مساء الخير على كل الناس الحلوة اخباركم ايه اتمنى تكونو بخير
الموضوع باين من عنوانه
اسلوب الحوار
للاسف الشديد فيه ناس كتير معندهاش ثقافة اسلوب الحوار وتتعصب بسرعة وتنهى الكلام من غير ما تفهم وجهة النظر التانية معندهاش الصبر انها تسمع الكلام وتلاقى فيه شتائم أو تنمر لازم نتعود على ثقافة الحوار ونفهم أن كل واحد ليه وجهة نظر وطريقة تفكير غير التانى لازم تسمع اللى بتتحوار معاه وتفهم وجهة نظره من غير ما تهاجمه لان اللى انت بتعمله من صفات الجهل وسع صدرك شوية وانت بتتحاور مع اى شخص لو معجبكش الكلام خلاص تقدر تنسحب من الحوار بطريقة شيك ومحترمة من غير اى تجريح للشخص اللى بتكلمه ومش معنى أنه مختلف معاك فى فكرة أو رائ يبقى هو مختل لا خالص اختلاف الرائ والحوار بيخلى مستوى تفكيرك يلم با شياء انت متكنش عرفها حتى لو مش هتفيدك المعرفة الشي خير من الجهل بيه .
دايما بشوف النقاش خصوصا هنا بيبقى ماشي فى اتجاه وناس تدخل تاخد الموضوع فى اتجاه تانى خالص بدون ما يفهمه الكلام ماشي ازاى ولا رايح فين قبل ما تعمل تعليق اتعب شوية واقرا كل التعليقات اللى اتكتب عشان تكون على دراية اكتر بالموضوع وتعرف تقول رائ صحيح وسليم معجبكش الموضوع يبقى خلاص متعلقش بسيطة وسهلة دون الدخول فى جدل.
وتشتت الناس اللى بتتكلم ومتنساش عزيزى القارئ انت فى منتدى فيه افكار وميول كتير ف لازم تكون دماغك منفتحة شوية لتقبل الميول والأفكار دى مش مقتنع بيها خلاص متحرجش صاحب الميول ولا صاحب الفكرة .
دمتم بخير وعافية وصحة
