من أكبر المشاكل اللي بتواجه البنات والستات وتخليهم غضبانين وعصبييين وأنوثتهم مش متزنة هي كبت مشاعرهم ،لأن المجتمع بيتعامل غلط مع المشاعر
لو اشتكت تبقى نكدية، لو عيطت تبقى دراما كوين، لو قالت لأ تبقى متمردة، لو طلبت ترتاح أو مساعدة تبقى مدلعة، لو رفضت تبقى بتتبطر عالنعمة ومش حامدة ****، أو عبرت عن رأيها تبقى مغرورة وبتتفلسف
فتفضل تكتم كل المشاعر والكلام عشان تعجب المجتمع، فتبقى عبارة عن حزن، ورفض، وتعب، ودموع وكلام مكتومين، ويخرجوا في صورة غضب وتوتر وصوت عالي
من حقها تحزن لما يحصلها موقف صعب أو فراق أو فقد أو خسارة ،وده مش معناه انها ضعيفة بالعكس
من حق كل واحدة تقول لأ، لأ مش موافقة عالمعاملة دي، لأ مش ده اللي اتفقنا عليه، لأ ده مش دوري ، لأ مش قادرة أكمل
من حقها ترتاح لما تتعب، وتطلب مساعدة لما تحتاج، عشان نفسيتها وصحتها، وعشان تقدر تكمل، ومش لازم فكرة التضحية والمجهود المستمرين عشان تبقى ست جدعة ومثالية ، الضغط المستمر مرهق جدا للأنثى
من حقها ترفض أي حد أو أي حاجة هي شايفة انها تستحق أحسن منها
لازم البنات الستات تتعلم تعبر عن مشاعرها ورأيها، وعن نفسها صح، عشان ده حقها، وعشان تكون أنثى متزنة وهادية
