على وجعى من فراقك صعب احكى
حاولت اوصف الوجع
لكن الكلام نفذ
كنت معايا بنرسم الطريق
وبنحلم بالحلم الجميل
وفجأة صحيت على خبر الرحيل
وقفت مصدوم ومن الذهول وقف اللسان عن الكلام
حتى الدمع اعلن العصيان
اتفقنا نفضل سوا
نعافر وما حد يقدر علينا
خذلتنى وقدرت عليك الدنيا وسبتنى
وجعنى فراقك يا صاحبى
ومهما عدى من الزمن لايمكن يزول الوجع
هيفتكر الناس انى نسيتك وانت فى القلب ساكن
سلام يا صاحبى بيوحشنى صوتك
بسمع رنه ضحكتك
وبمسك تليفونى واطلع نمرتك
واسكت لما لاقى قلبى بيبكى من الوجع
خلصت الحكايه جملتك الشهيره
بس حكايتك فى قلبى مكمله
على وجعى من فراقك صعب احكى
حتى مش قادر ابكى
