نعمل ايه ؟؟؟
دا انا مطلوب منى ابنى نفسى من الصفر وحاطت خطط جوازى عند ال 35 سنه 😂😂
مين هيجوز بنته لواحد 35 سنه
والاجيال الجديده دماغها اتفتحت وانا مليش خلق اسستم دماغ على دماغى او ادور على واحده على دماغى
زهق
بص انا فاهمك جدا
ومش عارف كلامي هينقع في منتدي ذي كده ولا
بس اولا كل ميسر لما خلق له
يعني نصيبك هيصيبك بالبلدي 🤣ماتستعجلش
لو بتفكر فعلا انك تاخد واحدة من الحالات محل النقاش لمجرد فقط انها ممكن تكون اقل تكلفة من البكر الرشيد باهظة التكاليف 🤣
يبقي عذرا ده اسمه انتهاز واستغلال وصفقة وبردو مش بتهمك بشخصك
خلي اختيارك دايما كبني علي الاخلاق الطباع حسن السيرة والسمعة
ودول بيبانوا من البيت اللي انت داخله
الحب زي ما اهالينا قالوا زمان بيجي من العشرة ودي مقولة صادقة
محاكم الاسرة وقضايا الخلع شاهد حي علي زواجات قائمة علي جواز بيع وشرا او قصص حب خزعبلية مراهقة انتهت بصورة درامية مؤثرة
جواز الصالونات اللي بيهاجم بتهم التخلف والرجعية
هو اللي استمر وانتج بيوت مستقرة مثمرة
نتج عنها انا وحضرتك ومعظم الاخوة الافاضل هنا العواجيز زي حالاتي 🤣
نصيحة اخوية استفتها من ردك عن ولاد الاصول اللي بيصونوا العشرة
خلي اختيارك بهذا المبداء
البيت اللي تدخله وتلاقي الام متحكمة ومسيطرة بلاش منه
البيت اللي تدخله وتلاقي الاب بيتاجر ببنته وعايز وعايز راصل بنت عمة اللي جابوها جالها كذا وهيا مش اقل منهم
او بأمن مستقبل بنتي
او لازم تعيش فمستوي مايقلش عن المستوي اللي عايشهرفيه
بلاااااش منهم
الاب الواعي في هذا الزمان اللي يبحث لبنته عن من يصونها ويحترمها (اخطب لبنتك وماتخطبش لابنك)
ده مبدائي في اختيار ازواج الاميرتين اللي رزقت بيهم فالمستقبل
اسف طولت عليك وصدعتك
بس الموضوع شيق
وانتراللي نكشتني 🤣