- إنضم
- 12 فبراير 2023
- المشاركات
- 4,222
- مستوى التفاعل
- 8,106
- نقاط
- 212
- الجنس
- أنثي
- الدولة
- مصر
- توجه جنسي
- انجذب للذكور
سمع هووووووووووووووس 💃💃
تحية لكل راجل جدع ادع ادع ادع شرفنا فى فرحتنا النهاردة
من حبنا حبناه ومن كرهنا كرهناه وسلام على طول السلام تات تات تالات🥳
ومعاكم نجمة الجيل ومشوقة الجماهير دندوشة
انا بقى جاية النهاردة اشقلب الدنيا وبدل ما كنا هنهشك النونه لا احنا هنولع الدنيا 🔥
بص ياخويا وبصي ياختى ورقة وقلم واكتبوا ورايا ازاى تعملوا ليلة اوف اح بوم طخ زيو ليو بيو زى ما الكتاب بيقول
واه الناس اللى لسة متجوزتش مش ناسياكم متقلقوش هبقى اجيبلكم بيبس 😂
وعشان منرغيش كتير نخش فى الموضوع على طول
استحلفكم ب**** قولولى ازاى عايزين تعملوا ليليه نار وانتوا من جوة مش نار ازاى ها ازاى ؟
يجى واحد يسالنى سوال ويقولى طب ما يادندوشة انا نفسى وحياتك فى ليله نار بس السحلفة اللى فى حياتى مقضياها طول اليوم كنس ومسح وطبيخ واخر اليوم قامطة راسها ومقضيها فشار
ارد اقوله عندك حق بس دى بتاعتك بقى يا بو المفهوميه
جرب كده ياخويا يووم تاخد فيه اجازة من شغلك تقوم بدرى قبل ما السحلفة تصحى تعمل فطار وتتطلب طلبات البيت وتصحيها ببوسه حلوة كده على خدها ومفيش مانع بقى من كلمتين حلوين
هيا اه هتشك عشان دى مش عوايك والفار طول اليوم هيلعب فى عبها انك ناوى تتجوز عليها وبتخونها 😂
معلش بقى استحمل المهم الهدف
وتقعدوا تفطروا كدة مع بعض ومتركزش مع نظراتها هيا فى الوقت ده شاكة فيك وعقلها عمال يودى ويجيب ياترى العروسه التانيه هتخش عليها الساعه كام طب يا ترى الاكل المسموم اللى هيا بتاكله دة هيموتها امتى
وبعد ما تفطروا 😋قولها كده
انا النهارده قررت انك تبقى ملكة العالم دة كله .. ياحبيبتى انتى طول يومك بتخدمينا وانا النهاردة قررت اكون خدامك اطلبى واتمنى اليوم ده بتاعك فسحه خروجه تروحى للكوافير اعملى كل اللى انتى عيزاه 😍😍🥰
طبعا الشك هيزيد اكتر عارفه عارفة بس استحمل ياخويا معلش 😅😂
اقولك خدها وروحوا الملاهى اه الملاهى العبوا وهزروا وفكوا عن نفسكم🥳
واللى مخلفين بقى مش هوصيكم تشحنوا الاولاد عند حماتك على طول 👩👩👦👦
وبعد متقضوا اليوم الجميل ده بره وانتوا مروحين خدها من ايديها كدة وعدوا على اى محل لانجرى وهيا هتفهم لوحدها
ومبروك ياعم على الليله اللى هتشوفها بس ابقوا وطوا صوت الرزع عشان انا بنام بدرى 😴
مقصد كلامى ده كله ان كل انسان فى الحياه دى مضغوط الراجل طالع عينة فى الشغل طول اليوم مستحمل رخامة الدنيا كلها عشان يوفر حياه كريمة لعيلتة والست طول اليوم فى البيت بتتعب عشان تمشى بيتها وتربى اولادها وللاسف دوامة الحياه بتخليهم هما الاتنين ينسوا نفسهم بالتدريج وبتتحول كل حاجة حلوة فى حياتهم لروتين ممل بس سهل و**** تكسروا الروتين ده بحاجات صغيره بس تبقى صادقة من جواكم 🥰