اكونت جديد :
قبل ما اسيب المنتدي كانت حالتي النفسية مش احسن حاجه وعارفه ان كتير هيقول دكتورة نفسية وحالتها النفسية وحشة هههه وباب النجار مخلع ههه انا في الاول والاخر بشر عادي يعني برضو بتعب
لما كنت كده كانت كل حاجه سوداوية في وشي مكنش في امل فشئ كانت كل حاجه ضبابية بالمعني الحرفي ده غير مشاكل كتير حصلت فحياتي الواقعية والانفصال وكذا حاجه غيره
بس انا من النوعية المش بتحب تسيب نفسها تعبانة فترة طويلة بحب احاول اصلح نفسي واحدة واحدة علشان الدنيا تمشي هو ايوه مفيش حاجه بترجع زي ما كانت ولكن ده بيكون خيط تمشي وراه علشان تطلع من سواد العقل الانت بتكون فيه اسوء حاجه لما الانسان يكون عدو نفسه لأنك لو ليك اعداء سهل تحاربهم بس تخيل معايا ان عدوك يكون انت ازاي هتحارب نفسك انت لو حاربت نفسك لو انتصرت فانت اخسرت ولو نفسم انتصرت فانت برضو خسرت
بس انا لقيت ان خسارة عن خسارة تفرق في خسارة بتخسر من وارها وفي خسارة بتكسب من وراها في خسارة لما بتخسرها بتعلمك حاجه جديدو وبتخليك اقوي وتعرف تتصرف فموقف زي ده بعد كده وبتبني شخصية جديدة سليمة
في بداية السوشيل ميديا وفيسبوك انا كنت لسه مش كبيرة عملت اكونت فيسبوك وكنت حرفيا معرفش فيه حاجه مكنتش اعرف اكتب بوست ازاي واعمل اي واروح فين والكلام ده وفضلت كده لحد ما الاكونت اتقفل وباظ بسبب اللعبكة ، فعملت اكونت تاني وفضلت برضو العب فيه ويمين شمال اتعلمت من الاخطاء الفاتت في الاكونت القديم وتفاديتها بس عملت مشاكل جديدة بوظت الاكونت واتقفل ، فعملت اكونت تالت ونفس الكرة اتعلمت من القديم علشان اكون شاطرة في الجديد وبرضو باظ ، وعملت اكونت رابع واكونت خامس وكل ما اكونت يبوظ اعمل اكونت جديد لحد ما بقيت شاطرة ومباظش تاني
ومرة والدي حب اني اعمله اكونت وفعلا عملتله فكان بيسألني علي كل حاجه يعملها ازاي في الاكونت وكنت بقوله يعلق ازاي وينشر ازاي ومن جوايا بضحك نظام دي حاجه تافه ازاي مش عارف يعملها ويتعلمها زي كده دي بدهيات
وده بسبب اني اتعلمت قبل كده فالموضوع بالنسبالي بقا سهل انا بقيت العليه دلوقت بسبب الاكونتات القديمة
فعلشان كده انا قررت بعد كل الانا مريت بيه قبل كده وكل الحصل سواء فشل او نجاح انا قررت اعمل اكونت جديد خالص اكونت لسه ع الابيض كده مبوظهوش زي القديم وحتي لو باظ مش مشكلة علشان هعمل اكونت تالت ورابع لحد ما اوصل للأكونت الجديد البيوظش مني واعلم غيري من بسبب الانا مريت بيه
وياريت محدش يقول اسم الاكونت الجديد اي نركز الكلام مربوط بالكلام فوق نركز
وانت اي رأيك هتعمل اكونت جديد ولا لأ ؟
وعملت كام اكونت ؟
واي رأيك في اكونتي الجديد ؟
