فضفضه مش لاقي عنوان اقوله

Ghost Rider1 · 4 يناير 2026

كل فترة بشوف تعليقات أو مواضيع من ناس بيقولوا "أنا عمري ما هتعامل مع حد من المنتدى ده"، "اللي هنا ناس مش طبيعية"، "مش ممكن أعمل علاقة حقيقية من مكان زي ده"، "أنا مختلف/مختلفة عن الناس دي".
وبصراحة، الكلام ده بيضايقني شوية، مش عشان زعل، لأ عشان بيبعدنا عن الواقع.
احنا مين هنا؟
احنا نفس الناس اللي في الشارع، في الشغل، في الجامعة، في الحياة اليومية.
هنا في الدكتور أو الدكتورة اللي ممكن تكون بتكشف عليك أو على أهلك.
هنا في المحامي اللي ممكن يكون بيساعدك في قضية.
هنا في المهندس اللي ممكن يكون عمل تصميم العمارة اللي ساكن فيها.
هنا في الكاتب اللي بتقرأ له كتب أو مقالات.
هنا في الصنايعي اللي بيدخل بيتك يصلح حاجة.
هنا في الطالب والخريج الجامعة، اللي بيحلم ويشتغل ويعيش زينا زيهم.
احنا مش محظورين، ولا ناس منبوذة، ولا من عالم تاني.
احنا الواقع نفسه.
المكان ده مش بيوصف شخصية حد، ده مجرد مكان نفضفض فيه، نضحك، نهزر، نحكي عن اللي جوا، ونرتاح شوية من الدنيا بره.
اللي بيقول "أنا مختلف/مختلفة"، مبروك عليك... إنت واحد/واحدة مننا بالظبط.
مش بتهرب وتقول إنك فوق أو أحسن، لأ زي ما تشوفني هشوفك، وزي ما تشوف المنتدى هتشوف نفسك فيه.
في الآخر، المنتدى ده مراية... اللي بيشوف فيها حاجة وحشة، يمكن يكون شايف نفسه.
إيه رأيكم يا جماعة؟
اللي بيقول "عمري ما هتعامل مع حد من هنا"، ليه بالظبط؟
واللي شايف إننا واقع، قولوا كمان... خلينا نتناقش بصراحة 💬
(موضوع ده فضفضة، خلينا نحترم بعض ونتكلم بأدب 😊

مملول · 4 يناير 2026

ايوا صح

Ghost Rider1 · 4 يناير 2026

مملول قال:
ايوا صح

اي افتكرت حاجه ؟ ولا صح الكلام 😂😂😂

مملول · 4 يناير 2026

Ghost Rider1 قال:
اي افتكرت حاجه ؟ ولا صح الكلام 😂😂😂

ايوا صح متضامن معاك 😂
الجو سئعة تلج صوابعي مش عارفة تكتب 😑

Mahmood abdo · 4 يناير 2026

قريت اول سطرين والكلام مقنع
ومش قادر اقرا الباقي بكرا بقي ابقي اكمل🤣

Ghost Rider1 · 4 يناير 2026