🦓 لو كنت في حفله سينما ؛ و قبل ما يبدأ الفيلم ..
فجأه لقيت كل إللي حواليك عمالين يصقفوا .. في الغالب هتلاقي نفسك بشكل تلقائي إنت كمان بتصقف 👏
🦓 لو كنت ماشي في الشارع .. و لقيت كل إللي حواليك بيبصوا للسماء .. في الغالب برضو هتلاقي روحك بتبص فوق من غير ما تحس 🙄
ليه ده بيحصل ⁉
علم النفس التطوري بيشوف إن " سياسه القطيع " أو العقل الجمعي بلغه النفسيه .. وسيله بيحافظ بيها الإنسان علي بقاءه 😌😌
و كأن دماغك بتقولك وقتها ⬇⬇
🧠 أنا كويس ؛ طول ما أنا بعمل زيي إللي حواليا
🧠 يعني كل دول موافقين علي كذا ؛ و أنا إللي هعترض
🧠 أكيد يعني مش كلهم غلط .. و أنا الفزلوك إللي صح
🏊🏻♀ فبتمشي مع التيار .. بتعوم مع الموجه 🏊🏻♀
شركات الإعلانات واعيه قوي بالحوار ده و بتستخدمه
- يجيبلك 5 فنانين مشهورين بيستخدموا برفان معين
- أو 20 ست بتستخدم نفس مسحوق الغسيل 🧼
كمان السوشيال ميديا و مصانع مستحضرات التجميل
بتحط لك نموذج أو كتالوج
[ للجمال - لشكل الجسم - لون البشره - شكل الحواجب - الوزن - لون العينين - …. إلخ ] 👀
فإنت بقا بشكل لاشعوري بتتغفل .. و ييقي جواك إعتقاد شبه مؤكد إن المنتج أو السلعه أو حتي الفكره إللي بتصدرها الشركه الفلانيه أو بيصنعها المصنع العلاني .. هو عظمه 🥳
زيي إنه يقولك ده الكتاب ده هو الأكثر_مبيعاً
و قَرأه كل سكان العالم ؛ ماعدا معاليك .. مستني إيه ؛ كيشني و عد فلوسك و خد كتابك يا معلم 🤑
و الحقيقه إن كل ده إستغلال للعقل الجمعي ؛ بشكل مليان إحترافيه و منهجيه تُخض 😈
🦓 الرسام توماس كوبيرا بقا ؛ رسم اللوحه إللي قدامك دي .. و إللي بيظهر فيها معاناه الشخص إللي بيقرر يخرج عن القطيع
🦓 صحيح الخروج عن القطيع مش حاجه سهله .. بس برضو أغلب العظماء من ( كتاب - فنانيين - علماء … إلخ ) كان من ضمن أسرار عظمتهم .. إنهم خرجوا عن القطيع ، خرجوا عن النص المكتوب و الموروث من آلاف السنين ..
كانوا Out of the book 🎁
الإختلاف و التفرد مش دايماً بيكون حاجه وحشه 👌🏼
