الشرف ليا انا يا صديقي
وزي ما قولتلك انا قريت قصتك عشان شوفت انك اول مره تكتب ومع ذلك كانت طريقتك مميزة و تطورك كان ملحوظ ف مكانش ينفع مقراش باقي القصة واتابع تطورك واديك حقك فيها حتي لو مش عجباني
بص انا من الناس اللي مبتحبش النهايات المفتوحة بس اوقات بتبقا مفيدة عشان ميحصلش مط في القصة والاحداث
لكن انت ككاتب لقصتك لو راسم لشخصياتك خط درامي يمشوا عليه وتبقا عارف النهاية الجاية هتبقا فين وعندك فكرة مبدأية للاحداث اللي هتحصل ومحسيتش ان هيبقا فيها تمطيط كمل القصة واعمل منها سلسلة تانية
ومش دايما تمشي ورا كلام الناس
لان الناس في الاخر مجرد واحد عايز يقرأ ولانه اتعلق بالحاجة فعايز يفضل مكمل فيها حتي لو اتعمل منها 20 سلسلة بس لو قصتك حصل فيها downgrade هو هيبقا اول واحد ينتقدك ومش هيبقا العيب عليه هيبقا علي الكاتب لانه محسش ان الاحداث بدأت تقع منه
لازم لما تحس ان قصتك بدأت تقع تقفلها قفلة حلوة عشان متقعش اكتر وتفضل محافظة علي بريقها وعلي حبها عند الناس
لازم قناعاتك تبقا نابعة من دماغك عشان انت اللي بتكتب مش هما
ونفس الكلام ينطبق علي الافكار
اي فكرة ممكن تتنفذ ويتبني عليها قصة وتبقا "كويسة" لكن مش هتبقا "مميزة"
انا ممكن اقولك اعمل فكرة عامل دليڤري وهتبنيلها قصة واجزاء واحداث وعادي لكن مش هتبقا مميزة
الافكار كتير بس الفكرة اللي هتيجي في دماغك وتحس بيها غير الافكار اللي هتيجي في دماغي غير الافكار اللي هتيجي في دماغ حد تاني
الكاتب عبارة عن فكرة ولو اشتغل علي افكار ناس تانيه هيبقا كاتب عادي شبه اي حد تاني وممكن يتقلد
فاهمني يا صديقي؟
ومعلش طولت عليك تاني ✌🏼