انا خاطب من 4 شهور واول مرة اخطب فى حياتى فبالتالى مليش خبرات عندى 30 سنة المشكلة انى هادى بطبعى وقليل الكلام واهل خطيبتى للاسف شايفين ان ده ضعف شخصية بس طبعا محدش بيقول كده قدامى لكن بحس بكده اوقات وخصوصا جوز اخت خطيبتى الكبيرة بيكرهنى وبيغير منى جدا وكلامه مسموع عندهم فمصدقينه وبيحاول بطريقة غير مباشرة يطلع فيا اى عيوب عشان حماتى تفركش الخطوبة خصوصا انى ناجح فى شغلى جدا ووسيم جدا للاسف وبقول للاسف لان ده مخليه حاقد اكتر واكتر منى حاسس ان حماتى مش شايفة فيا الزوج المثالى لبنتها بالرغم ان بنتها بتحبنى حب شديد جدا وشايفة ان ابنتها هتكون المسيطرة عليا مع العلم اننى احاول بكل قوتى فرض السيطرة على خطيبتى من ناحية الاراء والاقتراحات عشان محدش يقول انها هى المسيطرة وكتير بسال خطيبتى هى امك بتحبنى كخطيب بنتها تقولى طبعا بتحبك كتير بس انا حاسس بغير كده بدليل حصل موقف امبارح اكدلى ده وهو انى كنت معاهم برا البيت يعنى مكان عام وقولت لحماتى وواحدة صاحبتها تشربوا ايه قالوا شكرا فقالتلى حماتى روح مع خطيبتك هاتولى طلب وتعالوا قولتلها ماشى بعد ما مشيت اتصل واحد عليا كان قاعد جنبهم وقالى بعد ما انت مشيت صاحبة حماتك فضلت تتريق عليك وعلى كلامك ومشيتك وحماتك فضلت تضحك طبعا انا حزين جدا المشكلة مش عارف اتصرف ازاى ومفيش حاجة بتحصل قدامى وعايز حل مكنتش اعرف ان الاحترام عند بعض الناس بيتشاف ضعف شخصية والمشكلة ان جوز بنتها الكبيرة ده بالمقارنة بيا انا صفر على الشمال ومع ذلك ليه احترامه ومكانته عندهم بس مشى دى المشكلة بالنسبالى لكن المشكلة هى انا فى عنيهم شكلى ايه ؟ مع العلم انى مش مقصر فى اى حاجة تجاههم وبحاول ارضائهم بكل الطرق ومع ذلك مفيش فايدة فى مواقف بتظهر زى كده بتبينلى ان حماتى دى مش بتحبنى اسف على الاطالة بس ملقتش مكان افضفض فيه غير هنا بجد محتاج رأيكم وشكرا