حجات مرت،
وقتها عدا لكن آثارها مش بتعدي،
وطول مهي موجوده بتثبت نفسها اكتر وبتاخد حيز اكبر، حيز ممكن يأثر على حجات تانية ويئذيها.
زي جذر شجرة لما يتغلغل في الارض مع الوقت بيكبر اكتر وبيثبت اكتر، وبيوصل لأماكن مينفعش يوصلها، وعشان تشيله هتدمر حجات كتير اتبنت عليه، ومحتاج قوة اكبر جايز متمتلكهاش.
بس الجذر لشجرة، وزي مكبر هي كمان كبرت وفروعها كترت بقت ضل لناس وطيور وبيت..
الشجرة بتفيد البيت واللي حواليها لكن الجذر بيئذيهم،وجوده مؤذي وازالته مؤذية والرحيل مستحيل...
اعتزال ما هو مؤذي احيانا بيكون أذى في حد ذاته، لكن مش بنفس الاذى اللي بيكبر بإستمرار وجوده، والفكرة تكمن في الطريقة.
الموضوع وما فيه اختيار ومسئولية لتحمل نتائجه.
سؤالي:
اسلوبك في التعامل مع ما هو مؤذي(شخص، صفة، عادة، عثرات او مجتمع وغيره) ازاي تتجنبه او تقلل منه؟
