صباح الخير
مع قهوتك و شوكلاتك الدارك اللطيفه
دور المزايكا
احلي ما غني ابن بلدي السكندري السيد درويش
و أبدع ما كتب بديع خيري
اهو ده اللي صار
وادي اللي كان ملكش حق
ملكش حق تلوم عليا
تلوم عليا ازاي يا سيدنا
وخير بلدنا مهوش فى ايدنا
قولي عن اشياء تفيدنا
و بعدها بقي لوم عليا
مصر يا ام العجايب
شعبك اصيل والخصم عايب
مصر يا ام العجايب
شعبك اصيل والخصم عايب
خلي بالك من الحبايب.
دولا انصار القضيه
اهو ده اللي صار
وادي اللي كان ملكش حق
ملكش حق تلوم عليا
و بدال ما يشمت فينا حاسد
ايدك فى ايدي وقوم نجاهد
واحنا نبقي الكل واحد
والايادي تصير قويه
اهو ده اللي صار
وادي اللي كان ملكش حق
ملكش حق تلوم عليا
الحكمه من الاغنيه لما طلعت
ان كانت في ناس من طبقات الشعب العليا بتلوم علي جهل العامه الاغلبيه وقتها
و اد ايه فشل توصيل قضيتهم للغرب كان بسبب ان بينهم و بين الغرب في النضج و العلم و الثقافه و المفاهيم و الرقي
فجوه كبيره
ف السيد درويش هو و بديع كعادته قرر
باسلوبهم ازاي يقدروا يوجهوا الناس الي بتلوم
و الناس الملامه بشكل لطيف ذكي بديع كعادة بديع
فقبل ما نلوم عليهم
نعلمهم
ننصحهم
نقولهم حاجه تفيدهم
و دايما حنلاقي النور جواهم
قبل ما نلوم عليهم
