مراتى بعد ٦ سنوات زواج طالبه ومصممه على الطلاق وبكل صراحه استحملت حاجات كتيىر وعدت حاجات ليا كتير منها ميولى كسالب قبل الزواج وازمات ماليه ولحظات ضعف بعد الزواج ورجوعى للمثليه ولكن هى غير شهوانيه مش بتشبعنى وطبعها صعب جدا وعنيدة وعصبيه ودائما فى ضغوط واكيد الضغوط دى بتاثر على بيتنا وكمان مؤخرا اشبه العلاقه بشبه منفصلين لا يوجد علاقه جنسيه وخصام بالاشهر والتعامل بينا حاد وبصوت عالى وزعيق وأنا مش عارف ارضيها ولكن هى شايفه انى السبب فى كل دة وانى مكنتش اتجوزت واخلف من الاول وكمان ماديا انا متوسط بالنسبه لظروف المعيشه .
باختصار شديد انا لا ابرىء نفسى من التقصير ولكن انا حاولت كتير اوصل لحل وسطى معاها ولكن صوتها العالى وانفعلتها والمشاكل والحوار معاها دائما بيكون هجومى انى انا غلطان وكذا وكذا وهى دائما الصح وطبعا مفيش طريقه للحوار بينا نقدر نوصل بيها لحلول
باختصار هى قالتلى لقد نفذ رصيدكم يعنى مبقتش تحبنى ولا تثق فيا ولا متقبله العيشه دى واكيد العيشه مش افضل حاجه وانها لسه صغيرة سننا عنى واكيد مش هتقدر تكمل فى علاقه مضرورة فيها نفسيا
وهى حاليا مصممه على الطلاق ومش عارف أعمل ايه معاها
ياريت حد يساعدنى بكل صراحه واتمنى بدون هجوم على شخصى لانى أكيد مكنتش أتمنى اوصل معاها لنفس النتيجه
ولكن حاولت كتير ارضيها واتغير معاها ولكن فى تغيرات كتير حصلت فى شخصيتنا بعد الزواج وحاليا احنا شبه منفصلين داخل بيت واحد
ياريت لو فى حل واقعى ومنطقى اقدر اعمله لانى مش عارف افكر ولا اقرر ولا اتصرف ولا متقبل انى اجبرها على العيش معايا واظلمها
عرضت عليها فكرة اننا نأخد هدنه من بعض واسيب البيت زى ما هى عايزة فترة ومقرر بعدها
او الحل الاخر تقرر هى عايزة ايع وهتعمل ايه فى حاله قرار الطلاق
او اننا نروح لمعالج او طبيب علاقات زوجيه
ولكن هى رفضت كل الحلول ما عدا حل الطلاق مصممه عليه
اسف للاطاله