نقاش مشكله اجتماعييه الجواز و تكاليفه

[ناروتو شيبودن (معاذ)]

بصراحة كلام اكثر من رائع.. يلا بينا

هوا حضرتك داخل تشقط و يلا بيكو علي اي بالظبط 😂😂

 

[ناروتو شيبودن (معاذ)]

جاية على الجاهز

هيا وجهة نظرها كدا

 

[الجنتل الزبير]

للاسف اني المجتمع العربي بيهتم بالمظاهر
سيبك من ايه اللي بيتجاب في الجهاز
لازم الفكر يتغير ويكون تجهيز منزل الزوجية بالأساسيات فقط

 

[ناروتو شيبودن (معاذ)]

للاسف اني المجتمع العربي بيهتم بالمظاهر
سيبك من ايه اللي بيتجاب في الجهاز
لازم الفكر يتغير ويكون تجهيز منزل الزوجية بالأساسيات فقط

احنا كشباب و بنات لازم نبدا بالتغيير من العادات دي

 

[محمود 333]

انا عن نفسى ضد التقاليد دى خالص ورفضاها رفض نهائى الزوج يجهز مسكن الزوجية حسب استطاعتة والبنت متجيبش اى حاجة بس كده

قصدك أن هو يجيب الي يقدر علية وميكتبش قايمة

 

[Maram Said]

قصدك أن هو يجيب الي يقدر علية وميكتبش قايمة

ايوة

 

[ناروتو شيبودن (معاذ)]

ايوة

كدا يبقي انتي صح بس مين الي هيرضي بكدا سواء البنت او اهلها

 

[محمود 333]

ايوة

تمام مهو دا الشرع اصلا بس فية ناس كتير مش بتوافق لازم يمضو العريس قايمة

 

[أم قويق]

يا خالتي مش بقول ميجبش انا بقول ان نخفف علي بعض هيا تخفف عن اهلها و هوا يخفف عن نفسه في حاجات بتيجي بزيادة اوي

عشان كده بقول على قد لحافك يابني
ما حدش بيبني بيت في ليلتها لكن النهاردة الراجل يتجوز و ينيل بخت البنت و يسيبها مع كوم لحم و تتشحتف عالمحاكم! فالي ما معاهوش ما يلزموش
يشتغل وًيكون نفسو و يتاهل هو كده
لو هو راضي اختو تاخد واحد زيو … يشوف واحدة من ****

 

[وليد اسماعيل]

هوا حضرتك داخل تشقط و يلا بيكو علي اي بالظبط 😂😂

علي كل خير طبعا

 

[الجنتل الزبير]

احنا كشباب و بنات لازم نبدا بالتغيير من العادات دي

ازاي ياجدع البنت تقوله لخطيبها أنا عايز زي بنت خالتي
اصل صاحبتي جابت طقم حلل سيراميك عايز زيه لازم فكر البنات يتغير

 

[Maram Said]

تمام مهو دا الشرع اصلا بس فية ناس كتير مش بتوافق لازم يمضو العريس قايمة

ماهو لازم العريس يمضى على اى حاجة العروسة هتجيبها ده حقها
لو العروسة مش هتجيب حاجة يمضى هو لية بقى

 

[Ricky]

هيا وجهة نظرها كدا

اصل هى تشيل معايا زى منا بشيل واخد بالك انت ازاى يعنى هجيب الشقة و العفش خليكي جدعة و هاتى الأجهزة الكهربائية و المطبخ مثلا

 

[محمد ايزل]

ماهو لازم العريس يمضى على اى حاجة العروسة هتجيبها ده حقها
لو العروسة مش هتجيب حاجة يمضى هو لية بقى

بصي يا مرام طبعا ده الشرع و القانون بس الأوضاع الاجتماعية في اخر خمسين سنة دخلت فكرة غلط أن العريس لازم يجيب كل عفش البيت مرة واحدة مش يجيب الاساسايات و الباقي بعد الجواز و طبعا اغلب الرجالة مع الاسعار النار مش هتقدر فبقي في ٣ حلول قدام أهل العروسة يا اما يستنو عريس غني و غالبا مش هبجي يا لما العريس يجيب اللي يقدر عليه بس يا لما يشتركوا مع اهل العريس في الحاجة اللي هتتجاب و للاسف بدل ما يختاروا الحل الثاني و ده الافضل ليهم و للعريس اختاروا الحل الثالث و ده من وجهه نظري سبب اغلب المشاكل

 

[وهم الأقنعه]

ماهو لازم العريس يمضى على اى حاجة العروسة هتجيبها ده حقها
لو العروسة مش هتجيب حاجة يمضى هو لية بقى

انا مش عارف هما اخترعوا دين جديد ولا ايه بيتكلموا انه بقى فرض ع البنات خلاص

 

[AMG.]

طبعا بعد غلاء الاسعار و الدنيا بقت صعبة
وكل مكان و له طلباته عاوزين نعرف بقي كل واحد بيجيب اي من حيث عفش و شبكة و مهر و الحاجات دي حسب المكان الي هوا منه و اي الي يقدر يستغني علشان الجواز يبقي اسهل وبلاش احلام وردية عاوز كلام واقعي

ارمى النيش
ارمى السفره
لو عليا وقادر
مش عاوز منها غير انها بتعرف تلعب بلايستيشن وتجيبه وهى جايه بهدومها
مش عاوز منها اكتر من كدا

 

[ناروتو شيبودن (معاذ)]

ارمى النيش
ارمى السفره
لو عليا وقادر
مش عاوز منها غير انها بتعرف تلعب بلايستيشن وتجيبه وهى جايه بهدومها
مش عاوز منها اكتر من كدا

انت داخل علي لعب بقي و معندكش وقت تضيعه

 

[ناروتو شيبودن (معاذ)]

عشان كده بقول على قد لحافك يابني
ما حدش بيبني بيت في ليلتها لكن النهاردة الراجل يتجوز و ينيل بخت البنت و يسيبها مع كوم لحم و تتشحتف عالمحاكم! فالي ما معاهوش ما يلزموش
يشتغل وًيكون نفسو و يتاهل هو كده
لو هو راضي اختو تاخد واحد زيو … يشوف واحدة من ****

كلامك صح يا خالتي بس عندي سؤال ليكي لو ينفع يعني

 

[أم قويق]

انا اتجوزت و خدت فرش اهلي القديم وغيرتلو الاقمشة و جددتو
و كان عندي اربع اطباق وًاربع كبايات و حلل عادية بس جميلة
يعني فرشنا البيت انا و هو و كان اجار! و الي يجيب هدية نشكرو و خلصت
و جيبنا شقة و بشويش جهزناها على مزاجنا و اتنقلنا فيها
و لما اتطلقنا كل واحد خد الي هو عاوزو! و خلصنا بشياكة من غير مشاكل ولا حاجة
ده حتى خرجنا كذا مرة مناسبات مع بعض و الناس مش عارفة
الحوار ده قسمة و نصيب
و بيكون مش جوار اتنين بل جواز اسرتين
الراجل ده عيلتو بنعرفها و عشرة سنين فماكنش في خوف!
و بعدها اتجوزنا و اتنيلنا بشروط بقى
لكن ده بيتعمل مع ولاد الاصل… الي بيكونو مش جاعانين و متربيين! مش مع ناس اصلا منظرها يقرف الكلب الاعور الحزين
دانا بحضر خطوبات احيانا من المنظر باتشل!

 

[AMG.]

انت داخل علي لعب بقي و معندكش وقت تضيعه

لا ياعم
انا مش جايبها من بيت اهلها خدامه انا بعرف اخدم نفسى واعمل كل حاجه اكل وشرب وغسيل وكنس وتنضيف كل حاجه
انا مقتنع انا وهى نتفاهم تعيش اميره اعيش ملك والبيت مملكتنا
غير كدا صدقنى مفيش حياه