معرفش كلامي اللي هقوله ده ينفع يكون هنا او لا ، وارجوا من المسؤولين يوجهوني أو ينقلوه المكان الصحيح لو مكانه غلط .
موضوعي وهو :
اتمني محدش يثق في حد بسرعه ويتعرف عليه ويصدقه من اول كلام ، ناس كتير محترمه ومحترمه جدا اتأذت بسبب كذب ناس ، معظم الناس مبقتش صادقه ، لا في كلام ولا في اي شيء ، انا واحد من الناس لي اكتر من تجربه تعارف كلامي بسيط وقليل جدا جدا ، لكن استشفيت من خلالها أن شبه مافيش حد صادق ودوغري ،
١/ نصيحة لاي حد أيا كانت ميوله ، خليك صادق خليك دوغري ، خليك بسيط بكلامك واعرف انت عاوز ايه ، عاوز تتعرف بمين وتعمل ايه ، بلاش كذب بلاش نفاق ، مش هتستفيد شيء ، هتقابل ناس معظمهم لازم يلف ويدور بمعني الكلمه مبعرفش يبقي دوغري ، من اللي عايش دور المفتش للي عايش دور الكبير للي عايش دور الطفل للي عايش دور اللي مافيش زيه للي عايش دور الذكي .....إلخ
بجد اوعي تعلق نفسك أو قلبك بحد لأن هتاخد قلم علي وشك أو كشاف سميه زي ما تسميه ،
٢/ النصيحة التانيه الاحتياطيه والاهم أيا كانت ميولك مراحل أو ميولك كبنت ( ستريت ، موجب ، سالب ، تبادل ، .....الخ ) اوعي/ اوعيي تتكلم / تتكلمي عن اهلك أو اسرتك أو اي معلومه تخص حد يخصك كأحتياط لييييه ؟ لأن اولا مش من حقك تتكلم عن اهلك او تعرف حد اسمائهم لأن انت هنا من أجل نفسك مش من أجل الاهل ، ومالهمش ذنب تيجي سيرتهم في أي شيء يؤذيهم بغيابهم
ثانيا: متسمحش لحد يستغل تفكيرك ابدا انت او انتي داخل تتعرف أو داخل لعلاقه مش داخل تعرف اخبار اهل اللي بتعرفه أو تخليه يعرف اخبار اهلك.
٣/ متخدعش/ متخدعيش ، نفسك أن حد هيحتويك يحتويكي ويتحملك والكلام العاطفي ده ( الا ١/ باللمليون) نوادر ، اللي بيكلمك معظمهم عاوز شهوه وفقط شهوه الا قليييييل اللي ممكن يتعرف ويبقي في صداقه قبلها وسواء جت علاقه أو. لا مش فارقه ،
٤/ هتقابل نوعيه كل همها يوصلك يخلص مبتغاه
( يعني اللي هو عاوزه ) ويسيبك فمتعيش أو متعيشيش دور ( فارس الاحلام اللي هيمتعني ، أو ملكة الجمال اللي هتحبني .
٥/ احذر معسولين اللسان الزائد ، واحذر اللي لسانهم طويل ، ماللهمش عزيز ابدا ابدا ابدا هما الاتنين ، مش هيرحموك ، خلي ليك هدف بسيط انت داخل تتكلم أو تتعرف عشان فضفضه أو علاقه ، يبقي متتكلمش الا عن الشيء اللي انت عاوزه وخليك صريح هتلاقي اللي شبهك .
٥/ لو لقيت حد بيسألك وعاوزك تجاوب ومش بيرد علي اسألتك أو بيتجاهلها خلي بالك جدا ، ودوس علي تفكيرك الشهواني بالجزمه ولا تخلي نفسك ااقل من حد ، اللي ميحترمكش مترخصش نفسك قدامه .
الإنسان ضعيف جدا سواء جسديا أو نفسيا ، فمتضيعش نفسك أو جسدك لأن في ناس هي حيوانات في شكل بشر بمعني الكلمه ، وفي ناس محترمه جدا لكن بقت قليله جدا جدا جدا ، اتمني كل خير لكل حد بيقرأ رسالتي .
كل تحياتي
