هذه القصة منقولة من موقع آخر على أنها برخصة المشاع الإبداعي او بموافقة كاتبها الأصلى على مسؤلية الناقل ودون أدنى مسؤلية على إدارة المنتدى
ازيكم يا شباب عملين اي
دي هتكون اول مشاركه ليا هنا في المنتدي؛؛ انا بقرأ من زمان وجه الوقت المناسب اللي اكتبلكم فيه قصه حلوه تليق بيكم من وحي خيالي ومتنسوش تقولولي رئيكم طبعاََ في التعليقات...
الجزء الأول (البدايه)......
-في الأول احب اعرفكو بنفسي انا "فارس " عمري في القصه 28سنه من محافظة "الشرقيه" ظابط صاعقه سابقاً.... >خلونا الأول نرجع بالأحداث علشان نفهم الحكايه بالتفصيل ل
يوم ولادتي وبالتحديد ليوم 1/10/1995 ده اليوم اللي جيت في الدنيا ، مش قادر اوصف فرحت البيت عندنا كانت عامله ازاي طبل وزغاريد. وضرب نار ؛ دي طبعا العادات والتقاليد عندنا في بعض القرى في الشرقيه ودي كانت اسعد لحظه عند الحج "إبراهيم " ابويا . كان طاير من الفرحه. مهو خلآص جالو الولد االي هيشيل اسمو واسم العيله.. ابويا اول مشافني وشلني بين ايديه. مقدرش يمسك دموعه وفضل يبوس فيا ويأذن في وداني. شالني الحج ابراهيم لحد مراح لجدي في المندره بتاعة البيت بتاعنا. (المندره دي حته بيقعد فيها الضيوف الغراب عن البيت ودي معروفه عند الفلاحين)
وحطني ابويا بين ايد جدي. الحج عبد السلام " وقالو سمي يبا
رد فعل جدي كان من نفس رد فعل ابويا مقدرش يمسك دموعه اول مشاف حفيدو. وطبعاً زي مبيقولو""اعز الولد ولد الولد"" وبعدها جدي قرر يسميني محمد وبعدها ابويا طلع لامي فوق
ابويا:الف سلامه يا ام فارس
امي : **** يسلمك يغالي يا ابو فارس ، فرحت الحج عبد السلام.
ابويا : اكيد طبعاََ ده اول العرفين ، شدي حيلك يلا وقومي لينا بالسلامه.
امي :كلو علي...... يغالي.
. وطبعاً انا مش الابن الوحيد انا عندي اختين. اكبر مني هنتعرف عليهم. مع احداث القصه...
المهم!!!
عدي الزمن وانا كبرت ودخلت المدرسه وكنت شاطر جداً وزكي جداً جدا ً. وكان عندي ديماََ حب استطلاع ومعرفه مش بس بالمعلومات اللي جوا الكتب والمنهج لا كمان بالمعلومات العامه . كنت ديماََ بكون من الأوائل. ولما كنت ارجع من المدرسه واخلص الواجبات بتعتي واروح تمرين الكراتيه بتاعي واخلص كل حاجه. اجي اقعد مع جدي ويفضل يحكيلي عن ايام لما كان في الجيش. وحرب 73.والعبور كنت بحب الحكايات دي جداً تعالو اعرفكو تعريف بسيط كدا بجدي!!!!:- {الحج عبد السلام ابو ليل وده اسم العيله راجل بسيط وعلي قد حالو زي حال الاسره كلها شارك في حرب 73.ضد الصهاينه. واتصاب اصابه في عينو وفيها ندب كدا حولين عينو مش بيشوف بيها بيشوف بعين وحده بس وجدي طبعا عندو اوسمه عسكريه. ميداليات كتير واتكرم من الرئيس السادات. وحسني مبارك جدي شخص منظم وملتزم جداً ديما بيصحي بدري يعمل رياضه وكان نشيط جدا وجسمو. معضل شويه رغم سنو وديمًا منوانا صغير كان يصحيني واتمرن معاه تمرين الصبح دي ضغط وبطن وجري. وتمارين استرتشات وانا بكون حابب ده جدا ده تعريف مختصر كدا لجدي!!} نكمل =. جدي زرع فيا حب الجيش والحياه العسكريه من وانا صغير. وانا حبيت كل حاجه في الجيش حرفياََ كنت ديما بقعد ارسم مشاهد من حرب أكتوبر. زي دببات وجنود بيحربو وطيرات. ويسلام بقا لما كان ييجي الذكرا الثانويه للحرب. اقعد استني فيلم "الرصاصة لاتزال في جيبي" علي التلفزيون ويمكن اسمعو ييجي خمسين مره، غير البرامج اللي بتستضيف ناس شركة في الحرب ولقطات من الحرب. كانت بتبقا اسعد لحظات حياتي. كنت بحب شكل السلاح. قوي والمسدسات والبنادق بانواعها. ويسلام بقا لما كان بييجي العيد وابويا يجبلي بندقيه خرز. بكون طاير من الفرحه حرفياََ.... المهم عدت كام سنه ودخلت لمرحله جديده. اولي اعدادي. وحبي كان لسه عمال يزيد للجيش للعسكريه لدرجة اني كنت بروح السيبر مخصوص علشان ابحث عن الاسلحه أسمائهم وطريقة تفكيكهم وتركبهم. ومين صنعهم واتصنعو فين. وحجات كتير قوي من هذا القبيل. في الوقت ده كنت لسه بتمرن كراتيه. وكان معايا حزام اسود. وخدت بطولات كتير علي مستوي الحمهوريه بدات طبعا اشوف رياضه تانيه جنب الكراتيه واهو. اسلي وقتي وافيد صحتي. في الوقت ده خطيب اختي اللي اكبر مني ب5سنين عندو جيم في البلد بتاعتنا. وقلتلو طبعاََ هوا. قالي اشطا وكدا واتفقنا اني هروح في الاجازه علشان كان عندي امتحانات اولي اعدادي وقتها.. وبعد كام شهر خلصت الامتحانات ورحت انا في طبيعتي جسمي حلو في عضل علي خفيف كدا نتيجة التمرين بتاعي وتمرين كل يوم الصبح اللي مواظب عليه مع جدي. وغير كدا انا كنت لسه في فترة بلوغ. وكان جسمي كل يوم بيتطور. ؛ بعد اول كام شهر كدا من الجيم جسمي بدا يبقا احسن واحسن. ويزيد حبي ليه اكتر واكتر..... . عدت كام سنه علي الوضع ده لحد موصلت لسنه تالته اعدادي السنه دي طبعا كانت مصيريه بالنسبالي فسبت التمرين بعد معملت فورمه حلوه طبعا علشان اجمع كل التركيز في المزاكره. وكان بس كل جمعه باخد يوم راحه من الدروس والمدرسة العيله كلها بتتجمع انا وابويا وامي واخواتي البنات. { خواتي البنات مش هيكون ليهم زكر كتير في القصه. ودور مهم. بس هنكتفي بذكر اساميهم. الكبيره :اسمها.: "مي " دكتورة اسنان. وشغاله في مركز في القاهره. ومجوزه هناك اما الاصغر منها إسمها :"ريهام" في كلية علوم. ومخطوبه لمهندس مدني من بلدنا وطبعاً الجيم ده مشروع علي جنب بيزود بيه دخلو ؛ انا واخواتي بنحب بعض جداََ وديماً بنخاف علي بعض.، ده نبذه مختصره عن خواتي}.. ديماََ يوم الجمعه. بحب العب شطرنج مع جدي عبد السلام ونقعد كلنا بليل ونتفرج علي افلام قديمه ابيض واسود والعصر نطلع نتمشى انا وصحابي وسط الاراضي الزراعيه::: وباقي الاسبوع بيبقا كلو مزاكره ودروس ومدرسه. وده كلو علشان احقث الهدف اللي في دماغي بقالو سنين. الزرعه اللي زرعها فيا جدي من وانا صغير وكل يوم كانت بتكبر. ايوا يا عزيزي القارئ حلمي الي عاوز احققو اني ادخل الكليه الحربيه وابقا ضابط مقاتل في الجيش المصري اعظم جيش في التاريخ الحلم اللي بقاالي كتير بسعالو من وانا صغير . عدي شوية وقت. وجه وقت الامتحانات وطبعاً كانت فتره كلها توتر وضغط المهم عدت علي خير وخلصت امتحانات... واول حاجه طبعاََ عملتها بعد الامتحان هيا ان رجعت التمرين تاني بعد اشتياق وفراق طال اكتر من سنه. !! متستغربوش يجماعه انا بعشق حاجه اسمها تمرين وخصوصا الجيم وده في الحقيقه علي فكره مش بس في القصه!! المهم عدا شوية وقت ورجعت فورمه زي مكنت. اوصفلكو نفسي دلوقتي وانا عندي 16 سنه. {طولي 178 وزني 72 جسمي كلو معضل وناشف جداََ قمحي شويه ووشي ملامحه حاده و جذابه.}..
عدي شوية وقت علي روتين حياتي الي مش بغيرو
لحد ما في يوم كنت نايم عادي في الاوضه بتعتي وفجأة.......... لقيت ابويا فتح عليا باب الاوضه مره واحده وبيصحيني ونبرة صوتو. مختلفه ........... يتبع!!!!!
متنسوش تقولولي رئيكم في القصه لحد دلوقتي و تشجعوني اكمل. 💜💜 وشكراً لكل واحد قرأ وانبسط 💜
متسلسلة طفلة في جسد امرأة ـ حتي الجزء الثاني 21/12/2025
