أخويا السنجل
▪️الزواج مش بيعالج إدمانك للعادة السرية والإباحية،
هتتجوز وانت متخيل انك خلاص بقى مش هتعمل كده تاني، ولكن هتتفاجيء إن ارتباطك العاطفي بالمتعة الذاتية مستمر.
▪️الحل إنك تتعافى من إدمان الاباحية والعادة السرية قبل الزواج.
▪️الحل انك تقعد نقي نظيف لمدة 90 يوم، علشان دماغك يستوعب إنك بقيت سليم.
▪️الإباحية إدمان، وتصنيفه أقوى من إدمان الكوكايين.
▪️العادة السرية إدمان.
▪️العضو الذكري بعد فترة بيبقى في ذاكرته نوع ضغط واحد فقط، مربوط باستمتاعه والقذف، وهو ضغط كف إيدك، ومبيعرفش يستوعب ضغط المهبل، وبنفضل فترة طويلة بنحاول نعالج الارتباط العصبي العضلي ده..
▪️الإباحية مش شهوة جنسية، هي شهوة مَرَضية، بدليل ان المتزوجين اللي بيشاهدوا عددهم مرعب، مع انهم معاهم زوجاتهم ويقدروا يُفضوا شهوتهم الجنسية معاهم، لكنهم مرضى.
▪️الإباحية بتعبث بهرموناتك وبتضرك ضرر واسع، لو كلمتك عنه هارعبك، بتضرب مركز المكافآة في مخك، وده بيدمر شعورك ورغبتك، المتجوزين اللي لسه مش عارفين ينفكوا عن الابحاية فاهمين كلامي كويس لو نظروا في حالهم.
