بص انا هحكيلك قصه هي طويله شويه بس حاول تقراها وتفهمها كويس
كان فيه مره زمان راجل حاوي وكان بيطلع على المقابر ومعاه اله كدا زي الناي اللي بيصفروا بيها وهو كان بيصفر ويطلعله الثعبان يرقص على المقابر وكان بيلم فلوس كتيره من الناس اللي بتبقى موجوده . ف الراجل عمل قرشين حلوين كدا وقال لما اطلع احج انا بقى . وهو طالع جاب ابنه وفهمه اللي بيحصل معاه وقاله تعمل زي انا ما بعمل وتصفر للثعبان وهو هيطلعلك ويرقص وانت تلم الفلوس من الناس لغاية انا ما اسافر احج واجي ابنه قاله ماشي . جه اول يوم للولد راح المقابر وكان عايز يعمل زي ما بيعمل ابوه واول لما صفر للثعبان مرضاش يطلعله ف حاول يطلعه بالعصا واثناء ما هو بيحاول بالعصا قطع ديل الثعبان التفت عليه الثعبان وعضه في كعب رجله وعلى اثرها مات الولد . ف جهه الراجل من الحج وعرف باللي حصل وقال دا قضاء **** وراح على المقابر تاني وقعد يصفر للثعبان علشان يطلع يرقصله زي زمان . فرد عليه الثعبان وقاله روح لحال سبيلك انا لا طلع ولا ارقصلك تاني علشان لا انا هنسى ديلي اللي اتقطع بسبب غباء ابنك ولا انت هتنسى ابنك اللي اتوفى بسبب عضتي ليه
