مجلس النقد الفني

[Smsm]

ممكن اطرح سؤال لو سمحت يا صديقي

 

[الخديوى]

اولا حضرتك ماركو مش مثالي لهدف المثالية لا ماركو مثالي لاني بمهد لڤيلين قوي لزين في السلسلة التالتة ڤيلين هيبقي ند بند لزين وبالنسبة لمساحة لينا فا انا بصراحه حاسس اني اديتها مساحتها كويس وخليتها موثرة بكذا موقف في حياة ماركو ولو كنت ذودت مشاهد كان هيبقي عبارة عن مط في قصة يعتبر قصيرة وبالنسبة للجريمة فا انا حاولت اظبطها على قد مقدر

أنا فاهم قصدك كويس في موضوع ماركو، وإنه مثالي تمهيداً لڤيلين يبقى ند لزين في السلسلة التالتة، ودي نقطة تشكر عليها لأنها بتوضح إن عندك رؤية ممتدة مش مجرد قصة مستقلة. لكن برضه لازم ناخد بالنا إن المثالية ساعات بتبعد الشخصية عن الواقعية، فلازم التوازن يبقى حاضر.
بالنسبة للينا، صح إنك خليتها مؤثرة في كذا موقف، بس القارئ ساعات بيحتاج يشوف تفاصيل أكتر عشان يقتنع بالدافع الإنساني جوه الأحداث، وده مش مط طالما بيخدم الحبكة.
أما موضوع الجريمة، فبالعكس، أنت عملت مجهود يحسبلك إنك تظبطها، ودي كانت نقطة كويسة جدا. وفي الآخر إحنا فعلاً منتظرين السلسلة التالتة من "ماضي زين" لأنها واضح هتكون محطة قوية جدا في شغلك.​

 

[AHMED ALnesr]

أنا فاهم قصدك كويس في موضوع ماركو، وإنه مثالي تمهيداً لڤيلين يبقى ند لزين في السلسلة التالتة، ودي نقطة تشكر عليها لأنها بتوضح إن عندك رؤية ممتدة مش مجرد قصة مستقلة. لكن برضه لازم ناخد بالنا إن المثالية ساعات بتبعد الشخصية عن الواقعية، فلازم التوازن يبقى حاضر.
بالنسبة للينا، صح إنك خليتها مؤثرة في كذا موقف، بس القارئ ساعات بيحتاج يشوف تفاصيل أكتر عشان يقتنع بالدافع الإنساني جوه الأحداث، وده مش مط طالما بيخدم الحبكة.
أما موضوع الجريمة، فبالعكس، أنت عملت مجهود يحسبلك إنك تظبطها، ودي كانت نقطة كويسة جدا. وفي الآخر إحنا فعلاً منتظرين السلسلة التالتة من "ماضي زين" لأنها واضح هتكون محطة قوية جدا في شغلك.​

متفق معا حضرتك وصدقني موضوع مثالية ماركو ده هيوضح سببه في سلسلة زين ده غير حضرتك اني مخلتش انه عبقري منه لنفسه كده لا انا خليت لعبقريته سبب علمي وهو تعثر ولادته في اول القصة وان شاء **** السلسلة بتاعت زين هتبقي مختلفة واقوي من السلسلتين اللي فاتو

 

[الخديوى]

وللاسف الإنسانية مش هتنفع تتقدم معا شخصية زي شخصية ماركو لاني قاصد باقل المواقف اني اكره الناس فيه وتقريبا انا نجحت في ده لان القارئ كرهو من مجرد موقفين بس تقريبا

واضح إنك كنت قاصد تخلي ماركو شخصية يستفز القارئ، وده اختيار جريء فعلا، لأن مش أي كاتب يقدر يخلي بطله يتكره وهو لسه في البداية. وفعلاً من كذا موقف صغير القارئ حس بالنفور منه، وده معناه إنك نجحت توصل إحساسك. بس هنا التحدي الحقيقي في إنك توازن ما بين الكراهية دي وبين إن القارئ يفضل متابع ومهتم يشوف نهايته. ودي نقطة لو ظبطتها هتخلي تأثير ماركو أقوى وأعمق بكتير​

 

[الخديوى]

متفق معا حضرتك وصدقني موضوع مثالية ماركو ده هيوضح سببه في سلسلة زين ده غير حضرتك اني مخلتش انه عبقري منه لنفسه كده لا انا خليت لعبقريته سبب علمي وهو تعثر ولادته في اول القصة وان شاء **** السلسلة بتاعت زين هتبقي مختلفة واقوي من السلسلتين اللي فاتو

موفق إن شاء الـله.
سؤالنا الثالث:​

 

[AHMED ALnesr]

واضح إنك كنت قاصد تخلي ماركو شخصية يستفز القارئ، وده اختيار جريء فعلا، لأن مش أي كاتب يقدر يخلي بطله يتكره وهو لسه في البداية. وفعلاً من كذا موقف صغير القارئ حس بالنفور منه، وده معناه إنك نجحت توصل إحساسك. بس هنا التحدي الحقيقي في إنك توازن ما بين الكراهية دي وبين إن القارئ يفضل متابع ومهتم يشوف نهايته. ودي نقطة لو ظبطتها هتخلي تأثير ماركو أقوى وأعمق بكتير​

حضرتك انا لعبت بين الكارهية والفضول انا خليت الناس تكره ماركو بس في نفس الوقت يبقي عندها فضول هو هيوصل لايه وده من خلال البداية اللي انا وضحت فيها كذا مشهد هيحصل في المستقبل وطرحت فكرة الاستنساخ عشان اخلي القارئ متحمس انه يعرف عنها تفاصيل اكتر في باقي الاجزاء

 

[AHMED ALnesr]

موفق إن شاء الـله.
سؤالنا الثالث:​

اتفضل

 

[الخديوى]

لاحظنا في القصة إن فيه جمل بتاخد مساحة كبيرة في الوصف زي تعريف الغاز، شرح الأجهزة، أو تفاصيل التجارب العلمية… وده ساعات بيبطأ رتم السرد ويبعد القارئ عن الحدث الأساسي. هل كان قصدك تدخل التفاصيل دي عشان تدي مصداقية علمية للقصة، ولا شايف إن كان ممكن تقلل منها وتخلي التركيز أكتر على الصراع والشخصيات؟​

 

[AHMED ALnesr]

لاحظنا في القصة إن فيه جمل بتاخد مساحة كبيرة في الوصف زي تعريف الغاز، شرح الأجهزة، أو تفاصيل التجارب العلمية… وده ساعات بيبطأ رتم السرد ويبعد القارئ عن الحدث الأساسي. هل كان قصدك تدخل التفاصيل دي عشان تدي مصداقية علمية للقصة، ولا شايف إن كان ممكن تقلل منها وتخلي التركيز أكتر على الصراع والشخصيات؟​

حضرتك انا كنت بعمل كده لان تنفيذ الفكرة هيبقي بشكل جديد مزنش ان القارئ شافه قبل كده فا كنت لازم اشرح بالتفاصيل عشان القارئ يبقي معايا على الخط وفاهم الأجهزة دي عبارة عن ايه وشكلها ايه وبتشتغل ازاي عشان مفيش حاجه تتوه منه ويعرف يتخيل المشهد صح

 

[Le rebellee]

حابب أرحب بالكاتب الصاعد بقوه و أرحب بالنقاد الحاضرين أستاذ @smsm samo و الأستاذ الكبير @الخديوى

كنت حابب استأذن فى سؤال بعد طبعاً اسئلة الاستاذين الحاضرين

 

[AHMED ALnesr]

حابب أرحب بالكاتب الصاعد بقوه و أرحب بالنقاد الحاضرين أستاذ @smsm samo و الأستاذ الكبير @الخديوى

كنت حابب استأذن فى سؤال بعد طبعاً اسئلة الاستاذين الحاضرين

اهلا بيك يا صديقي مبسوط جدا انك موجود في النقاش كنت هزعل جدا لو محضرتش

 

[الخديوى]

حضرتك انا كنت بعمل كده لان تنفيذ الفكرة هيبقي بشكل جديد مزنش ان القارئ شافه قبل كده فا كنت لازم اشرح بالتفاصيل عشان القارئ يبقي معايا على الخط وفاهم الأجهزة دي عبارة عن ايه وشكلها ايه وبتشتغل ازاي عشان مفيش حاجه تتوه منه ويعرف يتخيل المشهد صح

مع تقديري لحرصك على إن القارئ يفهم ويمشي معاك خطوة بخطوة، لكن كان ممكن تقلل من جرعة الوصف شوية، لأن التفاصيل الكتير ساعات بتكسر إيقاع الأحداث وتبطأ القصة. القارئ أوقات بيستمتع إنه يتخيل بنفسه من غير ما تشرحله كل تفصيلة، وده ممكن يخلي السرد أخف وأقوى في نفس الوقت. بمعنى إن التوازن هنا مهم جدا: توصل فكرتك وتخلي المشهد واضح، بس من غير ما تغرقه في تفاصيل ممكن تشغله عن الحدث الأساسي.​

 

[Le rebellee]

اهلا بيك يا صديقي مبسوط جدا انك موجود في النقاش كنت هزعل جدا لو محضرتش

مقدرش محضرش أنت عارف إنك صديق غالى عليا ❤️

 

[الخديوى]

حابب أرحب بالكاتب الصاعد بقوه و أرحب بالنقاد الحاضرين أستاذ @smsm samo و الأستاذ الكبير @الخديوى​

كنت حابب استأذن فى سؤال بعد طبعاً اسئلة الاستاذين الحاضرين

حضرتك وجودك يشرف أى نقاش والكلمة معك يا ناقدنا المحترم..​

 

[AHMED ALnesr]

مع تقديري لحرصك على إن القارئ يفهم ويمشي معاك خطوة بخطوة، لكن كان ممكن تقلل من جرعة الوصف شوية، لأن التفاصيل الكتير ساعات بتكسر إيقاع الأحداث وتبطأ القصة. القارئ أوقات بيستمتع إنه يتخيل بنفسه من غير ما تشرحله كل تفصيلة، وده ممكن يخلي السرد أخف وأقوى في نفس الوقت. بمعنى إن التوازن هنا مهم جدا: توصل فكرتك وتخلي المشهد واضح، بس من غير ما تغرقه في تفاصيل ممكن تشغله عن الحدث الأساسي.​

حضرتك زي منتا عارف نوعية قصصي بيبقي فيها أحداث كتيرة جدا وريتمها سريع بسبب كثرة الاحداث فا انا شايف ان ده بيعوض ده وفي الجزء اللي كان فيه شرح كتير انا برضه في نفس الوقت جريت بالاحداث كتير ولو كنت قليلت التفاصيل كنت هضطر اني اجري في الاحداث اكتر وفي كذا قارئ اشتكي من حوار تجرية الاحداث ده والقارئ بنفسه كان بيطلب مني اني اذود التفاصيل

 

[AHMED ALnesr]

مقدرش محضرش أنت عارف إنك صديق غالى عليا ❤️

حبيبي يا صاحبي

 

[الخديوى]

بعد سؤال حضرتك منتظرين دخول الأستاذ سمسم بسؤال .​

 

[Le rebellee]

حضرتك وجودك يشرف أى نقاش والكلمة معك يا ناقدنا المحترم..​

اشكرك يا استاذى لكن اسمحلى إن أدى الميكرفون لأستاذ سمسم هو من طلب الحديث أولا من الواضح أنك لم تلحظ ذلك لانهماكك فى الحديث

 

[Smsm]

اشكرك يا استاذى لكن اسمحلى إن أدى الميكرفون لأستاذ سمسم هو من طلب الحديث أولا من الواضح أنك لم تلحظ ذلك لانهماكك فى الحديث

انا منتظرك يا صديقي العزيز
مفيش فرق بينا يا غالي ❤️

 

[الخديوى]

اشكرك يا استاذى لكن اسمحلى إن أدى الميكرفون لأستاذ سمسم هو من طلب الحديث أولا من الواضح أنك لم تلحظ ذلك لانهماكك فى الحديث

بعتذر له وفعلاً مأخدتش بالى..​