بص انا هقولك تجربتي الشخصية
من وانا صغير من سن ١٣ سنة بشتغل لأن كنت حابب استقل بنفسي من كتر ما كنت بسمع عن موضوع البطالة وانت زي ما اتكلمت وشرحت باستفاضة ف ده كان مسببلي عقدة من وانا صغير ان لازم اشتغل ع نفسي ف من صغر سني اشتغلت ف اماكن كتير عشان ميتقالش عليا عاطل اشتغلت ف سوبر ماركت وفندق وشركات كعامل مقاول واتعلمت كتير جمب دراستي وشوفت ان عمال المقاول او اللي مش لاقيين شغل وبيشتغلوا اي حاجة بتبقي معاملتهم وحشة اوي مع نفوس مريضة متعينة ف شركات ف اشتغلت علي نفسي كتير ف الدراسة والشغل ده لحد ما بقيت حالياً مدير علي ناس كنت شغال مقاول تحت أيديهم ووريتهم نفسي وحاليا ف اكبر شركة للحديد والصلب علي مستوي الشرق الأوسط واصغر مدير ف مكاني عمره ما جيه الشركة ولا هيجي بسبب المؤهلات العلمية والدراسية والخبرات اللي استفدت بيها
رأيي حالياً ان مش لازم ناس كتير تدخل ثانوي عام وكليات وكدة لأن فيه حاجات كتير اوي تقدر تدخلها وتلاقي شغل ولو كملت كلية مثلا وثانوي عام وكدة ممكن تكتسب خبرات كتيرة ف وقت قصير وتعدي ف اختبارات الشركات اللي بتطلب مؤهلات فنية كتير واعتقد نسبة كبيرة من المؤهلات الفنية حاليا بتبقي اغني من مهندسين ولسه مس لاقيين شغل
ليا ناس اصدقاء وقريبين مني مهندسين بترول وشغالين ف محلات عطارة وكاشيرات
المؤهل مش هو السبب الرئيسي انك تلاقي شغل لأ اكتسب خبرة ف اي مجال انت حابه وكمل فيه هتلاقي مكانك موجود
تجربتي الشخصية ورأيي المتواضع