قبل مبدأ القصه شكرا لكل اللي دعمني ف قصتي اللي فاتت 🙏🏻🌹
وشكر خاص ل @𝐄.𝐋.𝐁.𝐑.𝐎.𝐅.𝐄.𝐒.𝐒.𝐎.𝐑 و @محمود عبده علي البوستر 🙏🏻🙏🏻💐
____________________________
البادئه
هناك اسطوره قديمه تقول ان لكل شخص هناك شخص خلق من اجله، نصفه الثاني المكمل له، والذي يشعر به دون الحاجه للحديث،فالقلب هنا هو المتكلم وليس اللسان
هناك من يدعون هذا النوع من الاحساس بعشق الروح، وهناك من يقول انه الحب من النظره الاولي
تري اذا حقا وجدنا من خلقنا لاجله ماذا سيحدث
هل سنكون له ونفوز بعشقه ام سيكون للقدر راي آخر؟!!!
_________________________
تعريف الشخصيات
مراد: البطل عنده 20 سنه ، وسيم، ف سنه تانيه کليه تجاره، مستواه الاجتماعي متوسط، اسرته بتتكون من اب مسافر شغال ف الخليج و والدته اسمها اميمه عندها 42 سنه تعليم عالي بس ست بیت وملوش اخوات.....
نور: البطله عندها 20 سنه، بنت جميله وروحها حلوه، زميله مراد ف الكليه، مستواها الاجتماعي متوسط، باباها اسمه مصطفي مدرس انجليزي، مامتها اسمها هدي معاها دبلوم تجاره و ربه منزل، عندها اخت واحده اصغر منها بسنتين ف 3 ثانوي اسمها ريهام وهي اقرب حد ليها
ليلي: جاره مراد عندها 35 سنه متجوزه من 5 سنين ولسه
** مرزقهاش ب *** وبتعتبر اميمه ف مقام والدتها
وبتحبها جدا
سيف: جوز ليلي شغال محاسب ف شركه كبيره عنده 37 سنه
نبدا بقي القصه كفايه تعريفات كدا 😂
_____________&______________
آلجےـزء آلآول
امیمه: مراد یا حبيبي يلا اصحي
بيخرج مراد من اوضته
مراد: انا صاحي يا ماما صباح الفل
وبيبوس دماغ مامته
اميمه: صباح النور يا حبيبي يلا اقعد افطر قبل متروح الجامعه
مراد: حاضر وبيقعد معاها ع السفره ويبدا ياكل
اميمه: طمني عليك عامل ايه ف الجامعه؟
مراد: الحمد لله يا ماما كله تمام
امیمه: طب ایه مفيش حاجه كدا ولا كدا مش حاطط عينك علي واحده زميلتك ولا حاجه
مراد: ههههه يا ماما انا رايح اتعلم ولا الاقي عروسه
اميمه: الاتنين نفسي افرح بيك بقي يا حبيبي
مراد: كله باوانه يا حبيبتي واكيد اما الاقي البنت المناسبه ليا هعرفك عليها
امیمه: یارب یا حبيبي يفرح قلبك ويرزقك ببنت الحلال يارب
مراد: **** ميحرمني منك ولا من دعاكي ليا انا هقوم بقي عشان متأخرش علي محاضرتي عوزه حاجه
امیمه: عوزه سلامتك يا حبيبي
مراد: سلام علیکم
امیمه: **** يجعلك ف كل خطوه سلامه يا حبيبي
بيبتسم مراد وياخد كتبه وينزل
________________________
عےـنےـد آلبےـطےـلهےـِ
بتصحي نور مفزوعه من صوت المنبه ف ودانها
نور بخضه : اااع في ايه في ايه !!
ريهام: بقالي ساعه بصحي فيكي قومي بقي
نور: صباح الخير يا قمورتي
ريهام: صباح الورد يا قلبي يلا قومي البسي عشان متتاخريش علي محضراتك وانا هروح اعملك سندوتش وكبايه شاي
نور: متحرمش منك يا قلبي
ريهام: ولا منك يا حبيبتي
بتخرج ريهام تحضر فطار ل اختها وبتقوم نور تغسل وشها وتلبس
نور: رورو انتي مرحتيش المدرسه ليه النهارده؟!
ريهام: النهارده السبت اجازه
نور: ایوه صح نسیت
ريهام: اللي شاغل عقلك يا جميل
نور: هههه محدش شاغل عقلي
ريهام: يعني مفيش مز انا عاوزه البس فستان سواريه واحضر خطوبتك بقي
نور: ههههه لا لسه مفيش مز ولا حاجه
ريهام: ليه يا اوختي الجامعه كلها مفيهاش ولد قمور يخطف قلبك
نور: هو انا راحه اتعلم ولا اشوف عريس يابنتي وبعدين انا لسه مقبلتش الشخص اللي احس انه مناسب ليا اما الاقيه
اكيد هقولك
ریهام: يارب ابعت يارب
نور: هههههه مجنونه هو صحيح بابا وماما فين
ريهام: بابا عنده درس ف السنتر ف خرج وماما نزلت السوق تجيب طلبات
نور: اوك هنزل انا بقي عشان متاخرش وانتي روحي ذاكري عيزه اختي حبيبتي تشرفني وتجيب مجموع عالي
ريهام: حاضر يا قلبي **** معاكي
بتحضن نور ريهام وتنزل
______________________________
بتوصل نور الجامعه وبتبص ف الساعه تلاقي فاضل خمس دقايق ع المحاضرة بتطلع تجري علي سلم الجامعه ومن كتر سرعتها بتدوس علي فستانها وبتفقد توازنها ورجلها بتفلت وقبل متقع بيمسكها مراد من وسطها وهي بتتعلق
ف رقبته
بيفضلوا باصين لبعض وساكتين وعنيهم ف عين بعض وكأن الزمن وقف علي اللحظه دي
شويه و بيفوقوا الاتنين وبتتعدل نور
مراد: انتي كويسه؟
نور باحراج: اه الحمد لله شكرا
مراد: لا شكر علي واجب عن اذنك
وبيسبها مراد واقفه علي السلم وبيطلع
بتطلع نور المحاضره بتاعتها وبيكمل يومها عادي من غير احداث
ومراد بيخلص محضراته وبيروح البيت
_________________________
مراد: ماما
اميمه: انا ف المطبخ يا حبيبي
مراد: طبخلنا ايه لحسان انا هموت من الجوع
اميمه: بعد الشر عنك يا حبيبي انا عملالك مكرونه بشاميل اللي بتحبها ادخل اشطف وغير عقبال مخلص
مراد: تسلم ايدك يا ست الكل
امیمه: تسلملي يا حبيبي
بيقعد مراد يتغدي مع مامته وبعد الاكل بيدخل اوضته ويسرح ويفتكر الموقف اللي حصل ف الجامعه ومن غير ميحس بيمسك ورقه وقلم ويقعد يرسم وبعد ساعتين بيلاقي نفسه رسم نور
بتخبط اميمه علي مراد وتدخل اوضته
امیمه: حبيبي عملتلك فنجان قهوه
مراد: شكرا يا حبيبتي
اميمه: **** ايه الرسمه الحلوه دي مين البنت دي؟
مراد: مش عارف دي بنت شفتها النهارده ف الجامعه
امیمه: امممم وبعدين
مراد: كانت هتقع ولحقتها وجت عيني ف عنيها حسيت احساس غريب اوي عمري ما حسيته قبل كدا
امیمه: حسیت ب ايه؟!
مراد بسرحان : حسیت ان هي دي اللي اتخلقت من ضلعي اللي اتولدت عشاني انا وبس
اميمه: ايه دا انت طلعت شاعر وانا معرفش طب قولي بقي هتعرفني علي مرات ابني امتي
مراد: هههه انتي خلاص خلتيها مرات ابنك
اميمه: وليه لا؟!
مراد: یا ماما الكلام دا سابق اوانه اوي انا اصلا معرفش هشوفها تاني ولا لا ولا حتي اعرف هي اسمها ايه
اميمه: قلبي حاسس انك هتشوفها
مراد: بتمني
اميمه: **** يفرح قلبك يا حبيبي انا هقوم واسيبك تكمل مذاکره او بحلقه ف الصوره
مراد: ماما
امیمه: ههههه خلاص خلاص تصبح علي خير
مراد: وانتي بخير يا حبيبتي
بتخرج اميمه وبيبص مراد للصوره
مراد بابتسامه: ياتري هشوفك تاني؟!!!
_________________________
فےـيےـ بےـيےـتےـ نےـور
بتكون نور قاعده ف اوضتها بتذاكر وبتخبط ريهام عليها وتدخل
ریهام: يلا يا نونو عشان نتعشي
نور: اوك يلا بينا
بتقوم نور وبتتكعبل ف حرف السجاده وبتمسكها ريهام قبل ما تقع
بتبصلها نور وتفتكر الشاب اللي لحقها الصبح وتبتسم
ريهام: انتي كويسه؟!
نور: هههه مش عارفه ايه اليوم الغريب دا الصبح كنت هقع من علي سلم الجامعه برده بس
ريهام: بس ايه؟
نور: في شاب لحقني وفضلنا باصين لبعض شويه وساكتين كان احساس غريب اوي وانا باصه ف عنيه
ريهام: حسيتي ب ايه؟
نور: اني اتولدت عشانه هو
ريهام: امممم وایه کمان
نور: معرفش عنه حاجه ولا حتي اسمه
ريهام: قوليلي هو شكله حلو؟
نور: اوي مشفتش شاب ف وسامته تعرفي بتمني اشوفه تاني
ریهام: مش هو معاكي ف الجامعه اکید هتشوفيه تاني
نور: بتمني
بتدخل هدي عليهم الاوضه
هدي: بتتمني ايه؟
بتبص نور ل ريهام ومش بتعرف ترد
نور بلخبطه : انا... انا كنت بقول ل ريهام
بتقطع كلامها ريهام
ريهام: انا كنت بقول ل نور يا ماما امتي اخلص ثانوي وادخل الجامعه معاكي عشان نبقي سوا ف بتقولي اتمني هدي: اه طب يلا الاكل هيبرد
ريهام: حاضر يا ماما هنيجي وراكي
بتخرج هدي من الاوضه وبتبص نور ل ريهام نظره شكر بترد عليها ريهام ب ابتسامه وبيخرجوا يتعشوا
________________________
تاني يوم
بيصحي مراد بدري ويفطر مع مامته وينزل يروح الجامعه مش بيكون عنده المحاضره الاولي بس بيحب يقعد يقرأ في مكتبه الجامعه
عےـنےـد نےـور
هدي: نور... نور حبيبتي اصحي
نور: صباح الخير يا ماما
هدي: صباح الخير يا حبيبتي يلا قومي عشان متتأخريش على الجامعه
نور: حاضر هي ريهام فين؟
هدي: ف المدرسه من بدري دي الساعه داخله علي عشره
نور بخضه: يا خبر انا اتأخرت اوي
بتقوم نور بسرعه تغسل وشها وتلبس وتخرج تلبس الكوتشي
هدي: مش هتفطري؟
نور: لا متأخره هبقي اكل اي سندوتش ف الجامعه باي يا ماما
هدي: **** معاكي يا حبيبتي
بتوصل نور الجامعه بتكون الساعه 10 ونص
بتطلع نور علي السلم بسرعه ومش بتشوف البنت اللي جايه عليها وبتخبط فيها وبتطير الاوراق من الفولدر اللي ف
اديها
بتحاول نور تمسك الورق وفي ورقه بتكون طايره علي ترابزين السلم بتيجي نور تمسكها بس بتكون بعيده بتفقد نور توازنها وبتقع بس بتتشعلق ف الترابزين وهي بتصرخ بيبص مراد ف الساعه يلاقي فاضل خمس دقايق علي المحاضرة بتاعته بيرجع الكتاب مكانه وبيخرج من المكتبه بيلاقي كل الطلبه متجمعين وفي صريخ وجو توتر بيبص يشوف في ايه بيلاقي نور متعلقه ف الهوا وبتعيط
بيرمي الكتب من ايده ويجري عليها
مراد: هاتي ايدك
بتبص نور تحت وبتتخض من المنظر لانها بتكون ف الدور الثاني
مراد: متبصیش تحت هاتي ايدك
بتمسك نور ايده وهي بتعيط
نور بعياط: متسبنيش
مراد: متخفيش مش هسيبك
بيمسكها مراد جامد وبيشدها لحد ما بيقدر يمسكها من وسطها ويطلعها بس مش بيقدر يتوازن وبيقع ع الارض
ونور بتقع فوقيه وكل الطلبه مزهولين ملي بيحصل وبيتفرجوا من غير ميتكلموا
بتقوم نور تقف وبعدها مراد
مراد: انتي كويسه؟
بتهز نور دماغها ب اه وهي بتعيط وجسمها بينتفض
بيمشوا الطلبه ومراد بيلم كتبه وكتب نور
مراد: تعالي معايا
نور: علي فين؟
مراد: هتم جميلي واعزمك علي عصير لمون ف الكافتريا عشان تهدي
بتهز نور دماغها وبتمشي معاه
بيقعدها مراد علي طرابيزه وبيروح يجبلها عصير لمون
مراد: الفضلي
نور: شكرا
بتشرب نور بق من العصير وتحط الكبايه علي الطرابيزه
مراد: احسن دلوقتي
نور: الحمد لله معلش ضيعت عليك محاضرتك
مراد: ولا يهمك فداكي انا مراد
نور: وانا نور
مراد: تشرفت بمعرفتك
نور: شكرا
بیمد مراد ایده ل نور
مراد: اصدقاء
بتبتسم نور وتسلم عليه
نور: اصدقاء
بيقعدوا يتكلموا سوا وكل واحد فيهم بيحس ان يعرف التاني من زمان ومش بيحسوا بالوقت خالص
نور: ياخبر المحاضره التانيه هتبدأ
بيبص مراد ف ساعته
مراد: تصدقي محستش بالوقت
نور: وانا كمان
مراد: هو ممكن اخد رقمك؟
نور: دا عشان تطمن عليا ولا عشان تعاكس
مراد: بصراحه عشان اعاکس
نور: ههههههه اذا كان كدا ماشي وبتاخد الفون من ايده وتسجل رقمها وهو سرحان ف ضحكتها
نور: سجلتلك الرقم رن بقي عليا عشان مش برد علي رقم غريب
بیرن مراد عليها وبتسجل رقمه
نور: همشي انا بقي بای
مراد: باي
بيطلعوا علي محاضرتهم وبيروحوا من غير ما يشوفوا بعض
____________________________
بيروح مراد البيت بيلاقي مامته قاعده بتتفرج علي التلفزيون مراد: مساء الفل ياست الكل
اميمه: مساء الورد يا حبيبي شكلك كدا مبسوط شفتها صح؟
مراد: امممم
اميمه: وبعدين؟
مراد: ولا قابلين عادي
بتمثل اميمه انها مقموصه
اميمه: شكلك كدا مش عاوز تحكي براحتك
مراد: لا مش كدا اصل بصراحه مش عارف اقولك ايه
اميمه: ليه في ايه؟
مراد: اصل لحقتها قبل ما تقع
اميمه: تاني !!
مراد: لا المره دي مش زي امبارح دي كانت هتقع من الدور الثاني
امیمه: يا ساتر یارب وحصلها حاجه؟
مراد: لا لحقتها ف الوقت المناسب والغريب كان في طلاب كتير واقفين بس كانوا بيتفرجوا محدش حاول يساعدها
اميمه: من حظك عشان تساعدها انت وتتعرف عليها
مراد: انا هلكان اوي هدخل اريح ف اوضتي شويه
اميمه: ماشي يا حبيبي
بعد مبيدخل مراد الاوضه
امیمه: **** يفرح قلبك يا حبيبي ويجعلها من نصيبك
_______________________________
ريهام بحزن : يعني كان ممكن تموتي
نور: متعيطيش بقي منا زي القرده قدامك اهو
ريهام: طب وبعدين حصل ايه؟
نور: وقعت عليه ولقيت نفسي ف حضنه
ريهام: اوووه يالهوي ع الاحراج اجدعان کملی یا مصیبه
نور: عزمني علي لمون ف كافتريا الجامعه وفضلنا قاعدين نكلم اكثر من ساعه محسناش بالوقت وبعدين طلب
رقمي
ريهام: رفضتي طبعا
نور: بصراحه لا ادتهولوا
ريهام: غريبه انتي عمرك ما عملتي كدا ولو ولد طلب رقمك كنتي بتهزقيه اشمعنا هو!؟
نور: غير انه انقذ حياتي كل مبشوفوا بحس ب احساس واحد بس
ريهام: ايه هو؟
نور: ان هو دا اللي اتخلقت عشانه
ريهام: سيدي يا سيدي اوعدنا يارب
نور: ههههه يارب يا اوختي
بتوصل لنور ماسج علي الواتس بتمسك الفون وتشوفها
مراد: عامله ايه؟ حبيت اطمن عليكي
بتبص نور للفون وتبتسم
ريهام: الجو هاا
بتضربها نور بالمخده اللي جمبها
نور: اتلمي
ريهام: ياستي ماشي هسيبك تتكلمي براحتك وهروح انا انام تصبحي على خير
نور: وانتي من اهله يا حبيبتي
بتخرج ريهام من الاوضه وبتمسك نور فونها وتبعت ل مراد
نور: بخير الحمد لله انا بجد مش عارفه اشكرك ازاي لولاك كان زماني ميته دلوقتي
مراد: بعد الشر عنك دانا مصدقت لقيتك
نور: نعم!
مراد: اقولك حاجه مجنونه
نور: اممم
مراد: بحبك
نور: هههه كدا بسرعه دي
مراد: يمكن مشفتكيش الا مرتين ومكلمتكيش الا مره بس صدقيني حاسس اني اعرفك من زمان من اول مره
شفتك وانا حاسس
نور: حاسس ب ايه؟
مراد: حاسس ان انتي اللي اتولدتي عشاني
بتبص نور للماسج وهي متفاجأه وحاسه ان قلبها بيدق اوي وقبل مترد بتتفاجأ بصوت ريهام بتصرخ بترمي الفون من اديها وتجري علي اوضتها
نور بخضه: ريهام حبيبتي مالك؟
ريهام بعياط: جمبي يا نور جمبي مش قادره همووت
نور: ماما.... بابا.... ماما
بيجروا هدي و مصطفي علي اوضه ريهام
مصطفى: في ايه يا نور؟
نور: بابا ريهام
ريهام: جمبي يا بابا همووت
هدي: مصطفي كلم الاسعاف بسرعه
مصطفي: لا اسعاف ايه انا هشلها واروح اقرب مستشفي يلا البسوا بسرعه
بيجروا هدي ونور يلبسو وبيشيل مصطفي ريهام وبينزلوا يركبو تاكسي ويطلعوا علي المستشفى وريهام بتصرخ وتعيط من الوجع
________________________
بيستغرب مراد ان نور مردتش عليه وبيفضل يبعتلها رسايل
مراد: نور مش بتردي ليه؟ هو كلامي زعلك؟ طب نور انا اسف بس ردي عليا
انا و**** مفيش ف نيتي حاجه وحشه صدقيني
نور ارجوكي ردي
بيزعل مراد ان نور مردتش علي كل رسايله وبيخاف تكون زعلت منه وقررت متکلموش تاني
مراد لنفسه: هو انا غلطت عشان قولتلها بحبك انا بس اللي جوايا قولته انا محبتش قبل كدا وكأني كنت شايل كل مشاعري ليها هي يارب ترد عليا
__________________________
بيوصلوا اهل نور المستشفى والدكتور بيكشف علي ريهام ويدخلها عمليات علي طول بتعمل عمليه الزايده وهدي ومصطفي بيدعوا انها تقوم بالسلامه
ونور مبطلتش عياط ودعاء ل اختها
بتقرب هدي منها وتاخدها ف حضنها
هدي: اهدي يا حبيبتي هتكون كويسه متخفيش
نور: يارب يا ماما يارب
بعد ساعه بيخرج الدكتور من اوضه العمليات
مصطفي: طمنا يا دكتور
الدكتور: الحمد لله لحقنا الزايدة قبل متنفجر وهي بقت كويسه دلوقتي
نور: عاوزه اشوفها
الدكتور: احنا هنطلعها اوضه تقدروا تشوفوها بس هي لسه تحت تاثير البنج مش هتفوق قبل نص ساعه
هدي: شكرا يا دكتور
بيطلعوا ريهام اوضه وكلهم بيطلعولها ويفضلو قاعدين لحد ما تفوق
بعد نص ساعه بتبدا ريهام تفتح عنيها
ريهام: نور
بتجري نور عليها وتمسك اديها
نور بلهفه: حبيبتي انتي كويسه؟
ريهام بابتسامه بتعب: الحمد لله
هدي: حمد **** على سلامتك يا قلبي
مصطفي: كدا يا حبيبتي تخضينا عليكي
ريهام: **** ميحرمني منكم
نور: ولا منك يا حبيبتي
بعد نص ساعه بيدخل الدكتور يطمن عليها
الدكتور: يا جماعه مينفعش كدا لازم تسيبوا المريضه ترتاح ياريت تمشو وتجولها الصبح ان شاء ****
نور: ممکن ابات معاها؟
الدكتور: ماشي بس انتي بس
نور: شکرا یا دکتور
بيبوسوا مصطفي وهدي دماغ ريهام
هدي: الصبح ان شاء **** هنجيبلك
ريهام: ان شاء ****
مصطفي: نور لو احتجتينا ف اي وقت اتصلي هنيجي علي طول وخلي بالك من اختك
نور: حاضر یا بابا
هدي: يلا تصبحوا ع خير
بيمشوا مصطفي وهدي وبتقعد نور جمب ريهام
نور: وقفتي قلبي لو كان حصلك حاجه انا كنت
بتقطع ريهام كلامها
ریهام: اهدي انا كويسه اهو
نور: يارب دايما تبقي كويسه يلا يا حبيبتي نامي وارتاحي وانا هنا جمبك
ريهام: تصبحي على خير
نور: وانتي بخير
بتقعد نور علي كرسي ف الاوضه وبعد شويه بتنام ريهام بتفتح نور النت وتشوف كل رسايل مراد ليها وبتبعتله
نور: انا اسفه اضطريت اقفل معرفتش ارد عليك
بعد خمس دقایق
مراد: يعني مزعلتيش مني؟
نور: اختي تعبت وعملت الزايده
مراد: وهي عامله ايه دلوقتي؟
نور: كويسه الحمد لله
مراد:الف سلامه عليها، وانتي كويسه؟
نور: خفت اوي يا مراد خفت يحصلها حاجه ريهام دي كل حياتي مقدرش اتخيل حياتي من غيرها
مراد: **** يخليكو لبعض، هو انتي فين دلوقتي؟
نور: ف المستشفى مع اختي الدكتور قال شخص واحد يفضل معاها بابا وماما روحوا
مراد: انتو ف مستشفى ايه؟
نور: مستشفي ******
مراد: نور ماما بتناديني هشوفها عاوزه ايه واكلمك
نور: ماشي
بيقوم مراد يلبس وينزل ويروح المستشفى اللي نور قالت عليها
الحارس: رايح فين حضرتك؟
مراد: داخل اشوف واحده قريبتي
الحارس: ممنوع وقت الزياره خلص تعال بكره الصبح
بيطلع مراد 50ج من جيبه ويحطها ف ايد الحارس
مراد: **** يخليك دخلني حتي 5 دقايق بس
الحارس: ماشي ادخل بس متطولش
مراد: شكرا جداا
بیدخل مراد وبيرن علي نور
نور: انا قولت انت نمت
مراد: هو انتو ف انهي دور وكام رقم الاوضه
نور: الدور التالت اوضه 101 بس ليه؟!
مراد: افتحي الباب
بتقوم نور تفتح باب الاوضه وتتفاجأ ان مراد واقف قدامها
نور: انت هنا بجد؟!
مراد: حسيت انك محتجاني جمبك
بتبصله نور وتبتسم وعنيها فيها دموع وبتحضنه
بيتفاجأ مراد ويفضل واقف ثابت كام ثانيه وبعدين بيحضنها
نور: انا فعلا كنت حاسه اني محتجالك
مراد: اوعدك ان عمرك ما هتحتجيني ف يوم ومتلقنيش جمبك
بتبعد نور عن حضنه وتكسف ملي عملته وتبص ف الارض بيبتسم مراد ويرفع وشها لي
مراد: بحبك يا نور
نور: وانا كمان بحبك وحسيت زيك اول ما شوفتك
مراد: حسيتي ب ايه؟
نور: ان انت اللي اتخلقت عشانه
مراد: تعرفي انا مستغرب نفسي اوي عمري ما حبيت قبل كدا ومن اول ما شفتك حبيتك وحسيت اني اعرفك من
زمان ونفسي اكمل معاكي حياتي
نور: تعرف یا مراد انا كنت حاسه ان قلبي هيقف من الخوف علي ريهام لو كان حصلها حاجه انا مكنتش هتحمل دا هي مش بس اختي هي حبيبتي وصحبتي وبنتي وكل حاجه ليا ف الدنيا واما شوفتك حسيت ان كان ناقصني حاجه
وكملت بيك
ريهام: وايه كمان طب راعو اني عيانه طيب
بيحمر وش نور من الكسوف
نور: ريهام انتي صحيتي امتي؟
ريهام: من لما بدأ الفيلم الرومانسي دا
مراد: حمد لله على سلامتك
ريهام: **** يسلمك وبتبص ل نور تصدقي يا نونو ليكي حق تحبيه من اول نظره دا مز اوي اوعدني يارب بمز زيه كدا
نور: ريهام اتلمي
مراد: هههههه **** يخليكي عيونك الحلوه
ريهام: بقولك ايه قرب كدا عايزه اقولك حاجه
بیقرب مراد عليها ويقف جمبها
ريهام : هات ودنك
بیستغرب مراد بس بيسمع كلامها
ريهام: خلي بالك من اختي وحطها ف عينك هي قلبها اول ما دق دق ليك انت اوعي تيجي عليها ف يوم او تنيمها
زعلانه
بيبصلها مراد ويبتسم ويبص ل نور
مراد: ليكي حق تحبيها كدا يا نور
نور: هي قالتلك ايه؟
مراد: لا دا سر بيني وبين صحبتي مش احنا دلوقتي صحاب
ریهام: طبعا يا جوز اختي
نور: جوز اختك مين؟!
مراد: احم مش شايف حد غيري هنا
نور بهزار : ومين قال اني هوافق اتجوزك
مراد: ومين قال اني هسمحلك ترفضي
بتكسف نور وتبص ف الارض وتبتسم
مراد: انا همشي عشان اسيبكم ترتاحوا وبيبص ل ريهام الف سلامه عليكي وبجد انا مبسوط اني اتعرفت عليكي
ريهام: وانا كمان
بيبتسم مراد ويروح يقف قدام نور
مراد: متشلیش هم المحاضرات انا هجيب كل اللي هيفوتك واما اشوفك هديهوملك
نور: **** ما يحرمني منك
مراد: ولا يحرمني منك ياقلبي انا همشي بقي تصبحوا علي خير
ريهام: وانت من اهله
بيروح مراد ناحيه الباب وقبل ميفتحه
نور: وانت من اهله يا حبيبي
بيلف مراد ويبصلها
مراد: انتي قولتي ايه؟
نور: وانت من اهله
مراد: لا بعدها قولتي ايه؟
نور بكسوف: حبيبي
مش بيقدر مراد يتحكم ف نفسه وبيجري عليها بيحضنها وشويه ويبعد عنها
مراد: بای يا قلبي
نور: اما تروح طمني عليك
مراد: حاضر باي
نور: بای
مراد: بای يا ريهام
ریهام: بای یا جوز اختي
______________________________
بعد يومين
بتخرج ريهام من المستشفى وبترجع نور الجامعه وبتقضي اكثر وقتها مع مراد سواء ف الجامعه او الفون وف يوم بيتأخر مراد وبتفضل نور قلقانه عليه وبتكلمه مش بيرد وبعد شويه بتلاقيه قدامها
نور: قلقتني عليك اوي اتأخرت كدا ليه؟
مراد: حقك عليا اتشغلت شويه قومي معايا
نور: علي فين؟
مراد: هنخرج سوا واعزمك علي الغدا
نور: ایوه بس
مراد: مبسش يلا بقي عشان خاطري نفسي اقعد معاكي ف مكان غير الجامعه
نور: اوك يلا
مراد بفرحه: بجد موافقه؟!
نور: مقدرش ارفضلك طلب یا حبيبي
بيخرجوا نور ومراد وبيروحوا مطعم علي النيل وياكلوا سوا وهما بيكلموا وبيضحكوا وبعد شويه بيرن فون مراد
مراد: الوو..... في ايه مالك......طب انا جي حالا نور انا لازم امشي
نور: في ايه يا مراد مين اللي كلمك؟
مراد: امي تعبانه اوي ولازم اروحلها حالا معلش انا اسف وبيجي يمشي بتنده عليه نور
نور: مراد استني انا هاجي معاك
مراد: ماشي يلا
بيخرجوا سوا من المطعم ويركبوا تاكسي ويوصلوا البيت بتطلع نور مع مراد وتدخل الشقه
نور: هي فين مامتك؟!
مراد: هههه انتي صدقتي ولا ايه
نور بقلق: مش فاهمه
مراد: يعني دا طعم رمتهولك عشان تيجي معايا البيت وانتي طلعتي غبيه وبلعتيه ودلوقتي بقي هاخد اللي عاوزه
منك
بيقرب مراد منها ويبوسها ف شفايفها
نور: اوعي ابعد عني
بتحاول نور تزقه وتبعده عنها وهو بيفضل يبوسها لحد ما بتقع ع الارض وهو فوقيها وبيحاول يقلعها هدومها
بتصرخ نور وتعيط وتترجاه يبعد عنها
نور: ابوس ايدك بلاش سبني امشي حرام عليك انا حبيتك متعملش كدا
وبتصرخ بأعلى صوتها.......
يےـتےـبےـعےـ
آلجےـزء آلثےـآنےـيےـ
بتصرخ نور بصوت عالي: مرااااااد
مراد: نور نور مالك اصحي يا نور
بتفتح نور عنيها وهي مخضوضه تلاقي نفسها لسه في التاكسي مع مراد
مراد: انتى كويسه بتصرخي كدا ليه؟
نور: هو انا كنت نايمه؟!
مراد: اه انا لقيتك نمتي قولت أسيبك شويه لحد ما توصل انتي كويسه؟!
نور: اه... اه انا كويسه
مراد: ماشی يا حبيبتي فوقي بقي عشان هننزل الشارع الجاي
نور ف بالها: ايه الحلم القذر دا الحمد لله انه مكنش حقيقه وبتبص ل مراد وتبتسم اصلا هو مستحيل يعمل معايا كدا
مراد: على جمب ياسطى
بينزلوا من التاكسي وبيحاسب مراد السواق ويدخلو عمارة ويركبو الاسانسير
مراد: انا قلقان علي ماما اوي
نور: اهدي يا حبيبي ان شاء **** هتكون كويسه
مراد: یارب يا نور انا مليش غيرها
بيوصل الاسانسير وبيخرجوا منه ويفتح مراد باب الشقة
مراد: ماما انتي فين؟
اميمة: ف الاوضه يا حبيبي
بيدخل مراد اوضتها ونور وراه
مراد: حصل ايه انتي كويسه ليلى كلمتني وقالتلي انك تعبانه
اميمه: انا بس مفطرتش ف دخت شويه بس دلوقتي انا كويسه وانت عارف ليلي بتقلق من اقل حاجه
مراد: أومال هي فين؟ انا قولتلها متسبكيش لحد ما اجي
امیمه: نزلت تجيب طلبات السوق وهتجبلي حاجتي معاها
نور: حمد **** على سلامتك يا طنط
اميمه: **** يسلمك يا حبيبتي اكيد انتي نور مش كدا
نور: هو حضرتك تعرفيني؟!
اميمة: طبعا هو مراد بيتكلم عن حد غيرك
بتتكسف نور وتبص في الأرض
اميمة: زوقك طلع حلو اوى يا مراد ماشاء **** عليها قمر
نور بكسوف: **** يخلیکی يا طنط
اميمه: لا طنط ايه انتي زيك زي مراد يعني تقوليلي يا ماما
نور: حاضر يا ماما
بتفضل نور قاعدة مع اميمه ومراد وحبت اميمه جدا وفعلا حست انها زي مامتها
_______________________________
بعد ساعة
نور: انا اتاخرت اوي لازم امشي
اميمه: مش هتتغدي معانا؟
نور: معلش يا ماما مره تانيه هاجيلك واتغدي معاكي لان كدا انا اتأخرت ع البيت أوي
امیمه: ماشی یا حبیبتي وانا هستناكی وصلها يا مراد
خلي بالك من نفسك
نور: حاضر بای
امیمه: بای
بينزل مراد مع نور ويقفو قدام العمارة
نور: مامتك طيبه اوي حبيتها اوي
مراد: وهي كمان بتحبك اوي
نور: مقولتليش قبل كدا انك حاكلها عليا
مراد: انا وماما زيك انتي وريهام كدا هي امي وصحبتي وحبيبتي وأقرب حد ليا
نور: **** يخليكوا لبعض يارب
مراد: ويخليكي ليا يا حبيبتي
نور: احم انا همشي بقي
مراد: ماشي هوقفلك تاكسي
بيوقف مراد تاكسي وبيركب نور
مراد: اما تروحي طمنيني عليكي
نور: حاضر
بیمشي التاكسي وبيطلع مراد البيت ويدخل ل مامته
________________________________
مراد: انتي كويسه دلوقتي؟
اميمه: اه يا حبيبي نور حلوه اوي ومؤدبه ليك حق ياواد تحبها عرفت تنقي
مراد: ههههه طالع ل ابويا
اميمه: صحيح فكرتني ابوك اتصل الصبح وقالي انه نازل اجازه بعد أسبوع وهيكلمنا تاني يقولنا معاد الرحلة وكدا
مراد: اممم قولي بقي كدا الفرحة خلتك تدوخي
اميمة: اتلم ياواد وبعدين انا فرحت انه هيجي عشان نروح نخطبلك نور
مراد: انتي بتتكلمي بجد
اميمة: طبعا بجد
مراد: بس بابا هيوافق يخطبلي وانا لسه بدرس؟!
اميمه: انا اكلمت معاه في الموضوع وهو موافق وقال أما يجي هيروح يخبطهالك وكمان هيفتحلك مكتب محاسبة
هنا عشان اما تتخرج تديره انت
بيحضن مراد مامته بفرح
مراد: **** يخليكي ليا
اميمة: ويخليك ليا يا حبيبي
مراد: انا هروح اكلم نور وأقولها
اميمه: ماشي يا حبيبي وسلملي عليها
بيبصلها مراد ويبتسم ويخرج من الأوضه
__________________________
بتروح نور البيت وتلاقى مامتها في المطبخ
نور: مساء الخير يا ماما
هدي: مساء النور يا حبيبتي
نور: اومال فين بابا وريهام؟
هدی: بابا زمانه جای لسه مکلمنی و ريهام نايمه شويه ادخلي ريحي شويه في اوضتك لحد مخلص الغدا
نور: اساعدك في حاجة طيب؟
هدي: لا يا حبيبتي انا خلاص خلصت فاضل حاجات بسيطة روحي انتي غيري
نور: حاضر
وبتبوس دماغ مامتها وتدخل نور اوضتها وفونها بيرن
نور: الوو
مراد: روحتي يا قلبي؟
نور: اه يا حبيبي روحت
مراد: عايز اقولك علي حاجه مهمه اوي
نور: ايه هي؟
مراد: بابا جی اجازه بعد اسبوع وهنيجي نتقدملك اما يجي
نور بفرحه: انت بتكلم بجد؟
مراد: طبعا يا قلبي بجد انا بحلم باليوم اللي هتكوني مراتي فيه
نور: بحبك اوي يا مراد
مراد: وانا بعشقك ياقلبي حسيبك ترتاحي شويه وبليل هكلمك ماشي يا قلبي
نور: ماشي يا حبيبي باي
مراد: باي
بتتنطط نور من الفرحة وتلاقي ريهام دخلت عليها الاوضه
ريهام باستغراب: مالك يا نور في الحاله جتلك ولا ايه؟!
نور: بابا مراد هينزل اجازه بعد اسبوع وهيجي يتقدملي انا مبسوطه اوي وبتحضن ريهام من الفرحة
ريهام: **** يفرح قلبك يا حبيبتي ويكملك على خير يارب
نور: يارب يا حبيبتي
_________________________________
بعد اسبوع في المطار
مراد: حمد **** على السلامة يا بابا
عبد
*: * يسلمك يا حبيبي وحشتني اوي ومامتك كمان وحشتني اوي
مراد: مش ناوي تستقر معانا بقي يا بابا كفايه سفر کدا
عبد
*:ان شاء * يا حبيبي صدقني بحاول
مراد: ماشی يا بابا
عبد ****: المهم عاوزك تكلم والد البنت اللي عاوز تخطبها عشان نروح نتقدملها
مراد: مش لما ترتاح من السفر الأول
عبد ****: انا راحتي في سعادتك يا حبيبي
مراد: **** ميحرمني منك
عبد ****: ولا يحرمني منك يا حبيبي
بيوصل مراد باباه البيت وبيروح الجامعة بيلاقي نور مستنياه في الكافتريا
نور: اتاخرت كدا ليه؟!
مراد: معلش يا حبيبتي الطريق كان زحمة وعقبال موصلت بابا للبيت
نور: هو باباك رجع من السفر؟
مراد: اه لسه راجع حالا عاوزك بقي تكلمي باباكي وتاخديلي منه معاد عشان نيجي نقابله انا وبابا وماما
نور: حاضر هكلمه النهارده وارد عليك
بيعدي اليوم وبتروح نور البيت
بتطلع نور البيت تلاقي مامتها في المطبخ وريهام في الدرس
نور: هو بابا لسه مجاش؟
هدى: لا جه وقاعد في البلكونه خدي انتي دخليله فنجان القهوه دا عشان اشوف الاكل
نور: حاضر
بتاخذ نور الفنجان وهي متوتره وبتدخل البلكونه
نور: القهوه يا بابا
مصطفى: تسلم ايدك يا حبيبتي اقعدي
بتقعد نور قدامة وتلعب في صوابعها من التوتر
مصطفى: طمنيني عامله ايه في الجامعة؟
نور: كله تمام الحمد لله
مصطفى: مالك يا نور متوتره كدا ليه؟
نور: بصراحه يا بابا في موضوع كنت عاوزة أكلم مع حضرتك فيه
بياخذ مصطفى بق من القهوة ويبصلها
مصطفى: اتكلمي سامعك
نور: بصراحه يا بابا انا ليا زميل في الجامعة اسمه مراد هو شاب كويس قوي واهله ناس كويسين وطلب مني اخدله
معاد مع حضرتك عشان يجي يتقدملي
بيفضل مصطفى باصصلها وساكت
نور بقلق: بابا هو حضرتك ساكت ليه هو كلامي ضايق حضرتك؟
مصطفى: فرحان كبرتي يا قلبي وهتتخطبي
نور: يعني حضرتك موافق؟
مصطفى: و**** بدام شاب كويس زي ما بتقولي وعايز يدخل البيت من بابه يبقي ليه لا بلغيه اني مستنيه هو واهله
يوم الخميس الجاي
بتقوم نور بفرح وتبوس باباها في خده وتحضنه
نور: بحبك يا بابا
مصطفى: وانا بحبك يا قلب ابوكي
ريهام: احم احم انتو سابينا جوا وبتحبو ف بعض في البلكونه طب وربنا لقول لمراتك
مصطفي: لا لا مراتي لا **** يكرمك انا كبرت ع النوم ع الكنبة
نور وريهام معا: ههههههه
نور: تعالي ياريهام عوزاكي عن اذنك يا بابا
مصطفى: اتفضلو يا حبايبي
بتاخد نور ريهام وتدخل أوضتها
نور: عندي ليكي حته مفاجأه
ريهام: ايه في ايه؟
نور: مراد هيجي يتقدملي الخميس الجاي
ريهام: قولي و****
نور: وربنا
ريهام: هييييه هيبية اختي هتبقي عروسة هيييه وهلبس سوارية هييية هييية
نور: ههههههه يا مجنونه همك تلبسي سواريه
ريهام: لا همي اشوف عيونك الحلوين دول دايما مبسوطين بس اوعي يانور اما تتجوزي مراد ياخدك مني وتنسيني
بتاخذها نور في حضنها
نور: انتي عبيطة دانتي روحي ومفيش مخلوق يقدر ياخذني منك
ريهام: **** يسعدك يا قلبي ويتمملك على خير انا هروح بقي أغير هدومي واسيبك تفرحي مراد وسلميلي عليه اوك
نور: اوك
بتحدف لها ريهام بوسه في الهوا وتخرج تروح أوضتها
بتطلع نور فونها وقبل مترن على مراد بتلاقيه هو بيرن
نور: ابن حلال كنت لسه هرن عليك
مراد: منا حسيت فقولت ارن انا واوفرلك الرصيد
نور: جدع من يومك ياولا
مراد: طمنيني عليكي انتي كويسه؟
نور: اه يا قلبي وعندي ليك خبر حلو
مراد: قولي
نور: کلمت بابا ومستنيك انت واهلك يوم الخميس الجاي
مراد: بجد دا احلا خبر سمعته في حياتي بس الخميس الجاي لسه فاضل عليه يومين متخلوها النهاردة والنبي
نور: ههههههه دانت واقع بقي
مراد: اه وحياتك ومحدش سمي عليا
هدي: يلا يانور الغدا جاهز
نور: حاضر يا ماما جايه ... حبيبي هقفل معاك دلوقتي عشان ماما بتناديلي على الغدا واكلمك بعدين
مراد: ماشی يا قلبی بای
نور: باي
مراد: نور استنی
نور: نعم
مراد: بحبك
نور: وانا بموت فيك
مراد: باي
نور: باي
______________________________
بتغير نور هدومها بسرعه وتخرج تقعد تتغدي مع أهلها
بعد الغدا
مصطفي: هدي اعمليلي شاي وهاتيه الاوضه وتعالي عشان عاوزك في موضوع
هدي: حاضر نور لمي انتي السفرة
نور: حاضر يا ماما
بتعمل هدي الشاي وتدخل ل مصطفي الاوضه وبتلم نور الاكل وبتلاقي ريهام بدات تغسل المواعين
نور: انتي بتعملي ايه؟
ريهام: دا دوري النهاردة اغسل المواعين
نور: لا روحي انتي ارتاحي وانا هغسلهم انني لسه تعبانه ريهام: لا صدقینی انا کویسه و
بتقطع نور كلامها
نور: ريهام اسمعي الكلام ادخلي أوضتك وانا هغسلهم وبعدين اعملنا كوبايتين نسكافيه واجي اقعد معاكي
ريهام بابتسامه: **** يخليكي ليا
نور: ويخليكي ليا ياقلبي
هدى: ايوه يا مصطفى بس انت بتقول زميلها يعنى لسه بيدرس هتجوزها ل طالب
مصطفى: ومين جاب سيرة الجواز دلوقتي انا حددتلهم معاد يوم الخميس ولو كان شاب كويس واهله كويسين زي ما
بتقول يبقي يتخطبوا دلوقتي وبعد التخرج يتجوزوا بدام نور كلمتني عنه يبقي فعلا بتحبه وبدام هو مكلم اهله وطلب
معاد يقابلني يبقي شاب محترم وعايز يدخل البيت من بابه يبقي واجبنا احنا نقف جمبهم ويبقى كل شئ قدام عنينا
احسن ولا انتي شايفه ايه؟
هدي: الرأي رأيك والشوري شورتك بدام انت شايف كدا يبقي علي بركة
** واللي في الخير يقدمه **
___________________________
يوم الخميس
بتدخل أميمه على مراد الاوضه بيكون لابس وبيسرح شعره
مراد: شکلی حلو
اميمه: قمر يا حبيبي كبرت ياواد وهنروح نخطبلك
مراد: بس ادعيلي والنبي بابا نور يوافق
اميمة: هيوافق ان شاء **** انا حاسه بكدا
عبد ****: يلا بينا مش عاوزين نتأخر على الجماعة
مراد: يلا يا بابا
هدى: اهلا وسهلا اتفضلو نورتونا
اميمه: **** يكرمك يا حبيبتي
بيدخلوا يقعدوا في الصالون ومصطفي بيسلم عليهم ويقعد معاهم
عبد ****: في الحقيقة احنا جاين نطلب ايد نور بنتك لي مراد ابننا
مصطفی: اهلا بیگم دا شئ يسعدني طبعا قولي يا حبيبي ويبيص ل مراد
مراد: نعم يا عمی
مصطفى: انت امكانياتك ايه؟
مراد: انا زميل نور في الجامعة بدرس محاسبه عندي شقه تمليك 3 اوض وصاله في حي حلو جدا في التجمع وناوي
بعد التخرج ان شاء **** افتح مكتب محاسبة كبير في وسط البلد بدأت أجهز فيه من دلوقتي
مصطفي: هايل و**** انا حبيتك من أول ما شفتك وباين عليك انك ابن ناس و محترم
عبد
*: * يخليك دا بس من زوقك واحنا مش هنلاقي احسن من بنتك لابننا
اميمة: يبقي نقرأ الفاتحة
مصطفى: نقرأ الفاتحة
بيكونوا نور وريهام مراقبين كل حاجه من أوضه ريهام
ريهام: الف مبروك يا حبيبتي **** يتمملك على خير يارب وبتحضن نور
نور: عقبالك يا قلبي
هدي: يلا يانور اخرجي قدمي العصير للناس
بتخرج نور تقدملهم العصير وهي مكسوفة وباصه في الأرض وريهام معاها
عبد ****: انتي نور
نور: ايوه يا عمو
عبد
*: بسم * ماشاء **** عرفت تنقى ياواد
بتتكسف نور وتبص في الأرض
اميمه: تعالي يا حبيبتي اقعدي جمبي
بعد ساعة بيكونوا اتفقوا على كل حاجة بيتفقوا يعملوا خطوبة وكتب كتاب بعد شهر والدخلة بعد التخرج
بيعدي الشهر بسرعة ويجي يوم كتب الكتاب بيكون في بيت نور على بسيط بين أهلها واهل مراد واصدقائهم
المقربين ونور تتكون طالعة احلا من القمر وبيحط مصطفى ايده في ايد مراد ويكتبوا الكتاب
بيمضوا مراد ونور ومصطفى وعبد **** علي عقد الجواز وهدي واميمه بيزغرطوا
وبيكون يوم جميل اوى على الكل
وبعد الحفلة مبتخلص والناس بيمشوا بيستاشن مراد من مصطفى أنه يخرج مع نور وهو بيوافق بشرط أنهم
ميتأخروش
وبيخرجوا سوا
نور: دا احلا يوم في عمري
مراد: عقبال فرحنا يا قلبي
بيتمشوا سوا ع الكورنيش وبياكلوا ايس كريم وبعد شويه بيوصل مراد نور لتحت البيت وتيجي تطلع بيمسك اديها
مراد ويوقفها
نور: ايه؟
مراد: من أول ما شوفتك في حاجه كنت هموت واعملها
نور: ايه هي؟
بيقرب مراد منها ويبوسها في شفايفها
مراد: بحبك
بتتكسف نور ووشها بيجيب الوان وبتطلع تجري على فوق ومراد بيبص عليها ويضحك
___________________________
بيعدوا سنتين بسرعه ونور ومراد بيتخرجوا من الجامعة ومراد بيبدا شغل في مكتبه و فرشوا شقتهم وبيحددوا معاد
الفرح
قبل الفرح باسبوع
بيكونوا نور وريهام بيتمشوا سوا ويشتروا باقي الحاجات الناقصة ف الجهاز
ريهام: هتفضلي قالبه وشك كدا
نور: كان نفسي اوي مراد يكون معانا
ريهام: ياقلبي معلش هو غصب عنه عشان شغله وبعدين انا معاكي اهو ولا انا مش كفايه
نور: **** يخليكي ليا
ريهام: ويخليكي ليا يا قلبي
بيرن فون نور
نور: الوو
مراد: عامله ايه يا حبيبتي؟
نور: زعلانه منك
مراد: وانا مقدرش على زعلك ولغيت الاجتماع عشان خاطرك حتى بصي قدامك كدا
بتبص نور قدامها بتلاقي مراد على الرصيف الثاني
بتفرح نور آن مراد جه وبتجري عليه ومن فرحتها مش بتاخد بالها من العربية اللي قدامها
مراد بصريخ: نوووووور حاسبي
ريهام: نوووووووووور
يےـتےـبےـعےـ
