*****************قصة كفاح أنثى *************
بعد وفاة الأب سنة 1985
قامت الأم برعاية بناتها الاربع حق رعاية
كان قد ترك لها الزوج اربع بنات
الزوج من شدة حبه لزوجته قد اطلق اسمها على أول طـفلة لهما
فاطمة 16 سنة ...أولى ثانوى
فايزة 13 سنة الاعدادية
نجاة 11 وشادية 11 سنة ..توءمان
مات الزوج منذ 10 سنوات
كان عمر فاطمة الأم حينها 27عاما فى ريعان شبابها ..لم تفكر فى نفسها ..أو فى متعتها
أو تتخيل أن تكون مع رجل آخر
زوجها كان يعشقها بجنون وهى كذلك
مات غرقا فى النيل
كان يعمل فى البر الاخر وظيفة لم يمهله القدر الا 3 اشهر فقط
يومها كان قد استلم راتبه
وكان ع العبارة ليعود لاحبابه
وما ان طُلب منه أجرة العبارة
كان معه اكياس من الفاكهة
وما ان حاول اخراج محفظته وهو يحمل اكياسه لم يستطع فما كان منه الا وضعها بين ساقيه
ولكن انفلت الكيس وتدحرج ما فيه
لتجرى منهم تفاحة فى طريقها للماء
واذا به يطاردها لتسبقه الى الماء
لكن ما لبث أن ترنح وغلبته الجاذبية خلفها
لانها التفاحة الوحيدة بينهم التى تحبها فاطمة
تفاحة تميل إلى الغامق مع البنى
لكن تسحبه مروحة العبارة لتضربه فى راسه
وتتهاوى جثته إلى أعماق النيل
فى البيت تنتظر الزوجة مع بناتها
قد تأخر كثيرا
هناك رجل فى المنطقة قد عرف بغرق حسين
فهما يعملان فى نفس المصنع
وكان معه على العبارة
لكنه جلس أمام بيته وقد قرر ألا يخبرهم
الجو كان حارا لكنه تناول غداءه ف الشارع
وبقى مكانه لا يتزحزح حتى رأى عسكرى
يدخل الشارع لم يجد أحدا ليسأله عن بيت حسين ليخبر اهله بالحادثه
والرجل اخذه لداخل بيته واخبره ان كان يريد ان يجهز له طعاما او شايا فقط
العسكرى.طلب الشاى فقط
الجار...لو سمحت لا أريدك أن تخبرهم فى وجود البنات سيكون لهم صدمة اتركنى أمهد لهم
!!!!!!!!!!!!!!!!!!!!!!!!!!!!!!!!!!!!!!!!!!!!!!!
نعود الأن لنكتب القصة ولكن بلغتنا الدارجة
الجار بيقول نعملها ازاى نعملها ازاى
واخيرا استقر على رأى
راح السوق واشترى شوية فاكهة زى اللى كانو مع ابوهم
راح بعد العصر وخبط على بيتهم
والبنات جت تجرى ابونا رجع
لكن وجدو جارهم
اذيكم يا بنات فين الست الوالدة
وينادو امهم
الجار..
الاسطى حسين الشركة بعتته مصر عشان يوصل عينات للى بيعمله المصنع ومكنش فيه وقت وبلغنى ابلغكم وادانى الفلوس دى والفاكهة اوصلهالكم وممكن ياخد اسبوع ولا عشر ايام ويرجع
البنات تاخد الفاكهة وتجرى لجوة
والجار يقول للست
ام محمود ف البيت عايزاكى شوية بعد المغرب مش عارف بتسأل عن وصفة اكلة انت بتعمليها احسن منها عايزاك معاها وهى بتعملها
الست فاطمة..
حاضر يا عم خضرى
( خضرى يجى 50 سنة طيب وف حاله بس دقرم وذكى ومش بيقصد حاجة معاها بس عايز يوصلها الخبر من غير ما يأثر ع البنات)
بعد المغرب تروح الست فاطمة
تلاقى ام محمود وكمان يجى 5 رجالة من المنطقة
ام محمود تروح تحضنها وتبكى وتقولها اوعى تصرخى
حسين مات وتسد بقها
فاطمة عيونها دمعت وسورقت وقعت ع الارض
بعد نص ساعة فاقت وفضلو يتكلمو معاها بالراحة والكل بيشارك عشان البنات متسمعش دلوقت ويبقى تمهد لهم
وخضرى يشرح لها ازاى حصل كدة
وف الاخر يقولها لسه بيدورو ع الجثة
وكان بعد العصر راح لعضو مجلس الشعب عشان يجيبو محفظة حسين وحاجته وكدة
وخضرى سلمها المحفظة وام محمود اخدتها جوة عشان تاخد لها شوية تبكى فيهم
بعدين قالت لازم اكون قوية قدام بناتى عشان اعرف اربيهم كويس
وغسلت وشها ورجعت لبيتها
تجهز العشا للبنات
تانى يوم قدرو يخرجو الجثة
والغريب ان التفاحة كانت فى يده
بعد الجنازة والبنات مش فاهمه ليه حريم كتير بتيجى البيت تبكى شوية ويحضنو امهم
مفيش الا فاطمة الكبيرة اللى فاهمة شوية وبكت لحد ما امها تقولها خليكى قوية عشان اخواتك
الست بعد الجنازة رجعت فلوس عم خضرى واصرت لازم ياخدهم وف الاخر اخدهم
الست عملت لها فاترينة فيها شوية بقالة
بتعمل كمان صوانى بسبوبة للى يطلب
طلع لهم معاش 24 جنيه ف الشهر
بنتها فاطمة دخلت المدرسة
اشترت لها اجمل مريلة وشنطة كمان عشان متحسش باى فرق بينها وبين زميلاتها
من اول يوم بعد المدرسة
فاطمة اخدت أمل وعمر ف القراءة
امها اللى مش بتعرف تخط اصلا
علمتها ازاى تكتب امل وعمر بطريقة حلوة
فتحت لها علبة كبريت واتعلمت لكن البنت قالت خسارة علبة الكبريت كان تمنها قرش
جابت كوز درة ناشف اخدت منه شوية
وفضلت تكتب وجابت الكتاب..
المدرس كتب لها اسمها عليه بخط حلو..
ونقلت اسمها
وكتبته لحد ما اتعلمت اسمها صم
بعدها اتعلمت ازاى تكتب اسم اخواتها
قالت لامها اكتبى لى اسماء اخواتى
امها اخدت حتة كرتونة وراحت لعم خضرى
وكتبلها اسماء بناتها كلهم
البت كمان اتعلمت تحسب بالدرة
بعدها عرفت تستهجى وتكتب
وجابت كيس من بتوع الكمون اللى كانت بتيجى مكيسة
مكنش متوفر اكياس بلاستيك وقتها
واخدته فى شنطتها وتحسب مع المدرس
خلال شهرين البنت بقت لهلوبة
والدنيا ماشية والام **** محوجهاش لحد
ولا اتذلت لحد
ولا فيه صنف راجل حاول يتقرب لها لا عن قريب ولا بعيد
لا ف الحلال ولا الحرام
ولا حد يقدر يتقدم لها ومعاها اربعة
تعدى السنين والبنت الكبيرة ف تالتة اعدادى
وتنجح الاولى ع المركز
واختها فايزة تطلع الاولى ع المدرسة
وكانت سنة ساتة ابتدائى
ونجاة وشادية فى سنة رابعة
والبنت كانت عايزة تروح دبلوم تجارة
يعنى فاهمة الوضع وكدة
لكن امها اصرت انها تروح الثانوى
لكن خالتها جاتها البلد بعد ما جوز خالتها مات
وطلبت منها تيجى بعيالها تعيش معاها
واصرت عليها واقنعتها
فاطمة لسة صغيرة وقتها كان عمرها 36 سنة
وفعلا قفلت بيتها بقفل
واخدت هدومها وهدوم بناتها
خالتها حولت بناتها للمدارس
خالتها ساكنة فى منطقة اسمها كفر العلو ..تبع حلوان بالقاهرة
بعد مصنع الاسمنت ومصنع الحديد والصلب جنوب حلوان
كانت مرتاحة ماديا شوية
والبنات كانت مبسوطة كمان
لكن لم يمهلها القدر كثيرا
فقد مرضت الام بمرض عضال ف القلب
لقد كتمت حزنها لسنين من اجل بناتها
لكن قلبها من الغم قد انفجر
البنات قد كبرن والحزن معهن زاد
بعد وفاة ام البنات
جدتهم تكفلت بتربيتهم ورعايتهم
كان للجدة رصيد فى البنك بعد وفاة جوزها
استلمت نصيبها من الميراث
بس كان ليها حساب فيه اضعاف الميراث
معاها ولد عايش فى باريس
حتى مجاش يوم وفاة ابوه بعت برقية عزاء
وتمر الايام بطيئة
الجدة اعطت لكل بنت الف جنيه
وقالت حاعملكم فى الجنينة اوضتين وصالة
لها باب برة وجوة واكتبها باسمكم
وفى صباح اليوم التالى
فاطمة راحت تصحى جدتها عشان تفطر
لكن لقيتها قد فارقت الحياة
الجيران وصحبات جدتها بعد الجنازة
عملو عزا ع الضيق للنسوان
مفيش حد جه اساسا عشان الست ف حالها
المحامى ارسل برقية لابن الجدة عشان يجى يستلم بيت الوالدة وفلوسها اللى ف البنك
قال له حاجى كمان شهر
فاطمة ومعاها اخواتها مصيرهم ايه
البواب طلع معاهم كريم وجاب لهم اوضة على سطوح عمارة من نفس الشارع
ايجارها 50 جنيه ف الشهر
فاطمة واخواتها اخدو هدومهم وراحو سكنهم الجديد
فى اول ليلة وبعد ما اخواتها ذاكرو ونامو
********************************************
الصبح بدرى نزلت تجيب افطار
راحت وهى طالعة السلم صادفتها زينات
زينات...
الا قوليلى يا عروسة انت رايحة لمين
فاطمة..
انا واخواتى اتاجرنا اوضة السطوح
زينات ..
يعنى كنتو هناك الليلة اللى فاتت
ليه مشفتش حد هناك
فاطمة..
لا بنام بدرى عشان بنصحى بدرى نذاكر ونراجع
احنا فى مدارس
يصادف بواب جدتهم معدى ف الشارع
يشوفهم ويطلع يقول
فيه حاجة يا ست زينات ولا ايه
زينات ..
هو انت تعرفهم
البواب..
ايوة دول جدتهم اتوفت وبيتها جاى يستلمو خالهم لما يرجع يرجعو تانى
عشان هو الوريث الوحيد اما امهم ماتت قبل جدتهم يعنى ليهم وصية بس مع المحامى
بنات مؤدبين مش حيزعجوكم بينامو بدرى
مش حتسمعى لهم حس
اطلعى يا فاطمة عند اخواتك
فاطمة..
حاضر ياعم
..........................
دخل الشتا والبنات من البرد بتنام مع بعض
يدفو بعض
فاطمة كانت 18 وفايزة 15
ونجاة وشادية 13 سنة
وكلهم مراهقين
التوءم كانو مع بعض متفاهمين
هما على سرير واحد
فاطمة وفايزة على الارض نامو
لكن التوءم صاحى
بعد نص السنة
ابن جدتهم رجع من اوروبا
واول حاجة حصلت المحامى وصل بعد المغرب
الاخ بيقول للمحامى يلا عايز اخلص واسافر
المحامى طلب الاول لازم يكونو
فاطمة حسين.وفايزة ونجاة وشادية
الاخ ...
مين دول
المحامى...
دول قرايب الوالدة
الاخ بينادى البواب ...
يا عليوة عليوة
علوية جه يجرى
الاخ للمحامى قوله الاسماء
المحامى يقول للبواب الاسماء
الاخ تعرفهم ويبقو ايه للمرحومة
علوية..
دول امهم تبقى بنت خالة سعادتك
المرحومة راحت مخصوص الصعيد وجابتهم
يونسوها ويخدموها
امهم ماتت هنا
والمرحومة كانت بتحبهم وبعد ما اتوفت
المحامى استلم البيت لحد ما ترجع سيادتك
الاخ...
ايه يا متر .مالهم بالورث
المحامى...
لما يجو حتفهم
الاخ ...
بتعرف طريقهم يا عليوة
عليوة ..
ايوة سعادتك
المحامى ..
قريبين نستنى ولا نيجى مرة تانية
عليوة ..
لا هنا ف الشارع..بس بينامو بدرى
كلهم تلامذة يا بيه
الاخ كان اسمه أحمد 39سنة
عايش فى فرنسا
المحامى ..
والعمل ايه
عليوة..
اروح اشوفهم يمكن الاقى حد صاحى
المحامى ...
انا حاروح معاكم
احمد..
وانااقعد اعمل ايه
ما نديهم حسنتهم ونخلص الموضوع
بدل التعب ده
المحامى ..
لا مينفعش
ياخدو بعضهم ويطلعو
زينات تصادفهم ع السلم تلاقي اتنين بهوات وعليوة البواب
زينات ..
على فين البهوات
عليوة..
البيه خال البنات جاى يشوفهم
والاستاذ يبقى المحامى
المهم يطلعو ويخبطو يلاقو البنات لسه حينامو
فاطمة من ورا الباب ... مين
عليوة ..
انا عليوة يا بنتى افتحى معايا ضيوف
تفتح تلاقى مع عليوة اتنين
عليوة..
دة استاذ احمد يبقى خالكم ابن جدتك
ودة الاستاذ فوزى المحامى
فاطمة..
اهلا بيكم بس احنا دخلنا ايه ف ده
المحامى..
المرحوم تركت وصية لازم تكونو معانا واحنا بنفتحها
فاطمة..
ايوة هى قالت حابنيلكم اوضتين فى الجنينة لكن ملحقتش الف رحمة ونور عليها
عليوة..
ما تيجو ربع ساعة وترجعو
فاطمة ...
معلهش يا عم عليوة الدنيا برد
واخواتى اتنين نامو بيصحو بدرى يذاكرو
وانا مقدرش اسيبهم واخرج
المحامى..
خلاص نخليها بكرة بعد المدرسة
جيبى اخواتك وتيجو
فاطمة ..
ماشى يا سعادة البيه
ياخدو بعضيهم ويمشو
تانى يوم بعد المدرسة ولما رجعت البنات كلهم
وهما بيتغدو الباب خبط
كان عليوة ...
خلاص يا بنتى جاهزين
فاطمة...
نغير هدومنا ونيجى وراك يا عم عليوة
بعد نص ساعة فاطمة مع اخواتها يكونو هناك
المحامى يوصل
يقعدو ف الصالة
فاطمة لنجاة وشادية ...
روحو العبو ف الجنينة
وتقول لفايزة ..
وانت معاهم وابقى افهمك
المحامى نبدأ على بركة الخالق
ويسمى ويطلع دوسيه من شنطته
اقر انا سعيدة حسن البحيرى وانا فى كامل قواي العقلية أن هذه وصيتى الاخيرة وحين كتبتها كنت فى صحة جيدة بوجود المحامى فوزى منصور ابو عمرة
ان زوجى الراحل قد ترك ثروة وقت وفاته تقدر ب 34 الف جنية فقط لا غير
وتركتها على حالها بحساب منفصل للسيد أحمد عبد العزيز احمد الرملى وكلها مع ارباحها له وحده خالصة
وانى اضفت على هذا الحساب مبلغا وقدره 15 الف جنية كهدية منى إليه
وحسابى الشخصى به مبلغ 45 الف جنيه
وبيت من دورين وله حديقة بسور
وجملة الارض وما عليها 3 قراريط
وهى ملكى الخاص لم ارثها من زوجى الراحل
وان ابنه احمد ليس له حق فى ميراث منى
ولن يرث ارضا ولا بيتا ولا اموالا
لانه ابن زوجى من زوجة اخرى
احمد ..
انت بتخرف تقول ايه
ازاى من زوجة اخرى
يعنى اللى ربتنى دى متبقاش امى
اومال انا مين ومين امى
انا باحلم اكيد ..ولا ده كابوس
المحامى..
اهدى استاذ احمد وحتفهم كل حاجة
احمد...
افهم ايه ..وازاى
المحامى..
لو سمحت اهدى
احمد..
لا سيبك م الوصية مفيش وريث تانى
ابنها مش ابنها انا الوريث الوحيد
المحامى..
حضرتك البيت والارض واللى حواليه مبقتش اصلا ملك للمرحومة سعيدة
البيت واللى فيه بجنينته
بقى لورثة الاخت فاطمة عبد العال على
اللى هما فاطمة واخواتها
هما اصحاب البيت والفلوس ف البنك
الست سعيدة قبل وفاتها كتبت للبنات
على اساس انهم الورثة للقرابة
بيع وشراء وليس توريث
احمد..
انت بتخرف تقول ايه
المحامى...
اهدى وحتفهم
دى شهادة ميلادك فيها اسم المرحومة الوالدة الحقيقية اللى اتوفت يوم ميلادك
بعدها اخدك ابوك ووداك لمراته التانية اللى هى المرحومة سعيدة اللى صادف انها كانت ولدت قبل اسبوع لكن بنتها اتوفت
ويوم ما ولدتها بنت.ابوك طلقها مش عايز بنات
هى اللى قامت بتربيتك
احمد...
لما هى ربتنى ورضعت من حليبها عملت كدة ليه وحرمتنى
المحامى ..
المرحومة محرمتكش من نصيبك
اداتك نصيبك من والدك وكمان هدية من عندها
البيت كانت اشترته الست سعيدة بعد ما اتجوز عليها واحدة تانية وبعد ما ولدت بنت طلقها
المرحومة قبلت تربيك وهى مطلقة لحد ما رضيت تتجوزه من تانى عشان خاطرك
باع بيته وسكن معاها هنا
وبيتها ده اشترته بعد ما هى واختها باعو نصيبهم كام قيراط ف الصعيد
ومعملوش ورق
هى واختها مجيدة اتفقو لما تتحسن الظروف يبقى يتحاسبو
ومجيدة ماتت بعد ما اشترت البيت وكانت حتسجله بالشرك مع اختها لكن القدر ماتت
ومجيدة اللى تبقى جدة البنات دى
المحامى..
عشان تفهم كل حاجة ادى صورة جواب منها
بتفهمك كل حاجة
خلاصة الكلام بكرة تستلم فلوسك من البنك كاملة وتاخد حاجتك من هنا وتسيب البيت لاصحابه دى مفيهاش كلام
ووصاية البنات عندى 3 سنين لحدما تكمل فاطمة سن 21 سنة
لان السيدة سعيدة اوصت ان البيت يبقى تحت وصايتى وفلوسهم كمان
بكرة الصبح حاجى اخدك للبنك وتيجى تاخد كل اللى يخصك من هنا ..اخر كلام
الاخت فاطمة قلت اي
يلاقى فاطمة حطت راسها بين ايديها ونايمة
يصحيها المحامى..
قلت ايه
فاطمة ..
خلصتو نقدر نروح انا واخواتى
المحامى..
تروحو ايه انت مش كنتى سامعة
فاطمة.
مش فاكرة سمعت ايه
وتيجى تقوم... نروح بقى
المحامى ..
تروحى ايه البيت بقى بتاعكم
فاطمة ...
بتاعنا ايه وهى ملحقتش تبنيه
المحامى..
لا انا اقصد كل البيت المرحومة سعيدة كتبته ليكم
الاخ احمد يفتح الجواب
ابنى الحبيب
فى اوائل الستينيات
ابوك جه البلد بيدور على واحدة يتجوزها
ناس دلته علينا
اختى مجيدة كان متكلم عليها واحد واختارنى
واتجوزنا ع الضيق وسافرت معاه مصر
ابوك كان شغال طباخ عند ناس اغنيا
شغلنى معاه خدامة .قبلت عشان هو معايا
لما عشت سنة ومحبلتش اتجوز واحدة تانية
وعشان كانت حلوة كان قاعد معاها
وانا كنت ابات هنا برة البيت ف اوضة الخدامين ويبات عندى مرة كل اسبوع ولا اتنين
لحد ما حبلت وقالى كمان مراته التانية حبلت
بعد كام شهر زنت عليه مراته التانية يطلقنى
اتاريه طلقنى من شهر ومقالش عشان مش باخلف
وبقيت لا جوز ولا سكن
بالصدفة اختى مجيدة جت تزورنى وجايبالى حقى من الارض اللى باعوها
لما لقيت حالى كدة وعرفت اللى حصل كانت عايزانى ارجع معاها لكن مقدرتش
كان فيه بيت معروض للبيع ب800 جنيه
كان معايا 50 تحويشة عمرى
كانت تمن الارض 600 جنيه انا وهى
اداتنى حقى وحقها وقلعت دهبها
كردانها وغوايشها وخلخالها وحلقها
بالعافية رضيو ياخدو الفلوس ناقصة 30 جنيه
قالت بعد ما تتحسن حالتك نبقى نتحاسب
ماهى اختى الكبيرة
رجعت بلدها اتجوزت وكان جوزها كريم
حكت ع اللى حصل لكنه قالها ده مالك ومال اختك ومقدرش ازعل
المهم عشت وحدى وعملت برة البيت دكانة صغيرة ابيع واعيش منها
اختى ولدت بنتها فاطمة
وانا بعدها بفترة ولدت اختك اللى اتوفت بعد يومين ..لقيت ابوك جاى ومعاه عيل لسه لحمة حمرا يقولى ابنى احمد ماتت امه ربيه بدل بنتك اعتبريه ابنك
انا وافقت بشرط تكون متسجل باسم امك الحقيقية ولما جاب لى شهادة الصحة اخدتك وربيتك وابوك كل اسبوع ولا اتنين يجى يزورك
لحد ما انت ابتديت توعى للكلام وقلت ماما
شوية شوية وابوك بيزن عليا عشان نتجوز من تانى ولما انت اول مرة قلت بابا ..انا وافقت
ابوك مكنش يقصد نتجوز عشان يعيش مع ابنه
لا.. عشان يبيع بيت مراته ويفرفش
فرتك الفلوس ف الكباريهات واللف البطال
لحد ما خلص عليهم
وجه ياخد منى قلت له منين
بقيت شغالة بالدكان والدنيا تمام
ابوك سابنى وطفش
انت وصغير رحت البلد لما اختى ماتت
انت وفاطمة تبقو اخوات م الرضاعة
اخدتك معايا واخر ايامك قبل الفطام كنت بترضع مع فاطمة اللى مكنتش ترضى ترضع من غيرى قعدت هناك سنة تقريبا
فطمتك وفطمت فاطمة قبل الاوان
وبعدها سبتها مع ابوها واتجوز واحدة تانية عشان البنت
انا رجعت بس قبل ما ارجع لقيت لى كمان قيراط ارض ورث من امى
بعته المرة دى باكتر من 150 جنيه
عشان كان جنب طاحونة وعايزينه
ورجعت مصر والدكان كبرته وبقالى صيت
وابتدت الدنيا تولع وكنت اعرف اوفر السكر والشاى والزيت المهم ومكنتش باقصر
عشان البلد كان فيها ازمة
ولما جت النكسة والبلد مبقاش فيها فلوس والحرب شغالة ..كنت بادى الناس بالدين
وبالاجل وكان رزقى بيجينى
ومفيش حد نسى اللى عليه والكل دفع دينه
مش حاطول عليك
اللى عايزة اقولهولك رزقى زاد والفلوس كترت
اشتريت دهب وخزنته والدهب بيزيد
وبعد خمس سنين رجع ابوك وقال كان ف الحرب وانا مش مصدقة اصلا
اتاريه اتجوز واحدة وبعدين اتطلقت منه لما عرفت انه مليش ف الشغل وكُسلى
خليته يشتغل معايا بس براقبه
كان بيسرقنى وانا ساكته
حاول كتير انى اكتب له البيت انا رفضت
عدت ايام والسنين ابوك بيسرق بس قرطت عليه بعد ماجبت عيل بتاع دبلوم شغلته يمسك الدكان وسرقة ابوك خفت
قعد ف البيت ياكل ويشرب وينام
المهم الجنيه بقى 10 والزايد اشترى بيه دهب
من غير ما يعرف ابوك
انا اللى صرفت عليك ف تعليمك
وبعتك بلاد برة
بعد عمر عرفت ان ابوك كان حاطط فلوس ف البنك اتاريه اتجوز 5 حريم ارامل
عشان يكون عندها بيت وبعد ما تحوله البيت باسمه يبيع البيت ويطلقها
عرفت قريب لما مات من كام سنة
حتى انت استخسرت تيجى واجب ابوك
وربـنا امرنا نعطى اليتامى حقهم
وبيتى وتجارتى كلها نصيبى ونصيب اختى
ابوك ملوش فيها قرش واحد
فيبقى حرام شرعا لو خليتك تورث حاجة مش حقك ..فلوس ابوك ملمستهاش سبتها باسمك
وكمان عليهم 15 الف جنيه
اعذرنى يابنى الحق حق
اتمنى انك تسامحنى
امك سعيدة
فاطمة واخواتها يرجعو سكنهم ويباتو هناك
الصبح تفطر اخواتها وتقولهم ..
النهردة اجازة من المدارس عندى ليكم مفاجاة
اخواتهم يتلمو عليها..
مفاجاة ايه مفاجاة ايه
فاطمة...
بعد الافطار حاقولكم
بعد الافطار
فاطمة..
كله يلم هدومه وكتبه وحاجته كلها
حنرجع نعيش ف بيت جدة سعيدة
فايزة...
ليه حصل ايه
فاطمة ..
المفاجاة هى
ان جدة سعيدة كتبت لنا البيت كله
البنات ترفع ايديها الف رحمة ونورعليك يا جدة
وبعد نص ساعة كله يجهز ويطلعو على بيتهم
الجديد ولما وصلو
عليوة قالهم ...
استاذ احمد
خرج من الصبح بدرى ومش راجع تانى
عليوة يفضل بواب زى ما هو
ويجيب بنته الكبيرة سعدية 28 سنة تشتغل خدامة متجوزة تخدم البنات وتروح اخر النهار
تمر الايام
وفاطمة تدخل كلية العلوم قسم طبيعة (فيزياء)
واخواتها مجتهدين ف دراستهم
زى ما هما بينامو بدرى ويصحو بدرى
فاطمة وصلت سنة تالتة كلية برضو مجتهدة
وصل الكلية معيد جديد حياخد ماجستير من برة
الكل بيقوله بروفسير فؤاد
كان بيدى محاضرات لفاطمة
شاف نشاطها وتفوقها واعجب بيها
بعدها ابتدى يقرب منها شوية شوية
وهى ابتدت تحس بانجذاب ناحيته
كانت فاطمة متحبش المغالاة فى لبسها
يعنى زى اى بنت متوسطة
لا ماكياج ولا برفانات
مهتمة بالدراسة وبس
كان البروفسير كل يوم والتانى يروح كافتيريا الجامعة يلاقيها بتذاكر بين المحاضرات
توصل فاطمة سنة رابعة
اختها فايزة كانت فى نفس الجامعة بس طب
كانت كمان متفوقة فى الدراسة لاقصى الحدود
لدرجة انها ممكن توقف فى نص الشارع عشان تدور على معلومة فى اجندتها او كتاب معاها
يوم بعد يوم البروفسير فؤاد زاد اعجابه بفاطمة
وهى اتعلقت بيه كمان شوية
واعترف له بحبها
وقال قبل الامتحانات حيوصل لندن يقدم رسالة الماجستير ويجى مع اهله يطلبها
بس فؤاد مكنش عارف ياخد منها اى معلومة عن بيتها فين ولا اهلها
كل مرة تقوله لما تخلص دراستها
لكن قبل الامتحانات وتقريبا الدراسة بتشطب
راح وراها يراقبها
سعدية كانت فى السوق بتجيب خضار
وهى داخلة كان ابوها حيدخل الحمام ويقولها ليه اتاخرت اخلص الحمام واجيلك
وتدخل فاطمة تجرى منغير ما حد يشوفها
على حمام البيت اصلها مزنوقة
ف اللحظة دى كانت سعدية لسه ف الجنينة
حتدبح فرخة
ويطلع عليوة ع البوابة
يلاقى واحد واقف ع الباب
فؤاد ..
لو سمحت مين اللى دخلت دلوقتى
عليوة..
دى بنتى يا حضرة بتسال ليه
فؤاد..
انت صاحب البيت
عليوة..
لا انا البواب وبنتى هنا الخدامة
فؤاد يتقلب حاله ويرجع
بقى بتشتغل خدامة عشان كدة مش عايزة تقولى اى معلومة عنها ولا اهلها
يرجع فؤاد ويسافر تانى يوم الصبح
لكن فاطمة كل يوم تروح الجامعة
تاخد كتاب من المكتبة وتقعد ع الكافتيريا
وكل ما يعدى شخص تفتكره البروفسير
بعد اسبوعين كانت ع الكافتيريا
فؤاد رجع الجامعة قبل الامتحانات لكن لسه متحددش موعد للماجستير
هو ومعدى قصاد الكافتيريا شافته فاطمة
ونادت عليه وهو وقف بعدم مبالاة
تقوله..
امتى رجعت من برة
فؤاد ..
وده يخصك ف ايه
فاطمة..
حصل ايه يا دكتور
كلامك اتغير ليه
فؤاد..
كل ما اسالك عن بيتكم او عن اهلك تتهربى منى
لكن قبل السفر عرفت حقيقتك
عرفت انك خدامة فى البيت اللى فى حلوان
وانا اتخدعت فيك وانا محبش اربط نفسى بخدامة مش من مستوايا
فاطمة.. و بابتسامة..وقلبها بينزف من الحزن
انا خدامة..
عندك حق انا مش من مستواك
وتسيبه وتمشى ع البيت
توصل البيت وتنادى عليوة
هو مفيش حد جه سأل هنا قبل اسبوعين
عليوة بيفتكر
ايوة افتكرت ..
واحد كدة كان راكب عربية
وبدلة شيك شاف سعدية وقال لى مين اللى دخلت دى دلوقت
انا قلت دى بنتى وبتشتغل خدامة
فاطمة فهمت الموضوع وابتسمت
قالت لعليوة نضفو العربية دى
كانت عربية الست سعيدة
اشترتها جديدة قبل ما تموت عشان تديها هدية لابنها لما يرجع...لكن النصيب اصبحت من ورث البنات
تنضفها وتغسلها وتشوف لى سواق
تانى يوم كانت جابت ترخيص للعربية تدخل الجامعة لاخر السنة يعنى شهر تقريبا
عرفت المواعيد اللى بيدخل فيها فؤاد وتروح تخلى السواق يقفل عليه وهو داخل م البوابة
لحد ما لمحها فؤاد راكبة من ورا
وهى معبرتوش اصلا ولا بصت ناحيته
يروح وراها
يلاقى السواق بيفتح لها الباب
وهى تدخل للمكتبة ولا تعبره
فؤاد يروح ناحية السواق
يقوله العربية دى اول مرة اشوفها هنا
السواق..
دى عربية انسة فاطمة حسين السعيد
من حلوان يا حضرة عربيتها كانت مركونة
لحد ما قررت تروح بيها الجامعة
فؤاد..
تقصد بيتها اللى فيه عليوة البواب
السواق ...
ايوة هو ده
فؤاد..
هو بنت عليوة الخدامة اسمها ايه نسيت
السواق..
بنت عليوة اسمها سعدية ومرتى كمان
فؤاد..
يعى كلكم بتشتغلو عند انسة فاطمة
السواق..
ايوة وكمان اخواتها انسة فايزة والانسات شادية ونجاة
فؤاد فى سره...
انا غبى بصحيح
مكنتش اتسرعت كده .. انا غبى
يرجع البيت يحكى لامه وابوه اللى حصل
ابوه.....
عشان غبى
فؤاد..
تروحو معايا نطلبها رسمى
امه ..
مينفعش دلوقتى انت اهنتها من كام يوم
يعنى ممكن تطردك من ع الباب
تخلص الامتحانات
فاطمة تاخد اخواتها للصعيد تزور قرايبها
بقالهم شهرين هناك والبلد عجبتهم
الجامعة كانت عينتها معيدة
ومش عارفين يوصلولها
كل ما يروح حد من الكلية يقولوله مسافرين
لحد ما وصل لهم ف مرة واحد وقالهم لازم حد يوصلهم ويديها الجواب ده فورا
لازم قبل اسبوع تكون هنا
فؤاد كل يوم يروح عند بيتهم ويسأل عليوة او السواق يقولو له مسافرين
واتعودو ما يقولوش لا عناوين ولا اسرار
المهم عليوة خلى جوز بنته اللى هو السواق
يسافر الصعيد واداله العنوان بس يقوله اوعى تدى عنوان البنات لحد
وفعلا تانى يوم يكون هناك ويسلم الجواب للانسة فاطمة
اللى تفتحه تعرف انها اتعينت معيدة ف الجامعة وحصلت على منحة مجانية لدراسة الدراسات العليا بجامعة كامبريدج ولازم تسافر خلال شهر
فاطمة كانت ذكية كانت عاملة باسبور من اول ما وصلت سنة رابعة
لانها نوت تاخد ماجستير من برة على حسابها اذا معيونهاش معيدة
تانى يوم ترجع مع اخواتها حلوان
وتروح الجامعة وتستلم ورق المنحة
وبعدين يومين توصى اخواتها يحافظو على نفسهم وميخرجوش من البيت
جابت لهم تلفزيون كبير
والدش كان لسه نازل جديد
ووصت عم عليوة يخلى باله منهم
وسافرت انجلترا وكانت بتدور على مكتب المنح
لسه ضعيفة ف الانجليزى شوية
لحد ما لقيت حد بيتكلم مصرى
راجل وست وكمان لهجت الست فيها صعيدى
وقبل ما توصل كمان بنتين يجو معاهم وكلهم بيتكلمو عربى وصعيدى
تقرب منهم وبصوت عالى احمدك يا ربـى
وكمان صعايدة وتروح تسلم على البنات وتحضن والست كمان وتسلم ع الراجل بايدها
وتحكيلهم هى هنا ليه
الراجل يروح معاها يخلص لها كل اوراقها
والباقى منتظرهم برة
تقول لهم جه وقت التعارف
البنات
انا نهى بادرس ماجستير
انا ياسمين خلصت ماجستير وبادرس دكتوراة
واحنا الاتنين من الاقصر
تقولهم وانا ولدت وعشت كام سنة فى الافصر
الست..انا من الاقصر دكتورة هنا فى نفس مجالك وحاحاول اخدك اكون مشرفتك
واللى بتناقشك كمان
الراجل ..انا اسمى كمال دكتور برضو نفس تخصصك بس فى جامعة اكسفورد
والدكتورة منيرة مراتى
تقولهم انا عايزة اشوفلى فندق لسة واصلة
منيرة فندق ايه
دى اللى مشلتش الارض نشيلك فوق راسنا
وياخدوها البيت
الدكتورة كانت طيبة
تنادى الدكتور كمال بعيد شوية ويتكلمو انجليزى
المهم اتفقو مع بعض يدوها بحث من ابحاث الدكتور تقدمه للجنة
وبعدين نديها افكار وكتب تراجع فيها ونحدد لها نوعية الرسالة
المهم كأنهم جهزو لها الرسالة كلها
كل اللى عليها تتقن الانجليزية وتراجع
خلال اسبوع كانت الدكتورة منيرة اخدت اشراف على رسالة فاطمة
وبحثها قبلوه منها
وجهزت كل الكتب والمراجع قبل ماترجع مصر
وكمان رجعت بتليفون محمول تشترى خط لما توصل مصر ومعاها رقم الدكتورة منيرة
فؤاد فضل تايه لدرجة انه نسى ميعاد رسالة الماجستير ومرحش
اجبر أمه وابوه يروحو معاه يخطبو فاطمة
وصلو البيت ودخلوهم الصالون
فاطمة فوق مع اخواتهاالبروفسير وسعدية معاهم
فاطمة لبست سعدية لبس فاخر ومحترم وعملو لها مكياج وتسريحة شعر
وفاطمة لبست لبس الخدامة
ونزلت سعدية سلمت عليهم وقعدت معاهم
سعدية...
اهلا بحضراتكم
اتفضلو اتكلمو ...سبب زياراتكم
ابو فؤاد...
احنا طالبين يد آنسة فاطمة لابننا فؤاد
سعدية ..
الموضوع عايز تفكير
ولا نسأل صاحبة الشأن الاول
هو البيه بسلامته بيشتغل ايه
أم فؤاد ..
ده معيد ف الجامعة
وعن قريب حيبقى دكتور ف الجامعة
سعدية...باستظراف
تخصصه ايه اسنان ولا روماتيزم .ههههه
فؤاد..
دكتور يعنى مدرس ف الجامعة
وتخصصى فيزيا
سعدية...
ما هو برضو فاطمة اتعينت معيدة ف الجامعة
وحتدرس هناك
ولا انت متعرفش
فؤاد...
لا معرفش ..امتى حصل ده
سعدية ..
من شهرين كدة جالها جواب التعيين
وسافرت بلاد برة جهزت للماجستير
وممكن كام شهر تخلصه وترجع الجامعة
فؤاد...
هو حضرتك أحنا متعرفناش
مين حضرتك
سعدية...
أنا سعدية الخدامة
فؤاد..
هو من مقامنا ان الخدامة هى اللى تقابلنا
وتدخل فاطمة بلبس الخدامة...
تحبو تشربو حاجة ولا مفيش داعى
سعدية ..
لا مفيش داعى
اصل احنا مش من مقامهم
فاطمة...
يا ست سعدية هو لو كان بيتقدم لك انت ..
تعملى ايه
سعدية..
انا مقبلش طبعا بالسيس دة
معايا راجل يسد عين الشمس
لا تفرق معاه خدامة ولا هانم
شرفتو يا حضرات
يقومو يخرجو وفؤاد مش عارف يعمل ايه من الغيظ والموقف اللى حط اهله فيه
واول ما دخلو العربية
ابوه..
لازم يعنى تحرج نفسك
لازم تعمل نفسك الواد البرم وتقولها انك خدامة
من غير ما تتاكد وتقولها مش من مستوايا
اشرب بقى ..
امه...
انت احرجتنا خالص
الخدامة كانت بتتريق عليك
وطلبنا البنت من الخدامة بتاعتها
برضو رفضوك ..جاك القرف
بعد اسبوع تسافر فاطمة لندن
عملت فاطمة مقدمة رسالة الماجستير
وكونت فكرة الفصول وعناوينها
وجهزت روزمانة لكل فصل
حتى الصور المرفقة كانت جاهزة من الدكتورة منيرة اللى ساعدتها مع الدكتور كمال
اللى حددت لها الدكتورة موعد بعد 9 شهور
ترجع فاطمة مصر ونشتغل بعض المحاضرات وف الوقت الفاضى بتكتب رسالة الماجستير
وبعد محاولات وتغييرات
استقرت على نسخة منها
سافرت تانى لندن ومعاها اخر نسخها
وراجعت كل كبيرة وصغيرة مع الدكتورة منيرة
بعد كام يوم
الدكتورة منيرة والدكتور كمال
ومعاهم الدكتورة نهى والدكتورة شيماء
عملو لها مناقشة تجريبية
سلخوها من المناقشة
لكنها اجادت واستفادت
بعد التجربة تم طباعة النسخ المطلوبة وارسالها للمختصين بمراجعة ابحاثها
وتحدد لها ميعاد بعد 3 شهور
وترجع لمصر لمتابعة حياتها
ما بين الجامعة ورعاية اخواتها
فايزة كانت فى السنة الرابعة طب قسم جراحة
وشادية ونجاة هندسة مدنية ومعمارية
ويجى ميعاد دراسة البحث
ومن الصدف يكون نفس يوم مناقشة بحث فؤاد
تسافر مع اخواتها لندن
وتبدأ مناقشة رسالة فاطمة
تمت الموافقة على موضوع الرسالة
لكن تمت مراجعة الاخطاء الاملائية واللغوية
وتم الحصول على شهادة الماجستير
بعدها الجامعة تعرض عليها منحة لنيل الدكتوراة مجانية بشرط العمل و البقاء هناك
لكنها ترفض العرض
على اساس المتابعة من جامعتها بمصر
فى الجانب المقابل
كان فؤاد فشل فى تذكر الكثير من رسالته
وتم ارجاء لموعد اخر بعد سنتين
ترجع فاطمة مصر
وتصبح رئيسة قسم الفيزياء بشكل مؤقت
على اساس ان البروفسير فؤاد سيكون رئيس القسم ف حالة حصوله على الماجستير
بعد سنتين
فاطمة حصلت على الدكتوراة
واصبحت رئيسة القسم بشكل دائم
وفؤاد ابتدى يغيب كتير عن محاضراته
حولته للتحقيق وتم فصله
لحين حصوله ع الماجستير
فاطمة كانت مشغولة بالحياة العلمية
ونسيت حياتها الشخصية تماما
فايزة كانت اتجوزت
وكمان نجاة وشادية لسه ف اخر سنة دراسة
اتحطبو لاتنين اخوات بس مش توءم
كانو واحد مهندس قبلهم بكام سنة خطيب نجاة
والتانى دكتور طبيب
فايزة سافرت بلاد برة مع جوزها رجل اعمال
بتجهز الماجستير
فاطمة داخلة على 32 سنة
مفيش لها اى تجربة عاطفية
ومحبتش تجرب
فى يوم قررت الدكتورة فاطمة قرار مصيرى
راحت الوزارة وطلبت انتدابها لمدرسة ثانوية بنات جنب بيتهم
وطلبت يكون لمدة سنة فقط
وتانى يوم كانت بعربيتها ومعاها السواق على باب المدرسة
فراش طار على المدير يقوله الظاهر فيه تفتيش فى عربية بسواق ومعاه واحدة ست
الظاهر هى مفتشة
المدير يشاور الطابور يطلع بنظام للفصول
تنزل من العربية والسواق يسأل حنركن العربية فين ..والفراش ياخده لمكان تحت شجرة
السواق يقفل العربية ويرجع بيت الدكتورة
الدكتورة فاطمة تدخل مكتب المدير
وتطلب لو سمحت محدش يدخل المكتب
فاطمة..احب اعرفك بنفسى
المدير..حضرتك تبقى الاستاذة فاطمة مدرسة العلوم المنتدبة
فاطمة..لو سمحت اوضح لك اكتر
انا الدكتورة فاطمة حسين السعيد
مدرس بجامعة القاهرة ورئيسة قسم الفيزياء
حاصلة على الدكتوراة من لندن
واجهز نفسى لتطوير المناهج واعادة صياغتها
طلبت انتدابى ونقلى لهنا عشان اتفرغ لكدة
يعنى ابقى استاذ محاضر
لكن الصراحة لا انا عايزة جامعة ولا قرف
قلت اجى هنا جنب البيت
بقالى سنين مع الدراسات وسفر ووووو
قلت افضى دماغى شوية
انا حاخد حصة لكل فصل من الصف الاول للصف الثالث الثانوى
يعنى بواقع 9 الى 12 حصة
واكيد منهج الثانوى تخصصات
انا تخصصى فيزياء
وموضوع الدكتوراة اركنه ع جنب عشان محدش يعمل فارق من الزملاء
المدير ..
ولو انى متعجب ازاى دكتورة زى حضرتك تسيب الجامعة وتيجى تشتغل مدرسة ثانوى وتسيب الهيلمان والهيبة
فاطمة..
هنا هيبتى برضو محفوظة
قلت لك عايزة افضى دماغى شوية
ممكن بعد ساعة ارجع الجامعة او اغير لاى مدرسة غيركم مش صعبة
المدير جاب لها كتب الفيزياء للصفوف الثلاثة
يادوب بصت لحظات على كل كتاب
المدير..
المفروض فيه حصة فى تالتة اول
عندنا 2 تخصص كيميا وابلة تخصص احياء وكانو بيقسمو حصص الفيزياء عليهم
فاطمة ..بعدين نتكلم انا حاروح الحصة
تدخل الفصل وتسلم ع البنات صباح الخير
فاطمة ..
من غير مقدمات اسمى ابلة فاطمة
مدرسة الفيزيا ..
ندخل ف الدرس وتبدأ تشرح
بعد ربع ساعة عاملة تخبط ع الباب
العاملة..المدام ابتسام بتطلب حضرتك تروحى لها معمل العلوم
فاطمة ...
قوليليها انا مش فاضية
عاملة المدرسة..تروح وترجع تانى
مدام ابتسام بتقولك ان مجتيش حتحولك للتحقيق
فاطمة..
روحى قوليلها لو نزلت ..انا حارفدها
مش تحقيق وبس
وعايزة بعد الحصة مباشرة الاقى كل مدرسين العلوم منتظرين فى المعمل
اول ما تسمع الابلة ابتسام كدة تروح للمدير
تقول له انا مدرسة العلوم الاولى هنا
واعلى من ابلة فاطمة بدرجات ازاى ابعت لها تقول مش فاضية
المدير..
طب اسكتى يا ختى يا مدرسة اولى
درجات ايه يا حبيبتى اللى بتتكلمى عليها
انسة فاطمة على درجة وكيلة وزارة يا ختى
ليه متعرفيش واوعى تقولى لحد نبهتك اهو
اطلعى اجمعى مدرسين العلوم واستنوها فى المعمل ...اجرى بسرعة يلا يا ختى
فاطمة تخلص الحصة والبنات تتلم حواليها
تقولهم شوية شوية نتعرف مش لازم ف اول حصة المهم تركزو معايا فى الشرح
وتسأل على معمل العلوم فين
تدخل تلاقى كل المدرسين هناك والمدير معاهم
فاطمة..
بصو كدة انا محبش حاجتين
الفشخرة الكدابة والروتين
حتتعبونى بروتينكم
ارجع انام ف البيت من تانى
انا جيت للعمل ف التدريس عشان حاقوم بتغيير المناهج للعلوم فى علم الفيزياء
من الصف الرابع لحد تالتة ثانوى
لا عايزة روتين ولا تدرج وظيفى
يعدى اول يوم
فاطمة رايحة ناحية العربية
ومتلقاش السواق
كانت عربيتها قافلة على عربية مدرس انجليزى
وراح لقاها واقفة بتدور ع السواق
ابتدى يرطن بالانجليزى
يعنى مش عاجبه الوضع
فاطمة..
اتكلم بالعربى احسن
الانجليزى بتاعك فضايح
أحمد كان اسمه..
ازاى تقولى على كلامى فضايح
انا مدرس اللغة الانجليزية
فاطمة..
التدريس حاجة ولكن ممارسة اللغة حاجة تانية
وراحت رطنت له بالانجليزى
احمد...
حضرتك قلت ايه .مش مركز
فاطمة..
انا كلمتك عن التحلى بالصبر
وقلت لك انا مش باعرف اسوق حقيقى
والسواق بتاعى ممكن يكون نام ف البيت
احمد بالعربى..
هو حضرتك معاكى سواق
فاطمة ..
ايوة معايا سواق
لكن عفيفى السواق يجى يجرى
معلهش يا ست هانم مش حاكررها تانى
عفيفى يركب وفاطمة تقول له روح انت
فاطمة ..
تمشى على رجليها ويحصلها احمد
احمد..
ممكن اوصل حضرتك
فاطمة..
لا شكرا البيت مش بعيد عايزة اتمشى
وتخرج من المدرسة واحمد يوقف بعربيته قدامها و يصر انه يوصلها
هى محبتش تكسفه.طالما مصر وركبت
بعد عشرة متر قالت له بس وصلنا
احمد...
وصلت فين
فاطمة..
وصلت البيت
وجه الدور انى اقول لك اتفضل اتغدى معانا
احمد...الف شكر انسة ......
فاطمة..
ابلة فاطمة مدرسة علوم
احمد..
احمد مدرس انجليش
فرصة سعيدة يا ابلة ..تشرفنا
ياخد بعضه ويمشى بعربيته
يستمر الحال على حاله كام يوم
لحد ما فى يوم تيجى المدرسة لجنة من الوزارة
للبحث عن اوجه القصور فى المدرسة
المدرسة تقريبا تتوقف عن التدريس لحصتين
البنات فى الطابور بقالهم ساعة
واحدة بتشرح فى ميكرفون الاذاعة
لما فاطمة ابتدت تتضايق
راحت خطفت المايك من اللى بتتكلم وتقول شكرا للجميع ويلا يا بنات على فصولكم
اللجنة برئيسها فضلو يزعقو مع المدير ومع فاطمة اللى معجبهاش الوضع
تطلع التليفون وتتصل بالوزير
تقوله اللجنة بتاعتكم هنا عطلت الدراسة 3 ساعات والبنات واقفة طابور ف الشمس
هو ايه اللى بيحصل
الوزير ..لجنة ايه
فاطمة ..
مش عارفة بيدورو على قصور ايه
فاطمة ..
فين رئيس اللجنة
خد كلم الوزير بتاعكم
ويتكلم والوزير يرجعهم فورا
فاطمة..
انا حاعمل مذكرة فى كيفية عملكم
ولو جيتو من تانى حتشوفو الوش العكر
تطلع فاطمة الفصل وبعد ما تخلص الحصة
ومفيش معاها حصص بعدها حبت تروح
راحت لقيت المرة دى السواق موجود لكن عربيتها هى اللى مقفول عليها من عربية احمد
تسيبهم وترجع البيت على رجليها
بعد نهاية اليوم الدراسى
استاذ احمد راح ووقف جنب عربيته
بيبص على ابلة فاطمة
عفيفى السواق ..لو سمحت ممكن تطلع شوية لقدام عشان اعرف اطلع العربية
احمد..مش حتستنى الابلة
عفيفى..لا الابلة فاطمة روحت من بدرى
لما لقيت عربية حضرتك قافلة على العربية
احمد يركب عربيته ويوقف قدام بيت فاطمة
على اساس عربية عطلانة
فاطمة كانت بتتغدى مع نجاة وشادية
وسعدية قال بصوت واطى
عفيفى بيقول الاستاذ بتاع امبارح وقف بعربيته قدام البيت بيقول عطلانة
فاطمة..
ابعتيله عصير وان سأل مترديش
لكن العربية اشتغلت قبل ما توصل سعدية
وركب ومشى بيها
تانى يوم كان فيه اجتماع لمدرسى العلوم ف الادارة التعليمية بحلوان
الاجتماع بدأ وواحد اتكلم عن النظم الدراسية وتوزيع المناهج خاص بعلم الاحياء
واخد يزيد ويعيد لساعة تقريبا
واخدو استراحة ربع ساعة
بعدها واحد مختص بعلم الكيمياء
واقترح احنا ندرس الاسماء اللاتينية لمعظم المركبات خصوصا المعادن من سنة رابعة بدل ما يتفاجئ بيها التلميذ ف الاعدادى ووووووو
بعد الاستراحة المنصة اللى عليها المسؤول عن المادة اتغيرت وكانو 6 اعضاء موجودين
وكانت فاطمة قاعدة مع زملائها
وواحد من القاعدين ع المنصة مسك المايك
وقال الدكتورة فاطمة السعيد تتفضل
فتقوم فاطمة ناحية المنصة وكل اللى عليها يوقف عشان يسلم اصلها مقعدتش معاهم ولا خططت حيقولو ايه
معظم المدرسين من مدرستها او اللى حواليها واى حد اتعرف عليها مش مصدقين اللى حصل
حتى مدام ابتسام زميلتها رغم عندها علم لكن برضو مكنتش مصدقة
الدكتورة فاطمة ..موضوع الاجتماعات والشرح لعدد كبير من الزملاء ميعجبنيش
لذلك انا حاعمل شرح مفصل لتطوير المادة
والادارة حتقوم بتوزيعه على معظم المدارس
لكن حنجتمع بعد نهاية الدراسة بشكل دورى لمدة اسبوعين لمناقشة تطوير المادة
واكيد حيكون فيه ميزانية لتغيير الكتب
لكن انا جهزت الخطة حنبدأ بشكل تدريجى
يعنى كتاب علوم سنة رابعة ابتدائى مثلا حيتغير السنة الجاية لكن كل السنوات اللى بعدها بنفس المنهج وكل سنة نغير لنفس التلاميذ المنهج
وعلى مدى 9 سنين حنكون غيرنا كل المناهج
بعد نهاية الامتحانات والتصحيح
الكل يستعد
باتمنالكم التوفيق
بس تنتهى وهى نازلة
تلاقى استاذ فؤاد ف وشها ...........
.
.
لكن نزلت من غير ما تعبره وكأنها مشفتوش
تخرج بسرعة وتركب عربيتها والسواق يجرى
تانى يوم ف المدرسة
استاذ احمد وصل فى نفس الوقت المرة دى ركن بعيد
وراح ناحيتها
احمد...
صباح الخير ابلة فاطمة
فاطمة..
صباح الخير استاذ احمد
احمد....
بعد الفسحة عند حضرتك حصص
فاطمة...
لا ....خير فيه حاجة
احمد..
لو ممكن اعزمك على قهوة برة المدرسة
فاطمة...
بخصوص ايه
احمد...
الصراحة لحد دلوقتى مش عارف
يمكن اعرف وقتها
فاطمة ....
نبقى نشوف بعد الفسحة ..عن اذنك عندى حصة
بس ابتدت الفسحة
فاطمة خرجت ع البيت والعربية سبقتها
استاذ احمد فضل يدور عليها ف المدرسة كلها
ولما ملقهاش مقدرش يروح لبيتها
لكن سواق فاطمة رجع المدرسة ولما لقاه قاله
الدكتورة فاطمة بتعتذر لحضرتك
بتقولك جاتها سفرية فجأة وحترجع بعد يومين
احمد...
ابلة تقصد وسافرت فين
عفيفى..
معرفش يا بيه ويسيبه ويجرى
احمد بيكلم نفسه سفرية ايه اللى فجأة
هو حتى السفر فجأة
فاطمة كانت مسافرة لندن وحجزت لكن نسيت الميعاد
وبالعافية حصلت الطيارة
راحت حضرت محاضرة لنظم التدريس وتطوير المناهج
وشاركت فى القاء جزء من المحاضرة
واقتراحاتها لاقت ترحيب كبير من الحاضرين
وكمان على غير المعتاد الكل يصفق ليها
استفادت منها وافادت فعلا وحتساعدها فى مهمتها
راحت تزور الدكتورة منيرة لكن تعرف انها استقالت
هى وجوزها ورجعو مصر
حاولت تتصل بيها رقمها مش ف الخدمة
راحت المطار وقدرت تغير التذكرة من بكرة للنهردة
ورجعت بعد نص الليل
يعنى اقل من 12 ساعة من غير ما تدوق لقمة ف لندن
بس وصلت البيت كانت البوابة مقفولة
واتصلت باختها وفتحت البوابة
عليوة ...صحى من النوم
حمد اللـه على السلامة مش كنتى تنادى عليا
فاطمة ...
معلهش يا عم عليوة مرضيتش ازعجك
اجرى يا نجاة حاموت من الجوع لسه ع افطار الصبح
بعد ما تتعشى بالعافية تغير هدومها وتنام
تصحى الصبح على 8
تفطر وتروح المدرسة تلاقى الحصة الاولى اشتغلت
تروح تمضى تلاقى متعلم قدام اسمها غياب
تطلع الفصل تلاقى مدرس علوم اخد حصتها
تقول له لو سمحت اتفضل انا حاكمل حصتى
يلم حاجته و يخرج
ولسه حتبدأ شرح
تلاقى الناظر ومعاه مفتشة علوم والمدرس معاهم
يدخل الناظر ويقول صباح الخير
الاستاذة موجهة علوم
فاطمة ...فين المدير
الناظر ..المدير قدم اليوم عارضة
موجهة العلوم تاخد كرسى وتقول لفاطمة اتفضلى كملى
شرحك يا استاذة
فاطمة تبتدى تشرح ومتمكنة من المادة
الموجهة ..
هو حضرتك مطلعتيش دفتر المادة ولا فتحتى كتاب وبتشرحى ..هو حضرتك مش بتحضرى الدرس
فاطمة..
انا مش باحضر دروس ومعنديش دفاتر اصلا
الموجهة..
طب وانا عايزة الدفتر اراجع فيه
عشان احط تقييم لحضرتك طب اعمل ايه
فاطمة...
انت متعمليش حاجة
عشان انا بالذات محدش يفتش معايا ولا ورايا
الموجهة...
اشمعنى يعنى
فاطمة ..
من غير اشمعنى .اصلا انا اتاخرت دقيقتين
راحو شطبو على اسمى ف دفتر الحضور
انت يا حضرة الناظر روح هات دفتر الحضور والانصراف
ماهو ما ينفعش تراجعى وتشرفى على مدرس متغيب
وتطلع تليفونها
الووو مدير مديرية التعليم
انا الدكتورة فاطمة السعيد
عاايزة بكرة اجتماع لجميع الموجهين والموجهات بادارة حلوان التعليمية الساعة 2 الضهر ...سلام
فاطمة...
حضرتك تقدرى تتفضلى على حصة حد تانى
الموجهة...
ليه على راسك ريشة
فاطمة...
ايوة على راسى ريشة
مينفعش واحدة على درجتك تشرف او تراجع ورايا
الموجهة ..
ليه وكيلة وزارة
فاطمة...
ايوة وكيلة وزارة يلا اخرجى برة
ولو كتبت تقرير ودينى اوديك الصعيد يلاااااا
الموجهة تاخد شنطتها وتطلع وتقول انا حاعرف اوريك
وتاخد بعضها على برة المدرسة
وتوصل الادارة تعمل شكوى فيها لمدير الادارة
مدير الادارة..
ههههه هو انت اللى وقعت معاها
الموجهة...
تقصد ايه
مدير الادارة...
بكرة عندكم اجتماع طارئ الساعة 2 الضهر
ويمسك الشكوى والتقرير يقطعهم
الموجهة..
انت عملت ايه ..حاروح اشتكيك للمديرية
مدير الادارة..
ولو رحت الوزارة
بكرة فى الاجتماع حتعرفى يلا روحى جهزى نفسك
واتصلى على كل الموجهين اللى تعرفيهم
رغم ان فاطمة تعتبر غياب لكن دخلت حصة تانى
الناظر ..
يتصل بالمدير يطمن عليه
وبعدين يحكيله ع اللى حصل
المدير...
انسة فاطمة محدش يعلم على اسمها بعدين تفهم
فاطمة منسجمة ى الشرح والبنات مركزة
فاطمة كانت علمت البنات ازاى تركز فى الشرح
امسك قلمك وانت بتسمع واللى تحس انه مهم تسجله ف كراسة خاصة عشان تراجعه
معظم البنات ماسكة قلم وبتسجل فى كراستها
ويخلص اليوم وتخرج على البيت مباشرة
الاستاذ احمد كان واقف فى الحوش بيبص عليها
لكن لا هى ظهرت ولا عربيتها ف المدرسة
بس شافها فى فصل بتشرح
بعد الغدا فاطمة راجعت المحاضرة اللى سافرت عشانها
كل اللى كان حاضر هناك اخد اسطوانة
شغلت الاسطوانة على الكومبيوتر
بعد المراجعة حولت المحاضرة على كارت ميمورى
وكان الموضوع عن طرق التدريس والنظم التعليمية لتطوير المناهج واتباع السبل للوصول لاقصى استفادة من تيسير المناهج للتدرج الصحيح لدراسة علوم الفيزياء
تانى يوم كان فيه حصة فاضية فى فصل
عملت بدل معاها ومع الحصة السادسة
فى الفسحة عرّفت المدير ورجعت البيت
الساعة واحدة من البيت ركبت العربية وراحت للادارة
استاذ احمد كان طالع بعربيته وراح وراها لحد ما حصلها
خلت عفيفى يوقف
ونزل احمد عشان يقولها على موضوع العصير
فاطمة...كنت مسافرة ونبقى نعوضها
احمد....بس انت وافقت
فاطمة..باقولك ايه م الاخر كدة متعشمش نفسك
يلا يا عفيفى وتسيبه وتمشى
احمد بيكلم نفسه معشمش نفسى ف ايه
انا مش فاهم حاجة
توصل الادارة وتعرف ان الكل موجود ومحدش اتخلف
تروح تقعد مع الموجهين تحت بعيد عن طاولة المنصة
تشوفها الموجهة وتقولها
انت ايه اللى جابك هنا
..اكيد غلطانة روحى شوفى وراكى ايه
يوصل المشرف على تنظيم الاجتماع
ويقول بعد الترحيب
اجتماع طارئ من وكيل وزارة التربية والتعليم
فلتتفضل الدكتورة فاطمة السعيد
فاطمة تقول للموجهة دلوقتى تشوفى وتقوم للمنصة
فاطمة تتكلم وترحب بالحاضرين وتشكرهم على الحضور
وتتكلم عن سبب الاستدعاء المفاجئ
وتشرح وتستفيض فى الكلام
بعدها تروح للبرجوكتور وتشغل المحاضرة
لكن قدمت بعض المواقف اللى ملهاش دخل بالاجتماع
وكانت بترجم الكلام اللى بيتقال
جابت 3 محاضرين
وبعدها 10 دقايق لفقرتها
وشرحت الغرض من كلامها
بعد ما وقفت الشاشة طلبت
خلال اسبوع كل الاقتراحات والحلول من جميع الحضور
عشان نعرف نغير المنهج باسلوب بسيط يناسب العقلية لكل مرحلة من مراحل التعليم
مش حينفع مثلا ندرس الروافع قبل ما التلاميذ ما يعرفو كسارة البندق
والاجتماع استمر اربع ساعات
فى الاخر
قالت محدش حيخرج لاى مدرسة لحد اجتماع الاسبوع اللى جاى والاقتراحات اما تخليك موحهة مادة
او ترجعك للتدريس من تانى
وتختم وتاخد حاجتها وتخرج
رئيس جامعة القاهرة يتصل بالدكتورة فاطمة تلفونيا
ويقولها حضرتك وصلنا مظروف مقفول لسيادتك
من استاذ دكتور اسمه جراهام اس ويلسون
فاطمة..شكرا لحضرتك الصبح حاكون عندكم
رئيس الجامعة..لو ممكن تشرفينا النهردة
عندنا دكتور زائر امريكى اسمه صامويل برنجهارد
وممكن يدى محاضرة عن نظم التعليم والمناهج ممكن حضرتك
فاطمة..
انا عارفاة وده دكتور يهودى وطرق تدريسه مش مناسبة للدول العربية جاية علطول
بعد نص ساعة تكون فى مكتب المدير
وتستلم المظروف وتفتحه
وتتصل بتليفونها تتكلم وتقفل
فاطمة..المظروف ده متأخر
الدكتور ..هو اتأخر فى السكرتارية باعتذر لحضرتك
تطلع التليفون وتتصل بالبيت يجهزولها شنطة سفرها
وحتيجى بعد ساعتين
فاطمة..
دى دعوة من جامعة اكسفورد للمشاركة فى المؤتمر العالمى لتطوير نظم التعليم والتباين بين كل مجتمع واخر
الدكتور...ممكن توضيح
فاطمة...الاخ اللى جاى يدى محاضرة هنا
اكيد هو اللى قالك تيجى دكتورة فاطمة
حب يعمل نفسه شخصية علمية
هو جاى عشان يلهينى عن مؤتمر لندن
هو مش موجود فيه عشان نظامه يعارض كل النظم الاخرى
واهم نقطة عايز يطبقها ف الدول العربية حريةالجنس
واقامة حفلات التخرج من الثانوية زى ما بيحصل ف امريكا وكل بنت مع صديقها بعد الحفلة يقضو ليلة واول قبلة وكدة
افهم حضرتك الباقى
تعالى نحصله قبل ما يبث سمه بين الطلاب
ولما يوصلو مدرج المحاضرات يلاقو الطلاب بتدخل
بعدها سمعو صوت المترجم بيكلم الجميع
ويطلبو منهم الهدوء عشان المحاضرة تبدأ
ولسة الدكتور بيعرف بنفسه
والمترجم يترجم
ويقول حاصل على ومعاه كذا وكذا ووووووو
لكن صوت الدكتورة فاطمة من مايك خارجى يتداخل
ويضطر المترجم يسكت
ولما تتكلم انجليش المترجم يترجم
انا الدكتورة فاطمة السعيد
عايزاكم تفكرو كويس قبل ما تسمعو الدكتور
هل ممكن والد أو والدة يعنى أب أو أم
ترضى لبنتها تمارس الجنس قانونا بعد تخرجها من الثانوية
فى حفلات العذرية
مين يرضى ان يجهز لبنته الجو المناسب لتمارس الجنس مع صديق او زميل وهو يكون قاعد برة ف الصالة
من يرضى ان مراته تجيب صديقها وتنام معاه وجوزها يمقدرش يقول لا
او الزوج يجيب صديقته قدام زوجته
كل الافكار الماجنة دى هى نظم تدريس
الدكتور صامويل
وتدخل للمدرج وكل الحاضرين يوقفو
وتطلع كتاب له وتبعته للمترجم
فى صفحة كذا الفقرة التالتة لو سمحت اقراها وترجمها
المترجم يقراها ولما يجى يترجم
المترجم ما يكملش من الاحراج
فاطمة..المترجم مقدرش يكمل كلامه
عارفين ليه مكسوف يقول الكلام اللى ف الفقرة
اللى بيقول فيها ايه لو كل زوج جاب صاحبه وينام هو وصاحبه مع مراته وتحصل مراته على المتعة المطلوبة
ع العموم ان مش فاضية ومسافرة كمان ساعتين لحضور مؤتمر فى لندن
مش اى استاذ او بروفسير من برة نرحب بيه من غير
ما نعرف افكاره
كتير بيكلمك عن القيم وهو شاذ جنسيا
شكرا لحضراتكم الف شكر
الطلاب وكل الحاضرين يوقفو ويثقفو للدكتورة
والكل وراهم ولسه بيهتفو ليها
عفيفى كان مستنى برة تركب معاه ويطلع ع البيت
تستحمى وتاكل لها لقمة
وتاخد شنطتها ع المطار
فاطمة..فى الطريق تقول لعفيفى
تروح المدرسة الصبح وتبلغ المدير انى مسافرة وتديله الظرف ده واوعاك تسيب البيت انت ولا عليوة ولا سعدية
متخلوش اخواتى لوحدهم
عفيفى...حاضر يا دكتورة
توصل لندن تلاقى عربية ف انتظارها توصلها الاوتيل
كانت الاقامة تبع الدعوة
يتصلو بيها عشان يبعتولها العشا
تقول مفيش داعى
تفتح شنطتها تطلع سندوتشات الجبنة والمخلل
وقبل ما تشبع تنام على روحها
تصحى تصلى الفجر وتشوف برجرام المؤتمر
وتدور على كل المحاضرين فيه
ومن الصبح تروح الجامعة وتروح المكتبة
تدور على كل محاضر وتطلع كتبه
بعدها جت أمينة مكتبه
فاطمة اداتها الاسماء عايزة كل الكتب الخاصة بالاسماء دى
بقى قدامها ولا ستين كتاب
فضل تدور وراهم
بعدها امينة المكتبة قربت منها كومبيوتر
كان النت موجود ف اوروبا
تدور فى النت وبعدها تتابع ف الكتب
المؤتمر حتكون فاعلياته بعد يومين
والمفروض الفترة اللى قبل المؤتمر للتعارف
لكن فاطمة اخدتها فى البحث والتنقيب عن كل شيء
بعد الضهر طلعت سندويتشات معاها وكملت شغلها لحد ما المكتبة عايزة تقفل
طلبت من الامينة تفضل الكتب على حالها
قالت خلاص يا دكتورة
انا حاسيب ملاحظة هنا عشان اللى جاى الصبح
وفعلا فاطمة اول ما توصل الاوتيل وتطلب المفتاح
موظف الاستقبال يسلمها 20 طلب تعارف
بصت فيهم ومتعرفش حد فيهم
قطعتهم وف الزبالة
تروح المطعم وتطلب اكل مناسب
لكن مش مطمنة للاكل
تاخد شيبس وجبنة لكن تلاقى حد بيكلمها من وراها
تلاقى الدكتور كمال
بعد السلام والملام والعتاب
تقوله انا رحت لكم البيت ملقتش حد هناك
يقولها احنا تفرغنا للعمل الميدانى
ورجعنا مصر بعد ما كل البنات اخدت الدكتوراه فى تخصصها ومفيش الا زينب اللى قعدت مع جوزها هنا
تقول له الاول انا خايفة من الاكل هنا واكلى اللى جبته معايا خلص ومش عارفة اطلب ايه
الدكتور..ايوة فاهمك وانا مش مطمن برضو زيك
فيه هنا على بعد 5 دقايق مطعم سورى وبيقدم معظم الاكلات الشرقية ولو ممكن اعزمك هناك
فاطمة..رغم انى تعبانة لكن جعانة وتقوم تروح معاه
ويتعشو وتقوله معلهش مش حاقدر اسهر يا دكتور
والصبح بدرى باكون فى مكتبة الجامعة لحد ما تقفل
الدكتور كمال..اسمحيلى اجيلك المكتبة بكرة واجيبلك كمان معايا الغدا
فاطمة..لا مفيش داعى خلاص انا عرفت طريق المطعم
وتطلع تنام ومن الصبح بدرى تطلع على المكتبة
وتقضى اليوم زى اللى قبله
بس كانت خلصت كل الكتب اللى ف المكتبة بحثا وتنقيبا
ودونت كل ملاحظاتها فى اجندتها اللى تقريبا اتملت كلها
ترجع تتعشى فى المطعم وترجع تنام
اليوم التالت اللى حتبدأ فيه فاعليات المؤتمر بالليل
تروح مكتبة عامة كان قالها عنها الدكتور كمال
وتقعد للساعة 4 العصر وكانت اشتغلت فى اجندة تانية
ترجع تتغدى وتوصل الفندق بعد الساعة 5
تفضل تراجع اللى كتبته عن المحاضرين اللى حيتكلمو اليوم
الساعة سبعة وشوية تقوم تلبس اللبس الشرقى المحتشم
وكمان التحجيبة العربية الأصيلة
وتروح تنزل لقاعة المؤتمر
وأول ما يبدأ المؤتمر والكل يوقف
تفاجئ بمقدم المؤتمر اللى هو مين
.
.تتفاجئ أن الدكتور كمال هو مقدم المؤتمر
وقبل ما يدخل المحاضرين للمنصة
طلبت وبشكل شخصى منه مايك لأنها حتناقش الكل فى كل تفصيلة كبيرة وصغيرة ومكانها فى اخر الصفوف ورا
وكل ما تطلب الكلام يحاول يساعدها انها تتكلم
ويبدأ الموتمر
دكتور كمال كان بيتكلم عن الغرض من المؤتمر
وان كبار اساتذة طرق التدرس وتطوير الفكر التعليمى
وووووووووووووووو
وبعد المقدمة الطويلة قدم
الاستاذ الدكتور كايلر توماس ألمانى الجنسية
فضل يتكلم 4 دقايق بعدها ألقى تساؤل
مجرد تساؤل ليسرد بعدها الحلول
لكن تقوم فاطمة وتطلب الرد
دكتور كمال ...هناك من يريد الرد على هذا التساؤل
ويطلب من الاستاذ المحاضر ان يسمح بذلك
دكتور بكل تكبر وغرور قال نو بروبليم
قامت الدكتورة فاطمة وكانت بتعرف بنفسها
ودرجتها العلمية
كان مع الدكتور فاطمة كتب كتيرة فى سلة بقالة على الجنب متعلق فيها سلة زبالة
واثناء كلامها كانت بتتحرك لناحية المنصة عشان تلفت نظر المتابعين
لكن غرور الدكتور كايلر قالها يمكنك الصعود
طلعت وفيه اتنين من المشرفين طلعولها عربية الكتب
وابتدت
حضرتك قلت فى كتاب كذا الفصل كذا
انه يجب الاعتماد الكلى فى طرق التعليم ان تكون المادة الاساسية لكل التطبيقات هى الدين المسيـحى
طالما فكر دعوى لماذا لم تصبح داعية للمسيـحية
هل تريد أن تفرض رأيك على الشعوب
هل يعقل مثلا الشعب العربى ان يدرس المسيـحية لتلاميذه المسلمين ..هل ترضى ان يقوم الشعب الالمانى بمختلف طوائفه ان يعتمد على دين المسيـحية فكرا وعقيدة
تقوم تقطع الورقة وترميها فى سلة الزبالة
الدكتور كايلر يعترض بشكل صارخ على المناقشة
لكن رئيس المؤتمر يستشير من معه
يقول المناقشة لا يوجد فيها ما يعارض غرض المؤتمر
فاطمة ...وفى نفس الكتاب فى صفحة كذا
تطالب الوالدين باعطاء حرية الفكر
ولكنك تضيف حرية الجنس من سن 15 خصوصا للبنات
دكتور كايلر ...
هذه حرية شخصية
فاطمة..
طالما هى حرية شخصية لماذا تعرضها فى كتابك
وترمى الكتاب فى سلة المهملات
تاخد كتاب تانى
حضرتك بتقول يجب المحافظة على التلميذات اللاتى تحت سن العاشرة واللاتى ظهرت عليهن علامات البلوغ
دكتور كايلر ...
اكيد نحافظ عليهن من اى منحرف
طفلة صغيرة ان تعرض لها منحرف ربما يغتصبها
فاطمة...
كلام جميل لكن
فى سنة 1977 تعرضت طفلة 9 سنوات للاغتصاب
لانها قد ظهر عليها علامات البلوغ الكامل ونظرا لعدم معرفتها ارتضت بعد ان قدم لها المنحرف قطعة شيكولاته ومارس معها مرة اخرى حتى تم القبض عليه متلبسا
دكتور كايلر...
انا لا اقبل هذه الاهانات
رئيس المؤتمر ..
ماذا تقصدين من هذا
فاطمة..
المدعو كايلر توماس
كان اسمها من قبل كايلر جينسلر نسبة إلى زوج امه
كان يعمل مدرسا فى مدرسة ابتدائية واغتصب طفلة 9 سنوات وقبض عليه لكن تم الافراج عنه والتنازل عن المحضر بعد ان قدم جده مبلغا من المال لوالدة الطفلة
وبعدها تم تغيير لقبه الى لقب جده واخذه للعيش معه
فليس من المعقول ان يتكلم عن طرق التدريس شخص مثل هذا وان جميع افكاره التى فى الكتب تختلف عن افكاره التى يسير عليها ف حياته
ولو تطلبون الاثباتات ..كل شيء موجود
لكن الدكتور ينزل من المنصة ويخرج خارج القاعة
فاطمة..
اعتذر للجميع لكن
هذا المؤتمر غرضه مناقشة كل الطرق والنظم لتأسيس نظام مجتمعى ملائم لكل الظروف لخلق بيئة صالحة
فليس من المعقول ان يقودها شخص غير صالح
وانا هنا مستعدة للجميع بالحقائق والاسانيد
المسؤولين عن المؤتمر طلبو منها جلسة خاصة سرية
وطلبت الدكتور كمال ان يحضر معاها
وطلبو من الحضور استراحة نص الساعة لشرب القهوة
فى الاجتماع رئيس المؤتمر طلب منها تجهز محاضرة الختام للمؤتمر
وتحاول تبعد الامور الشخصية فى مناقشاتها
فاطمة..
انا باقول فاقد الشيء لا يعطيه
يعنى انت متمنعنيش انى اسرق وشغلتك حرامى
فاطمة ..
انا موافقة بس بشرط
حالقى محاضرتى باللغة العربية
هنا فيه ترجمة لكن عشان توصل رسالتى لكل الدول العربية ودكتور كمال ايه رأيك
دكتور كمال..
كلامك مظبوط وانا مستعد اترجم للغة الانجليزية والكل اكيد بيفهمها
وينتهى الاجتماع ويرجع المؤتمر للانعقاد
وبرضو فاطمة ناقشت المحاضر فى كل اللى بيقوله وكمان ارائه فى كل كتاب او جريدة
وبعدها معظم المحاضرين ابتدو يخافو من الحرية اللى اخدتها الدكتورة فاطمة من لجنة الجامعة ومنظمى المؤتمر
وتانى يوم اعتذر 5 افراد عن كلمته
وبالليل تلاتة بس اللى القو كلمة خفيفة
الاول حب ينهى كلمته لكن فاطمة استوقفته
ناقشت معاه معظم كتاباته ذات الفكر العنصرى
ومحدش سلم من فاطمة
تالت يوم كانت معظم الصحف والمجلات المختصة عن العلم والتعليم بتتكلم عن الدكتورة
وفكرها اللى حشر معظم المحاضرين
وصورها اثناء المناقشة واتكلمو عن سيرتها العلمية وكيف انها اتخلت عن محاضر فى الجامعة ونزلت مجال التعليم عشان تقدر تواكب المناهج عشان تطورها
بعد العصر اجتمعت معاها لجنة المؤتمر
عشان تقولها مفيش النهردة حد غيرك
حضرتك بعد كلمتك وقبل انتهاء الفعاليات
حنكرمك بوسام الجامعة ونهديك الدكتوراة الفخرية فى مجال طرق التدريس
فاطمة...
انا باعتذر عن الهدية الثانية
انا كنت قدمت بحث عشان اتقدم لنيل شهادة الدكتوراة لكن محدش رد عليا
لدرجة انى انهيتها ومنتظرة الرد
عشان لو حصلت عليها اتقدم لنيل شهادة الاستاذية فى نفس المجال
رئيس الجامعة وفى نفس الوقت رئيس المؤتمر
حضرتك اعتبرى ان اتوافق على بحثك
قدمى لنا نسخة من الرسالة ونحدد لك موعد فى اقرب فرصة لمناقشة الرسالة
وبعدها تقدرى تقدمى للاستاذية
وينتهى الاجتماع
الدكتورة فاطمة تروح المطعم السورى
عايزة اكلة خفيفة ونفسها فى شاى مصرى
الساعة سبعة بالظبط كانت فى القاعة
وابتدى المؤتمر وقدمها الدكتور كمال
اتكلمت الاول ربع ساعة انجليش وكمال يترجم
بعدها اشارت انها ستتكلم باللغة العربية
لغتها الام ولغة مجتمعها العربى الاسلامى
لتكون لهم مباشرة لانها تخصهم اولا
وبصت للدكتور كمال للترجمة
دكتور كمال ..ساقوم بالترجمة للانجليزية
عزيزى المواطن العربى
السلام عليكم ورحمة اللـه وبركاته
واخدت تقريبا نص ساعة تشرح وتفسر وتتكلم عن الطرق والمناهج ووووووووو
وبعد ان انهت كلامها للعرب
عادت تتكلم الانجليزية
واكدت الالتزام التام لكل مجتمع بتقاليده
وشرحت ووووووووو
وانهت كلمتها قائلة
تحيتنا هى السلام
وان طبق كل مجتمع مناهجه وطرق تدريسه
على حسب تقاليده سيكون العالم فى سلام
والسلام هو الامان
عندما نرد تحيتنا بالسلام لشخص ما
فاننا نقول نحن وانتم فى سلام
والسلام عليكم ورحمة اللـه وبركاته
كل الحضور يقوم على رجليه يصقف
والكل منبهر من هذه النابغة
تطلع لجنة المؤتمر للمنصة وهى بتصقف
لحد ما ينتهى التصقيف
يتقدم رئيس الجامعة للمايك
ويفضل يشرح ويحكى وكل كلامه عن فاطمة
وبعدها يقول
الجامعة كانت قررت تقدم دكتوراه فخرية
للدكتورة فاطمة السعيد لكنها رفضت
وسبب الرفض انها قدمت للجامعة بحثا شاملا وافيا فندت فيه الكثير والكثير عن نظم التعليم
وانها تقدمت لنيل درجة الدكتوراه عن
طرق التدريس ونظم المناهج واختلاف البيئات والمجتمعات
وان الجامعة قد وافقت على بحثها وقررت
عقد جلسة لمناقشة الرسالة خلال هذ الشهر
والدكتورة فاطمة تدعو الجميع
وكذلك قد نجتمع فى بداية الاسبوع جميع اساتذة جامعة اكسفورد لترشيح الدكتورة فاطمة لنيل جائزة نوبل للسلام وذلك من خلال ما تناولته الليلة عن كلمتها عن السلام ورسالتها كانت للسلام ورسالة الدكتوراه عن السلام
وتعج القاعة بتصفيق حاد لا يتوقف
ثم يشير رئيس الجامعة بالصبر قليلا
ولم يتبق للجامعة الا ان تقدم لها وسام الجامعة الذهبى من الدرجة الاولى
ليكون خير ختام للمؤتمر
ويرجع التصفيق مرة اخرى
وبعد ربع ساعة تستطيع الخروج من القاعة
لتجد وسائل الاعلام فى انتظارها
لساعتين متاليتين كل دقيقة مع قناة
تانى يوم كان التلفزيون المصرى
بيتكلم عن الدكتورة فاطمة السعيد التى غلبت فطاحلة الفكر الغربى
وكل شوية وفى كل اخبار يجيب شوية لقطات
وكانت بعض اللقاءات الصحفية واحد بيسألها ليه حضرتك رفضت الدكتوراة الفخرية
ردت ..المنحة السهلة ستكون بلا قيمة
لكن ان تنال ما تريد بجهدك وعرقك هوالافضل
وبعدها تستطيع الخروج متعللة بسفرها
وبالفعل تصل غرفتها متعبة تتصل بالمطار لتؤكد موعد سفرها فى الحادية عشرة مساءا
تستحم وكانت الساعة التاسعة والنصف
بعدها تتصل بالرسيبشن ليرسل لها من يستلم مفتاح الغرفة لانها ستخرج من الباب الخلفى
وفعلا تذهب للمطعم السورى
تتعشى عشاءا خفيفا
وتشرب شاى مصرى وتذهب للمطار
وما ان تقلع الطائرة حتى تذهب ف النوم
وقبل الهبوط المضيفة تصحيها
كانت الساعة 3
بعد ما تخرج من الطيارة تسرع ف الصعود
للباص حتى لا يكتشف شخصيتها احد
وتاخد تاكسى وترجع البيت تقريبا 5 الفجر
تلاقى عليوة قاعد ع الباب
وتسلم عليه
عليوة اهلا بنتى عفيفى منتظرك هناك
فاطمة..اتصل بيه انا جيت بتاكسى
محتاج انام كمان ساعتين
وتنام بهدومها تصحى الساعة سبعة
وتخرج تلاقى البنات مصحيتش
تدخل تطمن عليهم وتفطر وتطلع ع المدرسة
ولسة بتدخل المدرسة وتلاقى ممر شرفى من باب المدرسة لحد الطابور والتصقيف مش عايز يخلص والمدير يطلبها ف الاذاعة
وتروح تتكلم
السلام عليكم جميعا
معلهش محبيتش اقول عن نفسى لاسباب كتير
العلم اولا واخرا ملوش كبير
ومن النهردة جاية اسلم عليكم
عشان حاغير وجهتى لمدرسة اعدادية
هنا فى الكام اسبوع اللى اخدتهم معاكم انهيت
كل ابحاثى فى الثانوية
وجه الوقت اللى اكتب ابحاث الاعدادى
شكرا لكم جميعا
بعد شويةيدخل المدرسة مدرس جديد للمادة
تخصص علوم قسم فيزياء
يكون البروفسير فؤاد
اللى اول مادخل اوضة المدير
كانت فاطمة بتودعه
فؤاد ...
اهلا دكتورة فاطمة مد ايده
لكن فاطمة معبرتوش وخرجت لقت عفيفى واقف منتظر وعند البوابة استاذ احمد كان داخل لكن هى كملت طريقها
بس دخلت البيت
يتصل بيها مكنب وزير التربية والتعليم ان سيادة الوزير منتظرها خلال ساعة
تقول جاية حالا
وتقول لعفيفى ارجع تانى
وتطلع ع الوزارة
ولما تقابل الوزير
يقولها حتبقى نائب الوزير وحيكون مكتبك هنا وتعملى اجتماعاتك هنا بدل التعب اللى انت فيه
فاطمة..
بس انا باكمل دراساتى من خلال التدريس عشان نعرف نطور التعليم وكدة الوظيفة المكتبية رغم انها شرف لكن حتحدد اقامتى ومش حاعرف اواجه واكتشف المشاكل المتعلقة بنظم التعليم
الوزير...
حنجيب لك كل التقارير لحد عندك
فاطمة..
انا حاليا حاخد راحة سلبية اسبوعين
حاجوز اخواتى الاول وابقى قدرت اوفى وعدى لامى ويكون كل اهتمامى للتعليم
واول الشهر اجى اوقع العقد واستلم الوظيفة
الوزير ...ماشى حننتظرك
حتلاقى كل التقارير منتظراك
وتستأذن وتمشى
الوزير يكلم السكرتير تبعه
لو اتعينت هنا حنربطها بالروتين ومش حتعرف تسافر لندن لا تاخد دكتوراه ولا استاذية
لو اخدتهم هى حتبقى الوزيرة ويبقى شغلها فى المداراس ومش حتقعد على الكرسى وكل الوزراء حيتعبو عشان اكيد رئيس الوزراء حيطلب من كل الوزراء يعملو زيها
ومش معقول يعنى تبقى هى استاذ دكتور
ووزيرها يبقى دكتور بس
الوزير يقول للسكرتير ابعت لى قهوة وروح هات لى ملف كذا
السكرتير يطلع برة يطلب القهوة
ويروح يطلع برة قدام الوزارة
ويكلم الدكتورة فاطمة ويقولها على كل نوايا
وزير التربية والتعليم وانه بيدبر ليها عشان يعطلها عن الدكتوراة والاستاذية
فاطمة..تشكره وتقول ده جميل حابقى اردهولك ف يوم ومستحيل انساه
توصل البيت تتصل بخطيب اختها يجيب اخوه
ويجو البيت فورا
وعلى الغداء اخواتها وعرسانهم معاها
فاطمة..
انا قررت ان اجوزكم يوم الخميس الجاي
جهزو نفسكم مفيش كلام تانى
اكيد محدش ناقصه حاجة
نجاة وشادية مع بعض احنا جاهزين يا ابلة
حسام خطيب نجاة وانا جاهز
يوسف خطيب شادية اعتبرونى جاهز
اليوم السبت يعنى باقى 5 ايام
فاطمة كانت مع الابحاث وبتعيد تنسيق رسالة الدكتوراة بعد مؤتمر الجامعة
ودخلت النت ولقيت كل الوكالات بتتكلم عنها وعن مستقبلها العلمى
وتوقعاتهم عن ترشيح جائزة نوبل
وتمر الايام ويوم التلات تيجى سعدية تبلغها
ان فيه واحد اسمه استاذ احمد طالب يقابلها
تقولها انا نازلة دخليه الصالون
وبعد ما تنزل وتقعد معاه
احمد...هو حضرتك ليه مش مديانى ريق حلو
ومن زمان نفسى اتكلم معاك
انا عرفتك قبل ما اعرف انك دكتورة
ويوم ما كنت عزمتك ع العصير كنت عايز اتكلم معاك واتعرف عليك وكنت حاطلب يومها لو ممكن اتقدم لحضرتك
فاطمة..حضرتك.......
احمد..سيبينى اكمل لو سمحت
انا كنت الكام يوم اللى عرفتك فيهم اعرف انك مدرسة علوم ولا كنت اعرف انك دكتورة
ومكنتش اعرف ان كنت مرتبطة او لا
ومكنش ممكن اسأل عن حضرتك السواق ولا اسأل عنك حد غيرك
لكن اظن الوضع اتغير بعد ما كل العالم بيتكلم عنك وعن اجتهادك
لكن جيت دلوقتى عشان اريح ضميرى
كان نفسى اقول لك بحبك وعايز اتجوزك بس دلوقتى ممكن الف عريس ومعاهم درجات علمية
حيتقدمو وانا الصعلوك اللى بينهم
فانا اعتذر مش حاعرف اتقدم ولا قد المقام
عن اذن حضرتك
فاطمة..خلصت كلامك
اسمع انا حاقولهالك لاخر مرة
.
.اطلع استنانى ف عربيتك
انا قبلت عزومتك ع العصير
ويطلع ف العربية ينتظرها
ويطلعو على كافتيريا على البحر
والدكتور فاطمة لابسة نضارة كبيرة سودة
على فكرة
انا كنت مرة حاعرف ايه هو الحب بس معرفتش
الشخص اللى قدامى كان بياخد بالمظاهر
رغم انه اعترف لى بحبه
بس انا كنت فى السنة الاخيرة فى الجامعة
كنت مركزة مع دراستى
لحد قبل المتحانات بشوية قال
انا رايح اقدم رسالة الماجستير فى لندن
ولما ارجع حنيجى نتقدم لك بعد الامتحانات
لكن يومها طلع ورايا يراقبنى
كنت يومها باركب مواصلات والعربية مركونة ف البيت مش باعرف اسوق
كنت يومها تقريبا جعانةجريت بسرعة ودخلت
شافنى دخلت والخدامة دخلت من اوضة الغفير ورايا
وعم عليوة طلع برة اوضته
يقوم الاخ اياه يقول له مين اللى دخلت دلوقت
عم عليوة كان مع بنته وهى دخلت بالفراخ
عم عليوة ..علطول يقولها دى بنتى وبتشتغل خدامة عند الست
اختلط عليه الامر
والمفروض يعيد السؤال على عم عليوة مثلا
لكن هو اخد على كلامه وانى انا الخدامة
وابويا البواب من غير دليل
يسافر لندن ويرجع
تانى يوم ف الجامعة بعد ما رجع انادى عليه
بسلامته يقول
اكتشفت حقيقتك
ىتشتغلى خدامة وابوك عليوة البواب
وانت مش من مستوايا
انا اكيد وقتها قلت فيه لبس ف الموضوع
بس مرضيتش اراجعه ف الكلام
ميهمنيش الحب اللى يهمنى الاول الثقة
ما هو اللى زى ده لو يومها حاولت افهمه اللبس يمكن يومها اتصالحنا وممكن نتجوز
لكن ممكن يشوفنى مثلا مع زميل يخوّنّى
تانى يوم كنت شفت سواق للعربية
وكنت اروح بيه كل يوم يلمحنى وابتدى تفكيره
يشوش معاه وسال السواق وراح البيت يسأل عليوة ويومها عليوة جاب له بنته سعدية
وعرف انه غلطان وحاول يصلح الموضوع
لكن انا رميته ف الزبالة رغم مكنتش حبيته
لانى مش بادور على الحب
وفى يوم كنت ف اوضتى وعرفت انه ع الباب ومعاه امه وابوه جاى يحطنى امام الامر الواقع
ويخطبنى
نزلت له سعدية تقعد معاهم وتقابلهم واتكلمو معاها وبرضو مكنش يعرف انها سعدية
وانا نزلت بلبس الخدامة
سعدية قالت الجماعة جايين يطلبو ايدك لابنهم ده وسعدية رفضت
وقالت لهم مش من مستوايا
من يومها وحلت لعنتى عليه
مش عارف ياخد الماجستير
واتفصل من الجامعة ونزل مدرس ثانوى
ومن حسن حظى جه المدرسة الصبح
يستلم الشغل فى نفس الوقت اللى اخليت طرفى
وانا وقدام المدير حب سلم عليا
لكن طنشته وخرجت
احمد..
حضرتك بتحكى كل ده ليه
فاطمة..
حاسالك سؤال
احمد...اتفضلى
فاطمة..
افرض وافقت واتجوزنا
هل فرق التدرج الوظيفى يفرق معاك
احمد..
انا مكنتش اعرف سيادتك دكتورة
فاطمة...
واديك عرفت وكمان ممكن ابقى وزيرة
احمد..
انا بحبك ومش حتفرق معايا
بس مش عارف حتوافقى تعيشى معايا فى شقتى
اللى كنت جهزتها الاول وبعدها كنت منتظر النصيب وقابلتك يوم ما قلت لغتك فضايح
لكن لما شفت حضرتك امبارح فى التلفزيون وازاى ما فيش لجلجة حتى فى لغتك عرفت انى انا فضايح مش لغتى لكن اعمل ايه
انا حاصل على معهد خدمة اجتماعية طلبو مدرسين انجلش قدمت
عملو لنا كورس اسبوع وقالولنا مشو حالكم
فاطمة ..
تقبل انك تكون وكيل اعمالى وسكرتيرى
بعد ما نتجوز بس حنعيش ف لندن
احمد...وهنا
فاطمة ..
لو عايز تتجوزنى تكتم الخبر
وتروح تقدم طلب اجازة بدون راتب سنتين
وتخلص الموضوع قبل الخميس
وتلم فلوسك وتحولهم استرلينى
احمد..
مش معايا الا 10 الاف كنت مخليهم مصاريف جواز وزيهم للشبكة
فاطمة ...
مش مشكلة لو عرفت تاخد اجازة او تستقيل ان كنت عايز تتجوزنى
يوم الخميس جواز اخواتى ونعمل فرحنا سوا
احمد..
حاشوف الادارة بكرة والمديرية
ان منفعش استقيل
واليوم يعدى وتانى يوم بعد العصر
يكون احمد عند فاطمة ف البيت
يبلغها انه قدم استقالته
يشربو القهوة وتقوله حاقولك حاجة
فاطمة..
انت قلت لاى حد انك حتتجوز
احمد...لا ولا حتى ناسى يعرفو
فاطمة...ممكن تخلى الموضوع سرى
احمد... ليه وعشان ايه
فاطمة..
بص كده اسمع وافهم
انا باتحارب بالروتين هنا
ووزير التعليم عايزنى ابقى نائبة الوزير
وان اتعينت معاه مش حاقدر اخالف كلامه
انا عندى دراسة دكتوراه خلال اسبوعين
ووراها حاقدم لدرجة استاذ
الوزير عايز يمنعنى بس بالقانون
وعايز يحجم مكانتى
معظم جامعات العالم تتمنى اعمل محاضرة عندهم
ولو وصل الامر يمنعونى من السفر
انا طلبت الاول اجوز اخواتى البنات
وبعدها استلم الوظيفة
وقررت اهرب ليلة فرح اخواتى
وكمان مرشحة لجايزة نوبل
المهم الدكتوراة اللى محدد لها اول الشهر
حنكتب كتابنا واوعدك نعمل الفرح ليلة حصولى على الدكتوراة وان كان فرحنا هنا حيشوفه مية ولا ميتين
هناك حيشوفه الملايين لانى بعد الرسالة حالبس فستان الفرح واخرج معاك
لعلمك انا عشان تضحياتك
انا معرفش حاجة اسمها حب
بس اكيد طالما وافقت اتجوزك يبقى احبك
وصدقنى اول مرة اقول الكلمة دى واول مرة احس يعنى ايه تضحية من اجل الحب
انا من بعد ما توفت امى كان عمرى 16 سنة
حملتنى مسؤلية اخواتى البنات
كنا جينا من الصعيد مع امى وعشنا مع خالتها
تراعينا ونرعاها
وماتت امى وبعد سنتين ماتت جدتى
واضطرينا نسيب البيت هنا ونروح نعيش ف اوضة ع السطوح
لكن لما رجع ابن جدتى
جه المحامى ومع فتح الوصية لقينا ان البيت دة والعربية وفلوس ف البنك كلها لينا
وان ابنها اللى جاى يستلم الورث مش ابنها
ولكن كان ابن جوزها
والبيت ده كان شرك ما بين جدتى وخالة امى اللى ماتت وكانت صاحبة البيت والفلوس
لكن ادت كل واحد حقه
ادت ابن جوزها حقه من ابوه
وكتبت املاكها كلها لينا بيع وشرا
وانا كرست نفسى لخدمة اخواتى
اتعلمو واتخرجو دكتورة انت لسه مشفتهاش متجوزة رجل اعمال
واللى هنا التوءم مهندسات
اديت مهمتى وبعدها افرغ للتعليم ولنفسى
**************************************
يوم الخميس العرايس ف الكوشة
وفاطمة كانت كتبت كتابها معاهم بس
ملبستش فستان الفرح
قبل الكوشة كانت ودعتهم جوة
وكانت لابسة هى واختها فايزة نفس الفستان
وفاطمة وفايزة شبههم قريب من بعض
فايزة مطلعتش ع الكوشة
فاطمة كانت قدام كل الناس على الكوشة وتنزل تحت تسلم ع الناس لحد قبل ما الفرح ما يخلص دخلت جوة واول ما الفرح خلص
طلعت فايزة معاهم كانو رايحين الاقصر اسبوع
عشان الدنيا شتا راحت معاهم فايزة وجوزها
والكل كان متخيل ان فاطمة سافرت معاهم
الفرح يفض من هنا وفاطمة كانت شنطها مع شنط جوزها فى عربيته اللى باعها
وكان صاحبها الجديد وعده يوصله المطار
الكل كان فى المطار فاطمة وجوزها راحو على طيارة لندن وبعد ساعة طلعت
لكن اخواتها كانو وصلو الاقصر
وبعد شوية نامت على كتف جوزها
اللى اول ما وصلت وصحيت قبل الهبوط
بس نزلت لقيت الدكتور كمال ومعاه مراته والبنات اللى اتعرفت عليهم وكانو معاهم اولادهم واستضافوهم وعملولهم فرح
وبعد يومين كمال سلمهم بيتهم اللى اشتراه ليهم الدكتور هدية جواز الدكتورة
عشان بعد المؤتمر الدكتور حقق ارباح كتير
من التلفزيونات اللى عملت معاه برامج
خاصة عنه وعلاقته بالدكتورة فاطمة
فاطمة اخدت يومين عروسة
وجربت الحب وحلاوته
واحمد اخد حقه الشرعى
بعدها رجعت للدراسة والتعليم
واحمد ابتدى ياخد كورس تعليمى ف الانجليزى
كانو اتفقو كل يومين حيعيشو الحب
وكل يومين نص ساعة فرفشة
بعد 15 يوم العرسان رجعت لبيتهم
قرروا ياخدو شهر العسل هناك وبعدها يرجعو بيوتهم
تانى يوم العصر الوزير بيكلم السكرتير ويقوله نبعت نجيب الدكتورة تستلم عملها
السكرتير ..بس الدكتورة ممضتش العقد
الوزير مش مهم بس تيجى وانا أمرها تمضى
بعت مندوب من الوزارة يستدعى الدكتورة فاطمة لاستلام عملها
نجاة وشادية.الدكتورة حاليا مش مرتبطة باى عمل حكومى لا تعليم ولا جامعة
المندوب ..الوزير طالبها
نجاة ...هى تعبانة ونايمة
لو ممكن الوزير يتصل على رقم الارضى
وتكتبهوله تكون الدكتورة صحيت وفاقت شوية
المندوب وفين تليفونها
شادية ...تليفونها اتكسر يوم الفرح والشريحة كمان بكرة ناوية تجيب بدل للشريحة
منتظرين اتصالكم الساعة 9 بالظبط
الوزير مع السكرتير
الوزير مبسوط وبيقول اهو فاتتها دراسة رسالة الدكتوراه ولو حددولها ميعاد تانى مش حيكون الا بعد 6 شهور على اقرب توقيت
اتصل عشان نكلمها
قبل ما يرفع السماعة يقوله مكتبها جاهز
السكرتير على سنجة 10
ويتصل وترد عليه شادية تقوله ادينى وزيرك
الوزير..اكلم الدكتورة فاطمة لو سمحت
شادية ..سافرت لندن سعادتك
الوزير ..امتى سافرت
شادية ادخل النت وابحث عن اسمها
وخلى البحث اخر 24 ساعة وانت تعرف
الوزير يقفل السكة
افتح الكومبيوتر بسرعة
ابحث عن الدكتورة
قلص البحث لاخر 24 ساعة
اول نتيجة
الدكتورة فاطمة السعيد تنال رسالة الدكتوراة من جامعة اكسفورد وتخرج من القاعة بالزغاريد المصرية وهى بجوار زوجها ووكيل اعمالها ....وشغل الفيديو
يلاقى امم جوه القاعة اثناء المناقشة
وامم اخرى خارج القاعة
***********************
فى نفس الوقت سفير مصر بلندن يروح يقدم التهنئة للدكتورة فاطمة
بعد السلام الدكتورة تطلب السفير كلمة على انفراد وتروح معاه على جنب لكن جوزها معاهم يقوله على انفراد
فاطمة..ده وكيل اعمالى وجوزى
المهم اللى عايزة حضرتك تعرفه وزير التربية والتعليم كان عايز ينقلنى لمنصب نائب الوزير ويرمينى على مكتب ف الوزارة واشتغل انا بناء على تعليماته ويحرمنى بعد كدة من نيل الدكتوراه ودرجة استاذ عشان ما تعلاش درجتى العلمية عنه
لكن انا قدرت اخرج بتمويه ومن يومها ميعرفش انى سافرت بس اكيد عرف النهردة
وعندى شاهد بس مش عارفة حيوقف معايا ولا معاه
السفير... مين شاهدك
فاطمة ...سكرتير الوزير
السفير ..لو حاجة ضد البلد حيوقف معاك
على العموم انا نازل مصر بكرة
وحاقابل رئيس الوزراء واشرح له الامر
......................
فى مكتب الوزير بيضرب اخماس ف اسداس
اومال مين اللى كنا بنراقبها ف الاقصر
وتعدى الليلة
فاطمة خرجت مع جوزها تتفسح
اتصلت بيها الجامعة
فاطمة تروح الجامعة مع جوزها
وعرضت عليها
فيه عروض من جامعات خارجية طلبت القاء محاضرة نظير مبلغ من المال
وعددهم 14 جامعة ..منها 11 ف اوروبا
بالاضافى الى المغرب وقطر والكويت
والعرض التانى
ان وافقت على تعيينها فى الجامعة مع الاخذ ف الاعتبار ان جامعة كامبريدج اعتبرت حضرتك من ابنائها وتعيينك هناك واجب
فاطمة..
انا موافقة انى ابقى محاضرة هنا ليومين ف الاسبوع والقاء ماحضرتين ف الاسبوع
لتخصص مناهج
وزيهم فى جامعة كامبريدج
وموضوع دعوات الجامعات الخارجية
يتم التنسيق بين الجامعة هنا ومعاهم
على اساس انى محاضرة هنا
انا مقدرش اخد مقابل
لكن بما انى فى ازمة مالية ممكن الجامعة تقبل المقابل من الجامعات وبعدها تسلموها هنا
دة ف الوقت الحالى وتقدرو تنسقو المواعيد بحيث الكل يخلصو فى شهر واحد
وبالنظر للدول نبدأ بقطر والكويت وبعدين المغرب وبعدها الدول الاقرب فالاقرب
بس لى طلب
عايزة استاذ احمد جوزى ووكيل اعمالى
يتم قبوله لدراسة ادارة اعمال هنا وبعدها يقدم للماجستير لو امكن بس بعد الجولة
السفير وصل مصر وراح مجلس الوزراء
وطلب مقابلة رئيس الوزراء
طبعا دخلوه على طول
السفير..ممكن شوية على انفراد
السكرتارية خرجت
السفير قاله على موضوع الدكتورة فاطمة
بالتفصيل
رئيس الوزراء ينادى السكرتارية
يقولهم ابعتوا لكل سكرتارية الوزراء
وبلغوهم باجتماع خلال ساعة يكونو هنا
عشان بعد بكرة فيه اجتماع وزارى طارئ
سكرتير وزير التعليم رن تليفونه
افندم سعادتك لسكرتارية رئيس الوزراء
..فيه اجتماع طارئ للوزراء بعد بكرة
لازم تيجى وتحضر الاجتماع التحضيرى
عشان تعرض البرتوكول على سيادة الوزير
ويا ريت متتاخرش
السكرتير ...تمام يا افندم
ويدخل للوزير يقوله
سيادتك فيه اجتماع طارئ للسكرتارية
طالبين كل السكرتارية لتحضير البرتوكول لاجتماع السادة الوزراء
الوزير...حاجة تقرف كل كام يوم اجتماع
لو كان الاجتماع له قيمة ابقى جهزو المطلوب
لو موضوع تافه وممتطلبش لنا اى دور
خلال نص ساعة السكرتير يكون هناك
بعد شوية واحد من السكرتارية يقوله الوزير منتظر اول خمسة يوصلو
ويقوم اول خمسة وهناك يدخلوه اولا
رئيس الوزراء
حاسألك سؤال واحد
وترد برد واضح وصريح
هل كان فيه مؤامرة من الوزير عشان يحجم دور الدكتورة فاطمة السعيد ويحرمها من نيل درجة الدكتوراة والاستاذية
السكرتير ..تمام يا فندم
كان عايز يعينها نائبة الوزير
بعدها تمشى على كلامه ومتقدرش تسافر الا باذن سيادة الوزير
يا فندم بلدنا ما تصدق تلاقى كوادر زى الاستاذة فاطمة ..دى مثل اعلى فى كل جامعات العالم والكل يتمنى منها محاضرة
وقريت انها نازلة الكويت وقطر خلال اسبوع لالقاء محاضرات هناك ليه متقدمش جامعات مصرية وتاخد ميعاد لالقاء محاضرة
السفير ..
وانت ليه واقف معاها ومش مع وزيرك
السكرتير...
يا فندم انا معايا بنت فى الثانوى
وصلت لدرجة قطعت كتب العلوم من صعوبتها ومن ضعف مستوى المدرسين
الدكتورة من 3 حصص بس وبقت بتحب العلوم واتعلمت ازاى تذاكر وتفهم
يعنى مش بس فهمت من شرحها
علمتها ازاى تذاكر المادة
لكن الوزير كان كل همه محدش يبقى اعلى منه
وربنا منعنا عن كتم الشهادة
رئيس الوزراء
خلاص احنا حنطلعك من الموضوع خالص
وانا طلبتكم هنا يعنى لو سألك
تقوله طلبو اول خمسة عشان يكونو من منظمين الاجتماع مش اكتر
زى ما انت عارف كل اجتماع بنعمل كدة
السكرتير فهمت يا فندم
....اتفضل انت للاجتماع
وانت خارج قول للاربعة معاك ف التنظيم
تانى يوم اجتمع مجلس الوزراء
وكان اول بند فى اجندة الاجتماع
بلاغ من الدكتورة فاطمة السعيد
وزير التعليم لما سمع كدة وشه بقى ألوان
وتم فتح مقطع على شاشة العرض
وكانت فيه الدكتورة بتعرض مشكلتها مع وزير التربية والتعليم وانه حاول يمنعها من السفر
وكان حاطط رقابة عليها لكنها قدرت تتخلص من اللى بيراقب بحيلة أن أختها قريبة الشبه منها ولبست ملابسها ووووووووو
بعدها رئيس الوزراء اقترح إقالة وزير التربية والتعليم واحالته للتقاعد
أو يقدم استقالته ويطلب التقاعد
لكن الوزير اختار الاقتراح التانى
ولم حاجته
لكن رئيس الوزراء طلب منه ينتظر نهاية الاجتماع برة
بعد الاجتماع رئيس الوزراء ووزير الداخلية
مع وزير التربية والتعليم
وزير الداخلية..لو طبقت القانون حاعتقلك
لكن رئيس الوزراء مش عايز شوشرة حنخليها تعدى
انت تاخد حاجتك واوراقك وتقعد فى بيتكم
لو عملت اى لقاء مع اى برنامج او صحيفة حنفعل البلاغ .
انت عارف واللـه اعملها واللى ما يشترى يتفرج
الدكتورة اصلا رفضت تبقى وزيرة للتعليم
.
.بعد فترة تمت مناقشة الدكتورة فاطمة
فى نيل شهادة الاستاذ
واصبحت بروفسير ومحاضر دولى
اصبحت محاضرة فى جامعتى اكسفورد
وجامعة كامبريدج
استاذة فى علم المناهج وطرق التدريس
ومحاضرة فى علم الفيزيا
واصبحت مشرفة على كثير من رسائل الماجستير والدكتوراة
قامت بجميع الدعوات التى ارسلت لها عن طريق الجامعة ولا تتلفت الى الدعوات الخاصة التى ترسل لها منها دعوة جامعة القاهرة
عندما زارها السفير المصرى للاستفسار عن عدم تلبية دعوتهم فى جامعة القاهرة
قالت انا ملتزمة بالدعوات الرسمية التى تأتيها عن طريق الجامعة لأنها مرتبطة بها
ولا تستلم دعوات خاصة
ما زلت اعمل فى الجامعة ولن اخالف القوانين
تم تكريمها فى قطر والكويت والمغرب
اثناء تلبية دعواتهم
فى المغرب الملك شخصيا قام بتقليدها وسام المملكة للعلوم والفكر التنويرى
وكملت جوالات اوروبا
رجعت بعد فترة الدكتورة للاستقرار
ومتابعة الرسائل المقدمة
صادفتها رسالة ماجستير قديمة تخص فؤاد
احالتها للجنة مراجعة للبت فيها
اللجنة خلال اسبوع فحصتها
ولم تجيزها
اعادتها للجنة لتحيلها لمشرف اخر
البروفسير كمال جاءها لزيارة
البروفسير حاصل على الاستاذية قبلها
واوصاها ببعض الوصايا السرية
وناقش معها بعذ الامور
واخبرها هذا اخر لقاء لنا وتمنى لها الخير
بعدها قررت عدم الخروج من نطاق الجامعة
وعدم تلبية دعوات نظرا لحملها
وتوقفت عن المجئ للجامعة ثلاثة أشهر
حتى وضعت طفلها وارسلت واحضرت خادمة من مصر حتى يحتفظ باللغة العربية
مع وجود اخرى للغات الاخرى
لكن الخادمة المصرية مسؤولة عن تنشئة الطفل
والمطبخ ..اما الاخرى لغات اجنبية واعمال المنزل الاخرى
حصلت وقتها على نوبل فى علوم الفيزيا
رفضت ترشحها لجائزة السلام
لانها لن تكون فى سلام مع محاربة المتشددين
تم دعوتها من قبل الرئيس حسنى مبارك حينها
فى الاحتفال بيوم العلم
لبت الدعوة
وعادت لبيتها واجتمعت مع اخواتها
وكى يرى طفلها البيئة المصرية
سافرت الاقصر لزيارة اهلها وقبر والدها
اقامو لها احتفالية فى قريتها
ولكن مع توافد المراسلين من كل مكان
عادت الى حلوان سرا
واكملت اجازتها وسافرت لندن سرا
بعدها اصدرت كتابها الجديد عن الروتين
كيف تقتل الروتين وكان بثلاث لغات
العربية والانجليزية والفرنسية
واشارت فيه ان مصر من اكثر الدول تداولا للروتين تليها الجزائر وسوريا والعراق
وتكلمت عن الحل الأمثل لقتل الروتين
وهو العمل الميدانى
مثلا الوزير يتابع اعماله من خلال الاشراف العملى وليس على التقارير
ناظر المدرسة يبحث ويدقق فى كل شبر من مدرسته ولا يجلس على كرسى
المدرس يعيد الدرس ولو الف مرة افضل ما يكون هناك طلاب لا يفهمون
يجب اعادة الثواب والعقاب ف المدارس
يجب إلغاء قانون التعليم الذى يوصى
بنجاح التلاميذ حتى نهاية المرحلة الاعدادية
ويعود النظام لسابق عهده نجاح ورسوب
معظم الدول العربية طبقت نظريتها الا مصر
عرضت عليها مصر وزارة التربية والتعليم
لكن رفضتها مرة اخرى
قامت بنشر 4 كتب اخرى عن السلبيات فى طرق التدريس والمناهج
قامت بعمل نماذج جديدة لمناهج جميع المراحل الدراسية لمصر
لكن وزير التربية والتعليم رفضها
انتشرت افكارها فى معظم الدول
الكثير منهم طبقها واستفاد منها
الا مصر الروتين والتدرج الوظيفى اولا
بعدها استقر الامر معها على المحاضرات فى جامعتى اكسفورد وكامبريدج فقط
وعاشت امومتها مع طفلة اخرى
بعد فترة استقرت اخواتها معها ف بريطانيا
واكتمل شمل اسرتها
حصلت على الجنسية البريطانية
وعاشت فى سعادة بعيدة عن الروتين
* تمت
بعد وفاة الأب سنة 1985
قامت الأم برعاية بناتها الاربع حق رعاية
كان قد ترك لها الزوج اربع بنات
الزوج من شدة حبه لزوجته قد اطلق اسمها على أول طـفلة لهما
فاطمة 16 سنة ...أولى ثانوى
فايزة 13 سنة الاعدادية
نجاة 11 وشادية 11 سنة ..توءمان
مات الزوج منذ 10 سنوات
كان عمر فاطمة الأم حينها 27عاما فى ريعان شبابها ..لم تفكر فى نفسها ..أو فى متعتها
أو تتخيل أن تكون مع رجل آخر
زوجها كان يعشقها بجنون وهى كذلك
مات غرقا فى النيل
كان يعمل فى البر الاخر وظيفة لم يمهله القدر الا 3 اشهر فقط
يومها كان قد استلم راتبه
وكان ع العبارة ليعود لاحبابه
وما ان طُلب منه أجرة العبارة
كان معه اكياس من الفاكهة
وما ان حاول اخراج محفظته وهو يحمل اكياسه لم يستطع فما كان منه الا وضعها بين ساقيه
ولكن انفلت الكيس وتدحرج ما فيه
لتجرى منهم تفاحة فى طريقها للماء
واذا به يطاردها لتسبقه الى الماء
لكن ما لبث أن ترنح وغلبته الجاذبية خلفها
لانها التفاحة الوحيدة بينهم التى تحبها فاطمة
تفاحة تميل إلى الغامق مع البنى
لكن تسحبه مروحة العبارة لتضربه فى راسه
وتتهاوى جثته إلى أعماق النيل
فى البيت تنتظر الزوجة مع بناتها
قد تأخر كثيرا
هناك رجل فى المنطقة قد عرف بغرق حسين
فهما يعملان فى نفس المصنع
وكان معه على العبارة
لكنه جلس أمام بيته وقد قرر ألا يخبرهم
الجو كان حارا لكنه تناول غداءه ف الشارع
وبقى مكانه لا يتزحزح حتى رأى عسكرى
يدخل الشارع لم يجد أحدا ليسأله عن بيت حسين ليخبر اهله بالحادثه
والرجل اخذه لداخل بيته واخبره ان كان يريد ان يجهز له طعاما او شايا فقط
العسكرى.طلب الشاى فقط
الجار...لو سمحت لا أريدك أن تخبرهم فى وجود البنات سيكون لهم صدمة اتركنى أمهد لهم
!!!!!!!!!!!!!!!!!!!!!!!!!!!!!!!!!!!!!!!!!!!!!!!
نعود الأن لنكتب القصة ولكن بلغتنا الدارجة
الجار بيقول نعملها ازاى نعملها ازاى
واخيرا استقر على رأى
راح السوق واشترى شوية فاكهة زى اللى كانو مع ابوهم
راح بعد العصر وخبط على بيتهم
والبنات جت تجرى ابونا رجع
لكن وجدو جارهم
اذيكم يا بنات فين الست الوالدة
وينادو امهم
الجار..
الاسطى حسين الشركة بعتته مصر عشان يوصل عينات للى بيعمله المصنع ومكنش فيه وقت وبلغنى ابلغكم وادانى الفلوس دى والفاكهة اوصلهالكم وممكن ياخد اسبوع ولا عشر ايام ويرجع
البنات تاخد الفاكهة وتجرى لجوة
والجار يقول للست
ام محمود ف البيت عايزاكى شوية بعد المغرب مش عارف بتسأل عن وصفة اكلة انت بتعمليها احسن منها عايزاك معاها وهى بتعملها
الست فاطمة..
حاضر يا عم خضرى
( خضرى يجى 50 سنة طيب وف حاله بس دقرم وذكى ومش بيقصد حاجة معاها بس عايز يوصلها الخبر من غير ما يأثر ع البنات)
بعد المغرب تروح الست فاطمة
تلاقى ام محمود وكمان يجى 5 رجالة من المنطقة
ام محمود تروح تحضنها وتبكى وتقولها اوعى تصرخى
حسين مات وتسد بقها
فاطمة عيونها دمعت وسورقت وقعت ع الارض
بعد نص ساعة فاقت وفضلو يتكلمو معاها بالراحة والكل بيشارك عشان البنات متسمعش دلوقت ويبقى تمهد لهم
وخضرى يشرح لها ازاى حصل كدة
وف الاخر يقولها لسه بيدورو ع الجثة
وكان بعد العصر راح لعضو مجلس الشعب عشان يجيبو محفظة حسين وحاجته وكدة
وخضرى سلمها المحفظة وام محمود اخدتها جوة عشان تاخد لها شوية تبكى فيهم
بعدين قالت لازم اكون قوية قدام بناتى عشان اعرف اربيهم كويس
وغسلت وشها ورجعت لبيتها
تجهز العشا للبنات
تانى يوم قدرو يخرجو الجثة
والغريب ان التفاحة كانت فى يده
بعد الجنازة والبنات مش فاهمه ليه حريم كتير بتيجى البيت تبكى شوية ويحضنو امهم
مفيش الا فاطمة الكبيرة اللى فاهمة شوية وبكت لحد ما امها تقولها خليكى قوية عشان اخواتك
الست بعد الجنازة رجعت فلوس عم خضرى واصرت لازم ياخدهم وف الاخر اخدهم
الست عملت لها فاترينة فيها شوية بقالة
بتعمل كمان صوانى بسبوبة للى يطلب
طلع لهم معاش 24 جنيه ف الشهر
بنتها فاطمة دخلت المدرسة
اشترت لها اجمل مريلة وشنطة كمان عشان متحسش باى فرق بينها وبين زميلاتها
من اول يوم بعد المدرسة
فاطمة اخدت أمل وعمر ف القراءة
امها اللى مش بتعرف تخط اصلا
علمتها ازاى تكتب امل وعمر بطريقة حلوة
فتحت لها علبة كبريت واتعلمت لكن البنت قالت خسارة علبة الكبريت كان تمنها قرش
جابت كوز درة ناشف اخدت منه شوية
وفضلت تكتب وجابت الكتاب..
المدرس كتب لها اسمها عليه بخط حلو..
ونقلت اسمها
وكتبته لحد ما اتعلمت اسمها صم
بعدها اتعلمت ازاى تكتب اسم اخواتها
قالت لامها اكتبى لى اسماء اخواتى
امها اخدت حتة كرتونة وراحت لعم خضرى
وكتبلها اسماء بناتها كلهم
البت كمان اتعلمت تحسب بالدرة
بعدها عرفت تستهجى وتكتب
وجابت كيس من بتوع الكمون اللى كانت بتيجى مكيسة
مكنش متوفر اكياس بلاستيك وقتها
واخدته فى شنطتها وتحسب مع المدرس
خلال شهرين البنت بقت لهلوبة
والدنيا ماشية والام **** محوجهاش لحد
ولا اتذلت لحد
ولا فيه صنف راجل حاول يتقرب لها لا عن قريب ولا بعيد
لا ف الحلال ولا الحرام
ولا حد يقدر يتقدم لها ومعاها اربعة
تعدى السنين والبنت الكبيرة ف تالتة اعدادى
وتنجح الاولى ع المركز
واختها فايزة تطلع الاولى ع المدرسة
وكانت سنة ساتة ابتدائى
ونجاة وشادية فى سنة رابعة
والبنت كانت عايزة تروح دبلوم تجارة
يعنى فاهمة الوضع وكدة
لكن امها اصرت انها تروح الثانوى
لكن خالتها جاتها البلد بعد ما جوز خالتها مات
وطلبت منها تيجى بعيالها تعيش معاها
واصرت عليها واقنعتها
فاطمة لسة صغيرة وقتها كان عمرها 36 سنة
وفعلا قفلت بيتها بقفل
واخدت هدومها وهدوم بناتها
خالتها حولت بناتها للمدارس
خالتها ساكنة فى منطقة اسمها كفر العلو ..تبع حلوان بالقاهرة
بعد مصنع الاسمنت ومصنع الحديد والصلب جنوب حلوان
كانت مرتاحة ماديا شوية
والبنات كانت مبسوطة كمان
لكن لم يمهلها القدر كثيرا
فقد مرضت الام بمرض عضال ف القلب
لقد كتمت حزنها لسنين من اجل بناتها
لكن قلبها من الغم قد انفجر
البنات قد كبرن والحزن معهن زاد
بعد وفاة ام البنات
جدتهم تكفلت بتربيتهم ورعايتهم
كان للجدة رصيد فى البنك بعد وفاة جوزها
استلمت نصيبها من الميراث
بس كان ليها حساب فيه اضعاف الميراث
معاها ولد عايش فى باريس
حتى مجاش يوم وفاة ابوه بعت برقية عزاء
وتمر الايام بطيئة
الجدة اعطت لكل بنت الف جنيه
وقالت حاعملكم فى الجنينة اوضتين وصالة
لها باب برة وجوة واكتبها باسمكم
وفى صباح اليوم التالى
فاطمة راحت تصحى جدتها عشان تفطر
لكن لقيتها قد فارقت الحياة
الجيران وصحبات جدتها بعد الجنازة
عملو عزا ع الضيق للنسوان
مفيش حد جه اساسا عشان الست ف حالها
المحامى ارسل برقية لابن الجدة عشان يجى يستلم بيت الوالدة وفلوسها اللى ف البنك
قال له حاجى كمان شهر
فاطمة ومعاها اخواتها مصيرهم ايه
البواب طلع معاهم كريم وجاب لهم اوضة على سطوح عمارة من نفس الشارع
ايجارها 50 جنيه ف الشهر
فاطمة واخواتها اخدو هدومهم وراحو سكنهم الجديد
فى اول ليلة وبعد ما اخواتها ذاكرو ونامو
********************************************
الصبح بدرى نزلت تجيب افطار
راحت وهى طالعة السلم صادفتها زينات
زينات...
الا قوليلى يا عروسة انت رايحة لمين
فاطمة..
انا واخواتى اتاجرنا اوضة السطوح
زينات ..
يعنى كنتو هناك الليلة اللى فاتت
ليه مشفتش حد هناك
فاطمة..
لا بنام بدرى عشان بنصحى بدرى نذاكر ونراجع
احنا فى مدارس
يصادف بواب جدتهم معدى ف الشارع
يشوفهم ويطلع يقول
فيه حاجة يا ست زينات ولا ايه
زينات ..
هو انت تعرفهم
البواب..
ايوة دول جدتهم اتوفت وبيتها جاى يستلمو خالهم لما يرجع يرجعو تانى
عشان هو الوريث الوحيد اما امهم ماتت قبل جدتهم يعنى ليهم وصية بس مع المحامى
بنات مؤدبين مش حيزعجوكم بينامو بدرى
مش حتسمعى لهم حس
اطلعى يا فاطمة عند اخواتك
فاطمة..
حاضر ياعم
..........................
دخل الشتا والبنات من البرد بتنام مع بعض
يدفو بعض
فاطمة كانت 18 وفايزة 15
ونجاة وشادية 13 سنة
وكلهم مراهقين
التوءم كانو مع بعض متفاهمين
هما على سرير واحد
فاطمة وفايزة على الارض نامو
لكن التوءم صاحى
بعد نص السنة
ابن جدتهم رجع من اوروبا
واول حاجة حصلت المحامى وصل بعد المغرب
الاخ بيقول للمحامى يلا عايز اخلص واسافر
المحامى طلب الاول لازم يكونو
فاطمة حسين.وفايزة ونجاة وشادية
الاخ ...
مين دول
المحامى...
دول قرايب الوالدة
الاخ بينادى البواب ...
يا عليوة عليوة
علوية جه يجرى
الاخ للمحامى قوله الاسماء
المحامى يقول للبواب الاسماء
الاخ تعرفهم ويبقو ايه للمرحومة
علوية..
دول امهم تبقى بنت خالة سعادتك
المرحومة راحت مخصوص الصعيد وجابتهم
يونسوها ويخدموها
امهم ماتت هنا
والمرحومة كانت بتحبهم وبعد ما اتوفت
المحامى استلم البيت لحد ما ترجع سيادتك
الاخ...
ايه يا متر .مالهم بالورث
المحامى...
لما يجو حتفهم
الاخ ...
بتعرف طريقهم يا عليوة
عليوة ..
ايوة سعادتك
المحامى ..
قريبين نستنى ولا نيجى مرة تانية
عليوة ..
لا هنا ف الشارع..بس بينامو بدرى
كلهم تلامذة يا بيه
الاخ كان اسمه أحمد 39سنة
عايش فى فرنسا
المحامى ..
والعمل ايه
عليوة..
اروح اشوفهم يمكن الاقى حد صاحى
المحامى ...
انا حاروح معاكم
احمد..
وانااقعد اعمل ايه
ما نديهم حسنتهم ونخلص الموضوع
بدل التعب ده
المحامى ..
لا مينفعش
ياخدو بعضهم ويطلعو
زينات تصادفهم ع السلم تلاقي اتنين بهوات وعليوة البواب
زينات ..
على فين البهوات
عليوة..
البيه خال البنات جاى يشوفهم
والاستاذ يبقى المحامى
المهم يطلعو ويخبطو يلاقو البنات لسه حينامو
فاطمة من ورا الباب ... مين
عليوة ..
انا عليوة يا بنتى افتحى معايا ضيوف
تفتح تلاقى مع عليوة اتنين
عليوة..
دة استاذ احمد يبقى خالكم ابن جدتك
ودة الاستاذ فوزى المحامى
فاطمة..
اهلا بيكم بس احنا دخلنا ايه ف ده
المحامى..
المرحوم تركت وصية لازم تكونو معانا واحنا بنفتحها
فاطمة..
ايوة هى قالت حابنيلكم اوضتين فى الجنينة لكن ملحقتش الف رحمة ونور عليها
عليوة..
ما تيجو ربع ساعة وترجعو
فاطمة ...
معلهش يا عم عليوة الدنيا برد
واخواتى اتنين نامو بيصحو بدرى يذاكرو
وانا مقدرش اسيبهم واخرج
المحامى..
خلاص نخليها بكرة بعد المدرسة
جيبى اخواتك وتيجو
فاطمة ..
ماشى يا سعادة البيه
ياخدو بعضيهم ويمشو
تانى يوم بعد المدرسة ولما رجعت البنات كلهم
وهما بيتغدو الباب خبط
كان عليوة ...
خلاص يا بنتى جاهزين
فاطمة...
نغير هدومنا ونيجى وراك يا عم عليوة
بعد نص ساعة فاطمة مع اخواتها يكونو هناك
المحامى يوصل
يقعدو ف الصالة
فاطمة لنجاة وشادية ...
روحو العبو ف الجنينة
وتقول لفايزة ..
وانت معاهم وابقى افهمك
المحامى نبدأ على بركة الخالق
ويسمى ويطلع دوسيه من شنطته
اقر انا سعيدة حسن البحيرى وانا فى كامل قواي العقلية أن هذه وصيتى الاخيرة وحين كتبتها كنت فى صحة جيدة بوجود المحامى فوزى منصور ابو عمرة
ان زوجى الراحل قد ترك ثروة وقت وفاته تقدر ب 34 الف جنية فقط لا غير
وتركتها على حالها بحساب منفصل للسيد أحمد عبد العزيز احمد الرملى وكلها مع ارباحها له وحده خالصة
وانى اضفت على هذا الحساب مبلغا وقدره 15 الف جنية كهدية منى إليه
وحسابى الشخصى به مبلغ 45 الف جنيه
وبيت من دورين وله حديقة بسور
وجملة الارض وما عليها 3 قراريط
وهى ملكى الخاص لم ارثها من زوجى الراحل
وان ابنه احمد ليس له حق فى ميراث منى
ولن يرث ارضا ولا بيتا ولا اموالا
لانه ابن زوجى من زوجة اخرى
احمد ..
انت بتخرف تقول ايه
ازاى من زوجة اخرى
يعنى اللى ربتنى دى متبقاش امى
اومال انا مين ومين امى
انا باحلم اكيد ..ولا ده كابوس
المحامى..
اهدى استاذ احمد وحتفهم كل حاجة
احمد...
افهم ايه ..وازاى
المحامى..
لو سمحت اهدى
احمد..
لا سيبك م الوصية مفيش وريث تانى
ابنها مش ابنها انا الوريث الوحيد
المحامى..
حضرتك البيت والارض واللى حواليه مبقتش اصلا ملك للمرحومة سعيدة
البيت واللى فيه بجنينته
بقى لورثة الاخت فاطمة عبد العال على
اللى هما فاطمة واخواتها
هما اصحاب البيت والفلوس ف البنك
الست سعيدة قبل وفاتها كتبت للبنات
على اساس انهم الورثة للقرابة
بيع وشراء وليس توريث
احمد..
انت بتخرف تقول ايه
المحامى...
اهدى وحتفهم
دى شهادة ميلادك فيها اسم المرحومة الوالدة الحقيقية اللى اتوفت يوم ميلادك
بعدها اخدك ابوك ووداك لمراته التانية اللى هى المرحومة سعيدة اللى صادف انها كانت ولدت قبل اسبوع لكن بنتها اتوفت
ويوم ما ولدتها بنت.ابوك طلقها مش عايز بنات
هى اللى قامت بتربيتك
احمد...
لما هى ربتنى ورضعت من حليبها عملت كدة ليه وحرمتنى
المحامى ..
المرحومة محرمتكش من نصيبك
اداتك نصيبك من والدك وكمان هدية من عندها
البيت كانت اشترته الست سعيدة بعد ما اتجوز عليها واحدة تانية وبعد ما ولدت بنت طلقها
المرحومة قبلت تربيك وهى مطلقة لحد ما رضيت تتجوزه من تانى عشان خاطرك
باع بيته وسكن معاها هنا
وبيتها ده اشترته بعد ما هى واختها باعو نصيبهم كام قيراط ف الصعيد
ومعملوش ورق
هى واختها مجيدة اتفقو لما تتحسن الظروف يبقى يتحاسبو
ومجيدة ماتت بعد ما اشترت البيت وكانت حتسجله بالشرك مع اختها لكن القدر ماتت
ومجيدة اللى تبقى جدة البنات دى
المحامى..
عشان تفهم كل حاجة ادى صورة جواب منها
بتفهمك كل حاجة
خلاصة الكلام بكرة تستلم فلوسك من البنك كاملة وتاخد حاجتك من هنا وتسيب البيت لاصحابه دى مفيهاش كلام
ووصاية البنات عندى 3 سنين لحدما تكمل فاطمة سن 21 سنة
لان السيدة سعيدة اوصت ان البيت يبقى تحت وصايتى وفلوسهم كمان
بكرة الصبح حاجى اخدك للبنك وتيجى تاخد كل اللى يخصك من هنا ..اخر كلام
الاخت فاطمة قلت اي
يلاقى فاطمة حطت راسها بين ايديها ونايمة
يصحيها المحامى..
قلت ايه
فاطمة ..
خلصتو نقدر نروح انا واخواتى
المحامى..
تروحو ايه انت مش كنتى سامعة
فاطمة.
مش فاكرة سمعت ايه
وتيجى تقوم... نروح بقى
المحامى ..
تروحى ايه البيت بقى بتاعكم
فاطمة ...
بتاعنا ايه وهى ملحقتش تبنيه
المحامى..
لا انا اقصد كل البيت المرحومة سعيدة كتبته ليكم
الاخ احمد يفتح الجواب
ابنى الحبيب
فى اوائل الستينيات
ابوك جه البلد بيدور على واحدة يتجوزها
ناس دلته علينا
اختى مجيدة كان متكلم عليها واحد واختارنى
واتجوزنا ع الضيق وسافرت معاه مصر
ابوك كان شغال طباخ عند ناس اغنيا
شغلنى معاه خدامة .قبلت عشان هو معايا
لما عشت سنة ومحبلتش اتجوز واحدة تانية
وعشان كانت حلوة كان قاعد معاها
وانا كنت ابات هنا برة البيت ف اوضة الخدامين ويبات عندى مرة كل اسبوع ولا اتنين
لحد ما حبلت وقالى كمان مراته التانية حبلت
بعد كام شهر زنت عليه مراته التانية يطلقنى
اتاريه طلقنى من شهر ومقالش عشان مش باخلف
وبقيت لا جوز ولا سكن
بالصدفة اختى مجيدة جت تزورنى وجايبالى حقى من الارض اللى باعوها
لما لقيت حالى كدة وعرفت اللى حصل كانت عايزانى ارجع معاها لكن مقدرتش
كان فيه بيت معروض للبيع ب800 جنيه
كان معايا 50 تحويشة عمرى
كانت تمن الارض 600 جنيه انا وهى
اداتنى حقى وحقها وقلعت دهبها
كردانها وغوايشها وخلخالها وحلقها
بالعافية رضيو ياخدو الفلوس ناقصة 30 جنيه
قالت بعد ما تتحسن حالتك نبقى نتحاسب
ماهى اختى الكبيرة
رجعت بلدها اتجوزت وكان جوزها كريم
حكت ع اللى حصل لكنه قالها ده مالك ومال اختك ومقدرش ازعل
المهم عشت وحدى وعملت برة البيت دكانة صغيرة ابيع واعيش منها
اختى ولدت بنتها فاطمة
وانا بعدها بفترة ولدت اختك اللى اتوفت بعد يومين ..لقيت ابوك جاى ومعاه عيل لسه لحمة حمرا يقولى ابنى احمد ماتت امه ربيه بدل بنتك اعتبريه ابنك
انا وافقت بشرط تكون متسجل باسم امك الحقيقية ولما جاب لى شهادة الصحة اخدتك وربيتك وابوك كل اسبوع ولا اتنين يجى يزورك
لحد ما انت ابتديت توعى للكلام وقلت ماما
شوية شوية وابوك بيزن عليا عشان نتجوز من تانى ولما انت اول مرة قلت بابا ..انا وافقت
ابوك مكنش يقصد نتجوز عشان يعيش مع ابنه
لا.. عشان يبيع بيت مراته ويفرفش
فرتك الفلوس ف الكباريهات واللف البطال
لحد ما خلص عليهم
وجه ياخد منى قلت له منين
بقيت شغالة بالدكان والدنيا تمام
ابوك سابنى وطفش
انت وصغير رحت البلد لما اختى ماتت
انت وفاطمة تبقو اخوات م الرضاعة
اخدتك معايا واخر ايامك قبل الفطام كنت بترضع مع فاطمة اللى مكنتش ترضى ترضع من غيرى قعدت هناك سنة تقريبا
فطمتك وفطمت فاطمة قبل الاوان
وبعدها سبتها مع ابوها واتجوز واحدة تانية عشان البنت
انا رجعت بس قبل ما ارجع لقيت لى كمان قيراط ارض ورث من امى
بعته المرة دى باكتر من 150 جنيه
عشان كان جنب طاحونة وعايزينه
ورجعت مصر والدكان كبرته وبقالى صيت
وابتدت الدنيا تولع وكنت اعرف اوفر السكر والشاى والزيت المهم ومكنتش باقصر
عشان البلد كان فيها ازمة
ولما جت النكسة والبلد مبقاش فيها فلوس والحرب شغالة ..كنت بادى الناس بالدين
وبالاجل وكان رزقى بيجينى
ومفيش حد نسى اللى عليه والكل دفع دينه
مش حاطول عليك
اللى عايزة اقولهولك رزقى زاد والفلوس كترت
اشتريت دهب وخزنته والدهب بيزيد
وبعد خمس سنين رجع ابوك وقال كان ف الحرب وانا مش مصدقة اصلا
اتاريه اتجوز واحدة وبعدين اتطلقت منه لما عرفت انه مليش ف الشغل وكُسلى
خليته يشتغل معايا بس براقبه
كان بيسرقنى وانا ساكته
حاول كتير انى اكتب له البيت انا رفضت
عدت ايام والسنين ابوك بيسرق بس قرطت عليه بعد ماجبت عيل بتاع دبلوم شغلته يمسك الدكان وسرقة ابوك خفت
قعد ف البيت ياكل ويشرب وينام
المهم الجنيه بقى 10 والزايد اشترى بيه دهب
من غير ما يعرف ابوك
انا اللى صرفت عليك ف تعليمك
وبعتك بلاد برة
بعد عمر عرفت ان ابوك كان حاطط فلوس ف البنك اتاريه اتجوز 5 حريم ارامل
عشان يكون عندها بيت وبعد ما تحوله البيت باسمه يبيع البيت ويطلقها
عرفت قريب لما مات من كام سنة
حتى انت استخسرت تيجى واجب ابوك
وربـنا امرنا نعطى اليتامى حقهم
وبيتى وتجارتى كلها نصيبى ونصيب اختى
ابوك ملوش فيها قرش واحد
فيبقى حرام شرعا لو خليتك تورث حاجة مش حقك ..فلوس ابوك ملمستهاش سبتها باسمك
وكمان عليهم 15 الف جنيه
اعذرنى يابنى الحق حق
اتمنى انك تسامحنى
امك سعيدة
فاطمة واخواتها يرجعو سكنهم ويباتو هناك
الصبح تفطر اخواتها وتقولهم ..
النهردة اجازة من المدارس عندى ليكم مفاجاة
اخواتهم يتلمو عليها..
مفاجاة ايه مفاجاة ايه
فاطمة...
بعد الافطار حاقولكم
بعد الافطار
فاطمة..
كله يلم هدومه وكتبه وحاجته كلها
حنرجع نعيش ف بيت جدة سعيدة
فايزة...
ليه حصل ايه
فاطمة ..
المفاجاة هى
ان جدة سعيدة كتبت لنا البيت كله
البنات ترفع ايديها الف رحمة ونورعليك يا جدة
وبعد نص ساعة كله يجهز ويطلعو على بيتهم
الجديد ولما وصلو
عليوة قالهم ...
استاذ احمد
خرج من الصبح بدرى ومش راجع تانى
عليوة يفضل بواب زى ما هو
ويجيب بنته الكبيرة سعدية 28 سنة تشتغل خدامة متجوزة تخدم البنات وتروح اخر النهار
تمر الايام
وفاطمة تدخل كلية العلوم قسم طبيعة (فيزياء)
واخواتها مجتهدين ف دراستهم
زى ما هما بينامو بدرى ويصحو بدرى
فاطمة وصلت سنة تالتة كلية برضو مجتهدة
وصل الكلية معيد جديد حياخد ماجستير من برة
الكل بيقوله بروفسير فؤاد
كان بيدى محاضرات لفاطمة
شاف نشاطها وتفوقها واعجب بيها
بعدها ابتدى يقرب منها شوية شوية
وهى ابتدت تحس بانجذاب ناحيته
كانت فاطمة متحبش المغالاة فى لبسها
يعنى زى اى بنت متوسطة
لا ماكياج ولا برفانات
مهتمة بالدراسة وبس
كان البروفسير كل يوم والتانى يروح كافتيريا الجامعة يلاقيها بتذاكر بين المحاضرات
توصل فاطمة سنة رابعة
اختها فايزة كانت فى نفس الجامعة بس طب
كانت كمان متفوقة فى الدراسة لاقصى الحدود
لدرجة انها ممكن توقف فى نص الشارع عشان تدور على معلومة فى اجندتها او كتاب معاها
يوم بعد يوم البروفسير فؤاد زاد اعجابه بفاطمة
وهى اتعلقت بيه كمان شوية
واعترف له بحبها
وقال قبل الامتحانات حيوصل لندن يقدم رسالة الماجستير ويجى مع اهله يطلبها
بس فؤاد مكنش عارف ياخد منها اى معلومة عن بيتها فين ولا اهلها
كل مرة تقوله لما تخلص دراستها
لكن قبل الامتحانات وتقريبا الدراسة بتشطب
راح وراها يراقبها
سعدية كانت فى السوق بتجيب خضار
وهى داخلة كان ابوها حيدخل الحمام ويقولها ليه اتاخرت اخلص الحمام واجيلك
وتدخل فاطمة تجرى منغير ما حد يشوفها
على حمام البيت اصلها مزنوقة
ف اللحظة دى كانت سعدية لسه ف الجنينة
حتدبح فرخة
ويطلع عليوة ع البوابة
يلاقى واحد واقف ع الباب
فؤاد ..
لو سمحت مين اللى دخلت دلوقتى
عليوة..
دى بنتى يا حضرة بتسال ليه
فؤاد..
انت صاحب البيت
عليوة..
لا انا البواب وبنتى هنا الخدامة
فؤاد يتقلب حاله ويرجع
بقى بتشتغل خدامة عشان كدة مش عايزة تقولى اى معلومة عنها ولا اهلها
يرجع فؤاد ويسافر تانى يوم الصبح
لكن فاطمة كل يوم تروح الجامعة
تاخد كتاب من المكتبة وتقعد ع الكافتيريا
وكل ما يعدى شخص تفتكره البروفسير
بعد اسبوعين كانت ع الكافتيريا
فؤاد رجع الجامعة قبل الامتحانات لكن لسه متحددش موعد للماجستير
هو ومعدى قصاد الكافتيريا شافته فاطمة
ونادت عليه وهو وقف بعدم مبالاة
تقوله..
امتى رجعت من برة
فؤاد ..
وده يخصك ف ايه
فاطمة..
حصل ايه يا دكتور
كلامك اتغير ليه
فؤاد..
كل ما اسالك عن بيتكم او عن اهلك تتهربى منى
لكن قبل السفر عرفت حقيقتك
عرفت انك خدامة فى البيت اللى فى حلوان
وانا اتخدعت فيك وانا محبش اربط نفسى بخدامة مش من مستوايا
فاطمة.. و بابتسامة..وقلبها بينزف من الحزن
انا خدامة..
عندك حق انا مش من مستواك
وتسيبه وتمشى ع البيت
توصل البيت وتنادى عليوة
هو مفيش حد جه سأل هنا قبل اسبوعين
عليوة بيفتكر
ايوة افتكرت ..
واحد كدة كان راكب عربية
وبدلة شيك شاف سعدية وقال لى مين اللى دخلت دى دلوقت
انا قلت دى بنتى وبتشتغل خدامة
فاطمة فهمت الموضوع وابتسمت
قالت لعليوة نضفو العربية دى
كانت عربية الست سعيدة
اشترتها جديدة قبل ما تموت عشان تديها هدية لابنها لما يرجع...لكن النصيب اصبحت من ورث البنات
تنضفها وتغسلها وتشوف لى سواق
تانى يوم كانت جابت ترخيص للعربية تدخل الجامعة لاخر السنة يعنى شهر تقريبا
عرفت المواعيد اللى بيدخل فيها فؤاد وتروح تخلى السواق يقفل عليه وهو داخل م البوابة
لحد ما لمحها فؤاد راكبة من ورا
وهى معبرتوش اصلا ولا بصت ناحيته
يروح وراها
يلاقى السواق بيفتح لها الباب
وهى تدخل للمكتبة ولا تعبره
فؤاد يروح ناحية السواق
يقوله العربية دى اول مرة اشوفها هنا
السواق..
دى عربية انسة فاطمة حسين السعيد
من حلوان يا حضرة عربيتها كانت مركونة
لحد ما قررت تروح بيها الجامعة
فؤاد..
تقصد بيتها اللى فيه عليوة البواب
السواق ...
ايوة هو ده
فؤاد..
هو بنت عليوة الخدامة اسمها ايه نسيت
السواق..
بنت عليوة اسمها سعدية ومرتى كمان
فؤاد..
يعى كلكم بتشتغلو عند انسة فاطمة
السواق..
ايوة وكمان اخواتها انسة فايزة والانسات شادية ونجاة
فؤاد فى سره...
انا غبى بصحيح
مكنتش اتسرعت كده .. انا غبى
يرجع البيت يحكى لامه وابوه اللى حصل
ابوه.....
عشان غبى
فؤاد..
تروحو معايا نطلبها رسمى
امه ..
مينفعش دلوقتى انت اهنتها من كام يوم
يعنى ممكن تطردك من ع الباب
تخلص الامتحانات
فاطمة تاخد اخواتها للصعيد تزور قرايبها
بقالهم شهرين هناك والبلد عجبتهم
الجامعة كانت عينتها معيدة
ومش عارفين يوصلولها
كل ما يروح حد من الكلية يقولوله مسافرين
لحد ما وصل لهم ف مرة واحد وقالهم لازم حد يوصلهم ويديها الجواب ده فورا
لازم قبل اسبوع تكون هنا
فؤاد كل يوم يروح عند بيتهم ويسأل عليوة او السواق يقولو له مسافرين
واتعودو ما يقولوش لا عناوين ولا اسرار
المهم عليوة خلى جوز بنته اللى هو السواق
يسافر الصعيد واداله العنوان بس يقوله اوعى تدى عنوان البنات لحد
وفعلا تانى يوم يكون هناك ويسلم الجواب للانسة فاطمة
اللى تفتحه تعرف انها اتعينت معيدة ف الجامعة وحصلت على منحة مجانية لدراسة الدراسات العليا بجامعة كامبريدج ولازم تسافر خلال شهر
فاطمة كانت ذكية كانت عاملة باسبور من اول ما وصلت سنة رابعة
لانها نوت تاخد ماجستير من برة على حسابها اذا معيونهاش معيدة
تانى يوم ترجع مع اخواتها حلوان
وتروح الجامعة وتستلم ورق المنحة
وبعدين يومين توصى اخواتها يحافظو على نفسهم وميخرجوش من البيت
جابت لهم تلفزيون كبير
والدش كان لسه نازل جديد
ووصت عم عليوة يخلى باله منهم
وسافرت انجلترا وكانت بتدور على مكتب المنح
لسه ضعيفة ف الانجليزى شوية
لحد ما لقيت حد بيتكلم مصرى
راجل وست وكمان لهجت الست فيها صعيدى
وقبل ما توصل كمان بنتين يجو معاهم وكلهم بيتكلمو عربى وصعيدى
تقرب منهم وبصوت عالى احمدك يا ربـى
وكمان صعايدة وتروح تسلم على البنات وتحضن والست كمان وتسلم ع الراجل بايدها
وتحكيلهم هى هنا ليه
الراجل يروح معاها يخلص لها كل اوراقها
والباقى منتظرهم برة
تقول لهم جه وقت التعارف
البنات
انا نهى بادرس ماجستير
انا ياسمين خلصت ماجستير وبادرس دكتوراة
واحنا الاتنين من الاقصر
تقولهم وانا ولدت وعشت كام سنة فى الافصر
الست..انا من الاقصر دكتورة هنا فى نفس مجالك وحاحاول اخدك اكون مشرفتك
واللى بتناقشك كمان
الراجل ..انا اسمى كمال دكتور برضو نفس تخصصك بس فى جامعة اكسفورد
والدكتورة منيرة مراتى
تقولهم انا عايزة اشوفلى فندق لسة واصلة
منيرة فندق ايه
دى اللى مشلتش الارض نشيلك فوق راسنا
وياخدوها البيت
الدكتورة كانت طيبة
تنادى الدكتور كمال بعيد شوية ويتكلمو انجليزى
المهم اتفقو مع بعض يدوها بحث من ابحاث الدكتور تقدمه للجنة
وبعدين نديها افكار وكتب تراجع فيها ونحدد لها نوعية الرسالة
المهم كأنهم جهزو لها الرسالة كلها
كل اللى عليها تتقن الانجليزية وتراجع
خلال اسبوع كانت الدكتورة منيرة اخدت اشراف على رسالة فاطمة
وبحثها قبلوه منها
وجهزت كل الكتب والمراجع قبل ماترجع مصر
وكمان رجعت بتليفون محمول تشترى خط لما توصل مصر ومعاها رقم الدكتورة منيرة
فؤاد فضل تايه لدرجة انه نسى ميعاد رسالة الماجستير ومرحش
اجبر أمه وابوه يروحو معاه يخطبو فاطمة
وصلو البيت ودخلوهم الصالون
فاطمة فوق مع اخواتهاالبروفسير وسعدية معاهم
فاطمة لبست سعدية لبس فاخر ومحترم وعملو لها مكياج وتسريحة شعر
وفاطمة لبست لبس الخدامة
ونزلت سعدية سلمت عليهم وقعدت معاهم
سعدية...
اهلا بحضراتكم
اتفضلو اتكلمو ...سبب زياراتكم
ابو فؤاد...
احنا طالبين يد آنسة فاطمة لابننا فؤاد
سعدية ..
الموضوع عايز تفكير
ولا نسأل صاحبة الشأن الاول
هو البيه بسلامته بيشتغل ايه
أم فؤاد ..
ده معيد ف الجامعة
وعن قريب حيبقى دكتور ف الجامعة
سعدية...باستظراف
تخصصه ايه اسنان ولا روماتيزم .ههههه
فؤاد..
دكتور يعنى مدرس ف الجامعة
وتخصصى فيزيا
سعدية...
ما هو برضو فاطمة اتعينت معيدة ف الجامعة
وحتدرس هناك
ولا انت متعرفش
فؤاد...
لا معرفش ..امتى حصل ده
سعدية ..
من شهرين كدة جالها جواب التعيين
وسافرت بلاد برة جهزت للماجستير
وممكن كام شهر تخلصه وترجع الجامعة
فؤاد...
هو حضرتك أحنا متعرفناش
مين حضرتك
سعدية...
أنا سعدية الخدامة
فؤاد..
هو من مقامنا ان الخدامة هى اللى تقابلنا
وتدخل فاطمة بلبس الخدامة...
تحبو تشربو حاجة ولا مفيش داعى
سعدية ..
لا مفيش داعى
اصل احنا مش من مقامهم
فاطمة...
يا ست سعدية هو لو كان بيتقدم لك انت ..
تعملى ايه
سعدية..
انا مقبلش طبعا بالسيس دة
معايا راجل يسد عين الشمس
لا تفرق معاه خدامة ولا هانم
شرفتو يا حضرات
يقومو يخرجو وفؤاد مش عارف يعمل ايه من الغيظ والموقف اللى حط اهله فيه
واول ما دخلو العربية
ابوه..
لازم يعنى تحرج نفسك
لازم تعمل نفسك الواد البرم وتقولها انك خدامة
من غير ما تتاكد وتقولها مش من مستوايا
اشرب بقى ..
امه...
انت احرجتنا خالص
الخدامة كانت بتتريق عليك
وطلبنا البنت من الخدامة بتاعتها
برضو رفضوك ..جاك القرف
بعد اسبوع تسافر فاطمة لندن
عملت فاطمة مقدمة رسالة الماجستير
وكونت فكرة الفصول وعناوينها
وجهزت روزمانة لكل فصل
حتى الصور المرفقة كانت جاهزة من الدكتورة منيرة اللى ساعدتها مع الدكتور كمال
اللى حددت لها الدكتورة موعد بعد 9 شهور
ترجع فاطمة مصر ونشتغل بعض المحاضرات وف الوقت الفاضى بتكتب رسالة الماجستير
وبعد محاولات وتغييرات
استقرت على نسخة منها
سافرت تانى لندن ومعاها اخر نسخها
وراجعت كل كبيرة وصغيرة مع الدكتورة منيرة
بعد كام يوم
الدكتورة منيرة والدكتور كمال
ومعاهم الدكتورة نهى والدكتورة شيماء
عملو لها مناقشة تجريبية
سلخوها من المناقشة
لكنها اجادت واستفادت
بعد التجربة تم طباعة النسخ المطلوبة وارسالها للمختصين بمراجعة ابحاثها
وتحدد لها ميعاد بعد 3 شهور
وترجع لمصر لمتابعة حياتها
ما بين الجامعة ورعاية اخواتها
فايزة كانت فى السنة الرابعة طب قسم جراحة
وشادية ونجاة هندسة مدنية ومعمارية
ويجى ميعاد دراسة البحث
ومن الصدف يكون نفس يوم مناقشة بحث فؤاد
تسافر مع اخواتها لندن
وتبدأ مناقشة رسالة فاطمة
تمت الموافقة على موضوع الرسالة
لكن تمت مراجعة الاخطاء الاملائية واللغوية
وتم الحصول على شهادة الماجستير
بعدها الجامعة تعرض عليها منحة لنيل الدكتوراة مجانية بشرط العمل و البقاء هناك
لكنها ترفض العرض
على اساس المتابعة من جامعتها بمصر
فى الجانب المقابل
كان فؤاد فشل فى تذكر الكثير من رسالته
وتم ارجاء لموعد اخر بعد سنتين
ترجع فاطمة مصر
وتصبح رئيسة قسم الفيزياء بشكل مؤقت
على اساس ان البروفسير فؤاد سيكون رئيس القسم ف حالة حصوله على الماجستير
بعد سنتين
فاطمة حصلت على الدكتوراة
واصبحت رئيسة القسم بشكل دائم
وفؤاد ابتدى يغيب كتير عن محاضراته
حولته للتحقيق وتم فصله
لحين حصوله ع الماجستير
فاطمة كانت مشغولة بالحياة العلمية
ونسيت حياتها الشخصية تماما
فايزة كانت اتجوزت
وكمان نجاة وشادية لسه ف اخر سنة دراسة
اتحطبو لاتنين اخوات بس مش توءم
كانو واحد مهندس قبلهم بكام سنة خطيب نجاة
والتانى دكتور طبيب
فايزة سافرت بلاد برة مع جوزها رجل اعمال
بتجهز الماجستير
فاطمة داخلة على 32 سنة
مفيش لها اى تجربة عاطفية
ومحبتش تجرب
فى يوم قررت الدكتورة فاطمة قرار مصيرى
راحت الوزارة وطلبت انتدابها لمدرسة ثانوية بنات جنب بيتهم
وطلبت يكون لمدة سنة فقط
وتانى يوم كانت بعربيتها ومعاها السواق على باب المدرسة
فراش طار على المدير يقوله الظاهر فيه تفتيش فى عربية بسواق ومعاه واحدة ست
الظاهر هى مفتشة
المدير يشاور الطابور يطلع بنظام للفصول
تنزل من العربية والسواق يسأل حنركن العربية فين ..والفراش ياخده لمكان تحت شجرة
السواق يقفل العربية ويرجع بيت الدكتورة
الدكتورة فاطمة تدخل مكتب المدير
وتطلب لو سمحت محدش يدخل المكتب
فاطمة..احب اعرفك بنفسى
المدير..حضرتك تبقى الاستاذة فاطمة مدرسة العلوم المنتدبة
فاطمة..لو سمحت اوضح لك اكتر
انا الدكتورة فاطمة حسين السعيد
مدرس بجامعة القاهرة ورئيسة قسم الفيزياء
حاصلة على الدكتوراة من لندن
واجهز نفسى لتطوير المناهج واعادة صياغتها
طلبت انتدابى ونقلى لهنا عشان اتفرغ لكدة
يعنى ابقى استاذ محاضر
لكن الصراحة لا انا عايزة جامعة ولا قرف
قلت اجى هنا جنب البيت
بقالى سنين مع الدراسات وسفر ووووو
قلت افضى دماغى شوية
انا حاخد حصة لكل فصل من الصف الاول للصف الثالث الثانوى
يعنى بواقع 9 الى 12 حصة
واكيد منهج الثانوى تخصصات
انا تخصصى فيزياء
وموضوع الدكتوراة اركنه ع جنب عشان محدش يعمل فارق من الزملاء
المدير ..
ولو انى متعجب ازاى دكتورة زى حضرتك تسيب الجامعة وتيجى تشتغل مدرسة ثانوى وتسيب الهيلمان والهيبة
فاطمة..
هنا هيبتى برضو محفوظة
قلت لك عايزة افضى دماغى شوية
ممكن بعد ساعة ارجع الجامعة او اغير لاى مدرسة غيركم مش صعبة
المدير جاب لها كتب الفيزياء للصفوف الثلاثة
يادوب بصت لحظات على كل كتاب
المدير..
المفروض فيه حصة فى تالتة اول
عندنا 2 تخصص كيميا وابلة تخصص احياء وكانو بيقسمو حصص الفيزياء عليهم
فاطمة ..بعدين نتكلم انا حاروح الحصة
تدخل الفصل وتسلم ع البنات صباح الخير
فاطمة ..
من غير مقدمات اسمى ابلة فاطمة
مدرسة الفيزيا ..
ندخل ف الدرس وتبدأ تشرح
بعد ربع ساعة عاملة تخبط ع الباب
العاملة..المدام ابتسام بتطلب حضرتك تروحى لها معمل العلوم
فاطمة ...
قوليليها انا مش فاضية
عاملة المدرسة..تروح وترجع تانى
مدام ابتسام بتقولك ان مجتيش حتحولك للتحقيق
فاطمة..
روحى قوليلها لو نزلت ..انا حارفدها
مش تحقيق وبس
وعايزة بعد الحصة مباشرة الاقى كل مدرسين العلوم منتظرين فى المعمل
اول ما تسمع الابلة ابتسام كدة تروح للمدير
تقول له انا مدرسة العلوم الاولى هنا
واعلى من ابلة فاطمة بدرجات ازاى ابعت لها تقول مش فاضية
المدير..
طب اسكتى يا ختى يا مدرسة اولى
درجات ايه يا حبيبتى اللى بتتكلمى عليها
انسة فاطمة على درجة وكيلة وزارة يا ختى
ليه متعرفيش واوعى تقولى لحد نبهتك اهو
اطلعى اجمعى مدرسين العلوم واستنوها فى المعمل ...اجرى بسرعة يلا يا ختى
فاطمة تخلص الحصة والبنات تتلم حواليها
تقولهم شوية شوية نتعرف مش لازم ف اول حصة المهم تركزو معايا فى الشرح
وتسأل على معمل العلوم فين
تدخل تلاقى كل المدرسين هناك والمدير معاهم
فاطمة..
بصو كدة انا محبش حاجتين
الفشخرة الكدابة والروتين
حتتعبونى بروتينكم
ارجع انام ف البيت من تانى
انا جيت للعمل ف التدريس عشان حاقوم بتغيير المناهج للعلوم فى علم الفيزياء
من الصف الرابع لحد تالتة ثانوى
لا عايزة روتين ولا تدرج وظيفى
يعدى اول يوم
فاطمة رايحة ناحية العربية
ومتلقاش السواق
كانت عربيتها قافلة على عربية مدرس انجليزى
وراح لقاها واقفة بتدور ع السواق
ابتدى يرطن بالانجليزى
يعنى مش عاجبه الوضع
فاطمة..
اتكلم بالعربى احسن
الانجليزى بتاعك فضايح
أحمد كان اسمه..
ازاى تقولى على كلامى فضايح
انا مدرس اللغة الانجليزية
فاطمة..
التدريس حاجة ولكن ممارسة اللغة حاجة تانية
وراحت رطنت له بالانجليزى
احمد...
حضرتك قلت ايه .مش مركز
فاطمة..
انا كلمتك عن التحلى بالصبر
وقلت لك انا مش باعرف اسوق حقيقى
والسواق بتاعى ممكن يكون نام ف البيت
احمد بالعربى..
هو حضرتك معاكى سواق
فاطمة ..
ايوة معايا سواق
لكن عفيفى السواق يجى يجرى
معلهش يا ست هانم مش حاكررها تانى
عفيفى يركب وفاطمة تقول له روح انت
فاطمة ..
تمشى على رجليها ويحصلها احمد
احمد..
ممكن اوصل حضرتك
فاطمة..
لا شكرا البيت مش بعيد عايزة اتمشى
وتخرج من المدرسة واحمد يوقف بعربيته قدامها و يصر انه يوصلها
هى محبتش تكسفه.طالما مصر وركبت
بعد عشرة متر قالت له بس وصلنا
احمد...
وصلت فين
فاطمة..
وصلت البيت
وجه الدور انى اقول لك اتفضل اتغدى معانا
احمد...الف شكر انسة ......
فاطمة..
ابلة فاطمة مدرسة علوم
احمد..
احمد مدرس انجليش
فرصة سعيدة يا ابلة ..تشرفنا
ياخد بعضه ويمشى بعربيته
يستمر الحال على حاله كام يوم
لحد ما فى يوم تيجى المدرسة لجنة من الوزارة
للبحث عن اوجه القصور فى المدرسة
المدرسة تقريبا تتوقف عن التدريس لحصتين
البنات فى الطابور بقالهم ساعة
واحدة بتشرح فى ميكرفون الاذاعة
لما فاطمة ابتدت تتضايق
راحت خطفت المايك من اللى بتتكلم وتقول شكرا للجميع ويلا يا بنات على فصولكم
اللجنة برئيسها فضلو يزعقو مع المدير ومع فاطمة اللى معجبهاش الوضع
تطلع التليفون وتتصل بالوزير
تقوله اللجنة بتاعتكم هنا عطلت الدراسة 3 ساعات والبنات واقفة طابور ف الشمس
هو ايه اللى بيحصل
الوزير ..لجنة ايه
فاطمة ..
مش عارفة بيدورو على قصور ايه
فاطمة ..
فين رئيس اللجنة
خد كلم الوزير بتاعكم
ويتكلم والوزير يرجعهم فورا
فاطمة..
انا حاعمل مذكرة فى كيفية عملكم
ولو جيتو من تانى حتشوفو الوش العكر
تطلع فاطمة الفصل وبعد ما تخلص الحصة
ومفيش معاها حصص بعدها حبت تروح
راحت لقيت المرة دى السواق موجود لكن عربيتها هى اللى مقفول عليها من عربية احمد
تسيبهم وترجع البيت على رجليها
بعد نهاية اليوم الدراسى
استاذ احمد راح ووقف جنب عربيته
بيبص على ابلة فاطمة
عفيفى السواق ..لو سمحت ممكن تطلع شوية لقدام عشان اعرف اطلع العربية
احمد..مش حتستنى الابلة
عفيفى..لا الابلة فاطمة روحت من بدرى
لما لقيت عربية حضرتك قافلة على العربية
احمد يركب عربيته ويوقف قدام بيت فاطمة
على اساس عربية عطلانة
فاطمة كانت بتتغدى مع نجاة وشادية
وسعدية قال بصوت واطى
عفيفى بيقول الاستاذ بتاع امبارح وقف بعربيته قدام البيت بيقول عطلانة
فاطمة..
ابعتيله عصير وان سأل مترديش
لكن العربية اشتغلت قبل ما توصل سعدية
وركب ومشى بيها
تانى يوم كان فيه اجتماع لمدرسى العلوم ف الادارة التعليمية بحلوان
الاجتماع بدأ وواحد اتكلم عن النظم الدراسية وتوزيع المناهج خاص بعلم الاحياء
واخد يزيد ويعيد لساعة تقريبا
واخدو استراحة ربع ساعة
بعدها واحد مختص بعلم الكيمياء
واقترح احنا ندرس الاسماء اللاتينية لمعظم المركبات خصوصا المعادن من سنة رابعة بدل ما يتفاجئ بيها التلميذ ف الاعدادى ووووووو
بعد الاستراحة المنصة اللى عليها المسؤول عن المادة اتغيرت وكانو 6 اعضاء موجودين
وكانت فاطمة قاعدة مع زملائها
وواحد من القاعدين ع المنصة مسك المايك
وقال الدكتورة فاطمة السعيد تتفضل
فتقوم فاطمة ناحية المنصة وكل اللى عليها يوقف عشان يسلم اصلها مقعدتش معاهم ولا خططت حيقولو ايه
معظم المدرسين من مدرستها او اللى حواليها واى حد اتعرف عليها مش مصدقين اللى حصل
حتى مدام ابتسام زميلتها رغم عندها علم لكن برضو مكنتش مصدقة
الدكتورة فاطمة ..موضوع الاجتماعات والشرح لعدد كبير من الزملاء ميعجبنيش
لذلك انا حاعمل شرح مفصل لتطوير المادة
والادارة حتقوم بتوزيعه على معظم المدارس
لكن حنجتمع بعد نهاية الدراسة بشكل دورى لمدة اسبوعين لمناقشة تطوير المادة
واكيد حيكون فيه ميزانية لتغيير الكتب
لكن انا جهزت الخطة حنبدأ بشكل تدريجى
يعنى كتاب علوم سنة رابعة ابتدائى مثلا حيتغير السنة الجاية لكن كل السنوات اللى بعدها بنفس المنهج وكل سنة نغير لنفس التلاميذ المنهج
وعلى مدى 9 سنين حنكون غيرنا كل المناهج
بعد نهاية الامتحانات والتصحيح
الكل يستعد
باتمنالكم التوفيق
بس تنتهى وهى نازلة
تلاقى استاذ فؤاد ف وشها ...........
.
.
لكن نزلت من غير ما تعبره وكأنها مشفتوش
تخرج بسرعة وتركب عربيتها والسواق يجرى
تانى يوم ف المدرسة
استاذ احمد وصل فى نفس الوقت المرة دى ركن بعيد
وراح ناحيتها
احمد...
صباح الخير ابلة فاطمة
فاطمة..
صباح الخير استاذ احمد
احمد....
بعد الفسحة عند حضرتك حصص
فاطمة...
لا ....خير فيه حاجة
احمد..
لو ممكن اعزمك على قهوة برة المدرسة
فاطمة...
بخصوص ايه
احمد...
الصراحة لحد دلوقتى مش عارف
يمكن اعرف وقتها
فاطمة ....
نبقى نشوف بعد الفسحة ..عن اذنك عندى حصة
بس ابتدت الفسحة
فاطمة خرجت ع البيت والعربية سبقتها
استاذ احمد فضل يدور عليها ف المدرسة كلها
ولما ملقهاش مقدرش يروح لبيتها
لكن سواق فاطمة رجع المدرسة ولما لقاه قاله
الدكتورة فاطمة بتعتذر لحضرتك
بتقولك جاتها سفرية فجأة وحترجع بعد يومين
احمد...
ابلة تقصد وسافرت فين
عفيفى..
معرفش يا بيه ويسيبه ويجرى
احمد بيكلم نفسه سفرية ايه اللى فجأة
هو حتى السفر فجأة
فاطمة كانت مسافرة لندن وحجزت لكن نسيت الميعاد
وبالعافية حصلت الطيارة
راحت حضرت محاضرة لنظم التدريس وتطوير المناهج
وشاركت فى القاء جزء من المحاضرة
واقتراحاتها لاقت ترحيب كبير من الحاضرين
وكمان على غير المعتاد الكل يصفق ليها
استفادت منها وافادت فعلا وحتساعدها فى مهمتها
راحت تزور الدكتورة منيرة لكن تعرف انها استقالت
هى وجوزها ورجعو مصر
حاولت تتصل بيها رقمها مش ف الخدمة
راحت المطار وقدرت تغير التذكرة من بكرة للنهردة
ورجعت بعد نص الليل
يعنى اقل من 12 ساعة من غير ما تدوق لقمة ف لندن
بس وصلت البيت كانت البوابة مقفولة
واتصلت باختها وفتحت البوابة
عليوة ...صحى من النوم
حمد اللـه على السلامة مش كنتى تنادى عليا
فاطمة ...
معلهش يا عم عليوة مرضيتش ازعجك
اجرى يا نجاة حاموت من الجوع لسه ع افطار الصبح
بعد ما تتعشى بالعافية تغير هدومها وتنام
تصحى الصبح على 8
تفطر وتروح المدرسة تلاقى الحصة الاولى اشتغلت
تروح تمضى تلاقى متعلم قدام اسمها غياب
تطلع الفصل تلاقى مدرس علوم اخد حصتها
تقول له لو سمحت اتفضل انا حاكمل حصتى
يلم حاجته و يخرج
ولسه حتبدأ شرح
تلاقى الناظر ومعاه مفتشة علوم والمدرس معاهم
يدخل الناظر ويقول صباح الخير
الاستاذة موجهة علوم
فاطمة ...فين المدير
الناظر ..المدير قدم اليوم عارضة
موجهة العلوم تاخد كرسى وتقول لفاطمة اتفضلى كملى
شرحك يا استاذة
فاطمة تبتدى تشرح ومتمكنة من المادة
الموجهة ..
هو حضرتك مطلعتيش دفتر المادة ولا فتحتى كتاب وبتشرحى ..هو حضرتك مش بتحضرى الدرس
فاطمة..
انا مش باحضر دروس ومعنديش دفاتر اصلا
الموجهة..
طب وانا عايزة الدفتر اراجع فيه
عشان احط تقييم لحضرتك طب اعمل ايه
فاطمة...
انت متعمليش حاجة
عشان انا بالذات محدش يفتش معايا ولا ورايا
الموجهة...
اشمعنى يعنى
فاطمة ..
من غير اشمعنى .اصلا انا اتاخرت دقيقتين
راحو شطبو على اسمى ف دفتر الحضور
انت يا حضرة الناظر روح هات دفتر الحضور والانصراف
ماهو ما ينفعش تراجعى وتشرفى على مدرس متغيب
وتطلع تليفونها
الووو مدير مديرية التعليم
انا الدكتورة فاطمة السعيد
عاايزة بكرة اجتماع لجميع الموجهين والموجهات بادارة حلوان التعليمية الساعة 2 الضهر ...سلام
فاطمة...
حضرتك تقدرى تتفضلى على حصة حد تانى
الموجهة...
ليه على راسك ريشة
فاطمة...
ايوة على راسى ريشة
مينفعش واحدة على درجتك تشرف او تراجع ورايا
الموجهة ..
ليه وكيلة وزارة
فاطمة...
ايوة وكيلة وزارة يلا اخرجى برة
ولو كتبت تقرير ودينى اوديك الصعيد يلاااااا
الموجهة تاخد شنطتها وتطلع وتقول انا حاعرف اوريك
وتاخد بعضها على برة المدرسة
وتوصل الادارة تعمل شكوى فيها لمدير الادارة
مدير الادارة..
ههههه هو انت اللى وقعت معاها
الموجهة...
تقصد ايه
مدير الادارة...
بكرة عندكم اجتماع طارئ الساعة 2 الضهر
ويمسك الشكوى والتقرير يقطعهم
الموجهة..
انت عملت ايه ..حاروح اشتكيك للمديرية
مدير الادارة..
ولو رحت الوزارة
بكرة فى الاجتماع حتعرفى يلا روحى جهزى نفسك
واتصلى على كل الموجهين اللى تعرفيهم
رغم ان فاطمة تعتبر غياب لكن دخلت حصة تانى
الناظر ..
يتصل بالمدير يطمن عليه
وبعدين يحكيله ع اللى حصل
المدير...
انسة فاطمة محدش يعلم على اسمها بعدين تفهم
فاطمة منسجمة ى الشرح والبنات مركزة
فاطمة كانت علمت البنات ازاى تركز فى الشرح
امسك قلمك وانت بتسمع واللى تحس انه مهم تسجله ف كراسة خاصة عشان تراجعه
معظم البنات ماسكة قلم وبتسجل فى كراستها
ويخلص اليوم وتخرج على البيت مباشرة
الاستاذ احمد كان واقف فى الحوش بيبص عليها
لكن لا هى ظهرت ولا عربيتها ف المدرسة
بس شافها فى فصل بتشرح
بعد الغدا فاطمة راجعت المحاضرة اللى سافرت عشانها
كل اللى كان حاضر هناك اخد اسطوانة
شغلت الاسطوانة على الكومبيوتر
بعد المراجعة حولت المحاضرة على كارت ميمورى
وكان الموضوع عن طرق التدريس والنظم التعليمية لتطوير المناهج واتباع السبل للوصول لاقصى استفادة من تيسير المناهج للتدرج الصحيح لدراسة علوم الفيزياء
تانى يوم كان فيه حصة فاضية فى فصل
عملت بدل معاها ومع الحصة السادسة
فى الفسحة عرّفت المدير ورجعت البيت
الساعة واحدة من البيت ركبت العربية وراحت للادارة
استاذ احمد كان طالع بعربيته وراح وراها لحد ما حصلها
خلت عفيفى يوقف
ونزل احمد عشان يقولها على موضوع العصير
فاطمة...كنت مسافرة ونبقى نعوضها
احمد....بس انت وافقت
فاطمة..باقولك ايه م الاخر كدة متعشمش نفسك
يلا يا عفيفى وتسيبه وتمشى
احمد بيكلم نفسه معشمش نفسى ف ايه
انا مش فاهم حاجة
توصل الادارة وتعرف ان الكل موجود ومحدش اتخلف
تروح تقعد مع الموجهين تحت بعيد عن طاولة المنصة
تشوفها الموجهة وتقولها
انت ايه اللى جابك هنا
..اكيد غلطانة روحى شوفى وراكى ايه
يوصل المشرف على تنظيم الاجتماع
ويقول بعد الترحيب
اجتماع طارئ من وكيل وزارة التربية والتعليم
فلتتفضل الدكتورة فاطمة السعيد
فاطمة تقول للموجهة دلوقتى تشوفى وتقوم للمنصة
فاطمة تتكلم وترحب بالحاضرين وتشكرهم على الحضور
وتتكلم عن سبب الاستدعاء المفاجئ
وتشرح وتستفيض فى الكلام
بعدها تروح للبرجوكتور وتشغل المحاضرة
لكن قدمت بعض المواقف اللى ملهاش دخل بالاجتماع
وكانت بترجم الكلام اللى بيتقال
جابت 3 محاضرين
وبعدها 10 دقايق لفقرتها
وشرحت الغرض من كلامها
بعد ما وقفت الشاشة طلبت
خلال اسبوع كل الاقتراحات والحلول من جميع الحضور
عشان نعرف نغير المنهج باسلوب بسيط يناسب العقلية لكل مرحلة من مراحل التعليم
مش حينفع مثلا ندرس الروافع قبل ما التلاميذ ما يعرفو كسارة البندق
والاجتماع استمر اربع ساعات
فى الاخر
قالت محدش حيخرج لاى مدرسة لحد اجتماع الاسبوع اللى جاى والاقتراحات اما تخليك موحهة مادة
او ترجعك للتدريس من تانى
وتختم وتاخد حاجتها وتخرج
رئيس جامعة القاهرة يتصل بالدكتورة فاطمة تلفونيا
ويقولها حضرتك وصلنا مظروف مقفول لسيادتك
من استاذ دكتور اسمه جراهام اس ويلسون
فاطمة..شكرا لحضرتك الصبح حاكون عندكم
رئيس الجامعة..لو ممكن تشرفينا النهردة
عندنا دكتور زائر امريكى اسمه صامويل برنجهارد
وممكن يدى محاضرة عن نظم التعليم والمناهج ممكن حضرتك
فاطمة..
انا عارفاة وده دكتور يهودى وطرق تدريسه مش مناسبة للدول العربية جاية علطول
بعد نص ساعة تكون فى مكتب المدير
وتستلم المظروف وتفتحه
وتتصل بتليفونها تتكلم وتقفل
فاطمة..المظروف ده متأخر
الدكتور ..هو اتأخر فى السكرتارية باعتذر لحضرتك
تطلع التليفون وتتصل بالبيت يجهزولها شنطة سفرها
وحتيجى بعد ساعتين
فاطمة..
دى دعوة من جامعة اكسفورد للمشاركة فى المؤتمر العالمى لتطوير نظم التعليم والتباين بين كل مجتمع واخر
الدكتور...ممكن توضيح
فاطمة...الاخ اللى جاى يدى محاضرة هنا
اكيد هو اللى قالك تيجى دكتورة فاطمة
حب يعمل نفسه شخصية علمية
هو جاى عشان يلهينى عن مؤتمر لندن
هو مش موجود فيه عشان نظامه يعارض كل النظم الاخرى
واهم نقطة عايز يطبقها ف الدول العربية حريةالجنس
واقامة حفلات التخرج من الثانوية زى ما بيحصل ف امريكا وكل بنت مع صديقها بعد الحفلة يقضو ليلة واول قبلة وكدة
افهم حضرتك الباقى
تعالى نحصله قبل ما يبث سمه بين الطلاب
ولما يوصلو مدرج المحاضرات يلاقو الطلاب بتدخل
بعدها سمعو صوت المترجم بيكلم الجميع
ويطلبو منهم الهدوء عشان المحاضرة تبدأ
ولسة الدكتور بيعرف بنفسه
والمترجم يترجم
ويقول حاصل على ومعاه كذا وكذا ووووووو
لكن صوت الدكتورة فاطمة من مايك خارجى يتداخل
ويضطر المترجم يسكت
ولما تتكلم انجليش المترجم يترجم
انا الدكتورة فاطمة السعيد
عايزاكم تفكرو كويس قبل ما تسمعو الدكتور
هل ممكن والد أو والدة يعنى أب أو أم
ترضى لبنتها تمارس الجنس قانونا بعد تخرجها من الثانوية
فى حفلات العذرية
مين يرضى ان يجهز لبنته الجو المناسب لتمارس الجنس مع صديق او زميل وهو يكون قاعد برة ف الصالة
من يرضى ان مراته تجيب صديقها وتنام معاه وجوزها يمقدرش يقول لا
او الزوج يجيب صديقته قدام زوجته
كل الافكار الماجنة دى هى نظم تدريس
الدكتور صامويل
وتدخل للمدرج وكل الحاضرين يوقفو
وتطلع كتاب له وتبعته للمترجم
فى صفحة كذا الفقرة التالتة لو سمحت اقراها وترجمها
المترجم يقراها ولما يجى يترجم
المترجم ما يكملش من الاحراج
فاطمة..المترجم مقدرش يكمل كلامه
عارفين ليه مكسوف يقول الكلام اللى ف الفقرة
اللى بيقول فيها ايه لو كل زوج جاب صاحبه وينام هو وصاحبه مع مراته وتحصل مراته على المتعة المطلوبة
ع العموم ان مش فاضية ومسافرة كمان ساعتين لحضور مؤتمر فى لندن
مش اى استاذ او بروفسير من برة نرحب بيه من غير
ما نعرف افكاره
كتير بيكلمك عن القيم وهو شاذ جنسيا
شكرا لحضراتكم الف شكر
الطلاب وكل الحاضرين يوقفو ويثقفو للدكتورة
والكل وراهم ولسه بيهتفو ليها
عفيفى كان مستنى برة تركب معاه ويطلع ع البيت
تستحمى وتاكل لها لقمة
وتاخد شنطتها ع المطار
فاطمة..فى الطريق تقول لعفيفى
تروح المدرسة الصبح وتبلغ المدير انى مسافرة وتديله الظرف ده واوعاك تسيب البيت انت ولا عليوة ولا سعدية
متخلوش اخواتى لوحدهم
عفيفى...حاضر يا دكتورة
توصل لندن تلاقى عربية ف انتظارها توصلها الاوتيل
كانت الاقامة تبع الدعوة
يتصلو بيها عشان يبعتولها العشا
تقول مفيش داعى
تفتح شنطتها تطلع سندوتشات الجبنة والمخلل
وقبل ما تشبع تنام على روحها
تصحى تصلى الفجر وتشوف برجرام المؤتمر
وتدور على كل المحاضرين فيه
ومن الصبح تروح الجامعة وتروح المكتبة
تدور على كل محاضر وتطلع كتبه
بعدها جت أمينة مكتبه
فاطمة اداتها الاسماء عايزة كل الكتب الخاصة بالاسماء دى
بقى قدامها ولا ستين كتاب
فضل تدور وراهم
بعدها امينة المكتبة قربت منها كومبيوتر
كان النت موجود ف اوروبا
تدور فى النت وبعدها تتابع ف الكتب
المؤتمر حتكون فاعلياته بعد يومين
والمفروض الفترة اللى قبل المؤتمر للتعارف
لكن فاطمة اخدتها فى البحث والتنقيب عن كل شيء
بعد الضهر طلعت سندويتشات معاها وكملت شغلها لحد ما المكتبة عايزة تقفل
طلبت من الامينة تفضل الكتب على حالها
قالت خلاص يا دكتورة
انا حاسيب ملاحظة هنا عشان اللى جاى الصبح
وفعلا فاطمة اول ما توصل الاوتيل وتطلب المفتاح
موظف الاستقبال يسلمها 20 طلب تعارف
بصت فيهم ومتعرفش حد فيهم
قطعتهم وف الزبالة
تروح المطعم وتطلب اكل مناسب
لكن مش مطمنة للاكل
تاخد شيبس وجبنة لكن تلاقى حد بيكلمها من وراها
تلاقى الدكتور كمال
بعد السلام والملام والعتاب
تقوله انا رحت لكم البيت ملقتش حد هناك
يقولها احنا تفرغنا للعمل الميدانى
ورجعنا مصر بعد ما كل البنات اخدت الدكتوراه فى تخصصها ومفيش الا زينب اللى قعدت مع جوزها هنا
تقول له الاول انا خايفة من الاكل هنا واكلى اللى جبته معايا خلص ومش عارفة اطلب ايه
الدكتور..ايوة فاهمك وانا مش مطمن برضو زيك
فيه هنا على بعد 5 دقايق مطعم سورى وبيقدم معظم الاكلات الشرقية ولو ممكن اعزمك هناك
فاطمة..رغم انى تعبانة لكن جعانة وتقوم تروح معاه
ويتعشو وتقوله معلهش مش حاقدر اسهر يا دكتور
والصبح بدرى باكون فى مكتبة الجامعة لحد ما تقفل
الدكتور كمال..اسمحيلى اجيلك المكتبة بكرة واجيبلك كمان معايا الغدا
فاطمة..لا مفيش داعى خلاص انا عرفت طريق المطعم
وتطلع تنام ومن الصبح بدرى تطلع على المكتبة
وتقضى اليوم زى اللى قبله
بس كانت خلصت كل الكتب اللى ف المكتبة بحثا وتنقيبا
ودونت كل ملاحظاتها فى اجندتها اللى تقريبا اتملت كلها
ترجع تتعشى فى المطعم وترجع تنام
اليوم التالت اللى حتبدأ فيه فاعليات المؤتمر بالليل
تروح مكتبة عامة كان قالها عنها الدكتور كمال
وتقعد للساعة 4 العصر وكانت اشتغلت فى اجندة تانية
ترجع تتغدى وتوصل الفندق بعد الساعة 5
تفضل تراجع اللى كتبته عن المحاضرين اللى حيتكلمو اليوم
الساعة سبعة وشوية تقوم تلبس اللبس الشرقى المحتشم
وكمان التحجيبة العربية الأصيلة
وتروح تنزل لقاعة المؤتمر
وأول ما يبدأ المؤتمر والكل يوقف
تفاجئ بمقدم المؤتمر اللى هو مين
.
.تتفاجئ أن الدكتور كمال هو مقدم المؤتمر
وقبل ما يدخل المحاضرين للمنصة
طلبت وبشكل شخصى منه مايك لأنها حتناقش الكل فى كل تفصيلة كبيرة وصغيرة ومكانها فى اخر الصفوف ورا
وكل ما تطلب الكلام يحاول يساعدها انها تتكلم
ويبدأ الموتمر
دكتور كمال كان بيتكلم عن الغرض من المؤتمر
وان كبار اساتذة طرق التدرس وتطوير الفكر التعليمى
وووووووووووووووو
وبعد المقدمة الطويلة قدم
الاستاذ الدكتور كايلر توماس ألمانى الجنسية
فضل يتكلم 4 دقايق بعدها ألقى تساؤل
مجرد تساؤل ليسرد بعدها الحلول
لكن تقوم فاطمة وتطلب الرد
دكتور كمال ...هناك من يريد الرد على هذا التساؤل
ويطلب من الاستاذ المحاضر ان يسمح بذلك
دكتور بكل تكبر وغرور قال نو بروبليم
قامت الدكتورة فاطمة وكانت بتعرف بنفسها
ودرجتها العلمية
كان مع الدكتور فاطمة كتب كتيرة فى سلة بقالة على الجنب متعلق فيها سلة زبالة
واثناء كلامها كانت بتتحرك لناحية المنصة عشان تلفت نظر المتابعين
لكن غرور الدكتور كايلر قالها يمكنك الصعود
طلعت وفيه اتنين من المشرفين طلعولها عربية الكتب
وابتدت
حضرتك قلت فى كتاب كذا الفصل كذا
انه يجب الاعتماد الكلى فى طرق التعليم ان تكون المادة الاساسية لكل التطبيقات هى الدين المسيـحى
طالما فكر دعوى لماذا لم تصبح داعية للمسيـحية
هل تريد أن تفرض رأيك على الشعوب
هل يعقل مثلا الشعب العربى ان يدرس المسيـحية لتلاميذه المسلمين ..هل ترضى ان يقوم الشعب الالمانى بمختلف طوائفه ان يعتمد على دين المسيـحية فكرا وعقيدة
تقوم تقطع الورقة وترميها فى سلة الزبالة
الدكتور كايلر يعترض بشكل صارخ على المناقشة
لكن رئيس المؤتمر يستشير من معه
يقول المناقشة لا يوجد فيها ما يعارض غرض المؤتمر
فاطمة ...وفى نفس الكتاب فى صفحة كذا
تطالب الوالدين باعطاء حرية الفكر
ولكنك تضيف حرية الجنس من سن 15 خصوصا للبنات
دكتور كايلر ...
هذه حرية شخصية
فاطمة..
طالما هى حرية شخصية لماذا تعرضها فى كتابك
وترمى الكتاب فى سلة المهملات
تاخد كتاب تانى
حضرتك بتقول يجب المحافظة على التلميذات اللاتى تحت سن العاشرة واللاتى ظهرت عليهن علامات البلوغ
دكتور كايلر ...
اكيد نحافظ عليهن من اى منحرف
طفلة صغيرة ان تعرض لها منحرف ربما يغتصبها
فاطمة...
كلام جميل لكن
فى سنة 1977 تعرضت طفلة 9 سنوات للاغتصاب
لانها قد ظهر عليها علامات البلوغ الكامل ونظرا لعدم معرفتها ارتضت بعد ان قدم لها المنحرف قطعة شيكولاته ومارس معها مرة اخرى حتى تم القبض عليه متلبسا
دكتور كايلر...
انا لا اقبل هذه الاهانات
رئيس المؤتمر ..
ماذا تقصدين من هذا
فاطمة..
المدعو كايلر توماس
كان اسمها من قبل كايلر جينسلر نسبة إلى زوج امه
كان يعمل مدرسا فى مدرسة ابتدائية واغتصب طفلة 9 سنوات وقبض عليه لكن تم الافراج عنه والتنازل عن المحضر بعد ان قدم جده مبلغا من المال لوالدة الطفلة
وبعدها تم تغيير لقبه الى لقب جده واخذه للعيش معه
فليس من المعقول ان يتكلم عن طرق التدريس شخص مثل هذا وان جميع افكاره التى فى الكتب تختلف عن افكاره التى يسير عليها ف حياته
ولو تطلبون الاثباتات ..كل شيء موجود
لكن الدكتور ينزل من المنصة ويخرج خارج القاعة
فاطمة..
اعتذر للجميع لكن
هذا المؤتمر غرضه مناقشة كل الطرق والنظم لتأسيس نظام مجتمعى ملائم لكل الظروف لخلق بيئة صالحة
فليس من المعقول ان يقودها شخص غير صالح
وانا هنا مستعدة للجميع بالحقائق والاسانيد
المسؤولين عن المؤتمر طلبو منها جلسة خاصة سرية
وطلبت الدكتور كمال ان يحضر معاها
وطلبو من الحضور استراحة نص الساعة لشرب القهوة
فى الاجتماع رئيس المؤتمر طلب منها تجهز محاضرة الختام للمؤتمر
وتحاول تبعد الامور الشخصية فى مناقشاتها
فاطمة..
انا باقول فاقد الشيء لا يعطيه
يعنى انت متمنعنيش انى اسرق وشغلتك حرامى
فاطمة ..
انا موافقة بس بشرط
حالقى محاضرتى باللغة العربية
هنا فيه ترجمة لكن عشان توصل رسالتى لكل الدول العربية ودكتور كمال ايه رأيك
دكتور كمال..
كلامك مظبوط وانا مستعد اترجم للغة الانجليزية والكل اكيد بيفهمها
وينتهى الاجتماع ويرجع المؤتمر للانعقاد
وبرضو فاطمة ناقشت المحاضر فى كل اللى بيقوله وكمان ارائه فى كل كتاب او جريدة
وبعدها معظم المحاضرين ابتدو يخافو من الحرية اللى اخدتها الدكتورة فاطمة من لجنة الجامعة ومنظمى المؤتمر
وتانى يوم اعتذر 5 افراد عن كلمته
وبالليل تلاتة بس اللى القو كلمة خفيفة
الاول حب ينهى كلمته لكن فاطمة استوقفته
ناقشت معاه معظم كتاباته ذات الفكر العنصرى
ومحدش سلم من فاطمة
تالت يوم كانت معظم الصحف والمجلات المختصة عن العلم والتعليم بتتكلم عن الدكتورة
وفكرها اللى حشر معظم المحاضرين
وصورها اثناء المناقشة واتكلمو عن سيرتها العلمية وكيف انها اتخلت عن محاضر فى الجامعة ونزلت مجال التعليم عشان تقدر تواكب المناهج عشان تطورها
بعد العصر اجتمعت معاها لجنة المؤتمر
عشان تقولها مفيش النهردة حد غيرك
حضرتك بعد كلمتك وقبل انتهاء الفعاليات
حنكرمك بوسام الجامعة ونهديك الدكتوراة الفخرية فى مجال طرق التدريس
فاطمة...
انا باعتذر عن الهدية الثانية
انا كنت قدمت بحث عشان اتقدم لنيل شهادة الدكتوراة لكن محدش رد عليا
لدرجة انى انهيتها ومنتظرة الرد
عشان لو حصلت عليها اتقدم لنيل شهادة الاستاذية فى نفس المجال
رئيس الجامعة وفى نفس الوقت رئيس المؤتمر
حضرتك اعتبرى ان اتوافق على بحثك
قدمى لنا نسخة من الرسالة ونحدد لك موعد فى اقرب فرصة لمناقشة الرسالة
وبعدها تقدرى تقدمى للاستاذية
وينتهى الاجتماع
الدكتورة فاطمة تروح المطعم السورى
عايزة اكلة خفيفة ونفسها فى شاى مصرى
الساعة سبعة بالظبط كانت فى القاعة
وابتدى المؤتمر وقدمها الدكتور كمال
اتكلمت الاول ربع ساعة انجليش وكمال يترجم
بعدها اشارت انها ستتكلم باللغة العربية
لغتها الام ولغة مجتمعها العربى الاسلامى
لتكون لهم مباشرة لانها تخصهم اولا
وبصت للدكتور كمال للترجمة
دكتور كمال ..ساقوم بالترجمة للانجليزية
عزيزى المواطن العربى
السلام عليكم ورحمة اللـه وبركاته
واخدت تقريبا نص ساعة تشرح وتفسر وتتكلم عن الطرق والمناهج ووووووووو
وبعد ان انهت كلامها للعرب
عادت تتكلم الانجليزية
واكدت الالتزام التام لكل مجتمع بتقاليده
وشرحت ووووووووو
وانهت كلمتها قائلة
تحيتنا هى السلام
وان طبق كل مجتمع مناهجه وطرق تدريسه
على حسب تقاليده سيكون العالم فى سلام
والسلام هو الامان
عندما نرد تحيتنا بالسلام لشخص ما
فاننا نقول نحن وانتم فى سلام
والسلام عليكم ورحمة اللـه وبركاته
كل الحضور يقوم على رجليه يصقف
والكل منبهر من هذه النابغة
تطلع لجنة المؤتمر للمنصة وهى بتصقف
لحد ما ينتهى التصقيف
يتقدم رئيس الجامعة للمايك
ويفضل يشرح ويحكى وكل كلامه عن فاطمة
وبعدها يقول
الجامعة كانت قررت تقدم دكتوراه فخرية
للدكتورة فاطمة السعيد لكنها رفضت
وسبب الرفض انها قدمت للجامعة بحثا شاملا وافيا فندت فيه الكثير والكثير عن نظم التعليم
وانها تقدمت لنيل درجة الدكتوراه عن
طرق التدريس ونظم المناهج واختلاف البيئات والمجتمعات
وان الجامعة قد وافقت على بحثها وقررت
عقد جلسة لمناقشة الرسالة خلال هذ الشهر
والدكتورة فاطمة تدعو الجميع
وكذلك قد نجتمع فى بداية الاسبوع جميع اساتذة جامعة اكسفورد لترشيح الدكتورة فاطمة لنيل جائزة نوبل للسلام وذلك من خلال ما تناولته الليلة عن كلمتها عن السلام ورسالتها كانت للسلام ورسالة الدكتوراه عن السلام
وتعج القاعة بتصفيق حاد لا يتوقف
ثم يشير رئيس الجامعة بالصبر قليلا
ولم يتبق للجامعة الا ان تقدم لها وسام الجامعة الذهبى من الدرجة الاولى
ليكون خير ختام للمؤتمر
ويرجع التصفيق مرة اخرى
وبعد ربع ساعة تستطيع الخروج من القاعة
لتجد وسائل الاعلام فى انتظارها
لساعتين متاليتين كل دقيقة مع قناة
تانى يوم كان التلفزيون المصرى
بيتكلم عن الدكتورة فاطمة السعيد التى غلبت فطاحلة الفكر الغربى
وكل شوية وفى كل اخبار يجيب شوية لقطات
وكانت بعض اللقاءات الصحفية واحد بيسألها ليه حضرتك رفضت الدكتوراة الفخرية
ردت ..المنحة السهلة ستكون بلا قيمة
لكن ان تنال ما تريد بجهدك وعرقك هوالافضل
وبعدها تستطيع الخروج متعللة بسفرها
وبالفعل تصل غرفتها متعبة تتصل بالمطار لتؤكد موعد سفرها فى الحادية عشرة مساءا
تستحم وكانت الساعة التاسعة والنصف
بعدها تتصل بالرسيبشن ليرسل لها من يستلم مفتاح الغرفة لانها ستخرج من الباب الخلفى
وفعلا تذهب للمطعم السورى
تتعشى عشاءا خفيفا
وتشرب شاى مصرى وتذهب للمطار
وما ان تقلع الطائرة حتى تذهب ف النوم
وقبل الهبوط المضيفة تصحيها
كانت الساعة 3
بعد ما تخرج من الطيارة تسرع ف الصعود
للباص حتى لا يكتشف شخصيتها احد
وتاخد تاكسى وترجع البيت تقريبا 5 الفجر
تلاقى عليوة قاعد ع الباب
وتسلم عليه
عليوة اهلا بنتى عفيفى منتظرك هناك
فاطمة..اتصل بيه انا جيت بتاكسى
محتاج انام كمان ساعتين
وتنام بهدومها تصحى الساعة سبعة
وتخرج تلاقى البنات مصحيتش
تدخل تطمن عليهم وتفطر وتطلع ع المدرسة
ولسة بتدخل المدرسة وتلاقى ممر شرفى من باب المدرسة لحد الطابور والتصقيف مش عايز يخلص والمدير يطلبها ف الاذاعة
وتروح تتكلم
السلام عليكم جميعا
معلهش محبيتش اقول عن نفسى لاسباب كتير
العلم اولا واخرا ملوش كبير
ومن النهردة جاية اسلم عليكم
عشان حاغير وجهتى لمدرسة اعدادية
هنا فى الكام اسبوع اللى اخدتهم معاكم انهيت
كل ابحاثى فى الثانوية
وجه الوقت اللى اكتب ابحاث الاعدادى
شكرا لكم جميعا
بعد شويةيدخل المدرسة مدرس جديد للمادة
تخصص علوم قسم فيزياء
يكون البروفسير فؤاد
اللى اول مادخل اوضة المدير
كانت فاطمة بتودعه
فؤاد ...
اهلا دكتورة فاطمة مد ايده
لكن فاطمة معبرتوش وخرجت لقت عفيفى واقف منتظر وعند البوابة استاذ احمد كان داخل لكن هى كملت طريقها
بس دخلت البيت
يتصل بيها مكنب وزير التربية والتعليم ان سيادة الوزير منتظرها خلال ساعة
تقول جاية حالا
وتقول لعفيفى ارجع تانى
وتطلع ع الوزارة
ولما تقابل الوزير
يقولها حتبقى نائب الوزير وحيكون مكتبك هنا وتعملى اجتماعاتك هنا بدل التعب اللى انت فيه
فاطمة..
بس انا باكمل دراساتى من خلال التدريس عشان نعرف نطور التعليم وكدة الوظيفة المكتبية رغم انها شرف لكن حتحدد اقامتى ومش حاعرف اواجه واكتشف المشاكل المتعلقة بنظم التعليم
الوزير...
حنجيب لك كل التقارير لحد عندك
فاطمة..
انا حاليا حاخد راحة سلبية اسبوعين
حاجوز اخواتى الاول وابقى قدرت اوفى وعدى لامى ويكون كل اهتمامى للتعليم
واول الشهر اجى اوقع العقد واستلم الوظيفة
الوزير ...ماشى حننتظرك
حتلاقى كل التقارير منتظراك
وتستأذن وتمشى
الوزير يكلم السكرتير تبعه
لو اتعينت هنا حنربطها بالروتين ومش حتعرف تسافر لندن لا تاخد دكتوراه ولا استاذية
لو اخدتهم هى حتبقى الوزيرة ويبقى شغلها فى المداراس ومش حتقعد على الكرسى وكل الوزراء حيتعبو عشان اكيد رئيس الوزراء حيطلب من كل الوزراء يعملو زيها
ومش معقول يعنى تبقى هى استاذ دكتور
ووزيرها يبقى دكتور بس
الوزير يقول للسكرتير ابعت لى قهوة وروح هات لى ملف كذا
السكرتير يطلع برة يطلب القهوة
ويروح يطلع برة قدام الوزارة
ويكلم الدكتورة فاطمة ويقولها على كل نوايا
وزير التربية والتعليم وانه بيدبر ليها عشان يعطلها عن الدكتوراة والاستاذية
فاطمة..تشكره وتقول ده جميل حابقى اردهولك ف يوم ومستحيل انساه
توصل البيت تتصل بخطيب اختها يجيب اخوه
ويجو البيت فورا
وعلى الغداء اخواتها وعرسانهم معاها
فاطمة..
انا قررت ان اجوزكم يوم الخميس الجاي
جهزو نفسكم مفيش كلام تانى
اكيد محدش ناقصه حاجة
نجاة وشادية مع بعض احنا جاهزين يا ابلة
حسام خطيب نجاة وانا جاهز
يوسف خطيب شادية اعتبرونى جاهز
اليوم السبت يعنى باقى 5 ايام
فاطمة كانت مع الابحاث وبتعيد تنسيق رسالة الدكتوراة بعد مؤتمر الجامعة
ودخلت النت ولقيت كل الوكالات بتتكلم عنها وعن مستقبلها العلمى
وتوقعاتهم عن ترشيح جائزة نوبل
وتمر الايام ويوم التلات تيجى سعدية تبلغها
ان فيه واحد اسمه استاذ احمد طالب يقابلها
تقولها انا نازلة دخليه الصالون
وبعد ما تنزل وتقعد معاه
احمد...هو حضرتك ليه مش مديانى ريق حلو
ومن زمان نفسى اتكلم معاك
انا عرفتك قبل ما اعرف انك دكتورة
ويوم ما كنت عزمتك ع العصير كنت عايز اتكلم معاك واتعرف عليك وكنت حاطلب يومها لو ممكن اتقدم لحضرتك
فاطمة..حضرتك.......
احمد..سيبينى اكمل لو سمحت
انا كنت الكام يوم اللى عرفتك فيهم اعرف انك مدرسة علوم ولا كنت اعرف انك دكتورة
ومكنتش اعرف ان كنت مرتبطة او لا
ومكنش ممكن اسأل عن حضرتك السواق ولا اسأل عنك حد غيرك
لكن اظن الوضع اتغير بعد ما كل العالم بيتكلم عنك وعن اجتهادك
لكن جيت دلوقتى عشان اريح ضميرى
كان نفسى اقول لك بحبك وعايز اتجوزك بس دلوقتى ممكن الف عريس ومعاهم درجات علمية
حيتقدمو وانا الصعلوك اللى بينهم
فانا اعتذر مش حاعرف اتقدم ولا قد المقام
عن اذن حضرتك
فاطمة..خلصت كلامك
اسمع انا حاقولهالك لاخر مرة
.
.اطلع استنانى ف عربيتك
انا قبلت عزومتك ع العصير
ويطلع ف العربية ينتظرها
ويطلعو على كافتيريا على البحر
والدكتور فاطمة لابسة نضارة كبيرة سودة
على فكرة
انا كنت مرة حاعرف ايه هو الحب بس معرفتش
الشخص اللى قدامى كان بياخد بالمظاهر
رغم انه اعترف لى بحبه
بس انا كنت فى السنة الاخيرة فى الجامعة
كنت مركزة مع دراستى
لحد قبل المتحانات بشوية قال
انا رايح اقدم رسالة الماجستير فى لندن
ولما ارجع حنيجى نتقدم لك بعد الامتحانات
لكن يومها طلع ورايا يراقبنى
كنت يومها باركب مواصلات والعربية مركونة ف البيت مش باعرف اسوق
كنت يومها تقريبا جعانةجريت بسرعة ودخلت
شافنى دخلت والخدامة دخلت من اوضة الغفير ورايا
وعم عليوة طلع برة اوضته
يقوم الاخ اياه يقول له مين اللى دخلت دلوقت
عم عليوة كان مع بنته وهى دخلت بالفراخ
عم عليوة ..علطول يقولها دى بنتى وبتشتغل خدامة عند الست
اختلط عليه الامر
والمفروض يعيد السؤال على عم عليوة مثلا
لكن هو اخد على كلامه وانى انا الخدامة
وابويا البواب من غير دليل
يسافر لندن ويرجع
تانى يوم ف الجامعة بعد ما رجع انادى عليه
بسلامته يقول
اكتشفت حقيقتك
ىتشتغلى خدامة وابوك عليوة البواب
وانت مش من مستوايا
انا اكيد وقتها قلت فيه لبس ف الموضوع
بس مرضيتش اراجعه ف الكلام
ميهمنيش الحب اللى يهمنى الاول الثقة
ما هو اللى زى ده لو يومها حاولت افهمه اللبس يمكن يومها اتصالحنا وممكن نتجوز
لكن ممكن يشوفنى مثلا مع زميل يخوّنّى
تانى يوم كنت شفت سواق للعربية
وكنت اروح بيه كل يوم يلمحنى وابتدى تفكيره
يشوش معاه وسال السواق وراح البيت يسأل عليوة ويومها عليوة جاب له بنته سعدية
وعرف انه غلطان وحاول يصلح الموضوع
لكن انا رميته ف الزبالة رغم مكنتش حبيته
لانى مش بادور على الحب
وفى يوم كنت ف اوضتى وعرفت انه ع الباب ومعاه امه وابوه جاى يحطنى امام الامر الواقع
ويخطبنى
نزلت له سعدية تقعد معاهم وتقابلهم واتكلمو معاها وبرضو مكنش يعرف انها سعدية
وانا نزلت بلبس الخدامة
سعدية قالت الجماعة جايين يطلبو ايدك لابنهم ده وسعدية رفضت
وقالت لهم مش من مستوايا
من يومها وحلت لعنتى عليه
مش عارف ياخد الماجستير
واتفصل من الجامعة ونزل مدرس ثانوى
ومن حسن حظى جه المدرسة الصبح
يستلم الشغل فى نفس الوقت اللى اخليت طرفى
وانا وقدام المدير حب سلم عليا
لكن طنشته وخرجت
احمد..
حضرتك بتحكى كل ده ليه
فاطمة..
حاسالك سؤال
احمد...اتفضلى
فاطمة..
افرض وافقت واتجوزنا
هل فرق التدرج الوظيفى يفرق معاك
احمد..
انا مكنتش اعرف سيادتك دكتورة
فاطمة...
واديك عرفت وكمان ممكن ابقى وزيرة
احمد..
انا بحبك ومش حتفرق معايا
بس مش عارف حتوافقى تعيشى معايا فى شقتى
اللى كنت جهزتها الاول وبعدها كنت منتظر النصيب وقابلتك يوم ما قلت لغتك فضايح
لكن لما شفت حضرتك امبارح فى التلفزيون وازاى ما فيش لجلجة حتى فى لغتك عرفت انى انا فضايح مش لغتى لكن اعمل ايه
انا حاصل على معهد خدمة اجتماعية طلبو مدرسين انجلش قدمت
عملو لنا كورس اسبوع وقالولنا مشو حالكم
فاطمة ..
تقبل انك تكون وكيل اعمالى وسكرتيرى
بعد ما نتجوز بس حنعيش ف لندن
احمد...وهنا
فاطمة ..
لو عايز تتجوزنى تكتم الخبر
وتروح تقدم طلب اجازة بدون راتب سنتين
وتخلص الموضوع قبل الخميس
وتلم فلوسك وتحولهم استرلينى
احمد..
مش معايا الا 10 الاف كنت مخليهم مصاريف جواز وزيهم للشبكة
فاطمة ...
مش مشكلة لو عرفت تاخد اجازة او تستقيل ان كنت عايز تتجوزنى
يوم الخميس جواز اخواتى ونعمل فرحنا سوا
احمد..
حاشوف الادارة بكرة والمديرية
ان منفعش استقيل
واليوم يعدى وتانى يوم بعد العصر
يكون احمد عند فاطمة ف البيت
يبلغها انه قدم استقالته
يشربو القهوة وتقوله حاقولك حاجة
فاطمة..
انت قلت لاى حد انك حتتجوز
احمد...لا ولا حتى ناسى يعرفو
فاطمة...ممكن تخلى الموضوع سرى
احمد... ليه وعشان ايه
فاطمة..
بص كده اسمع وافهم
انا باتحارب بالروتين هنا
ووزير التعليم عايزنى ابقى نائبة الوزير
وان اتعينت معاه مش حاقدر اخالف كلامه
انا عندى دراسة دكتوراه خلال اسبوعين
ووراها حاقدم لدرجة استاذ
الوزير عايز يمنعنى بس بالقانون
وعايز يحجم مكانتى
معظم جامعات العالم تتمنى اعمل محاضرة عندهم
ولو وصل الامر يمنعونى من السفر
انا طلبت الاول اجوز اخواتى البنات
وبعدها استلم الوظيفة
وقررت اهرب ليلة فرح اخواتى
وكمان مرشحة لجايزة نوبل
المهم الدكتوراة اللى محدد لها اول الشهر
حنكتب كتابنا واوعدك نعمل الفرح ليلة حصولى على الدكتوراة وان كان فرحنا هنا حيشوفه مية ولا ميتين
هناك حيشوفه الملايين لانى بعد الرسالة حالبس فستان الفرح واخرج معاك
لعلمك انا عشان تضحياتك
انا معرفش حاجة اسمها حب
بس اكيد طالما وافقت اتجوزك يبقى احبك
وصدقنى اول مرة اقول الكلمة دى واول مرة احس يعنى ايه تضحية من اجل الحب
انا من بعد ما توفت امى كان عمرى 16 سنة
حملتنى مسؤلية اخواتى البنات
كنا جينا من الصعيد مع امى وعشنا مع خالتها
تراعينا ونرعاها
وماتت امى وبعد سنتين ماتت جدتى
واضطرينا نسيب البيت هنا ونروح نعيش ف اوضة ع السطوح
لكن لما رجع ابن جدتى
جه المحامى ومع فتح الوصية لقينا ان البيت دة والعربية وفلوس ف البنك كلها لينا
وان ابنها اللى جاى يستلم الورث مش ابنها
ولكن كان ابن جوزها
والبيت ده كان شرك ما بين جدتى وخالة امى اللى ماتت وكانت صاحبة البيت والفلوس
لكن ادت كل واحد حقه
ادت ابن جوزها حقه من ابوه
وكتبت املاكها كلها لينا بيع وشرا
وانا كرست نفسى لخدمة اخواتى
اتعلمو واتخرجو دكتورة انت لسه مشفتهاش متجوزة رجل اعمال
واللى هنا التوءم مهندسات
اديت مهمتى وبعدها افرغ للتعليم ولنفسى
**************************************
يوم الخميس العرايس ف الكوشة
وفاطمة كانت كتبت كتابها معاهم بس
ملبستش فستان الفرح
قبل الكوشة كانت ودعتهم جوة
وكانت لابسة هى واختها فايزة نفس الفستان
وفاطمة وفايزة شبههم قريب من بعض
فايزة مطلعتش ع الكوشة
فاطمة كانت قدام كل الناس على الكوشة وتنزل تحت تسلم ع الناس لحد قبل ما الفرح ما يخلص دخلت جوة واول ما الفرح خلص
طلعت فايزة معاهم كانو رايحين الاقصر اسبوع
عشان الدنيا شتا راحت معاهم فايزة وجوزها
والكل كان متخيل ان فاطمة سافرت معاهم
الفرح يفض من هنا وفاطمة كانت شنطها مع شنط جوزها فى عربيته اللى باعها
وكان صاحبها الجديد وعده يوصله المطار
الكل كان فى المطار فاطمة وجوزها راحو على طيارة لندن وبعد ساعة طلعت
لكن اخواتها كانو وصلو الاقصر
وبعد شوية نامت على كتف جوزها
اللى اول ما وصلت وصحيت قبل الهبوط
بس نزلت لقيت الدكتور كمال ومعاه مراته والبنات اللى اتعرفت عليهم وكانو معاهم اولادهم واستضافوهم وعملولهم فرح
وبعد يومين كمال سلمهم بيتهم اللى اشتراه ليهم الدكتور هدية جواز الدكتورة
عشان بعد المؤتمر الدكتور حقق ارباح كتير
من التلفزيونات اللى عملت معاه برامج
خاصة عنه وعلاقته بالدكتورة فاطمة
فاطمة اخدت يومين عروسة
وجربت الحب وحلاوته
واحمد اخد حقه الشرعى
بعدها رجعت للدراسة والتعليم
واحمد ابتدى ياخد كورس تعليمى ف الانجليزى
كانو اتفقو كل يومين حيعيشو الحب
وكل يومين نص ساعة فرفشة
بعد 15 يوم العرسان رجعت لبيتهم
قرروا ياخدو شهر العسل هناك وبعدها يرجعو بيوتهم
تانى يوم العصر الوزير بيكلم السكرتير ويقوله نبعت نجيب الدكتورة تستلم عملها
السكرتير ..بس الدكتورة ممضتش العقد
الوزير مش مهم بس تيجى وانا أمرها تمضى
بعت مندوب من الوزارة يستدعى الدكتورة فاطمة لاستلام عملها
نجاة وشادية.الدكتورة حاليا مش مرتبطة باى عمل حكومى لا تعليم ولا جامعة
المندوب ..الوزير طالبها
نجاة ...هى تعبانة ونايمة
لو ممكن الوزير يتصل على رقم الارضى
وتكتبهوله تكون الدكتورة صحيت وفاقت شوية
المندوب وفين تليفونها
شادية ...تليفونها اتكسر يوم الفرح والشريحة كمان بكرة ناوية تجيب بدل للشريحة
منتظرين اتصالكم الساعة 9 بالظبط
الوزير مع السكرتير
الوزير مبسوط وبيقول اهو فاتتها دراسة رسالة الدكتوراه ولو حددولها ميعاد تانى مش حيكون الا بعد 6 شهور على اقرب توقيت
اتصل عشان نكلمها
قبل ما يرفع السماعة يقوله مكتبها جاهز
السكرتير على سنجة 10
ويتصل وترد عليه شادية تقوله ادينى وزيرك
الوزير..اكلم الدكتورة فاطمة لو سمحت
شادية ..سافرت لندن سعادتك
الوزير ..امتى سافرت
شادية ادخل النت وابحث عن اسمها
وخلى البحث اخر 24 ساعة وانت تعرف
الوزير يقفل السكة
افتح الكومبيوتر بسرعة
ابحث عن الدكتورة
قلص البحث لاخر 24 ساعة
اول نتيجة
الدكتورة فاطمة السعيد تنال رسالة الدكتوراة من جامعة اكسفورد وتخرج من القاعة بالزغاريد المصرية وهى بجوار زوجها ووكيل اعمالها ....وشغل الفيديو
يلاقى امم جوه القاعة اثناء المناقشة
وامم اخرى خارج القاعة
***********************
فى نفس الوقت سفير مصر بلندن يروح يقدم التهنئة للدكتورة فاطمة
بعد السلام الدكتورة تطلب السفير كلمة على انفراد وتروح معاه على جنب لكن جوزها معاهم يقوله على انفراد
فاطمة..ده وكيل اعمالى وجوزى
المهم اللى عايزة حضرتك تعرفه وزير التربية والتعليم كان عايز ينقلنى لمنصب نائب الوزير ويرمينى على مكتب ف الوزارة واشتغل انا بناء على تعليماته ويحرمنى بعد كدة من نيل الدكتوراه ودرجة استاذ عشان ما تعلاش درجتى العلمية عنه
لكن انا قدرت اخرج بتمويه ومن يومها ميعرفش انى سافرت بس اكيد عرف النهردة
وعندى شاهد بس مش عارفة حيوقف معايا ولا معاه
السفير... مين شاهدك
فاطمة ...سكرتير الوزير
السفير ..لو حاجة ضد البلد حيوقف معاك
على العموم انا نازل مصر بكرة
وحاقابل رئيس الوزراء واشرح له الامر
......................
فى مكتب الوزير بيضرب اخماس ف اسداس
اومال مين اللى كنا بنراقبها ف الاقصر
وتعدى الليلة
فاطمة خرجت مع جوزها تتفسح
اتصلت بيها الجامعة
فاطمة تروح الجامعة مع جوزها
وعرضت عليها
فيه عروض من جامعات خارجية طلبت القاء محاضرة نظير مبلغ من المال
وعددهم 14 جامعة ..منها 11 ف اوروبا
بالاضافى الى المغرب وقطر والكويت
والعرض التانى
ان وافقت على تعيينها فى الجامعة مع الاخذ ف الاعتبار ان جامعة كامبريدج اعتبرت حضرتك من ابنائها وتعيينك هناك واجب
فاطمة..
انا موافقة انى ابقى محاضرة هنا ليومين ف الاسبوع والقاء ماحضرتين ف الاسبوع
لتخصص مناهج
وزيهم فى جامعة كامبريدج
وموضوع دعوات الجامعات الخارجية
يتم التنسيق بين الجامعة هنا ومعاهم
على اساس انى محاضرة هنا
انا مقدرش اخد مقابل
لكن بما انى فى ازمة مالية ممكن الجامعة تقبل المقابل من الجامعات وبعدها تسلموها هنا
دة ف الوقت الحالى وتقدرو تنسقو المواعيد بحيث الكل يخلصو فى شهر واحد
وبالنظر للدول نبدأ بقطر والكويت وبعدين المغرب وبعدها الدول الاقرب فالاقرب
بس لى طلب
عايزة استاذ احمد جوزى ووكيل اعمالى
يتم قبوله لدراسة ادارة اعمال هنا وبعدها يقدم للماجستير لو امكن بس بعد الجولة
السفير وصل مصر وراح مجلس الوزراء
وطلب مقابلة رئيس الوزراء
طبعا دخلوه على طول
السفير..ممكن شوية على انفراد
السكرتارية خرجت
السفير قاله على موضوع الدكتورة فاطمة
بالتفصيل
رئيس الوزراء ينادى السكرتارية
يقولهم ابعتوا لكل سكرتارية الوزراء
وبلغوهم باجتماع خلال ساعة يكونو هنا
عشان بعد بكرة فيه اجتماع وزارى طارئ
سكرتير وزير التعليم رن تليفونه
افندم سعادتك لسكرتارية رئيس الوزراء
..فيه اجتماع طارئ للوزراء بعد بكرة
لازم تيجى وتحضر الاجتماع التحضيرى
عشان تعرض البرتوكول على سيادة الوزير
ويا ريت متتاخرش
السكرتير ...تمام يا افندم
ويدخل للوزير يقوله
سيادتك فيه اجتماع طارئ للسكرتارية
طالبين كل السكرتارية لتحضير البرتوكول لاجتماع السادة الوزراء
الوزير...حاجة تقرف كل كام يوم اجتماع
لو كان الاجتماع له قيمة ابقى جهزو المطلوب
لو موضوع تافه وممتطلبش لنا اى دور
خلال نص ساعة السكرتير يكون هناك
بعد شوية واحد من السكرتارية يقوله الوزير منتظر اول خمسة يوصلو
ويقوم اول خمسة وهناك يدخلوه اولا
رئيس الوزراء
حاسألك سؤال واحد
وترد برد واضح وصريح
هل كان فيه مؤامرة من الوزير عشان يحجم دور الدكتورة فاطمة السعيد ويحرمها من نيل درجة الدكتوراة والاستاذية
السكرتير ..تمام يا فندم
كان عايز يعينها نائبة الوزير
بعدها تمشى على كلامه ومتقدرش تسافر الا باذن سيادة الوزير
يا فندم بلدنا ما تصدق تلاقى كوادر زى الاستاذة فاطمة ..دى مثل اعلى فى كل جامعات العالم والكل يتمنى منها محاضرة
وقريت انها نازلة الكويت وقطر خلال اسبوع لالقاء محاضرات هناك ليه متقدمش جامعات مصرية وتاخد ميعاد لالقاء محاضرة
السفير ..
وانت ليه واقف معاها ومش مع وزيرك
السكرتير...
يا فندم انا معايا بنت فى الثانوى
وصلت لدرجة قطعت كتب العلوم من صعوبتها ومن ضعف مستوى المدرسين
الدكتورة من 3 حصص بس وبقت بتحب العلوم واتعلمت ازاى تذاكر وتفهم
يعنى مش بس فهمت من شرحها
علمتها ازاى تذاكر المادة
لكن الوزير كان كل همه محدش يبقى اعلى منه
وربنا منعنا عن كتم الشهادة
رئيس الوزراء
خلاص احنا حنطلعك من الموضوع خالص
وانا طلبتكم هنا يعنى لو سألك
تقوله طلبو اول خمسة عشان يكونو من منظمين الاجتماع مش اكتر
زى ما انت عارف كل اجتماع بنعمل كدة
السكرتير فهمت يا فندم
....اتفضل انت للاجتماع
وانت خارج قول للاربعة معاك ف التنظيم
تانى يوم اجتمع مجلس الوزراء
وكان اول بند فى اجندة الاجتماع
بلاغ من الدكتورة فاطمة السعيد
وزير التعليم لما سمع كدة وشه بقى ألوان
وتم فتح مقطع على شاشة العرض
وكانت فيه الدكتورة بتعرض مشكلتها مع وزير التربية والتعليم وانه حاول يمنعها من السفر
وكان حاطط رقابة عليها لكنها قدرت تتخلص من اللى بيراقب بحيلة أن أختها قريبة الشبه منها ولبست ملابسها ووووووووو
بعدها رئيس الوزراء اقترح إقالة وزير التربية والتعليم واحالته للتقاعد
أو يقدم استقالته ويطلب التقاعد
لكن الوزير اختار الاقتراح التانى
ولم حاجته
لكن رئيس الوزراء طلب منه ينتظر نهاية الاجتماع برة
بعد الاجتماع رئيس الوزراء ووزير الداخلية
مع وزير التربية والتعليم
وزير الداخلية..لو طبقت القانون حاعتقلك
لكن رئيس الوزراء مش عايز شوشرة حنخليها تعدى
انت تاخد حاجتك واوراقك وتقعد فى بيتكم
لو عملت اى لقاء مع اى برنامج او صحيفة حنفعل البلاغ .
انت عارف واللـه اعملها واللى ما يشترى يتفرج
الدكتورة اصلا رفضت تبقى وزيرة للتعليم
.
.بعد فترة تمت مناقشة الدكتورة فاطمة
فى نيل شهادة الاستاذ
واصبحت بروفسير ومحاضر دولى
اصبحت محاضرة فى جامعتى اكسفورد
وجامعة كامبريدج
استاذة فى علم المناهج وطرق التدريس
ومحاضرة فى علم الفيزيا
واصبحت مشرفة على كثير من رسائل الماجستير والدكتوراة
قامت بجميع الدعوات التى ارسلت لها عن طريق الجامعة ولا تتلفت الى الدعوات الخاصة التى ترسل لها منها دعوة جامعة القاهرة
عندما زارها السفير المصرى للاستفسار عن عدم تلبية دعوتهم فى جامعة القاهرة
قالت انا ملتزمة بالدعوات الرسمية التى تأتيها عن طريق الجامعة لأنها مرتبطة بها
ولا تستلم دعوات خاصة
ما زلت اعمل فى الجامعة ولن اخالف القوانين
تم تكريمها فى قطر والكويت والمغرب
اثناء تلبية دعواتهم
فى المغرب الملك شخصيا قام بتقليدها وسام المملكة للعلوم والفكر التنويرى
وكملت جوالات اوروبا
رجعت بعد فترة الدكتورة للاستقرار
ومتابعة الرسائل المقدمة
صادفتها رسالة ماجستير قديمة تخص فؤاد
احالتها للجنة مراجعة للبت فيها
اللجنة خلال اسبوع فحصتها
ولم تجيزها
اعادتها للجنة لتحيلها لمشرف اخر
البروفسير كمال جاءها لزيارة
البروفسير حاصل على الاستاذية قبلها
واوصاها ببعض الوصايا السرية
وناقش معها بعذ الامور
واخبرها هذا اخر لقاء لنا وتمنى لها الخير
بعدها قررت عدم الخروج من نطاق الجامعة
وعدم تلبية دعوات نظرا لحملها
وتوقفت عن المجئ للجامعة ثلاثة أشهر
حتى وضعت طفلها وارسلت واحضرت خادمة من مصر حتى يحتفظ باللغة العربية
مع وجود اخرى للغات الاخرى
لكن الخادمة المصرية مسؤولة عن تنشئة الطفل
والمطبخ ..اما الاخرى لغات اجنبية واعمال المنزل الاخرى
حصلت وقتها على نوبل فى علوم الفيزيا
رفضت ترشحها لجائزة السلام
لانها لن تكون فى سلام مع محاربة المتشددين
تم دعوتها من قبل الرئيس حسنى مبارك حينها
فى الاحتفال بيوم العلم
لبت الدعوة
وعادت لبيتها واجتمعت مع اخواتها
وكى يرى طفلها البيئة المصرية
سافرت الاقصر لزيارة اهلها وقبر والدها
اقامو لها احتفالية فى قريتها
ولكن مع توافد المراسلين من كل مكان
عادت الى حلوان سرا
واكملت اجازتها وسافرت لندن سرا
بعدها اصدرت كتابها الجديد عن الروتين
كيف تقتل الروتين وكان بثلاث لغات
العربية والانجليزية والفرنسية
واشارت فيه ان مصر من اكثر الدول تداولا للروتين تليها الجزائر وسوريا والعراق
وتكلمت عن الحل الأمثل لقتل الروتين
وهو العمل الميدانى
مثلا الوزير يتابع اعماله من خلال الاشراف العملى وليس على التقارير
ناظر المدرسة يبحث ويدقق فى كل شبر من مدرسته ولا يجلس على كرسى
المدرس يعيد الدرس ولو الف مرة افضل ما يكون هناك طلاب لا يفهمون
يجب اعادة الثواب والعقاب ف المدارس
يجب إلغاء قانون التعليم الذى يوصى
بنجاح التلاميذ حتى نهاية المرحلة الاعدادية
ويعود النظام لسابق عهده نجاح ورسوب
معظم الدول العربية طبقت نظريتها الا مصر
عرضت عليها مصر وزارة التربية والتعليم
لكن رفضتها مرة اخرى
قامت بنشر 4 كتب اخرى عن السلبيات فى طرق التدريس والمناهج
قامت بعمل نماذج جديدة لمناهج جميع المراحل الدراسية لمصر
لكن وزير التربية والتعليم رفضها
انتشرت افكارها فى معظم الدول
الكثير منهم طبقها واستفاد منها
الا مصر الروتين والتدرج الوظيفى اولا
بعدها استقر الامر معها على المحاضرات فى جامعتى اكسفورد وكامبريدج فقط
وعاشت امومتها مع طفلة اخرى
بعد فترة استقرت اخواتها معها ف بريطانيا
واكتمل شمل اسرتها
حصلت على الجنسية البريطانية
وعاشت فى سعادة بعيدة عن الروتين
* تمت
