عارف كده لما فجأه تلاقي رجليك شدت عليك 🦶🏻 و مش عارف تحركها
تخيل كده إن ده بيحصل للست !! و في جزء حساس جدا جدا من جسمها 🥵
⭕ التشنج_المهبلي ⭕
هو حاله لاإراديه بيضيق فيها المهبل ؛ بسبب تشنجات و إنقباضات عضلات الحوض
و ده طبعاً طبعاً بيصعب دخول العضو الذكري له ؛ و بالتالي العلاقه ما بتمش ( و لو حصل عافيه و غصبانيه ؛ بيكون مؤلم لأبعد حد للست ) 😖
🟦 إيه أسبابه بقا ⁉
كتيره و بتختلف من ست للتانيه
☝ ممكن تكون مشكله عضويه .. زيي إن فيه إلتهابات أو عدوي
☝ ممكن كمان بسبب تغيير الهرمونات ( فيه ستات بيحصل ليها حاله التشنج المهبلي دي بعد الدوره الشهريه ) 🩸 بسبب إن هرمون الإستروجين المسئول عن مرونه و ترطيب المهيل ؛ نسبته بتكون قليله
☝ الصدمات إللي ليها علاقه بالجنس طبعاً بتأثر زيي حوادث التحرش و الإغتصاب و الختان 🤬
☝ الخوف و التوتر و القلق سبب وارد جداً
ستات كتيره بتتربي علي إن الجنس = ألم
فتكبر و تتجوز و هي فاهمه ده
و أول ما جوزها يقرب منها ؛ يحصل التشنج ده ( و كأن المهبل بيدافع عن نفسه بالإنقباضات دي ضد ألم دخول العضو الذكري )
☝ المفاهيم المغلوطه عن جسم الست و العلاقه الجنسيه إللي بتتربي عليهم البنوته من و هي في اللفه 🤱🏻 بيدمر علاقتها بجسمها ... بيوصلها إنها تكرهه .. تشوفه عار .. و ترفض إن حد يقرب منه و يكتشفه ؛ حتي لو كان جوزها
🟩 طب له علاج ⁉
اه له .. و علي حسب السبب بيكون العلاج
👈🏻 بنستبعد الأول أي سبب عضوي عند دكاتره النساء ؛ و ممكن يوصفوا مخدر موضعي أو باسط عضلات
( ما بيتاخدوش إلا تحت إشراف طبيب )
👈🏻 العلاج النفسي بقا بيكون داخل فيه جوانب كتيره
〽 لو درجه القلق مرضيه و شديده .. الطبيب النفسي ممكن يوصف مضاد قلق أو غيرها ( خصوصاً لو فيه إضطرابات تانيه معاه ) 💊
〽 معرفي سلوكي .. الأخصائي النفسي بيعدل الأفكار و المفاهيم المشوهه و المعتقدات إللي عند الست عن جسمها و عن الجنس و عن العلاقه مع الشريك 💑 و إللي بينتج عنها التشنج
〽 جنسي .. بيُفضل هنا يكون الزوج بيشارك في العلاج .. في إنه يطمن الست أكتر ؛ و يمهد للعلاقه الجنسيه من قبل ما تبدأ بحبه حلوين .. و كمان فيه تمارين ممكن يوصفها المعالج للزوجين بتساعد علي إن معدل التنشنه دع يقل ( بتختلف من حاله للتانيه )
🟪 العلاقه الجنسيه بين الزوجين غير كافيه لوحدها في إنها تخلي الجوازه تنجح
لكنها كافيه لوحدها في إنها تخلي الجوازه تفشل 💔
🟧 عشان كده لو عندك مشكله في علاقتك الجنسيه مع الشريك ؛ ما تتردديش إنك تطلبي مساعده 💕
مش_عيب
