لو قلت انى بسمعها كل يوم
حاتقولى كداب
معلش لما اسمعها وانا كل يوم مضطر ابص فى وش واحد عارف أنه بيضربنى فى ضهرى وهو عارف انى عارف ومضطر اتعامل معاه لمجرد أنه رئيس قسم
معلش لما اسمعها وانا مش عارف اشوف بنتى اللى اتولدت وانا بعيد عنها لمجرد أن أمها ماتت واحنا منفصلين
معلش لما اسمعها وانا مش قادر اتكلم وافتح بقى واحدة للحيطة حتى وانا بسمع شكاوى الناس كلها ومطلوب منى اوجد حل ليهم عشان يساعدهم يعدوا حياتهم
معلش لما اكون راجل معاه ماجيستير ودكتوراه وبحضر لدكتوراه الفلسفة وبعد ده كله يجى واحد مالوش اى لازمة لمجرد أنه معاه واسطة تقيلة فيتعين مكانى فى مكان كنت بحلم انى اشتغل فيه
معلش لما اتفاجئ انى عايش مع اب وام ربونى وانا مفكر أنهم أعلى واكتشف بعد ٣٢ سنة أنهم واخدنى من ملجأ ومخبيين عليا عشان مش يجرحونى .... بدعيلهم كل لحظة أن **** يخليهم ليا بحق اللى عملوه معايا
ااااااااااااااااااااااااااااااااااااااااه
