اولا كدا الجماعه بتوع "كلب تحت رجليكى" و الكلام دا يخرجوا من الموضوع من سكات عشان الموضوع مش ليكم و ياريت مشوفش حد منكم الرسايل
ندخل فى المهم بقى
انا شوفت فيديوهات كتير لكلاب وفيه و ذكيه جدا بتجيب العلاج لاصحابها و بتساعدهم فى اوقات النوبات القلبيه و الصرع و كدا و اوقات بتواسى اصحابها فى اوقات الحزن و البكاء
قرأت اكتر عن الكللابب لقيت انهم اوفياء جدا و اذكياء جدا و عندهم استعداد يموتو دفاعا عن صحابهم و بيحبوهم حب اعمى و ابدى
و برغم انى بخاف منهم و أحيانا بقرف منهم بس يمكن عشان كلاب شوارع
بس انا بجد قررت اجيب كلب جرو صغير اربيه و يكبر على ايدى و صوتى عشان يبقى مستحيل يعضنى
فلو حد يعرف ايه الانواع اصلا و ايه احس نوع اللى بيطلع ذكى جدا و وفي و مسالم بس فى نفس الوقت يدافع عنى وقت الخطر و يبقى متاح
