحي ) الو يا يحي
يحي : ايه يابني طلعت تجري بسرعه ليه
انا : تعاله على البيت عندي بالطب الشرعي بسرعه و بلغ النيابة
يحي : طيب طيب انا جي
قفلت معه و روحت حاولت اهدي امير شويه امير من سني عنده ٣٧ سنه توائمي محامي عقر بس مش حابب يشتغل بالمحامه نهائي غير كده هو خايب لو كلب هوهو عليه ممكن يطلع يجري و يرمي اللي في ايده انا بتعامل معه بحساسيه شويه غير كده مش بحبه يظهر كتير قدام الناس علشان هو خجول غير كده ممكن يسبب ليا حرج
انا : اهدا خالص و اطلع فوق يا امير دلوقتي علشان النيابه جايه
امير : انا خايف
انا : متخفش ياض اخوك بالدنيا يله بس اطلع علشان انتا عارف اسألتهم كتير و انتا مش ها تحب كده يله اطلع اوضتك و انا ها خلص معاهم و اجيلك يله
طلع امير لي الدور التاني و انا فضلت قاعد مستني يحي اللي ساعه و كان عندي و معه الدكتور عصام و النيابه فتحت ليهم و دخل الدكتور عصام فتح العلبه اللي شاورت عليها
عصام : ده مش لحم دي أعضاء ده قلب و ده رحم
النيابه : امممم استنتاج مبدئي انهم يخصه الاستاذه اماني
عصام : مش اكيد يا فندم قلب الشابه الذبيحه يشبه في الحجم قلب الانسان مفيش حاجه اكيده غير لما نحلل الاعضاء بس الاكيد ان ده رحم
انا : تمام
النيابه : و اشمعنا هنا يا هيثم بية
انا : الباشا بيتحداني يا فندم و بعت ليا رساله تحدي جوه الجثه الاوله شكلها مش ها تكون الاخيره
النيابة : يعني ايه
انا : ها يسيب دليل يوصلنا للي بعدها دكتور شوف كده في اي حاجه عندك
عصام : (بص في العلبه كويس و بص على الاعضاء لقي ورقه ) في ورقه
النيابه : طلعها
عصام : (لبس جوانتي و مسك ملقاط و طلع الورقه فتحها و كان مكتوب فيها ) سنه ١٩٠٩ وصل لي مصر اتنين اخوات يونايين مهندسين دخله لي مصر طراز المعمار اليوناني و بنه في مصر عمارتين و سموهم التوئم عمارتين في ارقي منطقه في مصر وقتها و دلوقتي اكبر سوق في مصر كلها هيثم بيه اوصل لي التوئم في خلال ساعتين من وصول النيابه ليك و اكتشاف الدكتور عصام الورقه يمكن تلحق الضحيه التانيه اه نسيت اعرفك بنفسي انا الجوكر ممكن تلعب معايا اه و خد بالك ها تاخد فرقه مفرقعات معاك يله باي
النيابه : يعني ايه الكلام ده
يحي : انا مش فاهم
عصام : افتكر ان محدش ها يفهم معني الكلام ده غيرك يا هيثم الكلام موجهه ليك
انا : التوئمين ايه ده اصلا (لمحت عسكري بيرفع تابلو قديم جدا و ملصمه بالعافيه ) يا عسكري سيب التابلو مكانه بترفعه ليه اصلا
عسكري : علشان نرفع البصامات يا فندم
انا : سيبه محدش دخل هنا اصلا سيبه (ركزت في التابلو و برقت ) انا عرفت هو فين في وسط البلد
يحي : عرفت منين
انا : التوائم عمارتين في وسط البلد و فيهم اول سينما اتعملت في مصر على وسط البلد بسرعه يحي بلغ الاداره تبعت فرقه مفرقعات بسرعه
النيابه : اتحرك دلوقتي
طلعت اجري على عربيتي دورت و اتحركت بسرعه على وسط البلد وصلت بعد ساعه و نص فاضل نص ساعه بس الاداره قفلت المنطقه كلها يحي رن عليا حطيت السماعه في ودني و رديت
انا : يحي
يحي : وصلت
انا : ايوه وصلت
يحي : فرقه المرفقات في مكانها عند العمارتين
تلفوني رن من مكالمه تانيه في نفس الوقت ببص لي الاسم طلع امير رديت خوفت لا يبعت حاجه تاني لي البيت
انا : في حاجه حصلت (الغريب ان اللي رد عليا كان شخص صوته غريب عني مستخدم خاصيه تغير الاصوات )
شخص : ايه يا حضرت الضابط
انا : مين معايا
شخص : انا اللي مدوخك حولين نفسك
انا : اخويا فين عارف لو لمسته
شخص : (بغضب و صوت عالي ) بلاش تهدد يا روح امك فاهم (هدي) اخوك لحد دلوقتي كويس بس انا بكلمك من تلفونه عارف يا هيثم و اتمني انك ترفع التكليف بنا مش محتاج تقولي جوكر باشا هههه شوف يا سيدي المشكله انك لما تدخل اشخاص كتير غريبه بيتك ان ممكن تتسرق يا راجل ده في واحد سرق طفايا شيك جدا كانت على التربيزه قدام التلفزيون كنت هموت و اخدها بس محصلش نصيب يله هبقي اقتله و اسرقها منه
انا : لو مكلمني تضيع وقت معايا تبقي مجنون انا مكمل
الجوكر : عارف و شايفك
انا : (وقفت في نص الشارع و بصيت حوليا ) انتا قريب مني
الجوكر : طول عمري قريب منك
انا : متصل ليه
الجوكر : حسيت انك عايز تسأل سؤال قولت اسمعه منك
انا : و عرفت منين
الجوكر : اصل احنا مرتبطين ببعض يا هيثم مرتبطين بشكل او بأخر اسأل يا حبيبي قول
انا : بتعمل كده ليه
الجوكر : هيح السؤال اللي كنت خايف منه بتعمل كده ليه مش عارف اجبهالك ازي متعه يا هيثم متعه كبيره و انتا شايف كل اللي عذبوك في طفولتك بيتعذبه دلوقتي قدامك كل اللي فكر انه يأذيك بيموت و الروح بتطلع منه تفتكر في نفس اللحظه دي لحظه تانيه قديمه فيها ذكراياتك و انتا بيداس عليك احساس اههههه بالنشوه هههههه احساس مفرح جدا يا هيثم
انا : و انتا فاكر كده انك صح
الجوكر : صح جدا
انا : تبقي عبيط لما انتا صاحب حق و انتا عارف انك صاحب حق طالب بة و انا عندي استعداد أقف جنبك
الجوكر : تقف جنبي ههههههه عايزني ابلغ عنهم ازي يا حبيبي ابلغ عن مين دول كبار و كبار قوي حتت صعلوك زيك و زي انا مش ها نعرف نعمل حاجه قدامها و بعدين انا خلاص بدأت و مش هقف هكمل
انا : ده قرارك
الجوكر : ايوه قراري
انا : و انا قراري اني اوقف
الجوكر : طيب القنبله اشتغلت معاك عشر دقايق
قفل السكه في وشي و انا جريت بسرعه لحد ما الجهاز بتاعي اده إشاره من غرفه العمليات لي عماره من الاتنين اتجهت ليها بسرعه لما وصلت لقيت فرقه المفرقعات اخلت المكان و تعاملت مع القنبله و لكن لما دخلنا اكتشفنا اوضه مقفوله و كان فيها عروسه خشب و مربوط فيها واحده ست لبسه فستان ابيض و مذبوحه مربوطه في العروسه كان منظر بشع وصل يحي مع النيابه بدأه يعاينه موقع الجريمه و انا قعدت على جنب بحاول افكر في حل لي الشخص ده ازي يعمل حاجه زي دي بس ده مستحيل يكون شخص عادي لا ده مختل مفيش يعمل كده ابدا
بدأت النيابه تشوف شغلها و انا روحت لي المدريه بدأت التحقيقات كلمت امير يجي على النيابه علشان ها يتحقق معه و عرفتهم بموضوع تلفون امير ده و المكالمة خلصت التحريات و عرفنا مين الضحيه
يحي : الضحيه تبقي مدرسه و اسمها صفاء مدرسه بتشتغل مع الاستاذه اماني الضحيه الاوله في نفس المكان
النيابة : من الواضح ان في سر وره الاتنين هل متجوزين
يحي : لا عزاب رغم سنهم
النيابه : بس الطب الشرعي بيقول ان وله واحده فيهم بكر
انا : ممكن يكون اغتصبهم
النيابه : لا التقرير بيقول ان محصلش اي اعتداء عليهم
يحي : ممكن يكونه راحه برضاهم ممكن القاتل بيتصيد السيدات دي بس الغريب ان الاهالي من محل سكن الستات دي بيشهده لي الاتنين بالاخلاق و الشرف
النيابه : الاغرب ان الاتنين ساكنين في نفس العماره مع بعض
انا : طيب حضرتك طلع لينا اذن نروح العماره نفتش الشقق و نستجوب البواب
النيابه : انا مضيت الاذن و خلاص مع يحي
انا : طيب يله يا يحي نتحرك
النيابه : و دخلي اخوك يا هيثم بيه
انا : اه (هرشت في منخيري شويه ) طيب ممكن يعني براحه شويه على امير في التحقيق اصل امير انطوائي جدا يعني و بيحس برهبه من الاقسام و النيابات
النيابه : ده اخو ضابط شرطه
انا : هههه بيخليني اجددله البطاقه بيخاف يدخل القسم
النيابه : متقلقش انا هاخد منه كلمتين عن تلفونه و خلاص و كمان ها نحط تلفونك تحت المراقبه من النهارده علشان لو اتصل نعرف نحدد مكانه لو اتصل تاني
يحي : يعني بلاش حب في التلفون يا روميو
انا : بس فضايح طيب (رايح لي الباب )
النيابه : استنا يا هيثم بيه سؤال عرفت منين مكان العمارتين
انا : من الصوره اللي مسكها العسكري عندي في البيت
النيابه : و ايه علاقتها
انا : كانت صوره جدي كان مهندس معماري و عاشق لي طراز المعمار اليوناني و كان بيعشق العمارتين دول
طلعت انا و يحي و اخدنا قوه و نزلنا لي العماره اللي كانت في حته راقيه جدا
اخدنا البواب علشان يطلعنا لي الشقق فتحنا الشقتين و بدأ التفتيش و الطب الشرعي بيرفع البصامات سبتهم شغالين و طلعت وقفت بره الشقه ولعت سجاره و قدامي البواب
انا : قولي يا معلم الشقه هنا تلعب في حدود كم
البواب : متغلاش عليك يا بيه
انا : ها تجاملني يعني انا مش بسأل انا هشتري اصل عبال اولادك كده بكون نفسي علشان هدخل قريب و بدور على سكن العماره شكلها نضيف و انتا مرعيها
البواب : بعنيا
انا : طيب كم السعر
البواب : الشقق هنا تلعب في حدود مليون مليون و نص
انا : كلها مساحه واحده
البواب : لا في مساحتين في ١٥٠ متر و دي بتحكي في مليون مليون و نص في ٢٥٠ و دي بتحكي في اتنين
انا : امممم و هيا شقه الاستاذه اماني مساحتها كم
البواب : ٢٥٠ متر
انا : سكنه من زمان هنا
البواب : لا يا بيه مش من زمان دي ساكنه من يمكن سنتين
انا : اه يا سيدي تلقيها لحقت اشترت في الرخص
البواب : بالعكس دي اشترت في الغلا
انا : اممممم طيب و الاستاذه صفاء
البواب : برده اصلهم جم مع بعض لما سكنه هنا
انا : اممممم متعرفش هما منين
البواب : من المنصوره
انا : طيب مشوفتش عليهم حاجه كده حاجه كده
البواب : عيب يا بيه عيب ده عرض ولاايا و بعدين الاتنين كانه زي الفل
انا : احنا بنسأل من باب المشاكل هل واحده فيهم كان عندها مشاكل عندها خناقه مع الجيران كده
البواب : لالا زي الفل بس ياكش الاستاذه صفاء بس كانت ست صاعبه حبتين عصبيه و طالعه فيها
انا : طيب يا معلم انزل انتا و احنا جاين وراك
نزل البواب و انا قعدت افكر ازي و فين و امته يعني ازي الاتنين رغم انهم مدرسات كل واحده فيهم واخده شقه تسوا اتنين مليون جنيه دي نقطه التانيه ازي نشوف حجات زي دي في بيوتهم يعني اماني في بيتها مجوهرات دهب نص كيلو دهب لكن صفاء حادث وله حرج يعني اربعه كيلو دهب غير الاماظ و الدولارات اللي طلعت من شقه صفاء كمية لا تندرج تحت بند الاتجار ايوه و لكن كميه برده ٥٠ الف دولار مسجلين في الجرد وضع غريب الصراحه و قلقني جدا الناس دي جابت ده منين كشف مفردات المرتب بتاعهم لا يتعدا ١٥ الف جنيه علشان هيا مدرسه اجنبي و مرتباتهم بالدولار بس بتتقيم بالمصري و برده ١٥ الف جنيه في عشر سنين تدريس متعملش كل ده
خلص يحي الجرد و جيه وقف قدامي
يحي : ايه ده انا ناقص اطلع ياقوت و مرجان من جوه و تبقي مغاره علي بابا بجد
انا : يابني لا يكونه ورثين وله حاجه
يحي : ورثين ايه يابني دول مش لقين ياكله
انا : بعد كل ده و مش لقين ياكله ابقا انا و انتا ايه بقي
يحي : ياعم معرفش بس التحريات بتقول ان اماني من بيت تربوي اب و ام معلمين بالمعاش و لكن صفاء بقي هيا اللي جايه من الحضيض ابوها بواب و ولدتها صاحبه فرشه خضار
انا : انا توهت يا يحي (تلفوني رن لقيت الاسم امير ) الجوكر بيتصل
يحي : (رفع الجهاز ) الو عمليات ابدأ متابعه رقم المقدم هيثم (شاورت لي الفرقه ) محدش يعمل صوت
انا : (الكل سكت و انا رديت ) الو
الجوكر : ايه يا هيثم شوفت ولاد الكلب عندهم ايه في شققهم ايه ده يا جدع دي مغاره على بابا بجد يحي مش غلطان
انا : انتا سامع بقي
الجوكر : و شايف خلي بالك مأمور الجرد خنصر ١٠ الف دولار هما ٦٠ مش خمسين بس
انا : (بصيت حوليا ) مركب كاميرات فين بقي
الجوكر : ههههه يا جدع فاكرني هاقولك لا يا سيدي خليها مفاجأة مستغرب من كل اللي لقيته مكنتش متخيل كل ده اصل منين اتنين مدرسات مرتبهم الاتنين على بعض ٣٠ الف جنيه مصري تاخد كل واحده شقه الاتنين يسوه اربعه مليون جنيه ده غير المجوهرات امانب عندها مليون جنيه و صفاء عندها ثلاثه
انا : تفتكر جابه الفلوس منين شكلك مراقبهم من زمان دلني يا سيدي
الجوكر : ههههه عبيط انا علشان اقولك جابوها منين تروح تقبض على المصدر لا يا حبيبي هقتلهم كلهم و بعدها ابقي خدهم جثث
انا : امممم انتا متابعني شكلك
الجوكر : بج فان بكل القضايا اللي حلتها فاكر قضيه المخدرات الاخيره اللي خلتك اصغر رأيس مباحث بعد ما مسكتها
انا : طيب اكيد انتا عارف اني كنت شاطر في الكليه و بالتحديد ماده علم النفس
الجوكر : ايه ده انا من عشاق علم النفس
انا : تصدق بنا حجات مشتركه
الجوكر : اصدق و عارف انتا عايز تقول ايه في نظريه بتقول اذا تواصل المجرم مع المحقق اثناء التحقيق ما هو إلا جرس انذار من ذاته انه يرفض ما يفعله
انا : عليك نور بما انك رافض اللي بتعمله طيب سلم نفسك
الجوكر : ههههه احنا فعلا بنا حجات مشتركه بس الغير مشترك بنا ان وقت ما حصل اللي حصل زمان و انتا عارف اللي حصلك في طفولتك كويس اوي الفرق انك سكتت و انا بقي مبعرفش اسكت عارف ليه الاني مش زيك يا هيثم به بنا حجات مشتركة ايوه لكن شبه بعض لا احنا الاتنين اتظلمنا في طفولتنا بس انا باخد حقي و انتا حتت بدله و رتبه مكتفاك و اه قلب صفاء و الرحم بتعها وصلتهم ليك على البيت حاول تلحق الوسخه التالته سلام
قفل السكه في وشي
يحي : (سحب الجهاز ) عمليات قدرته تحدده مكانه (صوت ) لا يا فندم قفل بس قدرنا نحدد البرج
انا : يحي اتحرك على موقع البرج و انا هوصل البيت عندي اشوف اللي بعته عندي
يحي : طيب
نرلنا تحت و اتفرقنا روحت انا لي البيت بعربيه الشغل و وصلت هناك لقيت بوكس بفتحه لقيت فيه قلب و رحم زي المره اللي فاتت عرفت انه بتاع صفاء لبست الجوانتي و فتشت البوكس لحد ما لقيت الورقه و مكتوب فيها
في صحراء عتيده بين رمال كثيف تعيش العقارب بين طيات الصخور عقارب تملك من السم ما هو مخيف و حرابي تملك من قدره تغير لونها ما هو اعظم في واقع الحياه يجب ان تحيا كالاثنين تملك ملاين اللوان و تملك لدغه قاتله في وكر العقارب توجد احد الحيات ابحث عن مزرعه العقارب
خلصت الورقه و انا طلعت بره البيت روحت العربيه و العسكري سايق و انا سحب الجهاز
انا : الو عمليات ابدا الاشاره (جاني الرد ) عايز اعرف موقع البرج جنبه مزرعه عقارب وله لا (سكته شويه و بعدها رده بأيوه ) شد شويه يا امين
سايق امين الشرطه و انا متوتر و مصدع من قله النوم لحد ما وصلنا لي المقطم و يحي كان وصل لي المزرعه و احنا لما دخلنا المزرعه اللي كان مهجوره لقينا جثه تالته و المره دي جسمها من بره مشوه ملامح واضحه و لكن فيها حاجه غريبه و واخده وضع راقصه بالية متثبته علشان متقعش وله الوضع ده يتغير نهائي
و جرت العاده جت النيابه و الطب الشرعي و احنا اطلبنا من مدير الامن رجعنا لي المدريه و روحنا على مكتبه اخدنا وصله تهزيق زي الفل اتمسحت بكرامتنا الارض الموضوع بدأ يكبر و يسمع و الصحافه شمت خبر و كمان الوزاره بدأت تركز مع السفاح اللي ظهر فجأة ده اخدنا الامر ان مفيش حد ها يروح المدريه مشدود لحد ما نمسك الشخص ده
رجعت مكتبي و بدأت اراجع الملف من جديد و بدأت افقد صوابي انا مستقبلي على المحك هنا لو فشلت في القبض عليه هتنقل نقل تأديبي وقتها خلاص اسمي و سمعتي في الوزاره ها تضيع
بدأت اجمع شويه خيوط خصوصاً ان التحريات الاوله كشفت ان الضحيه التالته دي مدرسه في نفس المدرسه و كمان ساكنه في نفس البرج شقه تحت صفاء طلبت كبايه قهوه و قعدت افكر الموضوع فيه لغز و لغز كبير اوي كمان الموضوع غريب ايه سر البرج و المدرسه و علاقه الثلاثه اللي هما اصحاب من الشغل و سكنه في نفس الوقت في البرج و كمان شقه بنفس السعر ايوه الضحيه الاخيره مروة كانت من وضع اجتماعي يكاد يكون موضوعي شويه و لكن متوصلش لي المستوي ده لي مستوي الست اصفار
جت كبايه القهوه مع فراش قعدت اشربها
الفراش : هيثم بيه
انا : خبر
الفراش : الملف ده وصلك
انا : (اخدت الملف و بصيت علية كان شايل شعار الشهر العقاري كنت طالب كشف عن كل العقارات اللي تحمل اسم صفاء و اماني ) تمام شكرا اتفضل انتا
خرج الفراش و انا شرب قهوتي خلصتها و خلصت الملف و فتحت الظرف كشف العقارات الخاص بأماني الضحيه الاوله مفهوش اي حاجه و لكن الخاص بصفاء كان فيه حاجه تانيه اربع محلات في اماكن راقيه متأجرين و كمان شقتين تاني و فيهم مستأجر لكن الاغرب هيا فيلا في حي الزهور في المقطم هنا السر
اتصلت على النيابه اخد اذن تفتيش و بعدها طلعت بره اخدت عربيتي الشخصيه و اتحركت على العنوان الفيلا في اخر الحي اللي من بعده الصحراء المكان شبه مهجور ركنت عربيتي و نزلت منها الباب مقفول و مفيش بواب و السور قصير نطيت منه اي جوه الفيلا و روحت لي الباب لقيته مش مقفول وله مفتوح دخلت جوه و انا منور كشافي من تلفوني لقيت النور نور بس بشكل هادي و راجل لابس بدله عليها اللوان مختلفه مقلمه و كمان ملون وشه مركب صلعه في النص طالع منها شعر بلونين احمر و اخضر مبتسم
انا : انتا مين
شخص : انا مين ايه يا راجل مش عارف صوتي ده احنا اتكلمنا كتير حتي
انا : (حطيت ايدي على مسدس في جنبي )
الجوكر : (مسدس في وشي ) تؤتؤتؤ عيب يا هيثومي جي اقابل ضابط شرطه و معيش مسدس
انا : جي تقابلني ؟؟؟
الجوكر : ايوه جي اقابلك ايه فاكر ان الشهر العقاري ها يرد في يوم وله اتنين اقل حاجه ست شهور لكن انا علشان جوكر جدع و كفائه سرعت من العمليه كلها يله شابو جوكر شابو جوكر سقف
انا : لا
لسه هسحب المسدس و لكن في حد حط مسدس على دماغي من وره
الجوكر : هههههه اوعا تبص وراك وله اقولك بص كده كده اللي وراك شهبي مسخ دميم زي
انا : انتا فاكر ان كده ها تعدي بالساهل
الجوكر : ايوه ها تعدي
انا : تبقي بتحلم انا جي ورايا فرقه كامله
الجوكر : ههههه شاطر هيثم شاطر بس تفتكر الفرقه دي لما تيجي ها تقبض على مين عليا وله عليك
انا : عليك طبعا
الجوكر : هه اسف هههه مش قاصد اضحك بس هههههه ههههههههه ههههه ههه صح صح اصلك مش ها تعرف دلوقتي ها تعرف بكره ههههههه
انا : بكره ازي
الشخص اللي ورايا حط ايده على كتفي و ضغط و مع الضغطه الصغيره دي انا فقدت الوعي تماما
مش عارف انا فاقد الوعي بقالي قد ايه بس فتحت عنيا و وقفت على رجلي بصعوبه ببص في ايدي لقيت مشرط جراحي و بصيت قدامي لقيت جثه واحده ست احشائها بره مش عارف اللي شايفه ده حقيقه وله خيال قربت خطوه في التانيه في التالته لحد ما الباب ورايا اتكسر و ببص ورايا لقيت يحي و معه قوه من الشرطه رفعين سلاحهم في وشي
يحي : سلم نفسك
يتبع ....
الفصل الثالث
المكان مديرة الامن
داخل و انا في ايدي الكلابش وسط عدد كبير من الصحافه جيه تصور سفاح العصر الحديث
دخلوني اوضه و انا شايف كل اصحابي بصين ليا بنظره غريبه جدا نظره مش فاهمها هما فعلا شاكين فيا ازي دول اصحابي
وصل وكيل النيابه و دخل اوضتي
النيابه : هيثم
انا : انا بريء
النيابه : اللاسف مقدرش اساعدك
انا : بقولك بريء
النيابه : و لما انتا بريء ازي تتحرك لي المكان ده من غير اذن نيابه ايه السبب
انا : بس انا اخدت اذن نيابه على التلفون
النيابه : تلفون محصلش اني اديت اذن النيابه وله اتصلت عليك اصلا
انا : ازي انا متأكد راجع تلفوني
النيابه : ها نراجع التلفون (طلع من جيبه كيس ادله فيه علبه ادويه ) لقينا ده في مكتبك
انا : (بصيت لي الدواء و بدأت اخاف ) ده ده دواء عادي يعني
النيابة : عارف انه دواء عادي بتاعك
انا : ايوه
النيابه : بتاخد مضاد لي الاكتئاب ليه
انا : عادي يعني كل الناس بتاخد مضاد لي الاكتئاب
النيابة : ايوه كل الناس بتاخده بس بوصفه طبية
انا : مصر كلها بتاخد ادويه بدون وصفه طبيه
النيابة : اللاسف يا هيثم كان نفسي اساعدك بس كل حاجه تقول انك مخبي حاجه
انا : ايوه مخبي و ليا اسرار بس القتل مش منهم نهائي انا مش قاتل
النيابة : و وجودك في موقع الجريمه ايه
انا : اتحركت علشان اعمل تحريات لما وصلني تقرير من الشهر العقاري بيقول ان صفاء عندها فيلا هناك شرك بنها و بين اسماء و ثلاثه تاني بيشتغله مدرسات معاها في نفس المدرسه و عندهم برده شقق في البرج مع بعض
النيابه : ايوه عرفين بس ده مش مبرر انك تتحرك لوحدك اكتب يابني امرنا نحن وكيل النائب العام بالتحفظ على هيثم عرابي ١٥ يوم على ذمه التحقيق و اقفل المحضر امضي يا هيثم
انا : ماشي همضي بس انا مظلوم
النيابه : ها نشوف
مضيت على اقوالي و خرج وكيل النيابة و انا فضلت مكاني الاوضه دي استراحه لي الضباط مش ها ينفع ينزلوني الحجز ضابط وسط حرامية علشان كده فضلت فوق و كل يوم تحقيق لي مده اسبوع و امير بيجي يزورني و هو مقهور من البكاء عليا هو مصدقني مصدق اني مش قاتل
لحد ما معاد الزياره خلص و قام يمشي طلع بره اخد عربيته و مشي و هو ماشي وقف في كمين اللاسف الزفت ناسي البطاقه و ناسي الرخصه الشخصيه و العربيه نفسها مرخصه بأسمي انا طبعا الضابط نزله من العربيه و اخده معه علي القسم و حجزه لحد بليل و امير مش عارف يكلم مين نهائي اصل احنا مقطوعين من شجره ابونا و امنا ماته من زمان عشنا في بيت جدي و بعد ما كملنا السن القانوني هو توفا و من بعدها لا بقي حد يسأل فينا وله احنا بنسأل علي حد
امير مش عارف يخرج لحد ما اتصل على يحي و يحي راحله هناك
امير : يحي باشا اسف اني ازعجتك بس قبضه عليا و مش عارف اكلم مين
يحي : لالا عادي استنا ادخل لي الضابط
دخل يحي لي الضابط خلص معه و خرج اخد امير في ايده و امير ماشي جنبه مكسوف
امير ؛ هو انا ممكن اسأل حضرتك سؤال
يحي : اتفضل
امير : هو حضرتك شاكك في هيثم
يحي : مش شاكك انا شوفت بعيني
امير : بس هيثم مستحيل يعمل كده
يحي : هيثم صحبي و استاذي مستحيل يعمل كده فعلاً بس انا شوفته بعيني
امير :بس
يحي : لو اخوك بريء ادعي ان دليل البرائه يظهر انا مبقتش فاهم واحد زي السفاح ده عايز ايه
امير : يمكن عايز يثبت وجهه نظره للكل
يحي : وجهه نظره اللي هيا ايه
امير : من كلام هيثم عن السفاح بطريقه تشريحه ده دكتور او ممارس لي الجراحه من اختياره لي الضحايه شيء غريب يعني من غير رحم وله قلب الاتنين بيرمزه لي حاجه القلب لي الاحساس و المشاعر زي الحب و الكرهه الثقه الامان الغدر والخيانه القلب مش مجرد عضله و الرحم دليل على اكتمال المسيره الانسان العضو الذكري و الجهاز التناسولي دليل على أن الانسان ده مكمل في حياته هيا طرق التطور
يحي : ايوه بس دول مش متجوزين
امير : طيب هل هما عذاره
يحي : لا
امير : طيب من الواضح أن الشخص ده اتعرض لي حاجه في طفولته اتجاه الستات
يحي : سفاح ستات يعني
امير : مش بس ستات عاديه لا دول ستات من الواضح انهم مش مظبوطين
يحي : تفتكر
امير : مجرد وجهه نظر مش اكتر
يحي : ممكن
تلفون يحي رن و رد
يحي : الو ...... ايه .... و حصل امته ..... طيب انا جي
قفل المكالمه و ساب امير و مشي ركب عربيته و اتحرك على موقع في المقطم كان مبني تحت الإنشاء العمال دخله الصبح لقه جثه متعلقه في عروسه خشب متعلق فيها جثه واحده ست لبسه قميص نوم ابيض حرير مشقوق بالطول و بطنها متخيطه بلغه البوليس
وصل البوليس من اقرب قسم و بلغ الوزاره اللس بدورها بلغت الفريق المختص بالتحقيق
راح يحي و لقي النيابه هناك
النيابة : ايه اللي بيحصل ده احنا مش قبضنا علي هيثم
يحي : ايوه بس ازي
النيابه : ممكن يكون اخوه معه
يحي : مستحيل امير كان ممسوك تحري و انا لسه مخرجه
النيابه : يعني ايه
يحي : معرفش
النيابه : اسمع كلم الدكتور عصام عايز على الصبح اعرف الجثه دي ماتت الساعه كم بالظبط و تحط امير عرابي تحت المراقبه من دلوقتي
يحي : حضرتك شاكك فيه
النيابه : ايوه
يحي : تمام ها حطه تحت المراقبه
مشي وكيل النيابه و فضل يحي مع الطب الشرعي بيرفع البصمات من المكان و يصور الجثه و بعدها رفعوها من مكانها علشان تروح المشرحه و هناك استلمها الدكتور عصام اللي بدأ يشتغل عليها و يحي واقف في مكتبه مستني التقرير لحد ما عصام خلص
يحي : ها يا دكتور
عصام : زي كل مره جثه نضيفه زياده عن اللزم مفهاش قلب وله رحم متشالين بطريقه جراحيه دقيقه
يحي : امممممم طيب توقيت الوفه
عصام : توقيت الوفه كان من اربع سعات
يحي : يعني وقت مكان هيثم محبوس و امير كمان محبوس
عصام : ايوه و علشان اوفر عليك مستحيل الاتنين يكونه عملوها اولا هيثم مش دكتور وله امير كمان ثانين كل مره بتظهر فيها جثه جديده بيكون هيثم يا معايا انتا و هو يا مع النيابه و انتا معه الموضوع غريب القاتل بيحاول يلفق التهمه لي هيثم او بأضعف الايمان اخوه
يحي : طيب ايه يثبت ده
عصام : اولا تسجيلات الفيديو اللي جت من الفيلا اللي فيها كاميرات شغاله و ممسوح تسجيلها مفهوش غير تسجيل واحد بس هو اللي باقي و عباره عن خمس دقايق فيه هيثم و كمان مقصوص منه ثانين تحليل الدم اللي اتعمل لي الضابط هيثم يثبت انه كان تحت تأثير جرعه كبيره من ادويه الهلوسه بس مش نفس النوع اللي هو بيشربه
يحي : طيب و تفتكر واحد زي هيثم بيستخدم ادويه هلوسه ليه يعني
عصام : و ليه لا انا بستخدم ادويه هلوسه علشان اعرف انام يحي بية انا بتعامل مع جثث كل يوم و كل ساعه تشريح و تقطيع و كشف انا بقطع جثث ناس ميته و اوقات بشوفهم بيتكلمه ده مش مرض بس نفسيا مش متقبل الوضع ده مش كلنا زيك يا يحي هيثم بيتعامل مع ضغط كبير ميقدرش يتعايش معه انتا تقدر لكن هو لا انتا لو مكاني ها تلجأ لي نفس الحل من مكاني او مكانه
يحي : طيب و الادله دي تخرجه
عصام : ممكن تخرجه الاهم انتا شاكك فيه
يحي : وقت ما قبضت عليه شاكيت لكن بعدها فكرت شويه لقيت انه مستحيل اصله كان بيبقي معايا علطول
عصام : طيب انا هرفع تقريري لي النيابه (كتب التقارير و ادها لي يحي بعد ما قفلها بالشمع الاحمر ) اتفضل
يحي : طيب شكرا يا دكتور عصام
عصام : على ايه ده شغلي
اخد يحي الملف و رجع على النيابه قابل وكيل النيابه اللي درس الادله و اصدر قرار بالأفراج عليا و جالي يحي تاني يوم الصبح
يحي: صباح الخير
انا : صباح النور
يحي : صدر قرار بالافراج عنك
انا : قتل تاني صح
يحي : عرفت ازي
انا : مش ها يستحمل يكمل لعبته من غيري
يحي : اشمعنا انتا
انا : معرفش بس شكله عايزني اقربه من حاجه مش فاهم هيا ايه
يحي : طيب وزاره الدخليه اصدرت بيان لي تبريئك و كمان رجوعك تاني لي التحقيقات
باب المكتب اتفتح و دخل منه عصام و وكيل النيابة قعده
انا : طيب محتاج افهم شويه حجات كده بالنسبه لي الجثه اللي لقينها في الفيلا بتاعت مين
النيابة : مدرسه اسمها رباب بتشتغل في نفس المدرسه و كمان ساكنه في نفس العماره
يحي : الملف اللي طلبته من الشهر العقاري اثبت ان الاربع ضحايا كانه شارين الفيلا دي مع بعض و اسم خامس مدرسه برده و اسمها روان ساكنه معاهم و ساكنت في نفس الوقت برده الغريب اني لما دورت اكشتفت ان ورقهم ظهر من العدم في المدرسه دي تواريخ تخرجهم بعدها بيوم تعين في المدرسه دي من الواضح ان المدرسه دي وراها سر
النيابه : انا هكلف حد يحقق في المدرسه دي
انا : دكتور عصام ايه رأيك في الجثه التالته
عصام : عاديه
انا : يعني بنفس الطريقه
عصام : لا نفس الطريقه لا ايوه الجثه نضيفه زي كل مره بس حاسس انه بدأ شغل و مكملوش يعني شغله في الجثه كان بسرعه القلب مكانه و الرحم كمان ايوه في محاولات لي قص الاتنين بس مكملش شغله من الواضح ان يحي بيه وصل بدري و ده لي حسن حظنا
النيابة : اشمعنا
عصام : ده بقي التقرير الجديد اللي هرفعه لي حضرتك شرف يا فندم في كل مره كان يبعت الرحم كان شكل الرحم نضيف يعني مفهوش اي حاجه حتي البيضات مش موجوده يعني زي جهاز بالكرتونه محدش لعب فيه و ده مستحيل بالنسبه لي سنهم و تحاليل جسمهم بتقول ان الرحم كان شغال عادي بس الرحم نفسه مفهوش اي شغل معني كده ان الرحم فيه سر و هو بياخده علشان يدفن السر لدلوقتي لكن الجثه التالته لا الرحم لسه موجود و لقينا فيه جنين عمره شهر
يحي : جنين !!!!!
عصام : ايوه جنين لما اكتشفته عدت شغلي في الباقي و اكتشفت ان اعضائهم الحيويه واخده وضع معين لا إرادي بيقول ان الرحم كان فيه أجنا و ده شيء غريب الان معني كده ان الاتنين الاولين كانه في مرحله متقدمه من الحمل علشان يبان التكوين السفلي لي الجسم بالشكل ده
انا : انا مبقتش فاهم يعني هما كانه حوامل
عصام : ايوه
انا : طيب هل احنا متأكدين انهم مش متجوزين
النيابة : ايوه حتي مفيش عقد عرفي
انا : و لو زواني اول حاجه بتعملها الزانيه تأمن نفسها من الحمل و لو الخمسه شغالين في الدعاره مثلاً يعني ممكن واحده تحمل لكن ثلاثه مستحيل
عصام : اربعه الضحيه الرابعه كانت برده حامل و في شهور اخيره
انا : طيب هما واخدين اجازه من الشغل اصل حوامل و مش متجوزين يروحه شغل في مجتمعنا الشرقي دي فضيحه
يحي : بس ثواني احنا اكتشفنا اوضه في الفيلا فيها ادوات ولاده مش مستخدمه دكتور انتا شوفت الادوات
عصام : ايوه شوفتها
انا : ممكن تكون ادوات إجهاض
عصام : مستحيل كم الاجهزه دي يعمل عمليه ولاده قيصريه مش إجهاض الاجهاض اسهل من كل ده
انا : و ايه تاني في الفيلا
يحي : خمس غرف تانين فيهم قمصان نوم و ملابس حريمي داخلي و اللعاب جنسيه مختلفه
النيابه : يبقي احنا كده بنتعامل مع شبكه دعاره اكبر من الخمسه دول
انا : ممكن شبكه إتجار بالبشر اكبر و اعمق
عم السكوت على الكل الموضوع شكله كبير اوي اكبر من الخمسه دول الغريب انهم لما اقتحمه شقه روان المختفيه الخامسه لقه عندها دفتر فيه اسماء ولاد و بنات اول الدفتر بادئ من زمان من ١٥ سنه تاريخ مكتوب جنب كل اسم و كمان بعد التاريخ مبلغ مكتوب عند أول اسم ١٠ الاف دولار و ها كذا اسماء تواريخ و فلوس حاجه مش مفهومه في الحكايه دي المشكله ان احنا وسط لغز و اللغز محتاج مفتاح علشان يتحل و الخمسه مكان ليهم علاقات خاريجيه بره إيطار الخمس نفسهم يعني سر اي واحده فيهم مع التانيه و بس لغز ملهوش غير مفتاح واحد بس و اسمه الجوكر حل الازمه دي في ايده هو و بس اكيد ليه دوافع و اسباب انه يعمل كده اكيد اصل ليه متعه شخصيه معتقدرش هو ايوه مستمتع بس م نشوه القتل لا نشوه الانتقام و حرقته القاتل ليه ثائر عند الضحايا بشكل كبير و اسرار الضحايا تأكد انه ممكن خمس نسوان حوامل مش متجوزين مليونيرات من اصول معدمه و وظيفه عاديه منين
يتبع ......
طبعا حابب اعتذر عن التأخير يا شباب بس الفتره اللي فاتت كنت بخلص ورق الجيش و التجنيد علشان كده مكنتش فاضي اكتب و عارف ان الجزء صغير بس ها عوضكم كده كده مش فاضل غير جزئين
سلام
