A
Anonymous (5d72)
ضيف
خاص بالزوجات ▪إزالة الشعر حول المهبل ضرورة مُلحة جدا.
▪بلاش أكل مُعلَّب، وبلاش مواد حافظة، وبلاش دهون، وبلاش رمرمة، علشان النظام الغذائي الجيد بيدل على مهبل جيد، والمهبل الجيد معناه متعة للطرفين، ومعناه سهولة حمل، ومعناه ولادة جيدة..
▪ناكل زبادي كتير {يوميا} وياريت ميكونش فيه سكريات.
▪لازم نمشي كل يوم نصف ساعة، أو نمارس رياضة زي الجري أو المشي أو كيجل Kegels {نفتح اليوتيوب ونكتب كيجل ونقلد} ده كله بيقوي عضلات قاع الحوض اللي بتخلي المنطقة دي فيها صحة ووفرة من الجمال، كمان التمارين دي بتساعد ان ميكونش في تشنج مهبلي.
▪الملابس الداخليه تبقى قطن علشان ده بيدي مساحة للمهبل إنه يتنفس.
▪المهبل **** سبحانه وتعالى خلقه بينظف نفسه من الداخل، خلينا الأول نتفق إن المهبل اللي هو القناة الممتدة من عنق الرحم لحد فتحته في المنطقة الخارجية اللي هي الفرج، يبقى كده المهبل شيء داخلي، آهو الداخلي ده **** خلقه بيعرف ينظف نفسه بنفسه مالم يكن مريضا أو مصابا ببكتريا أو فطريات أو التهابات، فمنحاولش بشكل أو آخر إننا ننظف المنطقة الداخليه ولا حتى بالمطهرات.
▪التنظيف المطلوب يوميا هو التنظيف الخارجي، مياه الصنبور العادية مش السخنة، والمنطقة دي تغسل يوميا، وكفاية أوي مرة واحدة باليوم.
▪طالما قلنا كده لازم وضروري ومهم جدا تنشيف المنطقة دي كويس بعد الغَسل، وهنا في قاعدة مهمة جدا إن التجفيف يبقى من الأمام للخلف علشان لو في بكتريا في الخلف متنتقلش.
▪السائل المنوي بيكون الحامضية بتاعته أعلى من حامضية المهبل PH لذلك مهم جدا بعد الجماع إن يتم التبول مع الغسل الخارجي، تبول المرأة بعد الجماع بيحافظ على التخلص من أي بكتيريا ضارة اتنقلت للإحليل.
▪لازم كمان نُجفف منطقة المهبل بعد تنظيفها بعد الجماع.
▪ممنوع الزوج أثناء الجماع يتف عند المنطقة دي أو يستخدم ريقه، ولو عمل جنس فموي فالتنظيف للمنطقة دي بعد العملية نفسها من الخارج واجب.
▪المزلقات الحميمية للعلاقة الجنسية شيء جيد، وياريت يكون مزلق خالي من المواد الكيميائية والعطرية والألوان والمواد الحافظة ز
▪طبعا الفوط تتبدل كل 6 ساعات.
▪أي وقت ينفع فيه إن يتم خلع الملابس الداخليه علشان تهوية المنطقة دي، ياريت يحصل كده، ده مفيد من كل الجوانب الصراحة😉
▪قللوا المضادات الحيوية، المضاد الحيوي عنده مقدرة كبيرة إنه يقتل البكتيريا النافعة اللي بتنمو في المنطقة دي، وده مش من مصلحتكم أبدا، لإن البكتريا النافعة هي المحارب الأكبر لالتهابات المهبل.
▪الطبيعي إن عنق الرحم يُنتج إفرازات فترة الدورة، وده ملوش علاقة بأي أمراض وليس هناك مدعاة للقلق، طالما مفيش رائحة نفاذة قوية، وطالما اللون مش مختلف، وطالما مش حاسه بحكة أو ألم أو وجع يبقى كل ده طبيعي وعادي ومنطقي.
▪كذلك وقت الدورة ياريت يكون غسيل المنطقة دي أكثر من مرة يوميا، طبعا زي ما احنا متفقين بدون صابون أو مطهرات، خلينا في الصابون اللي بدون رائحة والمياه فقط، وياريت يمتد الغسل لمنطقة العجان، اللي هو الجزء ما بين فتحة الفرج وفتحة الشرج.
▪لو ظهر أي لون مختلف في الإفرازات، أي حكة، أو وجع، أي رائحة كريهة، فأفضل حل إننا نروح لطبيب النساء علشان نلحق الموضوع في أوله.
▪عندِك جيش رباني من البكتيريا النافعة Bacteriocins داخل المهبل، تاني أكبر مكان في جسمِك بعد الأمعاء احتواءا للبكتيريا النافعة هو المهبل، الجيش ده مهمته يحارب البكتيريا الضارة اللي ممكن تحاول تتسرسب للمهبل علشان تغزو الأنسجة، كمان بتحافظ على درجة حموضة المهبل، فطبعا لو البكتيريا الضاره عرفت تهزم الجيش ده تحت أي ظرف، بتدخل تغير الميديا بتاعت المهبل، وبتعمل التهابات، وبتحارب الحيوانات المنوية فبتصعب الحمل أو كمان بتمنعه، ده غير الأوجاع اللي بتسببها.
▪بخصوص الدش المهبلي Vaginal douches اللي بنجيبه من الصيدلية، صدقيني ده سيء جدا عمال على بطال، يعني مفيش مشكلة طبية لو مرة كل فين وفين، ويكون الغسل خارجي منحاولش تحت اي ظرف نغسل من الداخل، وبلاش الإكثار منه علشان بيضر بصحة البكتريا النافعة اللي دورها فعلا كبير جدا.
▪منستخدمش مناديل مبللة معطرة نهائيا، ولا للتنظيف ولا لتغيير الرائحة اللي بتيجي مع الدورة، ولا أي حاجة، نهتم بس بالنظافة اللي مكتوبة فوق دي والأمور هتبقى جيدة.
▪ياريت لو حضرتك أكبر من 40 سنة، بدون أي أسباب خالص تروحي للطبيب دوما يفحص عنق الرحم باستمرار.
▪السجاير والكحوليات والمخدرات عوامل سيئة جدا على المهبل.
▪الحالة النفسية ممكن جدا تؤثر على العمل الهرموني اللي وظيفته تبليل المهبل قبل العملية الجنسية، فـ ياريت نبعد عن القلق والاضطراب والتوتر والخناقات عمال على بطال.
▪ممكن نستخدم البابونج لتضييق المهبل، سواء إننا نغليه في مياه ونحط الميه دي في البانيو، أو نُعرض المهبل بشكل مباشر لمياه البابونج بعد ما تهدى وتبقى فاترة، أو نشرب البابوننج زي الشاي، ولو بناخد أدوية سيولة من أول الاسبرين لحد البلافكس، أو بناخد مهدئات، أو زارعين أي كلية أو كبد بلاش بابوننج خالص.
▪لون المهبل أصلا بيتغير مع مرور الوقت وبيغمق عند كل النىىىاء تقريبا وده فلو كان فاتح دلوقتي وبقى غامق بعد كده ممكن جدا يكون ده بسبب خلل في الإفرازات، أو إفراز زيادة للميلانين في جسمِك، وممكن الحمل وتغير الهرمونات يكونوا سبب، والسمنة المفرطة أو سوء التغذية عوامل شديدة جدا في تغيير لون المهبل.
▪ممكن نستخدم مرطب أو مُفتح بشرة أو كريمات إذا كانت مخصصة لهذه المنطقة، وطبعا بنتكلم من الخارج، مفيش حاجة خالص من الداخل.
⭕ مهم جدًا نروح للطبيب لو لقينا أي حاجة من دي
▪تغير في لون الإفرازات المهبلية
▪تغير لرائحتة الإفرازات أو مقدارها
▪احمرار أو حكة في المهبل
▪نزيف مهبلي بين الدورات الشهرية أو بعد العلاقة الجنسية أو بعد الإياس
▪تكتل أو نتوء في المهبل
▪ألم أثناء الجماع.
طبعا مش هنروح للطبيب أول ما يحصل حاجة من اللي فوق دول ونتخض، احنا هنستنى اللي حصل ده يتكرر، وساعتها نروح للطبيب، ولو لم يتكرر فمفيش قلق إن شاء ****.
⭕ نصيحة للزوج
مداعبات ما قبل الجماع سواء كانت للمهبل مباشرة باليد أو بالعضو أو اللسان؛ غاية في الأهمية {وقدموا لأنفسكم} علشان يحصل إفراز يهيء جو الجماع، فلو حضرتك عملت كده والافراز مش كويس ياريت نستخدم مزلق حميم
وشكرا
منقول من أسيم.شكه دبوس
