النهاردة هنتكلم عن لغة العربيات ودي لغة سرية بينا وبين بعض كا رجالة
اول حاجة لو اديتك كلاكس طلعت ايدي برا العربية يبقي بشكرك علشان انك عديتني زي تسلم يعني .
تاني حاجة لو ضربتلك إشارة يمين مرتين ورا بعض ومرا شمال يبقي توطي النور العالي مضايقني يعني .
تالت حاجة لو ضربتلك النور مرتين تلاتة ورا بعض بالنور العالي معناها افتح الطريق ووسع علشان بجري أو متأخر .
رابع حاجة لو انت علي طريق سفر وانا فتحت النور العالي وقفلتو كذا مرة ورا بعض معناها ان فيه ردار سرعة .
خامس حاجة لو احنا بالنهار وضربت فلاشر وانت قدامي وطلعت ايدي من الشباك وضميت ايدي معناها ان نور عربيتك شغال لوحدة واطفية علشان البطارية .
سادس حاجة لو ضربتلك إشارات يمين وشمال مرتين ورا بعض معناها يلا نشد مع بعض .
سابع حاجة لو انت ضربت يمين في شمال معناها انك تجاوزتني وانا ارد عليك بي يمين في شمال في يمين معناها اني تجاوزتك .
تامن حاجة والأخيرة لو انت ماشي في الطريق وانا في الطريق اللي عكسك وضربت إشارة عكس الاتجاه معناها تخف النور شوية علشان ضارب في عيني .
وبس كدا ضمت في سلامة وأمان ويكفينا شر الحوادث من واحد خبرة سواقة اكتر من ١١ سنة .
