♦️كل واحد لازم يكون عنده فلتر بيعدي عليه أي حاجة يسمعها أو يقراها أو يشوفها، الفلتر ده أخلاق ومبادئ ووعي وضمير، وعلم.
الفلتر بيقرر الفكرة دي صح، النصيحة دي تنفعني، اللبس ده مناسب ليا، اللفظ ده يليق بيا، الحد دي ينفع يدخل حياتي، الشغل بالطريقة دي صح؟
🍁الفلتر ده محتاج نخلي بالنا منه ونحميه، ونلحقه عشان ميعديش أي حاجة ويوافق عليها، ويشوفها عادي وبدل مانتتطور للأحسن نرجع لورا!
🍁محتاجين ندخله علم ووعي وفكر، نخلي بالنا من كل حاجة بتدخله، مش أي حد نسمعه، ومش أي كلام نقراه، ومش أي نصيحة نطبقها.
،🍁لما نحس إن حد بدأ يقول كلام مش مظبوط منفضلش نتابعه، لما نحس إن فيه ناس مش شبهنا منفضلش مكملين معاهم ونقول هنسيطر ومش هنتأثر
أول مرة بنرفض، بعد كدة الرفض بيقل، بعدين بنتعود، بعدين بنمارس اللي رفضناه، و أخر مرحلة أننا ندافع عنه!
🍁 الاولاد كمان محتاجين نبني فلتر عندهم( اخلاق، علم، حدود، معايير لكل حاجة .. الخ) نعلمهم ازي يختاروا صحابهم ازاي، يتفرجوا على ايه، يتكلموا ازاي، ونعلمهم ازاي يحافظوا عالفلتر بتاعهم.
🌿احنا في زمن بنتعرض لكل حاجة غلط، وسهل جدا نتأثر، ونقع، وكل واحد فينا وقع بشكل معين، وبنسبة معينة، بس اللي بيحافظ عالفلتر بتاعه، بيبقى سهل يفوق، ويرجع لنفسه💙
