بقلب و بسمع في الأغاني و لقيت دول لقيت نفسي ببتسم لما سمعتهم
كنت في Liverpool كان عندي حاجات بخلصها في الcampus هناك ليها علاقة بدراستي
كنت كل يوم اخلص و أتمشى لحد موصل نهر مرسي و بعدي على ال قاعدة لل royal navy كنت بلاقي طالع منها ظباط شكلهم باليونيفورم يخطفوا العين و ممكن القلب كمان
وفي يوم بعد ما خلصت فبعدي على ال clerk عشان اشكرها لانها كانت بتساعدني و لقيت واحد منهم واقف بيسألها على حاجة بصراحة عيني منزلتش من عليه ممكن كنت سطحية شوية وقتها بس عادي معظم البنات بيحبوا البدلة العسكرية
رحت وقفت وراه في دوري لقيته قطع كلامه مع ال clerk و بصلي وابتسم وقالي اني اتفضلي فابتسمت له وقلتله خد وقتك أنا عايزه اقولها شكرا بس فلما هي انتبهت ليا شاورت ليها وسلمت عليها من بعيد و مشيت
بعدها بكام ثانية وانا ماشية لقيت الظابط ده جه ورايا بسرعة و لقيته بيسلم عليا و عرفني بنفسه وقالي أنا Jonathan قلتله وانا ريهام
قالي كنت خايف اني ملحقكيش فقلتله هو انت بتعمل ايه في ال campus أصلا وابتسمت قالي انه جي يسأل على حاجات لاخته الصغيرة
اتكلمنا شوية و قالي تحبي أوصلك ؟ قلتله لاء أنا بحب اتمشي لل docks الاول قبل ما اروح
قالي ممكن نتقابل انهاردة بليل قلتله مفيش مشكلة
وقعد يأكد عليا لانه ماشي بكره الصبح
عدي عليا بعدين و ركبت معاه وقالي هاخدك مكان اعتقد مشفتيش ذيه قبل كدة قلتله lead the way
أخدني ورحنا The Baltic fleet pub معظم اللي بيسهروا فيه ظباط البحرية
المكان قديم بس يجنن شغل الخشب و الحجارة اللي فيه حلو اوي قعدنا و قعدنا على البار ف البارمان بيسألني اخد ايه فقولتله عايزة بوربون فبص لجوناثان و ضحك و لقيته جابلنا بيرة فانا استغربت أنا مطلبتش كده لقيت جوناثان قلع ال cap بتاعه و حطه على راسي و قالي you are one of us now sailor يعني انتي واحد مننا دلوقتي ايها البحار
قالي هنا وفي المكان ده بالذات يعني بيرة فلقيت معظم الظباط اللي قاعدين كلهم متقدملهم كدة فعلا
قعدنا اتكلمنا و هزرنا و ضحكنا وبعدها بشوية لقيت مجموعة من أصحابه الظباط جم سلموا علينا و عرفني بيهم
كان جوهم حلو هزار وكلام بصوت عالي فوضوي شوية بس عزرتهم لان يمكن ده اليوم اللي يمكن بيقدروا يبقوا براحتهم فيه ولقيتهم بيقولوا فين المزيكا بتاعتنا فبداءوا يشغلوا الأغاني بتاعتهم اللي بيغنوها في البحرية كان جميلة و إيقاعها حلو ابتدينا نرقص عليها لقيتهم عملوا دايرة حوليا وانا برقص في وسطهم ولقيت واحد منهم دخل يرقص معايا فلقيت جوناثان سحبه من ادامي وقاله لاء و ضحكوا و دخل هو يرقص معايا
كان جو مليان طاقة حلوة و جنان و صوت عالي
خلصنا رقص و شرب و غنا و طلعنا من ال pub ولقيت جوناثان بيقولي ممكن نكمل السهرة أنا وانتي عندي لو تحبي وافقت و رحنا عنده و قضينا الليله دي مع بعض
