مجلس النقد الفني

[user264276]

فعلا انا بدأت في كتابتها من فترة واتمني انك تقراها لما تنزل

واثق إن لو كان للعمر بقيه هكون من اوائل المتابعين لها بس أتمنى من كاتبتنا المبدعه متتأخرش علينا

 

[الخديوى]

ممكن أسأل الكاتبة سؤال يا أستاذ أحمد..
بس عايز رد منطقى من الكاتبة

 

[Eden]

اولا بحييكى عالقصة الجميلة دى واختيارك للغة الفصحى واختيار تعبيرات جمالية بشكل جميل جدا ولكن ليا تعقيب القصة كان فيها خيوط كتير اوى تجاهلتيها حادث القتل كان ممكن يخلى القصة تدخل فى حته تانية خالص فى رحلة البحث عن القاتل وفى نقطة تانية ذكرتى اسم مالك السيوفى وعدى بشكل عابر كان محتاج تفاصيل اكتر وازاى الضابط مشكش فى رانيا نفسها مع ان جارها قال كده ومعروف ان رجال الشرطة بيرمو شكوكهم حوالين الجميع

 

[ميمو و 372 آخرين]

اولا بحييكى عالقصة الجميلة دى واختيارك للغة الفصحى واختيار تعبيرات جمالية بشكل جميل جدا ولكن ليا تعقيب القصة كان فيها خيوط كتير اوى تجاهلتيها حادث القتل كان ممكن يخلى القصة تدخل فى حته تانية خالص فى رحلة البحث عن القاتل وفى نقطة تانية ذكرتى اسم مالك السيوفى وعدى بشكل عابر كان محتاج تفاصيل اكتر وازاى الضابط مشكش فى رانيا نفسها مع ان جارها قال كده ومعروف ان رجال الشرطة بيرمو شكوكهم حوالين الجميع

فعلا القصة كانت مفروض تبقا كبيرة من 12 جزء بس الوقت عدا بسرعة ف كمشت الأحداث و شلت احداث و كملت في اخر دقايق من نهاية اخر يوم في تسليم القصص

 

[ميمو و 372 آخرين]

اولا بحييكى عالقصة الجميلة دى واختيارك للغة الفصحى واختيار تعبيرات جمالية بشكل جميل جدا ولكن ليا تعقيب القصة كان فيها خيوط كتير اوى تجاهلتيها حادث القتل كان ممكن يخلى القصة تدخل فى حته تانية خالص فى رحلة البحث عن القاتل وفى نقطة تانية ذكرتى اسم مالك السيوفى وعدى بشكل عابر كان محتاج تفاصيل اكتر وازاى الضابط مشكش فى رانيا نفسها مع ان جارها قال كده ومعروف ان رجال الشرطة بيرمو شكوكهم حوالين الجميع

وشكرا لكلامك الجميل ده بجد يا ايدن💗✨

 

[الخديوى]

هو أنتى كمشتى كام حدث بالظبط ممكن نعرف

 

[الخديوى]

أسأل حضرتك سؤال يا طماطم

 

[ميمو و 372 آخرين]

أسأل حضرتك سؤال يا طماطم

اتفضل

 

[ميمو و 372 آخرين]

هو أنتى كمشتى كام حدث بالظبط ممكن نعرف

مش فاكرة عدد بالظبط بس يعني عدد قليل نسبيا بكمية الأحداث اللي حصلت

 

[الخديوى]

أنا ملاحظ إن فيه تطور كبير حصل في السرد والتركيبة البوليسية اللي بتتصاعد بشكل متوازن، وده يحسبلك، بس في نفس الوقت، لفت نظري نقطة مهمة: هل هشام كضابط تحقيق فعلاً ممكن يبني افتراض كامل على مجرد جملة عامة في تسجيل صوتي، من غير تحليل صوتي أو تحقيق في سياق المكالمة الأول؟ خصوصاً إنه ضابط من الواضح إنه فاهم وعنده خبرة، فهل مقبول إن الاستنتاج يوصل للقبض على رجل أعمال معروف لمجرد تشابه نبرة أو جملة في تسجيل؟ ولا ده كان مقصود منك تعملي تمويه درامي وتضليل مؤقت للقارئ؟ أنا بسأل علشان أفهم منك مدى تعمدك للنقلة دي وهل كنتي شايفة إنها منطقية ولا مجرد وسيلة لتحريك الأحداث؟​

 

[ميمو و 372 آخرين]

أنا ملاحظ إن فيه تطور كبير حصل في السرد والتركيبة البوليسية اللي بتتصاعد بشكل متوازن، وده يحسبلك، بس في نفس الوقت، لفت نظري نقطة مهمة: هل هشام كضابط تحقيق فعلاً ممكن يبني افتراض كامل على مجرد جملة عامة في تسجيل صوتي، من غير تحليل صوتي أو تحقيق في سياق المكالمة الأول؟ خصوصاً إنه ضابط من الواضح إنه فاهم وعنده خبرة، فهل مقبول إن الاستنتاج يوصل للقبض على رجل أعمال معروف لمجرد تشابه نبرة أو جملة في تسجيل؟ ولا ده كان مقصود منك تعملي تمويه درامي وتضليل مؤقت للقارئ؟ أنا بسأل علشان أفهم منك مدى تعمدك للنقلة دي وهل كنتي شايفة إنها منطقية ولا مجرد وسيلة لتحريك الأحداث؟​

احنا بنتكلم عن قضية قتل عمد واغتصاب وسرقة يعني اللي هيتمسك هيتشرشح ومكانوش لاقيين دليل
بس بعدين الكاميرات جابو واحد بيتربص بيها وتسجيل صوتي فاكيد لازم يكون في الحسبان وكانو لازم يعملو إجرائات وعملوها وليقو انه برئ ف معملولهوش حاجة
وكل الحدث ده ملوش لزوم في القصة اصلا كان بس تتويه لعقل القارئ وعشان يبتسم وده هيبان في الملحوظة اللي سبتها في نهاية الحدث ده

 

[زيكوو]

ممكن اسأل سؤال؟

 

[الخديوى]

احنا بنتكلم عن قضية قتل عمد واغتصاب وسرقة يعني اللي هيتمسك هيتشرشح ومكانوش لاقيين دليل
بس بعدين الكاميرات جابو واحد بيتربص بيها وتسجيل صوتي فاكيد لازم يكون في الحسبان وكانو لازم يعملو إجرائات وعملوها وليقو انه برئ ف معملولهوش حاجة
وكل الحدث ده ملوش لزوم في القصة اصلا كان بس تتويه لعقل القارئ وعشان يبتسم وده هيبان في الملحوظة اللي سبتها في نهاية الحدث ده

أنا فاهم تماماً إن الغرض كان تمويه القارئ وإن الحدث مش جوهري في الحبكة، وده وضح من تعليقك وكمان من طريقة طرحك للحدث نفسه، بس في نفس الوقت، لما يبقى عندنا ضابط تحقيق بيوصل لقرار شبه رسمي لمجرد نبرة في تسجيل، فده بيأثر على مصداقية الواقعية اللي إنتي بتبنيها حوالين الشخصيات، خصوصاً لما بتقدمي هشام كضابط شاطر وواعي. ممكن أعدي التمويه كجزء من الحبكة، بس حبيت ألفت نظرك إن التمويه لما يبقى مبني على خطوة بوليسية غير مقنعة، بيخلي القارئ يحس إن فيه حاجة مش راكبة، حتى لو الهدف في الآخر كان "يبتسم" زي ما قلتي. يمكن لو كان التمهيد مختلف أو في ربط منطقي أكتر، كانت الحتة دي عدت من غير أي تساؤلات.​

 

[الخديوى]

بعد إجابة السؤال دا اتفضل حضرتك​

@Z IK O LA​

 

[ميمو و 372 آخرين]

أنا فاهم تماماً إن الغرض كان تمويه القارئ وإن الحدث مش جوهري في الحبكة، وده وضح من تعليقك وكمان من طريقة طرحك للحدث نفسه، بس في نفس الوقت، لما يبقى عندنا ضابط تحقيق بيوصل لقرار شبه رسمي لمجرد نبرة في تسجيل، فده بيأثر على مصداقية الواقعية اللي إنتي بتبنيها حوالين الشخصيات، خصوصاً لما بتقدمي هشام كضابط شاطر وواعي. ممكن أعدي التمويه كجزء من الحبكة، بس حبيت ألفت نظرك إن التمويه لما يبقى مبني على خطوة بوليسية غير مقنعة، بيخلي القارئ يحس إن فيه حاجة مش راكبة، حتى لو الهدف في الآخر كان "يبتسم" زي ما قلتي. يمكن لو كان التمهيد مختلف أو في ربط منطقي أكتر، كانت الحتة دي عدت من غير أي تساؤلات.​

عندك حق يا خديوي فعلا في النقطة دي بس بردو انه يخلي حد من رجالته يتربصو برانيا ده احتمال وارد

 

[AHMED ALnesr]

بعد إجابة السؤال دا اتفضل حضرتك​

@Z IK O LA​

المفروض انا يا خديوي بس ماشي 😂

 

[الخديوى]

@Z IK O LA​

اتفضل​

 

[زيكوو]

النهاية المأساوية اللي اختارتيها لإنهاء حياة رانيا كانت صادمة جدًا. مع إن رانيا هي البطلة، ازاي هتكملي السلسلة التانية منها بعد موتها؟ وهل كان في سبب فني أو رمزي وراء اتخاذك القرار ده؟

 

[ميمو و 372 آخرين]

النهاية المأساوية اللي اختارتيها لإنهاء حياة رانيا كانت صادمة جدًا. مع إن رانيا هي البطلة، ازاي هتكملي السلسلة التانية منها بعد موتها؟ وهل كان في سبب فني أو رمزي وراء اتخاذك القرار ده؟

يااااه النهاية دي وانا بكتبها كنت بعيط حرفيا
وده بسبب ان رانيا خلاص ادت واجبها في القصة وانها فتحت ابواب كتير ليا اقدر اعمل اللي عايزاه في المستقبل وبالتالي ملهاش لازمة

 

[الخديوى]

كل الأسئلة هتنطرح.. الكاتبة موجوده معانا لنهاية الأسئلة.. الليلة لسه طويله..
اتفضل بعد الإجابة الجاية..​

@AHMED ALnesr ​