اتعرفت بواحدة مطلقه وعندها بنت واتكلمنا مرتين فون واتفقنا وقالتلى ان ظروفى مناسبه وبعد كدا قالتلى فرح بنت خالتى تعالى بالعربيه على انك بتوصلنا علشان اهلى مش هيوافقو لو عرفو انى عرفتك من النت قولت ماشي
قالتلى ولو حد سالنى هقول انى ماجرة العربيه بالسواق قولتلها ماشي
رحت ولقيت واحد شايل بنتها بعتتلى ع الواتس قالتلى خلى بالك دا اخويا متعملش حاجه تلفت الانتباه قولتلها حاضر
بعد ماوصلنا الفرح وهى طلعت اخوها وقف معايا تحت شويه وبعد كدا قالى تعالى نطلع فوق سوا قولتلو لا اتفضل انت
قالى لا مش هينفع اسيبك لوحدك وف نفس الوقت مش هينفع اسيب مراتى لوحدها فوق
قولتلو اومال مجتش معانا ليه قالى ماهى كانت راكبه معانا قولتلو انا افتكرتها اختك
قالى لا دى مراتى
طلعت معاه ودمى محروق علشان حسيت انها بتتسلى وبتخون جوزها وف نفس الوقت حسيت انها بتستغلنى وبتستغل العربيه
فضلت قاعد لحد الفرح ماخلص ومشينا فى الزفه عادى جدا
وهما بينزلو رحت قايلو قدامها حساب الايجار لو سمحت
قالى هى مش حاسبتك قولتلو لا لسه
قالى عايز كام قولتلو 500
البت بصتلى وبرقت وحسيت انها اتشلت
منقـــــــــــــول
