THE GHOAST LOVE
شبـ♥̨̥̬̩حـ♥̨̥̬̩ آإلحـ♥̨̥̬̩بـ♥̨̥̬̩
نسوانجي متفاعل
نسوانجي متميز
دكتور نسوانجي
أستاذ نسوانجي
عضو
ناشر قصص
نسوانجي قديم
مترجم قصص مصورة
كاتب جولدستار
- إنضم
- 26 نوفمبر 2023
- المشاركات
- 3,503
- مستوى التفاعل
- 12,849
- الإقامة
- ZOMBE LAND
- نقاط
- 36,050
- الجنس
- ذكر
- الدولة
- THE GHOASTS
- توجه جنسي
- أنجذب للإناث
رواية إمرأة بلا هوية
الجزء الأول من رواية إمرأة بلا هوية
* الدكتور قال الضغط رجع طبيعي يعني احتمال تفوق في اي لحظه….*اسمعني اذا انت مصر علي الفي راسك داك انا م بقدر اشاركك في جريمه زي دي ،،،انت عارف لو اشتكت عليك ممكن يعدموك عديل ..
- ياخ دي م عندها اهل راقده هنا ليها شهور مافي زول سأل منها،، وبعدين التحاليل اثبتت انها كانت والده جديد،،،، قبل الحادث بي كم اسبوع ،،، صاح في اثر حنه في اظافرها بس احتمال تكون متحننه ساي وما متزوجه ،،،، بعدين شكلها واحده سايبه ساي،،، البنات الحلوات شديد ديل بكونو ملك الجميع ودي فرصتي الوحيده ……
- نظريه ظالمه من واحد سطحي وحاقد على المجتمع ،،،علي العموم انا م لي دخل بيك!! انت ي زول م عندك اخوات؟ بعدين نحن م عارفين البت دي الحاصل ليها شنو ،،، احتمال تكون عندها ظروف،،، سيبها في حالها عليك **** …..
* حسبي **** ونعم الوكيل…… انا من بتين بشاركك في افعالك الشنيعه دي ؟؟ البت
مسكينه
السيستر جات عشان تقرأ العلامات الحيويه بس لاحظت لي رهف فتحت عيونا وتاني غمضت ،،، بسرعه مشت للدكتور فرحانه وقالت ليه المريضه في الغرفه 345 فاقت
الدكتور جا علي غرفه رهف وكشف عليها وعمل اختبار للنظر والحركه واطمن لما لقاها عال العال بس رهف عاينت ليه في دهشه : انت دكتور ؟ انا وين ؟ وحصل لي شنو ؟
الدكتور : معاك دكتور فواز طيب ممكن توريني انتي منو ومن وين ؟
رهف وعيونها اتملت دموع : م متذكره حاجه
الدكتور : طيب حاجه سعاد حبوبتك متذكراها ؟ كانت معاك!
رهف : لا م بعرف سعاد
وبقت تبكي في تشنج ،، الدكتور طلب من السيستر تعطيها حقنه مهدئه ونامت علي طول ،،،،
الساعه 2 بعد منتصف الليل مشي مروان يتسحب علي غرفه
رهف…… فتح الباب براااحه ولقاها راقده زي الملاك،،، قرب منها وبدأ يمشي يده علي شعرها…… حست بي انفاسه ،،، فتحت عيونها في خوف ،،، ارتبك مروان واتراجع لي ورا
مروان هجم عليها بدون مقدمات…… بس هي نطت من السرير وتحولت لي وحش كاسر… اتصارعت معاه وكتم صوتها عشان م تصرخ ووقعو الاتنين علي الارض وبعد قرب ينال منها لمحت كبايه كانت في التربيزه مدت يدها ومسكتها،،، ضربته علي راسه والدم سال بغزاره ،،، زح منها وهو بتلوي من الالم ،،،،،، استغلت الفرصه وطلعت من الغرفه تجري تفتش في مدخل المستشفي وهي بتتلفت خايفه يلحقا مروان والكل نايم !!حتي الحراس ،،، فضلت جاريه لحدي م لقت نفسها في الجهة الجنوبيه من المستشفي،،، بس للاسف م كان في باب لكن كان ارتفاع السور مناسب،، قدرت تتسلقه وفي دقايق كانت خارج المستشفي،، حست بالتعب والاعياء ،،، دقات قلبها متسارعه ،، وقفت حبه عشان تآخد نفس ،،،، مسكت في السور الخارجي و اتنفست بعمق وبعدها بقت تعاين هنا وهناك ،،،، الشارع ضلام شديد وانوار العربات بعيده منـها،،،، واخيرا نجت من مروان ،،،،،،حست بي فرحه شديده
مروان : اسمعي ي حوريه انتي الليله ح تكوني لي ……… سامحتك علي الضربه ديك بس اي حركه غدر تاني منك،، بروح فيك في حديد.. انتي داخله مزاجي من ساعتك الجابوك لمن حصل الحادث ،،، وانتظرتك كتير ،،،،،،،، واللحظه الحاولت اقرب منك صحيتي من الغيبوبه ،،،،،،
رهف : انا ح اشتكي عليك
مروان طلع سكين وهددها بيها وبعدها قال : انتي مقطوعه من شجره شكلك ،،، حبوبتك الجات معاك اتوفت،،،،، كل راس مالك بطاقه امتحان الشهاده دي……
رهف عاينت ليه في احتقار وكره وقالت : حبوبتي منو ؟ وانا منو؟ انا م متذكره حاجه
مسح مروان وشو وقال في برود : م مشكله علي قلبي زي العسل ،،،،وطلع حبل من جيب اللاب كوت حقو وبقي يلف فيه وماشي عليها… بقت تصرخ بصوت عالي ضربها كف اغمي عليها…… وبسرعه ربط يدينا ورجلينها وعمل ليها لصقه علي خشما عشان م تكورك ووداها عربيته ،،،،،،،،
فاقت رهف لقت نفسها في بيت في منطقه نائيه وجنبها مره وبت تقريبا في نفس عمرها…… عاينت فيهم في خوف وقالت : انتو منو ؟ وانا الجابني هنا منو ؟ بوديكم في ستين داهيه
المره قربت منها وكانت ماسكه البطاقه حقتا في يدها وقالت : بطلي دوشه ي حلوه لمن تعرفي انتي منو الاول بعدين ودينا محل عايزه ،،،
البت : امي البلوه دي ح تجيب لينا الهوا ومروان دا لو م دخلنا السجن م برتاح ،،،،،
المره : انتي عارفه م بنقدر نرفض ليهو طلب !! **** يستر علينا البت دي شكلها م ساهله ،،،
رقدت رهف في السرير وبقت تبكي وتقول : حسبي **** ونعم الوكيل
جات المره وكان اسمها احسان وقالت ليها في غضب : اسكتي سكت حسك… لو ما قفلتي خشمك دا بنادي وجدان بتي تجي تعمل ليك لصقه تاني فاهمه ؟
بكت رهف وقالت : خلاص خلاص م بتكلم تاني بس م تعملو لي بلاستر
رهف شالت البطاقه من احسان بعد رمتها،،، وخبتها بدون م تحس بيها…
المستشفي قايم قاعد في اختفاء رهف…… الجميع م عارف حاجه، ناس ورديه الليل قالو م شافوها من الساعه 10 مساء ….. وناس البوابه م شافوها طلعت ،،،،،
الدكتور قال في خطر عليها،،،، مفروض نعرف حصل ليها شنو بعد الغيبوبه ،،،،،
حسين قرب من مروان وسألو : وديت البت وين ؟
مروان : بت منو ؟ انت عايز توديني في حديد ولا شنو ؟
حسين : انت امس كنت مصر تعتدي عليها…… كيف م عايزني اشك فيك ؟
مروان : الحمد لله **** بريدني،،، فعلا مشيت غرفتها بس لقيتا مافي واتخارجت البيت علي طول،،،، قلت احسن اقعد مع مرتي .… .
حسين : ااي ي صحبي م عايزك تتورط في حاجه زي دي،،،، عاين لي ولدك ومرتك… اسي ياربي تكون هربت مشت وين ؟ بعدين الضربك شنو؟
مروان : علمي علمك،، كلو منك انت لو كان خليتني وصلتها زمان كان مالو عليك ****؟؟ كانت في غيبوبه وم بتحس بي شي ،،، لمن هربت مني
حسين في شك : م جاوبت لي
مروان في ارتباك وهو ماسك راسه : وقعت. في البيت الطين زلقني
وجدان جات عشان تشيل صينيه الاكل بس لقتا زي م هي ،،،،، رهف م اكلت اي حاجه وبسرعه جرت نادت امها …..
احسان : يا بت انتي مالك م اكلتي ؟
رهف : م عندي نفس
فجأه سمعو صوت عربيه وقفت قدام البيت ،،،، رهف بقت تبكي في هيستريا وتقول : عليكم **** م تخلوه يلمسني
احسان : كدي امشي ي وجدان شوفي دا منو؟؟ مروان بدخل طوالي
وجدان مشت عشان تفتح الباب وكان خطاب….. سلمت عليه وقعدتو في الصاله ومشت لي امها،،،،،،، همست ليها في اضانا،، احسان قامت بسرعه طلعت وقفلت الباب علي رهف من بره…
قامت رهف من السرير براحه وقربت من الباب وحاولت تسمع بقولو في شنو ؟ بس م فهمت حاجه… رجعت محلها وبقت تكورك الحقوني… الناس ديل خاطفني الحقوني…
خطاب عاين لي احسان وقال في دهشه : دي منو ؟ وخطفتوها كيف يعني ؟ دا آخر م توصلتي ليه يا احسان ؟ انتي عارفه وضعي حساس م بتحمل شوشره
وجدان بقت تتمتم وتقول : د د دي وحده ضيفه جاتنا،،،،، قريبه امي…
عاين ليها خطاب وهو ماشي علي الغرفه وبقول : دا علي انا برضو ؟ نحن دافننو سوا
فتح الغرفه واتجمد مكانه لما شاف رهف جسمو كلو اتصبب عرق
خطاب اتمالك اعصابه وقال ليها في هدوء : م تخافي مافي زول ح يلمسك … اوعدك….
رهف : الناس ديل خطفوني من المستشفي وم عارفه عايزين يعملو لي شنو ؟
خطاب عاين لي احسان وسأل رهف : طيب وين اهلك ؟ وكيف م سألو عنك ؟
رهف في حزن حكت ليه كل الحكايه لحدي م خطفها مروان وجابا هنا .……
خطاب وقف علي حيله وقال : وجدان جيبي عبايه لي رهف لانها ح تمشي معاي … .
احسان صرخت : لٱ ي خطاب انا م بقدر علي محن مروان
فجأه سمعو صوت عربيه وقفت وكان مروان وبقي ينادي من الشارع يا احسااااان الامانه ان شاء تكوني محافظه عليها ؟
————————————–
———————
☆إمتناني
☆يتبــــــــــــــــــــــــــــــــــــــــــــع☆
الجزء الثاني من رواية إمرأة بلا هوية
احسان خافت ورجعت لي ورا ومسكت بتها ومروان دخل وهو بعاين لي خطاب واحسان في حيره وبعدها قال وعينو علي الغرفه الفيها رهف : سلاماتاحسان سكتت وخطاب رد في غضب : اولا اسمها رهف… تانيا انت م عندك اي علاقه بيها،انا بحميها منك وبفتش اسرتها وارجعها ليهم ،،،،
مروان قرب منو وقال : اسمع ي باش مهندس انا م قاعد ادخل في حياتك عشان كدا خليك في حالك ي ولدنا
خطاب : الحركات دي م بتفيدك الشرطه جايه في الطريق ،البلد مقلوبه علي رهف،،،، افضل تهرب او تحضر نفسك للسجن….
مروان اتلفت عاين لي باب الشارع وجري علي غرفه رهف وفتح الباب في عصبيه وبقي يعاين ويفتش فيها …… بس جاتو ضربه قويه من رهف بي تربيزه حقت حديد،،،، بموجب الضربه القويه دي وقع علي الارض ورهف طلعت من ورا الباب،،، وبسرعه جرت وقفلت الغرفه بالمفتاح من بره،، خطاب ابتسم اعجابا بي شجاعتها وقال ليها يلا بسرعه علي العربيه واحسان تصرخ في خوف ،،، خطاب
خطاب بعد دور العربيه : تستاهلي عشان بتتعاملي مع اشكال زي دي… ورغم كدا برجع اتفقد احوالكم م تخافي يلا سلام …
طول الطريق رهف خايفه وجسدها برتعش وم قالت اي حاجه ،،، وبعد ساعه وصلو العاصمه ومشي خطاب ناحيه عماره في حته بعيده ووقف العربيه بين الاشجار ونزل وفتح الباب لي رهف،،، نزلت في تردد وقال ليها : م تخافي انتي في امان ،،،،،
رهف : م عارفه اقول ليك شنو؟ شكرا… بس طالما انت شخص كويس كدا ،،، بتعرف وحده زي احسان دي كيف ؟
خطاب وهو بفتح ليها باب الشقه : يعني عشان شغاله ست شاي؟؟؟
رهف : اكيد لا طبعا،، الشغل م عيب بس حاسه انها عندها نشاطات اخري …..
خطاب ضحك وقال بصوت منخفض : احمدي ربك علي النشاطات الاخري دي لانو لولاها م كان جيت هناك وشفتك……
رهف : **** رسلك لي نصرتي…
رهف بنوته صغيره عمرها 17 سنه قامتها قصيره بيضاء جميله عيونها عسليه وشعرها كستنائي رائع منسجم مع ملامحها البريئه الطفوليه…
شقه خطاب بتتكون من تلاته غرف وهول وحمام داخلي وخارجي ومطبخ وهي ارضيه وفي حديقه كبيره في مدخل العماره……… قعد في كرسي قريب من رهف وبدا يسأل فيها : يعني م بتتذكري اي شي عن نفسك ؟ولا الحادث حصل وين ؟
رهف : الشي العرفته انو الحادث في طريق الخرطوم بورسودان بس كان قريب من هنا عشان كدا اسعفونا لي مستشفي داخل الخرطوم وعرفت انو الكل اتوفي بس فضلت انا
خطاب في حزن : انا كمان م ملاك بس تربيتي م بتسمح لي اغدر ب بت شريفه بتحاول بقدر الامكان تحفظ نفسها رغم الظروف القاهره الاتعرضت ليها…..
رهف في حزن : شريفه دي م اظن
خطاب : م عايزك تفكري في حاجه سيئه ان شاء **** خير بعدين انا شايف اثر حنه في اظافرك .…
فجأه لقي نفسو بتكلم براه….. نامت وفضل جنبها لحدي م شالتو نومه هو كمان في الكنبه المجاوره ليها………
صحي علي صوت هزاز التلفون وفتح الخط في كسل وقال بصوت ناعس : وعليكم السلام
جاه صوت انثي غاضب : طبعا ولا علي بالك انا منتظراك بالغدا وانت حضره سيادتك نايم واكيد في الشقه ياتري المعاك منو ؟ اكيد واحده من نزواتك و
قاطعها خطاب في ضيق : معليش حصلت لي ظروف بس بجي بعد شويه البيت ي ميناس وعليك **** خفي شويه نقتك تقصر العمر ياخ ،،،
ميناس : طيب ي خطاب لما اشوف اخرتها معاك شنو ؟؟ عاين خطاب ل رهف لقاها صحت وقالت : آسفه انا يظهر سببت ليك اشكال في البيت! خطاب في استياء : لا عادي م تاخدي في بالك المهم اجهزي عشان اوديك بيت الاسره،،، هنا م بطمن عليك الزول دا م حيسيبك في حالك ،، رهف صمتت والخوف في عيونها بس خطاب طمنها : مافي شي بجيك م تخافي انا معاك ….
رهف : ميناس زوجتك ؟
خطاب : ايوه
رهف : م عايزه اعمل مشكله
خطاب : ابدا ،،، ميناس عصبيه لكن طيوبه !!
مروان ضرب احسان وبتها ضرب شديد وربطهم وطلب منهم عنوان خطاب وبعد كتر عليهم التعذيب وجدان اتكلمت من خلال دموعها : بعرف انو ساكن في ال ،،،،، وتاني معلوماتنا نفس معلوماتك يعني زينا زيك….
مروان فك رباطها وقال ليها : برااااڤو وجدان كدا كفايه بعرف اصل ليه لو تحت الارض…..
وطلع يجري زي المجنون بالعربيه…..
احسان : عاجبك كدا ؟ خطاب لو قاوم المجنون دا ممكن يطعنه بي سكينه الشايلها الليل والنهار دي…..
وجدان بصوت باكي : عاجبك الحياه العايشنها دي ؟؟ نفسي اعيش نضيفه ومحترمه ياااارب تنقذني من الضياع دا
احسان في غضب : اجيب ليك من وين ؟ ابوك مات مديون وخلاك قطعه لحم اربيك من وين ؟ الشاي والقهوة بقو م بربحو حاجه ،،،،،السكر والبن والشاي طارو السماء ..
رهف اصرت تعمل بلاغ ضد مروان بس خطاب م كان متحمس للفكره وقال ليها هو بعرف يتصرف معاه ،،
وبعدها قال ليها: يلا اوديك بيتي فيه امي واختي وزوجتي ،،،،، زوجتي صعبه شويه وغيوره بس عايزك تتعاملي عادي لحدي م احل ليك موضوعك ،،،، رهف : انا م عايزه اسبب ليك حرج انت وقفت معاي بدون م تعرف شي عني،،،،
خطاب : ههههه حرج ؟ انتي ليه مكبره الموضوع ؟؟ يا بت نحن سودانيين يعني لو مشيتي لي اهلي براك وحكيتي ليهم ظروفك بقبلوك ، م تشيلي هم،،، اهلي ديل ناس طيبين …..
رهف في استسلام : اوعدك م بطول معاكم لازم اشوف اهلي وين عشان م ادخلك في مشاكل
خطاب : تااااني ترددي نفس الكلام ؟ انتي اصلا شكلك م سودانيه عشان كدا م بتعرفي السودانيين
رهف صرت وشها ،،، خطاب ضحك وقال : بهظر معاك
رهف : مروان،، وقدرت اتحصل علي بطاقتي كمان…
خطاب مسك البطاقه وقال في حماس : عال عال عندنا طرف خيط واضح ،،،، م تشيلي هم حكايتك محلوله بس لازم نمشي المستشفي ونعرف اي حاجه لاني بصراحه م بثق في كلام الاسمو مروان دا وكمان عشان تكملي علاجك وترجع ليك الذاكره ،،،،،،
خطاب مشي لي عم طه البواب وخلي تلفونو الصغير في الكنبه ورهف مشت تجهز نفسها بس سمعت صوت رساله وشالت التلفون عشان توديهو لي خطاب بس عينها وقعت علي بدايه الرساله وحب استطلاع فتحتها وقرت ( اخبارك وصحتك بيبي انا جايه السودان بعد خمسه ساعات القاك في الشقه م تقول لي ميناس ولا غيرها،،، انا م عندي غيرك في البلد دي )
قفلت التلفون بعد سمعت صوت خطاب جايي عليها وحست انها في ورطه لانو الرساله اتحفظت في صندوق الوارد واحتمال خطاب م يشوفها بس بينها وبين نفسها قالت احسن كدا
وصلو بيت كبير بشبه قصور زمان ،،، حديقه كبيره جدا في المدخل وبعدها ضغط خطاب علي الجرس …… جات الشغاله فتحت الباب سلم عليها وقال : وين امي وميناس ؟
الشغاله : فوق اسي بناديهم اتفضلو ،،،، وبتعاين لي رهف من فوق لي تحت في غيظ واشرت لي خطاب بي صباعها بمعني دي منو،،، ابتسم خطاب وقال ليها ضيفه عزيزه……
جات سيده جميله في منتصف العشرينات واضح عليها الرقي والثراء ،،،، نزلت من السلم واول م شافت رهف اخدت ليها وقفه وتاني واصلت المشي ، حضنت خطاب في حنان ومدت يدها لي رهف في ابتسامه باهته ،،،،
خطاب : دي رهف…
ميناس : اهلين
رهف : مرحبا
خطاب : امي وين ؟؟ ميناس في ضيق: م عرفتها بي !!! يعني انا شنو بالنسبه ليك ؟؟ وكمان م كملت لي تعريفها ،،، رهف؟؟؟! م عرفتها
ميناس عاينت لي خطاب في دهشه وقالت : طيب تآنس وتشرف …
خطاب سكت واستغرب رده فعل ميناس بس مشي الموضوع وقال : الف شكر
رهف في تردد وخجل : شكرا…
ميناس : العفو اخدي راحتك…… وبقت تنادي في هيلين وبعد جات طلبت منها تجهز غرفه لي رهف……
بعد طلعت رهف فوق ميناس جرت خطاب من يده و قالت : دي منو ي خطاب ؟؟؟؟ وحكايتها شنو ؟؟؟؟؟كمان اطورت بقيت تجيب النسوان البيت ؟
خطاب حكي ليها القصه كلها،،، بس قال ليها لقاها جنب المستشفي ،،،،،
ميناس في ضيق : سبحان **** م عارفه ح تفضل كدا لحدي بتين زير نساء ؟ عاين لي ولدك ياخ ،،، مباري النسوان من حته لي حته… بتين ح ترتقي ؟
خطاب : مشكلتك م عندك رحمه وم حاسه بالناس ،،، دي بت وحيده ومريضه وانا ح اقدم ليها الدعم اللازم لحدي تقيف علي رجليها……
ميناس : طيب ي خطاب م مشكله المؤمن مصاب **** يشفيها ان شاء **** بس ح اسمح تقعد اسبوع بالكتير في بيتي غير كدا م عندي ليها حاجه
————————————–
———————
☆إمتناني
☆يتبــــــــــــــــــــــــــــــــــــــــــــع☆
الجزء الثالث من رواية إمرأة بلا هوية
فتح الباب ولقي مروان هايج ومسكو من قميصه وبقي يكورك في هيستريا : وين رهف ؟ اذا م سلمتني ليها و**** بضيعك انت م قدري،،، احسن ليك تبعد عن الشر وتغني ليهاي مزه تجي هناك تصطادها؟؟ مافي داعي للانانيه اذا انت بتدي احسان قروش انا صاحب البيت ،،،،
زحا خطاب من طريقه وعايز يدخل الڤيلا بس خطاب بقي يقول ليه احترم نفسك يا زول انت مجنون ولا شنو ؟ اطلع من بيتي والا ح اخليك تعدي باقي عمرك في السجن ،، رهف بقت تصرخ في هستريا ابعد عني
وبعدها جو داخلين البيت وسألو عن الشخص المتهجم عليهم وصلته بيهم شنو؟ خطاب جاوب : هيلين الشغاله طلعت السوبر ماركت ونست الباب مفتوح،، الحرامي افتكر الڤيلا م فيها ناس،،، دخل عشان يسرق طبعا لقانا موجودين،، وحاول يضربني بس الحمد لله م حصل شي ونشكركم جدا…
رهف بقت تعاين لي خطاب في دهشه واستغراب وسكتت ،،
روضه والده خطاب جاتها كومه سكر من الخلعه وبعد اسعفوها قالت موجهة كلامها لي خطاب : اسمع ي ولدي نحن عمرنا العامر الشرطه م زارت بيتنا وانت عارف غلاوتك عندي قدر شنو ؟ بس انا ام وخايفه عليكم اسي المجنون دا لو طعنك انا كان البحصل لي شنو ؟ ومرتك وولدك الصغير واختك ذنبهم شنو يشوفو المناظر دي وانت عارف خوله عيانه وامكن الموضوع دا يأثر عليها
خطاب في حزن : معليش ي امي بس هي ضحيه صدقيني .
خطاب طلع فوق عشان يشوف رهف وحزن جدا لمن لقاها بتبكي وطبطب عليها وقال في حنان : معليش م تزعلي من امي هي م بتفهم الحاجات زي فهمنا و
قاطعتو رهف في هدوء : انا م زعلانه منها انا زعلانه لاني جبت ليك مشاكل وكمان امك مرضت بي سببي
خطاب ارتبك و بعد تفكير طويل قال ليها : انا عايز احاسب مروان بي طريقتي بدون تدخل الشرطه ودا كلو من الغبيه هيلين
سكت مسافه وقال ليها تقبلي تتزوجيني ؟ لمن تبقي مرتي مافي زول يقدر يقول كلمه وتحت اي ظرف انتي معاي ،،، المعتوه الاسمو مروان دا م يستطيع يقرب منك ،،،
رهف ابتسمت وقالت : بشكرك علي وقفتك معاي بس مستحيل اقبل تضحيتك دي…… انا بمشي من هنا وبفتش شغل وبعتمد علي نفسي م تخاف علي وبكمل علاجي
خطاب مسك يدها وقال : اولا موضوع انك تكوني متزوجه ،،، دا احتمال نآخدو في عين الاعتبار ،،،، اما حكايه ماضي سيئ دي م وارد خالص ،،، البت البتضرب زول لما الدم يسيل منو دفاعا عن شرفها م بتكون خاطئه وحتي لو كنتي انا بحاسبك من يوم عرفتك ،،، اما موضوع التضحيه م وارد لانو اي شخص يشوفك لازم يغرم بيك لانك امنيه اي راجل ،،،،،،،، وبالنسبه ل زوجتي وولدي الراجل محلل ليه اربعه ،،، وانا مستطيع والحمد لله
رهف : بشكرك علي ثقتك فيني بس لازم نصبر عشانك وعشاني ومعليش لازم امشي.
مشت رهف لي روضه في غرفتها وشكرتها ونزلت وفي الهول لقت ميناس وودعتا وطلعت من البيت ،،،
خطاب غير هدومه بسرعه ولحق رهف،،،، وفي الطريق قابل عمو اخو ابوه داخل علي البيت وبعد سلم عليه سألو وهو بعاين جهة رهف : و**** ي ولدي لمن شفت البت دي قدام البيت قلت اكيد التهيئات رجعت لي تاني
خطاب : هههههه و**** ي عمي تاريك لسه بتعرف تميز الجمال
العم : وين واديها ؟ دي مفروض تعقد عليها وتجيبا البيت دا اسي ……
خطاب : ياريت يا عمي بس عندها ظروف بحكيها ليك مره تانيه ……
رهف ركبت في العربيه وقالت لي خطاب : ح نمشي وين ؟ انا شايفه انو لحدي هنا وانت م قصرت ،،، خليني اعتمد علي نفسي واشوف مصيري ..
خطاب في حنان : صدقي اني اتعودت عليك وحاسي مصيرك مرتبط بي مصيري
رهف ابتسمت وقالت : انا م عايزه ادخلك في مشاكل ليه انت م عايز تفهمني
خطاب : الزول عشان يحصل علي بت زيك لازم يحارب ،،، منو البشوفك وم يتعلق بيك ؟ او يتمني انك تكوني ملكه ،،،،،حتي عمي عجبتيهو
رهف : ههههه ،،،، القابلني في البوابه دا عمك يعني ؟ باين عليه لذيذ
خطاب : ايوه عمي ،، يلا حاليا بوديك الشقه حقتي وبوصي ليك عمو طه الغفير ومرته،، ساكنين في الملحق حارسين العماره لانو م عايزين نأجرها !!
رهف : خطاب انا م عايزاك تشيل همي كفايه السببتو ليك لحدي اسي…
خطاب : اسمعي !!!! اقعدي علي الاقل لحدي م تشتغلي واطمن عليك ،
رهف : م عارفه ارد جميلك دا كيف
خطاب : طيب ادخلي الشقه وانا بمشي السوبر ماركت واجيك
رهف مسكت يده في خوف وقالت : لا لا بمشي معاك
خطاب ابتسم وعاين ليها في حنان وساق العربيه ومشي علي السوبر ماركت ،،،، عدي فتره وبعدها جا شايل اكياس كتيره وختاها في الضهريه وركب،،، رهف قالت ليه : دي مونه السنه ولا شنو ؟
خطاب : هههه ولسه فضل نمشي البوتيك الفي شارع ……
رهف في ضيق: خطاب ارجوك م ممكن تشتري لي اي حاجه…… دا اسمو استغلال وانا م بحب الاستغلال
خطاب : اسمعي انا م عملت غير الواجب واي راجل في محلي بعمل كدا… ويلا اختاري كم لبسه قبل اغير رايي
رهف : علي شرط بسدد ليك اي حاجه… ان شاء **** لو بالتقسيط واضح ؟
خطاب ابتسم وقال : عليك **** قولي واضح دي تاني…
رهف : ههههه
اختارت عبايه وطرحه وجزمه ولبسه تاني وخطاب بعد تحنيس حتي خلتو يشيل ليها عطور وكريمات ومستلزمات البنات زي فرش وامشاط وادوات تجميل وزيوت شعر واكسسوارات ،،،،،
رهف في ضيق : يعني في داعي للحاجات دي كلها ؟
خطاب : اووووف
سكت وفكر شويه وبعدها اضاف : و**** فعلا في حاجه من الحاجات دي م ليها لازمه
رهف في حيره : كلها م ليها لازمه بس القاصدو شنو انت بالضبط ؟
خطاب ابتسم وقال : ادوات التجميل دي… و**** انتي لو غسلتي وشك بي مويه قمر قمر
رهف ابتسمت وحركت وشها شمال يمين وقالت : طيب يلا نمشي مافي فايده
دخل الحاجات التلاجه ومشي المطبخ عشان يجهز اكل وسأل رهف : تحبي تآكلي حاجه معينه ؟ ولا تآكلي علي مزاجي ؟
رهف بتضحك : خليها بمزاجك و**** المستعان
خطاب قطع سلطه وقلي بيض وعمل مكرونه باللحمه وسلطه فواكه
رهف مشت استحمت ولبست فستان اسود طويل وسرحت شعرها وختت الطرحه علي راسها وجات قعدت في السفره……
فجأه تلفون خطاب ضرب فتح الخط وكانت ميناس وقالت في ضيق : يعني طلعتها من البيت برضو م ارتحت،،،، معاها طول الوقت حتي الشغل اهملتو
خطاب وشو اتغير وقال : خلاص خير يا ميناس بحاول اتصرف يلا سلام ……
قفل الخط وكست وشو ملامح حزن رهيبه وقال موجه الكلام لي رهف : انا لازم امشي البيت ،،، جهزت السفره ،،، اكلي وارتاحي ،،، المساء بمر عليك…
رهف سكتت وم سألته عن المكالمه ووصلته لحدي الباب ومشت المطبخ رجعت الاكل محله وعملت كبايه قهوه ورقدت في الهول وبقت تفكر لازم تلقي شغل … لازم تفتش اهلها لازم تعرف اي شي كل البتعرفو عن نفسها اسمها ودا بفضل بطاقه امتحان الشهاده ،،،، فجأه اتذكرت البطاقه دي وبالتاريخ دا معناه هي تكون امتحنت الشهاده ،،،، ايوه بس لازم تتأكد لازم تمشي الوزاره والحمد لله رقم الجلوس موجود ،،،،،
اسي المكاتب بتكون قفلت ،،، بكره من الصباح ح تمشي ،،،، ولما تجهز حق تذكره بورتسودان،،،، ح تسافر اكيد،،،،،، دي البلد العاشت فيها،،، لو سافرت ح تعرف الكتير عن حياتها ،،،،،
خطاب زول وقف معاها مستحيل تبقي ليه سبب مشاكل مع زوجته واهله….
خطاب وصل البيت ولقي ميناس واقفه ومحقبه يديها وقالت : زولتك الجديده دي لو خايف عليها فعلا ابعد عنها لاني ح ادمرها دمار شامل ،،،، ميناس القاضي م بتخسر حرب!!! اكيد م بقعد واعاين في بيتي وهو بتخرب من نكره حثاله زي دي
————————————–
———————
☆إمتناني
☆يتبــــــــــــــــــــــــــــــــــــــــــــع☆
الجزء الرابع من رواية إمرأة بلا هوية
خطاب صره وشو وقال : عارف الحصل مزعج وسببت ليكم مشاكل انتو في غني عنها ،،، مروان انا بحسم موضوعه اما بخصوص رهف انا قررت اقيف معاها للنهايه ودا م بأثر علي بيتي ولا شغلي !!!!!
ميناس في ضيق : هات من الاخر اصلا انت حاله ميئوس منها خلص كلامك بسرعه عشان مواعيد المسلسل حقي قرب يجي
خطاب عاين لي امه وقال : طردكم لي بت مسكينه لا حول لها ولا قوه،، دا تصرف م بليق بيكم ،،، صاح حصلت مشكله بس هي م عندها ذنب دا زول عديم اخلاق وانا عارف عنه الكتير ،،، بأختصار ،،، م بقدر ادير ظهري لي بت محتاجه لي خاصه في ظروفها دي ومفروض ال**** يقيف مع اخوه ال**** ،،،،،،
روضه رمت كبايه الشاي من يدها وقالت في غضب : شنووو؟ انت اكيد م في وعيك
اتلفتت علي ميناس وقالت : عقلي راجلك دا
خطاب : اهدي ي امي المواضيع م بتتأخد كدا……. بعدين انا عاقل والحمد لله ومفروض انتي يا امي تقيفي معاها اكتر من غيرك لانو عندك البنات ،،،،
وواصل في اصرار : البت دي وحيده واهلها م معروفين وين ،،،**** اداها نعمه الجمال الوافر بس دا بخليها عرضه لي كلاب السكك،،،،،، لمن يكون في راجل بحميها مافي زول بقرب منها بعدين اتخيلو لو حصل لي واحده من اخواتي حادث زي دا ،،،
روضه في غضب : كنا عرفناها وين وجبناها بس دي باين عليها شارده من محل بعدين زاتا م بتشبه السودانين …… امكن حلبيه محتاله شافتك غني ووسيم عايزه تستحوذ عليك….
خطاب : امي حرااام عليك
ميناس : اسي انت مقتنع بالكلام البتقول فيه دا ؟ اسي لو كانت راجل م كان صرفت عليها ولا جنيه
خطاب : دايما بتاخدي الامور ب سطحيه قرايتك بره دي اثرت علي انسانيتك ،،،،
روضه قامت من جنبهم وطلعت فوق مشت غرفتها ،،،،
خطاب مسك يد ميناس وقال : ارجوك انا قصدي شريف وما عايز اعمل حاجه في الخفاء زي الحرامية وفي نفس الوقت م عايزك تزعلي ،،،،،،
ميناس : عندي فكره انت ممكن تحميها بدون م تلاقيها وتكون بعيد خالص ،،،،
خطاب : كيف طيب ؟
ميناس قربت منو اكتر وقالت في حنان: نحن موش اغلي حاجه في حياتك ؟ م تخاطر بينا اديها قروش عشان م تخرب البينا وتخلي حمودي يتربي بعيد عن ابوه
خطاب : الف مره قلت ليك م بحب لهجه التهديد ومحمد ولدي ح يتربي معاي حتي لو انتي م عايزه كدا
خطاب شال الجاكت تبعه وطلع وخلاها تغلي وتجوط وتكسر في الحاجات ،،،،
لبست رهف وطلعت من الشقه بدري زي 8 صباحا كدا ومشت الوزاره عشان تشوف نتيجتها وبعد مده ظهرت النسبه وكانت 80% وبعدها بقت تفتش لي شغل،،،، لفت كل المحلات لحدي م تعبت وشعرت بي دوار شديد وما قدرت تواصل،،،، وقفت تفتش لي كافتيريا ولا اي حته ترتاح فيها شويه ،،،،، عاينت في الجهة الجنوبيه لمحت صيدليه علي بعد خطوات منها،،،، مشت عليها ،،،، قالت يمكن يدوها حاجه تخفف ليها الدوار دا شويه بس لقت زحمه شديده …… دخلت و
اتسندت علي الكاونتر مسافه،،، حست بي جسمها منهار ووقعت علي الارض … الناس اتخلعت….جرو عليها ورفعوها وهم بقولو ي ساتر ي ساتر …….
الدكتوره جات عليها وبمساعده زميلها دخلوها غرفه فوق للحالات الطارئه ،،،،،، دكتوره الاء جابت ليها مويه وسألتا : انتي مريضه ؟
رهف : لا… طلعت بدري ومشيت مشاوير كتيره وتعبت
الاء : لحظه اقيس ليك الضغط…
رهف : طيب
وضعت الميزان علي يدها وقرت القياس وبعدها قالت : عندك هبوط لازم تقابلي طبيب .
وقفت رهف عشان تمشي بس الاء قالت ليها : علي وين ؟ لازم ترتاحي بعدين تمشي ،،،،
فجأه الباب دق وكان الصيدلي نبيل ومعاه كبايه عصير برتقال وناولها لي رهف……
رهف عاينت ليه وقالت : شكرا ي دكتور م كان في داعي…
الاء عرفتها : دا دكتور نبيل وانا الاء
رهف مبتسمه : انا رهف عماد ……
نبيل : اتشرفت بمعرفتك
رهف ودعتهم وقبل م تطلع لقت خطاب داخل علي الصيدليه وقال في دهشه بعد شافها : رهف… خوفتيني عليك يا بت الناس،،،، و**** من مشيت الشقه وم لقيتك طلعت افتش فيك،،،، وبعدين خير م تكوني مريضه ؟
رهف : طلعت افتش لي شغل وتعبت قلت آخد حاجه من الصيدليه تروح لي التعب والصداع جاتني دوخه والدكاتره م قصرو معاي
الاء : العفو دا واجبنا
خطاب : دكتور نبيل ودكتوره الويه ديل مافي منهم .
رهف في دهشه : انت بتعرفهم ؟
كلهم ضحكو ورد نبيل :
دا صاحب الصيدليه دي ي بتنا
خطاب عاين لي الاء وقال : اها عروستنا ماشه كيف في التحضيرات ؟
الاء : تمام والحمد لله ودا بي وقفتك معانا
خطاب : انتي زي اختي
رهف همست لي خطاب : ممكن تشغلني في قسم التجميل دا ؟
خطاب : انا عايزك تتعالجي وبعدين نشوف موضوع الشغل دا ،،،
رهف : عايزه اتعالج من راتبي وعايزه اقرأ من راتبي برضو !!
خطاب : عنيده م عارف طالعه لي منو ؟ خلاص ي ستي اعتبري نفسك اتعينتي من الاسبوع الجايي تنزلي ترينق نبيل بعلمك الشغل ماصعب بس تعرفي الاسعار…
اتلفت علي نبيل وقال : الاسبوع الجايي رهف ح تنزل معاك تتعلم الشغل عشان ناوي امسكا قسم التجميل !
نبيل ابتسم ابتسامه رضا وقال : خير انت تأمر
خطاب في ابتسام : بس براحه عليها م عايزك تتعبها لانها رقيقه م حمل تعب وكمان اوعك تحبها دي مشفره
بقو يضحكو كلهم وقبل م يطلع الاء قالت : خطاب ،،،،رهف عندها هبوط ولازم تقابل دكتور !!
خطاب في قلق : يا ريت تسمعي الكلام يا رهف،،، يلا الدكتور من دربنا دا ،،،، انتي بعد طلعت من المستشفي مفروض تقابلي طبيب مختص… محتاجه مراجعه بعد الغيبوبه الطويله دي……
رهف : الورق حقي في المستشفي وانا م عارفه اسمو بس سمعت اسم دكتور فواز وسيستر اسمها امل وديل كلهم كان بوصلنا ليهم الاسمو مروان وانت خليتو يفلت من يدنا
خطاب : بعدين ح اوديك ل اشطر دكتور الكنتي فيه دا في النهايه مستشفي حكومي ،،،،،
الاء قعدت جنب نبيل وقالت : سمحه سماحه تعقد… و**** انا موش عامله فيها سمحه حسيت بي نفسي صغيييره قداما ماشاء **** ي حافظ
نبيل فضل سارح وم علق علي كلام الاء..
ٱلاء مررت يدها قدام وشو وهي بتقول : هييي نحن هنا
م تقول لي اتكسرت في البت
نبيل اخد نفس عميق وقال : عمري م حسيت بي احساس زي دا
الاء بصوت عالي : يبقي السناره غمزت ي خساره كان نفسي احضر مغامراتكم دي
نبيل في حزن : كأني مديون للعذاب وبدفع سنين من عمري دين .
الاء في حيره : بس البنوته دي وقعت في سكه خطاب دا كيف ؟
سكتت الاء بعد شافت شاب داخل علي الصيدليه وسأل وهو بعاين وبأشر علي عربيه خطاب: البت الطلعت من هنا قبل شويه دي اسمها رهف عماد ؟
الاء في دهشه : ايوه بس انت منو وعايز منها شنو؟
————————————–
———————
☆إمتناني
☆يتبــــــــــــــــــــــــــــــــــــــــــــع☆
الجزء الخامس من رواية إمرأة بلا هوية
الشاب طلع وهو بقول لي الاء : شكرا ليك بجي تاني وح تعرفي اي حاجه ،،،نبيل مشي عشان يفهم الحاصل شنو ،،، بس الشاب ركب الحافله ومشت بيه ،،،،،
الاء في غيظ : غبي دا ولا شكله كدا
نبيل : بلاوي بتتحدف علينا ،،، ياربي يكون زول من اهل رهف ؟
طلع خطاب من العياده ومعاه رهف…… ومشي الصيدليه،،،، صرف العلاجات وبعدها علي الشقه طوالي،،،، بس استغرب لانو سمع صوت المكيف شغال وهو خلاه مقفول وقال لي رهف : نسيتي المكيف شغال ،،، رهف : لا قفلته حتي طلعت ،،،
خطاب في حيره : ايوه انا كمان لما جيت قبيل م كان شغال…
قعدت رهف في السرير ومسكت راسا وقالت : آه صداع شديد
خطاب قرب منها واتحسس راسها وقال في صوت حنون : سلامتك… لحظه اعمل ليك ساندوتش تآكليه وبعدين اديك مسكن وتبدي تآخدي علاجاتك …
بسرعه مشي جهز ليها الساندوتش ومعاه كاسه عصير وشايل شريط الحبوب معاه..
رهف اكلت لقمتين وشربت نص العصير واخدت الحبوب ،،،، ونامت علي طول ،،،،،
خطاب عاين ليها في حنان وطلع ليها الجزمه ورفع رجلينها في الكنبه وفتح فيلم اجنبي وقفل الصوت عشان م يصحيها…… بس جاتو رساله ( اتجاهلت رسالتي م قلنا حاجه ،،، م عايز تجيبني شقتك قلت امكن خايف علي بيته بس الشي المفروض تعمله تجي تنزلني في شقه مفروشه اوفندق)
خطاب شال التلفون وراجع سجل الرسايل ولقي رساله عدن واتصل عليها من جوه الغرفه واعتذر ليها شديد لانو م شاف الرساله وعرف انها جات الشقه ودخلت بالمفتاح المعاها وهي الشغلت المكيف ،،،، بعد خلص مكالمته مع عدن رجع لي ميناس لانها دخلت ليه كم مره انتظار واول م فتح الخط جاطت وهددتو اذا م جا حتمشي بيت اهلها وتسوق معاها حمودي وقفلت علي طول ،،، هو م رد عليها عشان رهف م تلاحظ شي وكتب ورقه ل رهف ومشي الڤيلا علي طول ،،،،
رجعت احسان من الشغل ولقت وجدان قاعده مع مروان في الصاله…… سلمت عليه في ضيق وقعدت،،،، عاين ليها في غضب وقال : مالك صاره وشك زي اليوم الشال ابوك
احسان : انت عارف انا م بحب زول يجي بيتي وانا مافي
مروان : هههههااي و**** ضحكتيني وانا غضبان !!! اها ي بيت العفه والشرف
احسان : وجدان بتي طلعها من اللعبه دي
مروان : ههههههه انا زااااتي زي بتك دي م بعاين ليها اصلا لو اديتيني ليها مجان ،،، ضيعتو مني بت زي الليل آآخ منكم لكن البرجوازي خطاب حقكم دا بجيب خبره قريب
احسان : نصيحه لوجه **** خطاب زول واصل وبغطس حجرك احسن تسيبو في حالو بعدين كونو بجي هنا عشان يقضي لحظات حلوه مع البنات البجو معاي دي م ذله تمسكها عليه واذا اتمسك بعرف يخلص نفسو كيف ،،،،،
مروان : تصدقي خوفتيني
احسان سكتت وما قالت حاجه لحدي م طلع …
وجدان بقت تكورك ودموعها في وشها : كل يوم نفس الموال ،،، مافي شي ح يتغير ،، انا عن نفسي م ح افضل كدا طول عمري ،،، انتي حره خليك ممسكه رقبتك لي مروان
احسان في غضب : ياخ م تهدديني كل مره طيري كان طايره قشه م تعتر ليك زهجت منك ومن نقتك الكتيره دي
رهف جاتها صحيه لقت خطاب مافي وقرت الورقه واحبطت جدا،، بقت تقلب في القنوات في استياء ورجعت نامت تاني،،،
فتح خطاب الباب في عصبيه ولقي ميناس في وشو وصرخ فيها اسمعي انتي حسابك تقل معاي
ميناس شافت حمودي جاي نازل من السلم بقت تبكي وتعلي في صوتها وتقول في اصطناع شفت ي حمودي بابا بعمل شنو مع ماما ؟ دايما ببكيها ،،،، حمودي بكي وعاين ل ابوه في عتاب
خطاب في حزن عميق : ميناس اخر م توصلت ليه بقت تحرض ولدي علي،،، دي مره حقيره و
قاطعته رهف : لا ي خطاب دي مهما كان ام حمودي ،،، اول فرحتك وحبيب قلبك،،، شوف عشان بس زعل منك انت وصلت للحاله دي ،،،
خطاب : انتي بتقولي عليها كدا وهي طلعتك من البيت واكيد هي حرشت امي كمان دي زوله ملوثه
رهف : اي مره بتدافع عن بيتها وعن زوجها هي اعتبرتني خطر بهدد بيتا ،،،،،
خطاب : انا مشكلتي معاها عمرها خمسه سنه ودخولك حياتي ليه اقل من شهر!! دي مره مجنونه ،،،،
رهف عاينت للساعه ودخلت الغرفه لبست عبايتها وطرحتها وقالت : يلا ي خطاب نمشي السوق ،،،،،
خطاب : سوق ؟؟اذا عايزه حاجه كان تتصلي علي!!! انا م سألتك محتاجه شنو اعذريني ،،،،
رهف متجاهله كلامه : يلا بسرعه قبل السوق يقفل…
خطاب ساق العربية وفي السوق رهف بقت تفتش في دكاكين اللعب واخر شي لقت واحد فيه لعب راقيه ،،
اختارت لعبه جميله ومشت محل الحلويات اشترت بسيمه لانو حمودي بحبها زي م قال خطاب ورجعو الشقه والوقت كان اتأخر شديد ،،،،
خطاب اعجب جدا بتصرف رهف ومسك يدها وقبلها في حنان وقال : انتي احلي وانقي واروع بت قابلتها في حياتي
رهف ارتبكت ورجعت ورا حبه وقالت : يلا عشان م تتأخر علي حمودي
خطاب : خلاص زهجتي مني ؟
رهف : ابدا بس انت اهملت شغلك وبيتك وانا دا م برضيني ،،،،
خطاب : طيب بكره امشي بس ح نتناقش مره تانيه في الموضوع دا ،،،،نفسي تعتبريني ولي امرك م عايزك تتعاملي معاي بالحساسيه دي…
وصل خطاب البيت ومشي غرفه محمد ولقاه نايم باسو في راسو بس هو فتح عيونه ومد يدينو وخطاب انحني وحضنو في حنان وقال ليه : شفت بابا جاب ليك شنو ؟
حمودي قام علي حيله وهو بفرك في عيونه : جبت لي شنو
خطاب مد ليه الصندوق وحمودي فتح اللعبه وفرح شديد وباس ابوه وحضنه وبقو يلعبو قريب ساعه وبعدها خطاب قال ليه بعد سمعو حركه بره الغرفه : يلا ننوم احسن،،، لو ماما شافتنا بنتونس للزمن دا
حمودي ضحك وقال : بحبك ي بابا
خطاب باسو وقال : وانا بموت فيك ي روح بابا تصبح على خير
غير هدومه ورقد بدون م يقول كلمه …
صحت رهف بدري سعيده ونشيطه لبست بسرعه عشان تمشي الصيدليه ،،،،، وطبعا م عندها تلفون عشان تتصل ب خطاب او هو يتصل عليها ،،،،، بس اول م طلعت من باب الشقه لقتو منتظر في العربيه تحت ،،،،
خطاب : صباح الفل
رهف ابتسمت وهي بتفتح باب العربيه : يعني مستحيل اقدر اهرب منك
خطاب : ي بت الناس انا بخاف عليك وانتي غريبه في بلد غريبه يعني لازم اكون دليلك
سكت مسافه وبعدها واصل :بوصلك الصيدليه وبمشي اشوف التقديم للجامعات اخباره شنو وبعدين امر عليك ،،،،،
رهف : طيب ي دليلي
وصلو الصيدليه وقبل تدخل سمعت صوت شاب من وراها بنادي وهو جايي عليها… ( رهف…… رهف عماد )
وقفت رهف في حيره وهي بتتأمل في الشاب ،،،، شكله م غريب عليها… حست بي دوار وقربت تقع بس خطاب مسكا في خلعه وقال لي الشاب في غضب : انت منو ؟ وبتعرف رهف من وين ؟؟ عارف لو كنت محتال ح اعمل فيك شنو؟
الشاب عاين لي رهف في فرح متجاهل كلام خطاب وقال : انا كريم يا رهف ما متذكراني ؟؟
————————————–
———————
☆إمتناني
☆يتبــــــــــــــــــــــــــــــــــــــــــــع☆
الجزء السادس من رواية إمرأة بلا هوية
رهف فضلت مبحلقه فيه وم قالت اي حاجه بس كريم قرب منها وهو مبتسم وقال : حمد **** علي السلامه م مصدق اني اشوفك تاني ،،،،، شهور وانا بفتش فيك ،،،،، امي مرضت عشان كدا وقفت البحث عنك ،،،
رهف اتراجعت ورا ووقفت جنب خطاب وهي في قمه الدهشه و قالت : انت منو انا م بعرف زول اسمه كريم! خطاب : لسه م عرفتنا بي نفسك ووين كنت طول الفتره ديك ؟؟ البت دي فاقده الذاكره وفي فتره علاج ياريت تكون واضح وتورينا م يثبت انك بتعرفها ،،،،،
كريم : انا كريم عادل التهامي يعني رهف بت عمي عماد التهامي ،،،،،
سكت كريم وطلع جواز سفر فيه اسمه بالكامل ومداه لي خطاب وقال : فتشت عنها كتير الا بالصدفه لقيت ممرضه شغاله في المستشفي الكانت راقده فيه وحكت عن بت فاقده الذاكره ولما مشيت الاستعالامات عرفت انها هربت من المستشفي وضاع املي كيف القاك في البلد الكبيرة دي
رهف عيونها اتملت دموع وقالت بصوت مبحوح : الحمد لله يعني انا عندي اهل ؟
كريم قرب منها وقال في حنان : اكيد عندك اهل وكمان بحبوك شديد
خطاب زح رهف وراه وقال في ضيق : تطابق الاسماء واضح بس انا لسه م مطمن،، مر علينا المساء تكون رهف خلصت شغل وانا كمان فضيت ونشوف البحصل شنو
كريم بكل ادب : خير مافي مشكله،،، بس ممكن اتعرف عليك ؟ يعني بقصد صلتك بي رهف شنو؟
خطاب : خطاب سليم رجل اعمال صاحب الصيدليه دي اتعرفت علي رهف بالصدفه،،،،
رهف : خطاب ليهو افضال كتيره جدا علي انقذني من الضياع وعرض نفسه للخطر عشان يحميني واذا عايزه احدد ليك افضاله علي!!!! لحدي الصباح م ح نخلص.
كريم : عظيم
خطاب : الواجب م عليه شكر وانا م عملت غير الواجب….
رهف : طيب ي كريم نحن موش من بورسودان ؟؟ انت جيت هنا كيف ؟؟
كريم في حزن : الوالد كان عيان ومتابع مع دكتور هنا واضطرينا نأجر بيت لانو فتره العلاج طالت وبعدها الحاج اتوفي وقررنا نستقر في الخرطوم خاصه انتي وحبوبه **** يرحمها جيتو عشان تستقرو هنا ،،،، يعني م فضل لينا زول في الشرق…
رهف في تردد : طيب التحاليل اثبتت اني كنت واضعه قبل الحادث !!!وين ولدي ؟ موش كنت متزوجه ؟؟
كريم في ارتباك واضح :ددد دي قصه طويله لما نقعد بحكيها ليك…
قعدت رهف وهي فكرها مشغول ،،،،، خطاب لاحظ ليها ،،،، قرب منها وقال بصوت منخفض : م تشيلي هم حتي اذا طلع ود عمك وكان زول م كويس،،، م بخليك تعيشي معاه ،،، واصلي شغلك مع نبيل وم تحسسيهم بي شي لحدي م نشوف البحصل شنو…
رهف مسحت دموعا وقالت في حنان : الحمد لله انك معاي
خطاب طبطب عليها وقال في حنان : **** معانا نحن الاتنين
رهف بدت تتعلم الشغل بسرعه وهي بمزاج ممتاز لانها اخيرا عرفت اهلها حتي لو م متذكراهم المهم هم متذكرنها ،،،،،،،
ساعدت الاء ونبيل كتير ولما الساعه 4 جات،، الاء قالت ليها : هوفا يلا انتي تعبتي حبيبتي… ممكن تمشي البيت بعد دا
رهف سرحت مسافه وردت في حزن : امشي البيت ؟ انا عندي بيت اصلا ؟ انا انسانه بلا هويه…
الاء : آسفه حبيبتي م قصدي اقلب عليك المواجع بس انا خفت عليك لانك مريضه
رهف : ولا يهمك بس طالبه منك خدمه ممكن ؟
ٱلاء : انتي تأمري حبيبتي انا و**** حبيتك من شفتك
رهف في ابتسام : تسلمي وانا كمان و****… عايزه لي سكن… يعني زي سكن الطالبات وكدا…عايزه اعتمد علي نفسي واتعالج ولو علي القروش م مشكله ممكن افتش شغل المساء كمان… ممكن تساعديني لحدي م الاقي نفسي ؟
الاء في حزن : اولا انتي انسانه كويسه وربنا ح يشفيك … حظك حلو في سكن موظفات وطالبات جنبنا… هي اصلا داخليه كليات خاصه وساكنين معاهم موظفات،،،،،، يلا بكره انا م شغاله بمشي ابحث ليك عن الموضوع دا اعتمدي علي
رهف بدون م تحس جرت وحضنتها وقالت : شكرا ليك
الاء : ي بت جميل شنو نحن بنات زي بعض ودي ظروف حصلت ليك والمؤمن مصاب .
عاينت الاء علي الشارع وشافت الموتر حق نبيل وصرخت في فرح : بلبل
جا نبيل داخل ووشه حزين وعابس سلم في هدوء وقعد….
الاء : خير ي نبيل ان شاء **** م يكون في زول من ناس البيت عيان ؟
نبيل في حزن : لا كلهم كويسين…
عاين لي رهف وقال : آسف لظروف خارجه عن ارادتي اضطريت اغيب الكم ساعه دي بس اوعدك اعوضك….
رهف : لا عادي المهم تكون بخير
نبيل : شكرا… علي فكره خطاب قال بجيك بعد شويه .
رهف : اوك
بعد ساعه خطاب جا داخل الصيدليه
واعتذر لي رهف عن انشغاله طول اليوم وطلعو علي العربيه وقبل م يتحركو قال : كريم اتصل وقال منتظرنا في البيت ،،،، رايك شنو؟ نمشي ولا م نمشي ،،،،انا البريحك بس بعملو ….
رهف في حزن : بمشي اتعرف عليهم بس م بقعد معاهم عايزه اعتمد علي نفسي ،،، عايزه اشيل هم نفسي، عايزه اشتغل وادرس، اساسا عمي متوفي وامي وابوي يعني مافي زول مجبور علي ،،،، والظروف بقت صعبه م عايزه احمل الناس فوق طاقتها مهما اصرو اني اقعد معاهم برفض بشده ولازم اقنعهم بي ضروره سكني في داخليه،،،،
خطاب اخد نفس عميق وقال : انا فخور بيك …
فجأه تلفونه ضرب وسكت الجرس كم مره بعدها جات رساله ورهف ح تموت عشان تقراها وعشان تاخد راحتها طلبت منو يجيب ليها مشروب رمان ومسكت التلفون وقرت ( بيبي اتصرف انا الشقه النازله فيها دي م عاجباني عايزه اسكن في شقتك حلوه ومريحه ) قفلت رهف التلفون وقالت في سرها اووووف بلوه شنو دي كمان ؟ نشوف يا انسه عدن ح تسكني معاي كيف في الشقه…
خطاب جاب ليها العصير ولاحظ لي وشها متغير سأل : قريتي الرساله صاح ؟
رهف : دي حياتك الشخصيه ملكك وحدك
خطاب : بس شكلك م بقول كدا
رهف في غضب : علي فكره ممكن تجي وانا بمشي عادي….
خطاب : منو القال كدا ؟ انا امشي وعدن تمشي بس انتي م تطلعي من الشقه…
رهف ابتسمت واتحركو ،،،،
مشت العربيه مسافه 40 دقيقه وبعدها خطاب قال : دا الحي حق ناس نبيل اتخيلي!
رهف : نبيل ساكن هنا يعني ؟؟
خطاب : ايوه اخوك شاطر في الوصف عرفته علي طول بس انتظري اتصل بي كريم دا الشارع بس م عارف البيت وين ؟؟
رهف عاينت بالمرايه وقالت : خطاب انتظر شايفه كريم واقف قدام بيت هناك…
خطاب رجع بالعربيه ورا وقال وهو مبتسم : ماشاء **** فعلا دا كريم
رهف : اكيد م عايزه ذكاء يعني ؟
خطاب تلفونه ضرب ورد في انشراح : *اوووو اخونا النجم المشرفنا دائما
* جايي المساء طيب تشرف و**** ،،،،
وقف خطاب قدام كريم ونزل ومعاه رهف طبعا… سلمو وطلب منهم يتفضلو علي البيت جوه وقعدو في الصاله.
( رهف عماد ؟ مصيره الحي يلاقي )
اتلفتت رهف عشان تشوف صاحبه الصوت وكانت اشجان بت عمها في العشرين من عمرها جميله جدا
رهف في دهشه : انتي اشجان صاح ؟ مرحبا،،
اشجان عاينت ليها من فوق لي تحت وقالت : زي م انتي لسه بتصطادي الاثرياء والوجيهين ،،، بس م عرفتينا بي صحبك ،،،
خطاب كان متجه عكس اشجان وبعدها قام عشان يسلم عليها واول م عينه وقعت عليها نطط عيونه في خلعة وقال بدون م يشعر : انتي ؟؟؟
————————————–
———————
☆إمتناني
☆يتبــــــــــــــــــــــــــــــــــــــــــــع☆
الجزء السابع من رواية إمرأة بلا هوية
خطاب كان متجه عكس اشجان وبعدها قام عشان يسلم عليها واول م عينه وقعت عليها نطط عيونه في خلعه وقال بدون م يشعر : انتي ؟؟؟خطاب لسه بعاين وهو مصدوم واشجان حاولت تتهرب وبقت تنادي : امييي تعالي سلمي علي بت عمي ..
جات بسمات سلمت
في برود وقالت : كيفك .. قالو فقدتي الذاكره … لكن ذاكرتك هي العليها هين ؟
كريم في ضيق : احم رهف بتتعالج حاليا وقريب ح ترجع ليها الذاكره ،،،،
رهف صافحتها في فرح وقالت : اتشرفت بمعرفتك
كريم مشي الدكان يجيب بارد وخطاب استقبل مكالمه بره البيت ،،،، عشان يخلي رهف شويه مع اهلها،،
كريم رجع بسرعه من البقاله ودخل البارد المطبخ،،،
رهف قالت في حزن : احسن **** عزاكم في عمي
بسمات : آمين يارب البركه فينا وفيكم،،، آسفه ي بتي م كان قصدي ازعل حبوبتك ، زعلت وسابت البلد ،،، وبعدها عمك مرض لحدي م اتوفي
رهف : انا م متذكره حاجه وحتي لو متذكره نحن اولاد اليوم والمشاكل دي بتحصل عادي بين الاهل…
سكتت مسافه وقالت في حاجات كتيره عايزه اعرفها عن نفسي وعن اسرتي واذا عندكم صور لي امي وابوي وحبوبه الدكتور قال بتساعدني في استرجاع ذاكرتي ..
بسمات طلبت من اشجان تجيب البوم الصور وعرفتها بكل اسرتها وكمان عرفت انها كانت متزوجه وزوجها اتوفي بنوبه قلبيه وكانت حامل في شهرها السابع ،،، بعدها الجنين سقط وسافرت مع حبوبتها للجامعه دا بعد قررو يعيشو في الخرطوم،، مر الوقت بسرعه وخطاب استعد للمشي ورهف طلبت من بسمات الالبوم …
وبعد ناولتها ليه قالت : قاعده في داخليه صاح ؟ الزول دايما راحته في القعاد براه ،،، ابقي عشره علي نفسك ومره مره زورينا ،،،، رهف احبطت شديد اتوقعت يطلبو منها تقعد معاهم بس خيبو ظنها،،،،، اشجان قالت في تصنع : ابقي زورينا م تنقطعي بعد لقيتي اهلك واذا قررتي تتزوجي كمان اعزمينا م تنسي
طلعت رهف من عندهم وهي ماسكه دموعها عشان م تفضحها قدامهم واول م اتحركت العربيه بقت تبكي في تشنج ودا خلي خطاب يمسح دموعها في تأثر ويقول وهو بحاول يخفف عليها : هوني علي نفسك وزي م قلتي انتي عايزه تعتمدي علي نفسك وتثبتي وجودك وكدا كدا م كنتي ناويه تعيشي معاهم بعدين انا ح تسيبيني لي منو يعني ؟؟ ولا خلاص زهجتي مني يعني…
رهف : انا بحمد ربي انك معاي وانا فعلا م ناويه اعيش معاهم بس اتوقعت يعزموني ان شاء **** عزومه مراكبيه بس هم م عايزني
بعد وصلو البيت رهف قعدت في الهول… شارده وحزينه وفكرها
مشغول ،،،،،،خطاب جا شايل شاندوتشات وبارد وقعد جنبها وقال : فراشتي الجميله لسه زعلانه ؟؟
رهف : اعذرني انا زي الغريق البتعلق بي قشه وفاكر انها ح تنقذ حياته
خطاب في حنان : انا بلف بيك العالم كله لحدي ما ترجعي تتذكري اي شي بس عايزك تثقي فيني …
سكت وقال : خايف لما ترجع ليك ذاكرتك ،،، تنسيني
رهف : مستحيل انساك انت انقذت حياتي كنت لي زي شمعه نورت العتمه الكنت فيها…
خطاب قرب منها ومسك يديها وقال في حنان : انتي النورتي حياتي وغيرتي فيني حاجات كتيره…
سكت مسافه وواصل : وبكون اسعد زول لو قبلتي عرضي بالزواج منك….
رهف : الموضوع دا سابق لاوآنه… قدامي حاجات كتيره لسه،،، عايزه اتعالج وكمان القرايه،،،،وصدقني لو فكرت في الزواج انت اول واحد ح افكر فيه بس لو م كنت متزوج،، مستحيل ابني سعادتي علي تعاسه الغير ،،،،
خطاب : انا بحبك ي رهف
رهف سكتت وم قدرت تقول حاجه……
خطاب فتح التلفزيون وبقي يحضر في برنامج عربي وبعد شويه صرخ في فرح : مهند سليم
- حكم في برنامج… عديل كدا و**** انا لما شفت صورتك م صدقت الا بعد ذكرو الاسم لكن تستاهل اصلا الحاجات دي بتشبهك
- تسلم كتير و**** رفعت من روحي المعنويه…
- ايوه ارفع راسنا وشرف بلدك ،،،
- تلاته ساعات بالكتير واجي الخرطوم بنزل في الشقه علي طول اصلا تعبان عايز انوم الصباح بجيكم،،،
- تشرف و**** اشتقنا ليك شديد ،،،
- حكم في برنامج… عديل كدا و**** انا لما شفت صورتك م صدقت الا بعد ذكرو الاسم لكن تستاهل اصلا الحاجات دي بتشبهك
خطاب : اكتر من اخوي
خطاب شال الجاكت وودع رهف وهو بقول : اقفلي عليك الباب كويس وانا وصيت البواب يخلي باله منك ،،،،،
رهف : اوك م تخاف علي
خطاب بعد ركب العربيه تاني جا راجع وشايل معاه تلفون راقي وناوله لي رهف وهو بقول : آسف نسيتو في العربية مفروض اديك ليه من ساعه جيت
رهف اتغيرت ملامح وشها وردت: مستحيل اقبله منك دا باين عليه غالي شديد خطاب في ضيق : اوووف اسمعي بعد تشتغلي رجعيه لي اوك ؟؟؟
رهف : اذا اشتغلت سنتين م بقدر احلو لو سمحت رجعو
خطاب : طيب اتواصل معاك ب شنو ؟ سيبك مني ناس الشغل كيف يتواصلو معاك ؟؟
رهف : طيب اديني حقك الصغير دا بكفيني ،،،،
خطاب وهو طالع : اسمعي عايز اتواصل معاك واتس وايمو وفيس وتويتر واي شي ،،، م عايز مجادله الشريحه مركبه وبعد اصل ح اتصل عليك واذا م رديتي طوااالي بجيك راجع
رهف : مافي فايده
خطاب وصل البيت لقي ميناس قاشره ومنتظره في الغرفه ،، سلم عليها ودخل الحمام اخد دوش وجا رقد في السرير ولقاها بتعاين ليه سألها : حمودي كويس ؟
ميناس : كل همك بس حمودي
خطاب قعد علي حيله وقال في غضب : بعد الشر عليه
ميناس : مهما اعمل برضو م عاجبك ،،، اعمل شنو عشان تحبني وتشوفني زي رهف وغيرها ،،،،
خطاب قبل عليها وقال وهو بحاول يكون هادئ : انتي جميله جدا واي راجل في الدنيا بتمني يرتبط بيك بس حاولي غيري تعاملك معاي شويه يعني م تعامليني زي م بتعاملي باقي البشر المفروض انا زوجك البتحبيهو يعني التعامل معاي يكون غير ،،،،
ميناس : حسسني انك بتحبني وانا افرش ليك قلبي دا تمشي عليه ،،،،
خطاب : طيب انا اسف بس لو سمحتي م تدخلي حمودي في خلافاتنا و
ميناس في غضب وصوت عالي : تااااني حمودي ؟؟؟
خطاب قام بسرعه وطلع من الغرفه مشي رقد مع حمودي،،،، وهو بقول : مجنونه مجنونه مافي شك
صحت رهف نص الليل بصوت جوطه وحركه م طبيعيه… قعدت في نص السرير وبتحاول تستجمع قواها… مسكت شعرها بي بانده وعاينت للساعه جنبها… لسه بدري علي الصباح طيب في شنو ؟ الصوت اختفي رقدت عشان تواصل نوم بس المره دي سمعت صوت قريب منها…. نزلت من السرير بسرعه وهي بفستان النوم،،فتحت الباب في حذر ولقت الهول فاضي مافي حاجه… طيب الحركه دي جايه من وين ؟؟ رجعت غرفتها وطلعت التلفون واتصلت على خطاب رغم انو الوقت متأخر بس رد بسرعه : رهف خير في حاجه ؟ حاسه ب حاجه ؟ انتي عيانه ؟
رهف في خوف : لا بس حسيت ب خوف وسمعت اصوات غريبه
خطاب قفل منها وبسرعه طلع وركب عربيته بس ابت تدور خلاها ومشي ركب امجاد وفي سرعه البرق كان معاها ،،،،
رهف جرت في حضنه وهي بتقول : خطاب انا خايفه،،، مستحيل اقدر اعيش براي،،، ومستحيل اجيبك كل يوم بالطريقه دي انا ح اعيش في داخليه من بكره،،و بجمد الجامعه السنه دي لحدي ما ااسس نفسي وكمان اتعالج وكمان اجمد مشاعري
خطاب في حزن : يبقي حكمتي علي بالاعدام انت بتحبيني ي رهف ليه عايزه تكتلي الحب دا قبل م يتولد ؟ انا م بقدر اعيش لحظه بدون م اشوف عيونك
بتر كلامه لما رهف اشرت ليه يعاين وراه بس هو قال قبل م يتلفت : اه نسيت الباب انتي خليتي لي عقل لكن؟؟ لحظه بس اقفله واجي ،،،،
اتلفت عشان يقفل الباب بس لقي…….
————————————–
———————
☆إمتناني
☆يتبــــــــــــــــــــــــــــــــــــــــــــع☆
الجزء الثامن من رواية إمرأة بلا هوية
اتلفت عشان يقفل الباب بس لقي ميناس واقفه وعيونا لمن محمره بالغضب ،،،،
خطاب استجمع قواه وقال : ميناس حصلت كمان تراقبيني ؟
ميناس في غضب والدموع ماليه عيونها: لكن زي قوه عينك م قابلتني خااالص
خطاب : مستحيل اطرد رهف،،،، بعدين هي م عندها ذنب اذا عندك حساب صفيه معاي انا ،،،،
رهف شالت تلفونا ودخلت جوه واتصلت ب كريم وطلبت منو يجيها الصباح بدري في حته معينه ،،،،
خطاب مسك ميناس من يدها وجراها علي العربيه الجات بيها ورسل رساله ل رهف ( آسف ي عمري اوعدك م حتتكرر تاني بحبك)
رهف فضلت سهرانه لحدي الصباح تفكر في حياتها ح تعمل شنو ؟ ومعقوله تقدر تعيش في بيت كريم بعد التعامل الشافتو من اهله ؟ وكيف تعيش معاهم وهي م معاها ولاجنيه وكمان م بتقدر تشتغل في الصيدليه بعد الحصل،، مستحيل تخرب بيت الراجل الوحيد الوقف معاها وكان السند الحقيقي ليها وحست معاه بالامان ،،،،
اخر شي لبست عبايتها وشالت معاها لبسه واحده بس ،،،،، وكتبت رساله ل خطاب وسلمت مفتاح الشقه للبواب ومشت تلاقي كريم في المكان المتفق عليه ،،،،
روضه غضبت جدا بعد سمعت من ميناس الحصل واتكلمت مع خطاب بي لهجه حاده وقالت ليه : انا عايزه اعرف قدام مرتك واختك،،، غرضك شنو ؟ يعني عايز من الاسمها رهف دي شنو ؟ اذا هي نزوه ح تنتهي متين ؟
ميناس : لا يا امي كان حاضنها وصارحها بي حبو
خوله : ي جماعه كدا م ينفع انتو كدا بتضغطو عليه
روضه في زجر : اسكتي انتي سكت حسك
خطاب بعد صمت طويل : انا عايش خمسه سنه في جحيم عمري م شفت يوم مع ميناس حلو ،،، انا حي ميت وكل يوم بموت من تصرفاتها سواء كان كلمه جارحه او معايره او تهديد انها ح تسوق ولدي وتمشي ،،، من الاخر كدا مافي زول يتدخل في حياتي اعمل البريحني طالما قايم بي واجبي كامل تجاهك وتجاه ولدي،،
ميناس والعبره ماسكاها : انت بتحبها عشان كدا م داير تتخلي عنها
انا ؟ انا ست البنات فعلا راجل ناقص وناكر جميل حقيقه ديل الكلب عمر ما ين
بترت كلامها لما خطاب مد يده عايز يضربها بس خوله وقفت بينا وبينو وهو طلع طوالي وركب عربيته مشي شارع النيل ومنو علي الشقه ،،، وكان الشمس شرقت ،،،
رهف بعد سلمت علي كريم قالت في صعوبه : انا كنت قاعده في شقه خطاب وانت عارف كلام الناس وهو متزوج م عايزه اخرب عليه خاصه هو زول وقف معاي
سكتت مسافه وبعدها واصلت : هو شغلني في الصيدليه قسم التجميل بس مضطره اسيب الشغل كمان ،،، وعايزاك تفتش لي شغل وسكن…..
كريم ملامح وشو اتغيرت وجاوب في تردد : لكن انتي عارفه الشغل في البلد دي صعب شديد بس ح احاول ،،،، البقدر عليه حاليا ،،، اوديك البيت تقعدي معانا لحدي م نشوف ليك طريقه ،،،،
رهف : معليش تقلت عليك لكن اوعدك م اطول معاكم انا موصيه صحبتي ل داخليه……
كريم غمغم في صوت خافت : **** يستر
رهف : قلت حاجه ؟
كريم : لا لا قلت **** يسهل يلا علي البيت.
ركبو الحافله ومشو البيت وفي الصاله لقو اشجان بتنضف واول م شافت رهف قالت : مالك جايه من النجمه صحبك طردك ولا شنو ؟
كريم : اشجان بطلي نقه امشي اعملي شاي وين امي؟
بسمات جات من جوه : اهلا ي بتي اتفضلي ،،،،
رهف : شكرا
بسمات : ح تقضي معانا اليوم دا ؟
رهف في احراج : يعني اذا سمحتي لي عايزه اقعد اسبوعين لمن القي لي داخليه وشغل….
اشجان : شنوووو ؟ وصحبك المليونير خلي بيك ولا شنو ؟ بالمناسبه م سألك مني؟
رهف : مافي بيني وبينو حاجه كعبه ،،، وكمان م سأل عنك …. لييي في حاجه ؟ يعني انتي بتعرفيه ؟؟
اشجان في خوف : مافي شي انسي ،،،،،
كريم : ي زفت انتي اقفلي خشمك دا قبال اقوم عليك
اتلفت علي رهف وقال : ادخلي جوه غيري ملابسك وارتاحي ،،، انا ماشي الشغل وبجي المساء
وقف نبيل الموتر حقه جنب الصيدليه ولقي الاء سلم عليها وسأل عن رهف ،،،، وعرف انها لسه م جات بس الاء سألته : الليله ماشاء **** المعنويات في السما فرحنا معاك… ريان جات ولا شنو ؟
نبيل حس بي ضيق وقال : علاقه ريان بي فرحي شنو ؟ عليك **** ي الويه م تقولي الكلام دا قدام رهف
الاء : ريان دي الفرح كلو ياخ
نبيل مشي بتفقد في الادويه وحاول تغيير الموضوع…
الاء : كالعاده هروب
رهف غيرت ملابسها وجات طالعه بس سمعت بسمات واشجان بجيبو في سيرتها ،،،،،
بسمات : دي جايه ل شنو تاني؟ موش كريم فهمها انو حبوبتها شالت نصيبهم من بيع البيت وسافرت والقروش تكون ضاعت في الحادث ،،، انا الفيني مكفيني
ارتحنا منها جات تاني كتمت علي نفسنا
كريم جا راجع يشيل اوراق سمع الكلام بس بسمات طوالي وجهت ليه الكلام : كل المصايب دي منك انت بعدين نسيت انو حبوبتك حرشتها ورمت ليك الدبله في وشك وعرست العجوز الغني داك بس ربك رب الخير قطعها ليهن في راسن مات واولاده طلعوها من المولد بلا حمص وخلو ابوهم يتنازل عن كل ثروته ليهم قبل يموت،،،، والغبيه بت عمك دي فعلا فاقده الذاكره!!! لو م كدا كان شرشحتهم في المحاكم تربيه حبوبتها ،،،،،،
رهف رجعت الغرفه و بكت في حرقه ونادت
كريم وسألتو عن عنوان اهل زوجها في الخرطوم عشان تمشي تجيب شهاده الوفاه منهم ،،،،،،،، بعد شويه جات بسمات وعادت ليها نفس الكلام بس كريم قال ليها في غضب : يا امي مافي داعي للكلام دا ،،
رهف وشها بقي احمر من الغضب وقالت : اطمني انا م عايزه منك حاجه جيت اسأل من عنوان المرحوم عشان اجيب شهاده الوفاة……
كريم : انا اسف رهف علي تصرف امي معاك لحظه اشوف ليك صوره من رقمك الوطني كانت معاي،،، بس باقي الاوراق شلتيها لمن سافرتي…
دخل جوه الغرفه وبعد مسافه جا شايل صوره الرقم ومداها ليها……
رهف بعد مسكت الورقه قالت ليه : طيب ليه كان معاك الصوره ؟
كريم : كنت محتاج ليها في بيع البيت،، انتي من ضمن الورثه
بسمات في غضب : كنتي خادعه المسكين دا ومعشماه بالعرس بس حبوبتك حرشتك قالت ليك انتي شاطره وح تجيبي مجموع يدخلك كليه الطب او الصيدله وهو معاه شهاده ثانويه بس،، وموظف صغير في السكه حديد،، وخلتك تعرسي العجوز داك حبوبتك كانت بانيه آمال كبيره عليك بس ربك كريم م تم ليكم مرادكم
رهف طلعت و الدموع في عيونها بعد شالت العنوان وصوره الرقم الوطني …..
بقت ماشه وم عارفه علي وين ياربي تتصل ب الاء وتسألها عن موضوع الداخليه ؟؟! بس حتي اذا لقت داخليه ح تدفع من وين وح تآكل شنو ؟؟
طلعت التلفون عشان تتصل واول م فتحته لقت ميه مكالمه من خطاب وكميه رسايل واتألمت جدا لانها كسرت قلبه ،،،، اثناء م هي بتفتش في رقم الاء اتصل خطاب،،،،، قلبها بقي يضرب في قوه وم اتحملت وردت عليه واول م فتحت الخط : حبيبتي
رهف شالت نفسها وردت : قريب من بيت كريم
خطاب : ليه ي روحي مشيتي ليهم تاني ؟ انتي موش طلعتي منهم زعلانه،،،،، انا م برضي فيك حاجه ،،،،
فضل يتكلم معاها لحدي م وقف العربية جنبها وجا نازل سلم عليها في حراره وفتح ليها الباب ركبت وقفله ومشي ركب في مقعد القياده ،،،،،
وصلو مطعم راقي وطلب ليها فطور وعصير وفطر معاها وطول الوقت بعاين ليها وهو م مصدق وقال : خفت م القاك تاني بس وحياتك كان قلبت البلد دي قلب لحدي م القاك ومنها علي المأذون الشرعي وغصبا عنك او بي رضاك ح اعرسك ونعيش برانا ،،، نعيش في جنه
رهف في ابتسامه : مجنوووون
خطاب : تحبي اوديك الشقه ولا الصيدليه ؟ ولا نفضل مع بعض كدا لاخر اليوم واخر العمر ،،
رهف في جديه : عايزاك توديني مشوار اهل زوجي المرحوم عايزه اجيب شهاده الوفاه وكمان القسيمه
خطاب : ايوه لكن م بخليك تمشي ليهم براك لحظه اتصل بي كريم عشان ود عمك
رهف : رغم اني كنت عايزه اطوي صفحه كريم دي بس معليش المضطر يركب الصعب ،،، اتصل عليه.
نبيل بدخل ويمرق ويعاين للساعه والاء مراقباه واخر شي طلب قهوه وبقي يشرب فيها في عصبيه ويقول : رهف اتأخرت شديد م تكون عيانه ؟
الاء : لا ي عمي الحنون اعتذرت قالت عندها مشوار وبتجي بعدين….
نبيل : سبحان **** ليه طيب م كلمتيني ؟؟
الاء : انا عارفاك ي اخوي!!! شايفاك تدخل وتمرق زي ام العروس
نبيل : بمناسبه العروس انتي ح تريحينا من طلتك بتين ؟؟
الاء : طبعا عايز توزعني عشان يخلي ليك الجو ،،، بس ي خساااره والف خساره مززتك مشفره ومنافسك قوي وخطير
نصيحه مني ،،، معركه خسرانه ،،،،
نبيل بدأ عليه الحزن وقال : مززه شنو ؟ ومنافس شنو ؟ يظهر العرس دا ح يفوت بيك الحقي نفسك ،،،،
كريم اخد اذن من الشغل وجا بسرعه ووصلهم خطاب بيت المرحوم زوج رهف وقعد في مطعم قريب منتظرهم لما يخلصو ،،
ضغطت رهف جرس الباب وجات الشغاله عشان تفتح ودخلتهم الصالون وبعد شويه جات بت المرحوم ورهف قامت عشان تسلم عليها بس هي اختصرتها وقعدت وقالت : خير
————————————–
———————
☆إمتناني
☆يتبــــــــــــــــــــــــــــــــــــــــــــع☆
الجزء التاسع من رواية إمرأة بلا هوية
رهف وشها بقي احمر من الغضب وقالت ليها بعد وقفت: اذا سمحتي م تجيبي سيره حبوبه وراعي لي حرمه انها ميته وانا م عايزه منكم حاجه انتو الضيعتو حقي بعد عرفتو اني حامل ب ولد،،،وم معروف عملتو لي شنو في الاكل لانو بعد طلعت منكم مباشره جاني الم والجنين سقط ،،،، م علينا،،، لما جيت كنت عايزه شهاده الوفاه،، بس خلاص م عايزه منكم حاجه بعرف استخرجا كيف ،،،،
كريم فضل متنح في رهف وهي بتتكلم مع المرأه واول م طلعو سألها في حيره : كيف عرفتي المعلومات دي ؟
رهف في فتور : لما عاينت للبيت حسيت اني بعرفو وبعد جات بت المرحوم اتذكرت موقف انا كنت حامل وكراهيتهم الشديده لي واتذكرت اخر مره عزمونا غدا والمرحوم فرح شديد وقال لي اولادي عازمننا وقلبي كان مقبوض بس مشيت لانو حسيت بالفرحه في عيونه،، ومنهم للمستشفي وبعدها المرحوم اتوفي وخسرت ولدي ،،،
خطاب جا عليهم بالعربيه وكريم استأذن ومشي ،،، رهف حكت لي خطاب اي حاجه وقال ليها : ولا يهمك عندي صحبي ضابط كبير بخدمني في اوراقك دي كلها ،،،،
رهف : بس كأنك م فرحت ب التحسن الحصل لي دا ؟
خطاب : معقوله يا عمري ؟
رهف : تسلم يارب
خطاب : سنفورتي
رهف في احتجاج : عليك **** انا قصيره للدرجه دي ؟
خطاب : انا عاجباني كدا
رهف : يعني قصيره
خطاب : بحبك وبموت في بحه صوتك
رهف : انت خلاص قربت تجن
خطاب : معذور وحياتك
رهف في تهرب : يلا نمشي الصيدليه اتأخرت انا…..
خطاب تلفونو رن عاين للشاشه وقال : اوووف كل م اكون سعيد وفي حلم تجي
ميناس وتصحيني علي كابوس ،،،، فتح الخط : اهلين ميناس
ميناس : م عايزه اطول عليك ،،،،، انت عندك حق مفروض م نتخلي عن رهف،،،، انا وامي وافقنا انها تجي تعيش معانا معززه مكرمه،،،، عشان تعرف انا بقدرك كيف ي ابو محمد
خطاب قفل وراسو يودي ويجيب
رهف لاحظت شروده وقالت : خير في حاجه حصلت ؟
خطاب حكي ليها بالموضوع كله واحتارت شديد بس قال ليها الخيار عندك
اذا حبيتي تمشي انا م عندي مانع واي قرار انا معاك ،،،،
رهف في حيره : انا بفضل البعد عشان م تكون في مشكله ،،،،
خطاب : يبقي خلاص اوك
استلمت رهف شغلها في الصيدليه ونبيل بشرح ليها وبوضح ليها الحاجات الصعبه ،،،،،
نبيل : ح اجيب قهوه اجيب ليك معاي ؟
رهف : ياريييت
طلع نبيل وفي الطريق قابل ميناس سلم عليها في حراره وسألتو عن رهف ومشي يوصي على القهوه ،،،،
رهف شهقت لما شافت ميناس كانت لابسه فستان كاكاوي جميل ومطقمه ليه ب انناسي وكانت في قمه روعتها وجمالها ،،،، وقفت قداما في الكاونتر وسلمت عليها وقالت : خطاب قال لي انتي هنا ،،،،حبيت اجي بي نفسي اعتذر ليك واعزمك تجي تسكني معانا
رهف عايزه ترد بس هي قاطعتها وهي ماشه علي الباب : منتظراك المساء يلا بااااي
قابلها نبيل في الباب وقال : بدري ي مدام القهوة!!
ميناس في ابتسامة : شكرا دكتور نبيل،،،، مره تانيه
رهف جسمها اتصبب عرق ودا خلي نبيل يقول ليها في قلق : رهف ،،،، خير حاسه ب حاجه ؟
رهف : لا بس حبه تعب بعد اشرب القهوه ببقي كويسه
نبيل : ميناس نادر م تزورنا في الصيدليه
رهف : انت بتعرفها كويس ؟
نبيل في شرود : موش بالضبط،،،،، بس اذا اشتغلت بت في الصيدليه وبالذات لو كانت جميله جدا زياراتها بتكتر
رهف : هي كمان جميله جدا وانيقه
نبيل : خطاب وسيم جدا وشخصيه وجنتل مان وهي بتخاف عليه شديد بعدين مكافح وبحب الشغل ورجل اعمال ناجح وكمان لطيف وحباب يعني بصراحه **** يكون في عون مرته
رهف سكتت ونبيل براقبا من بعيد في اعجاب لحدي م جات الاء من مشوارها وقالت ليهم وهي بتضحك : اوعك ي رهف تكوني حبيتي بلبل حبيبي دا ؟
نبيل في احتجاج : حبيبك منو دا ؟ اوع يكون انا ؟
رهف : هههههههه و**** انتو عسل وانا سعيده اني معاكم عموما ي ستي اطمني ،،،،
نبيل همس لي الاء : خلاص جيتي ي فقر
الاء وهي بتضحك : اتخيلي ي هوفا نبيل م كان عايزني اجي بسرعه رغم اني غبت كتير
رهف : هههههه معقوله ياخ و**** المكان من غيرك موحش ،،،
الاء وهي بتعاين لي نبيل : شفت الناس البتقدر
فجأه جات نهي اخت نبيل ومعاها ريان بت خالتها العايشه معاهم في البيت ،،،،
الكل رحب بيهم الا نبيل اضايق جدا لما شاف ريان وقال ليها بدون م يشعر : جيتي بتين انتي ؟
نهي حاولت تلطف الجو بعد شافت الضيق واضح علي اخوها : ريان اتصلت قالت يجي زول يجيبا من بيت عمها وانت بترجع متأخر بالليل قلت افضل اجي اجيبا انا وبالمره نغشي نسلم عليك وعلي الويه ونعزم نفسنا آيس كريم
الاء : هلا هلا شرفتو و**** ،،،
اتلفتت علي رهف وقالت : دي رهف موظفه جديده معانا ما
سكه قسم التجميل
رهف في رقه : اهلين
الاء واصلت التعريف : نهي اخت نبيل ،،، اولي صيدله ،،، اما دي ريان بت خالتهم وعايشه معاهم في بيت واحد ،
رهف : اها
الاء عاينت للساعه وقالت : نبيل ممكن تمشي عادي انا موجوده ومعاي رهف
نبيل : م حذريتي!!!! رهف معزومه معانا اصلا المحل قريب ،،،،
رهف : آسفه مره تا
قاطعتها نهي : عليك **** امشي معانا م بنأخرك
ريان عاينت ليهم في ضيق واتلبشت وطلعت بره انتظرتهم…
بعد اصرار وافقت رهف تمشي معاهم ،،، نبيل طلب ليهم ترحال وهو ركب الموتر ووصل قبلهم محل الآيس كريم ،،،
بعد طلعو مباشره خطاب جا الصيدليه وانزعج جدا لما عرف انو رهف مشت معاهم رغم انو حاول يخفي انفعاله الا انو كان واضح جدا ،،،،،
بعد حوالي ربع ساعه خطاب اتصل بيها في ضيق : لسه عليك شويه ؟
رهف : انت جيت؟؟ آسفه م قدرت ارفض الدعوة لكن مسافه السكه واكون معاك ،،،،
خطاب قفل بدون م يقول شي وفضل داخل ومارق لحدي م رهف جات مع نبيل في الموتر ،،،،
خطاب غضب جدا وكتم غيظه وحاول يكون عادي بس رهف حست بيهو وطلعو علي طول ،،، وطول الطريق تعتذر وحتي م اتناقشت معاه في موضوع رجوعها البيت وهو بدون م يسألها وداها بيته طوالي وضغط على الجرس وجات هيلين عشان تفتح وهي بتفحص في رهف من فوق لي تحت وقبل م تقعد جات ميناس متشيكه اخر شياكه وسلمت وقعدت جنب رهف وهي عاديه جدا وبعدها قالت : من الليله دي،،،، اعتبري دا بيتك ،،، وانا اختك الكبيره
————————————–
———————
☆إمتناني
☆يتبــــــــــــــــــــــــــــــــــــــــــــع☆
الجزء العاشر من رواية إمرأة بلا هوية
رهف نططت عيونا
ميناس دخلت تجهز مع هيلين الغدا وخطاب قعد في الكنبه وهو لسه صاري وشو وبتعامل مع رهف ببرود ،،،، بس فجأة حني راسو وطلع منديل ومسح بيهو انفو وبعد شويه وقع على الأرض ورهف صرخت بصوت عالي لما شافت ددمم غزيز طالع منو ،،،وبقت تبكي لحدي م الكل جا وبسرعه طلبو الاسعاف ونقلوه المستشفي وهناك روضه تكورك بصوت عالي وقالت لي رهف : فقر من يوم دخلتي علينا نحستي البيت واخر شي عايزه تجيبي اجل ولدي الوحيد
رهف عاينت ليها بس م ردت كانت في عالم تاني وتقول في سرها انا السبب
بعد مده جا الدكتور طالع وكلهم مشو عليه وقال : الحمد لله قدرنا نسيطر علي الحاله بس الحصل شنو خلاه يصل المرحله دي؟؟ شاب في عمره تجيه نوبه قلبيه بالمستوي دا ،،، حاجه غريبه يبدو انو زعل شديد وبغض النظر عن الخوض في التفاصيل ممنوع الانفعال ممنوع الانفعال ،،،، البعد الكامل عن اي شي بضايقه واهم شي الدعم المعنوي انا حكيت ليكم اي شي عن حالته والباقي عليكم و**** المستعان وانتو عارفين وضعو،،، روضه في حزن : ممكن نطمن عليه يا دكتور ؟
الدكتور : حاليا ممنوع بس اطمني
روضه : الحمد لله
روضه اتلفتت علي رهف وقالت : انتي لسه م طرتي ؟؟
رهف عاينت ليها وردت : معليش ي خالتو مستحيل امشي قبل م اطمن علي خطاب
روضه : شنوووو ؟ يعني انتي م عايزه تمشي بالتي هي احسن صاح ؟ عا
قاطعتها ميناس : ماما معليش دا م وقته بعدين اذا فاق خطاب وسأل وم لقاها احتمال ينتكس ،،،،
خوله : امي ميناس عندها حق وانتي ي رهف لو سمحتي راعي ظروف خطاب المرضيه وانا م عايزه اقول ليك حصل شنو لحدي م وصل خطاب المرحله دي بس بقول ليك ياريت الحصل م يتكرر براك سمعتي كلام الدكتور..
بعد الكل نام اتسحبت رهف علي غرفه خطاب ودخلت وقفلت الباب وراها وقعدت جنبه وهي م قادره تشوف بالدموع ،،،، مسكت يده في حنان وقالت : روحي وعمري انا آسفه ياريت مت وم شفت الحصل ليك بسببي ،،، ارجوك فووق
رهف فضلت ماسكه يده وتبكي م حست بي نفسها لحدي م نامت ،،،،،
روضه صحت بدري ولقت ميناس وخوله صحو كمان ،،، عاينت حواليها وقالت : مافي خبر عن خطاب ؟؟
ميناس : الدكتور ح يمر عليه بعد شويه بس الحاله مستقره م تخافي وقال ممكن نشوفه…….
روضه : وين العارض الاسمها رهف ؟ طارت وين ؟ طبعا م متعوده علي الرقاد في البلاط والسهر شكلها م زوله حاره
صحت رهف بحركه خطاب وهو ماسك يدها وباسها ،،،،، رهف صرخت وعيونها اتملت دموع : حبيبي الف حمد **** علي السلامه كنت ح اموت من الخوف عليك
خطاب ابتسم وباس يدها تاني وقال بصوت خافت : المهم انتي م تسيبيني
قبل م ترد رهف جا الدكتور داخل وقال : اووو ماشاء **** عليك وشك منور حمد **** علي السلامه ،،،،،
خطاب : بعد دا تاني ببقي زي الحصان م تشيل لي هم
الدكتور بعد كشف عليه وشاف العلامات الحيويه قال : كدا بقيت عال العال وممنوع الانفعال ،،،،
رهف : لا اطمن يا دكتور تاني مافي انفعالات
جات روضه وميناس وخوله وهيلين بعد طلع الدكتور واطمنو عليه ورهف طلعت بره الغرفه بس خطاب قال ليها : علي وين ؟
رهف : منتظره بكره
روضه لحقتا بره وقالت ليها في غضب : انا مضطره اقبل بيك لحدي م اطمن علي ولدي بس عشان صحته ،،،، لكن اذا سمعت انك زعلتيه و**** موتك م بكفيني والشي الانتي م عارفاه خطاب مريض بمرض نادر بصيب الاوعيه الدموية والقلب والانفعال م بنفع معاه احترسي
رهف انتظرتها خلصت كلامها ومشت بره وبقت تبكي خطاب مريض
طلع خطاب من المستشفي ورهف مشت الشغل وفي البيت روضه بتتعامل معاها سيئ جدا،،،،، ميناس احيانا بتشوفا عاديه واحيانا بتشوف نظرات حقد وكره منها،
خطاب بقي كل يوم يتعلق بي رهف اكتر من اليوم القبلو وميناس ملاحظه وساكته وفي يوم جاتا صحبتها اسمها تسنيم وشافت رهف جات داخله من الشغل وانتظرت لمن سلمت وطلعت وقالت في خبث : منافستك خطيره لكن عسسسل و
ميناس في غضب : هييي علي مهلك انا جبتك عشان تتغذلي فيها؟ ولا عشان نشوف حل ؟
تسنيم : اسمعيني ي مزززه انا بقصد بي كلامي انو البت حلوه واحتمال يكون زوجك متعلق بيها شديد وكدا مستحيل يسيبها الا بي سبب قوي ،،،، ركزي معاي ي قطه وخلي مخلك يشتغل!!!
ميناس : انا عايزه خطاب يرجع يحبني زي زمان،،،،، البلوه دي لازم تغور للابد بدون م يكون لي دخل بالموضوع ،،، عشان م يكرهني ،،،، فهمتي علي ؟؟؟
تسنيم : كدا دا الكلام الظابط وبديتي تفكري صاح ؟ ي مزتي
ميناس وهي بتفتح شنطتها وتطلع منها رزمه قروش وتمدها ليها : اوك….. دبري نفسك لحدي م نشوف البحصل شنو ؟
تسنيم في فرح وهي بتتحسس القروش : م كان تتعبي خيرك سابق
رهف قابلت طبيب نفسي وحدد ليها مقابله تلاته مرات في الأسبوع لعلاج فقدان الذاكره وفعلا بدت تتحسن ،،،،
خطاب اتصل علي مهند وسألو عن تاخيره وان شاء **** المانع خير ،،،مهند رد ليه في صوت واهن : تعبت شويه اضطريت ااجل السفر كم يوم … اول م ابقي كويس باخد اقرب طياره واجي ،،،
بعد الكل نام خطاب فتح باب غرفه رهف برااحه وكانت نايمه ،،،، قعد جنبها في طرف السرير وبقي يتأمل وجهها الملائكي وبدون م يحس مرر يده على شعرها بس هي حست بيهو،،، صحت مخلوعه وعاينت علي الباب وقالت في خوف : خطاب اطلع عليك **** اذا ميناس شافتك تبقي كارثه
خطاب : صدقيني م هاميني غيرك
ميناس كانت واقفه وسمعت الكلام كله،، ختت يدها في قلبها وجرت علي الغرفه وقفلت الباب عليها من جوه وبقت تبكي في تشنج
اكون ،،، او لا اكون ،،،،
رهف نزلت من السرير ومسكت خطاب من يده واترجته يمشي غرفته ورفض يمشي الا بعد اخد منها وعد يتلاقو بكره بره البيت ،،،
مشي خطاب الغرفه بس لقي الباب مقفول ودق دقات خفيفه وبعد لحظات جات ميناس فتحت الباب،،، خطاب اتخلع لما شاف وشها وارم من البكي،،، سأل في قلق : مالك ؟ كنتي بتبكي ولا شنو ؟
ميناس حست انها في ورطه وبسرعه اتصرفت بعد مسكت خدها وقالت : عندي الم في ضرسي شديد
خطاب : الف سلامة عليك تحبي نمشي دكتور ؟؟
ميناس ختت راسا في صدره وقالت في دلال : انت بس خليني في حضنك كدا وانا ببقي كويسه
خطاب ضماها عليه ورقد وهو بقول : لو علي كدا ساهل
ميناس رفعت راسها وهي طايره من الفرح : عليك **** حبيبي
خطاب : انتي اول فرحتي،، صاح بنختلف كتير بس البينا عامره وانا اذا عملت اي حاجه م معناه اني م عندي ليك شي……
ميناس في قلق : تقصد شنو بي كلامك دا ؟
خطاب : م بقصد شي خلاص قمتي ؟
ميناس: طيب حبيبي رايك شنو نمشي اسي شقتك نقضي فيها باقي اليوم دا اصلا بكره الجمعه
————————————–
———————
☆إمتناني
☆يتبــــــــــــــــــــــــــــــــــــــــــــع☆
الجزء الحادي عشر من رواية إمرأة بلا هوية
خطاب بانت عليه ملامح الضيق وزح منها براحه وقال : بس حمودي وناس البيت ،، يعني كدا الحركه م لذيذه،،،،،ميناس عايزه تطق من الغيظ بس كتمت غيظها وحاولت تكون هاديه وردت في رجاء : حمودي قاعد مع حبوبتو وعمتو وهيلين هي الربتو من عمره شعور،،وصدقني الكل ح يفرح لانو طولنا م قعدنا برانا قعده رومانسيه كدا ،،، ارجوك حبيبي اول مره اطلب منك طلب
خطاب في استسلام : طيب ي ستي يلا ،،،،
ميناس جهزت نفسها سريع وم خلت مجال لي خطاب يمشي يكلم رهف او حتي يتصل عليها واثناء م هو بلبس دست التلفون بعد قفلتو ومسكتو من يده وبسرعه للخارج وهو بعاين فوق جهة غرفه رهف وم صدقت لما وصلو الشقه وهناك اتذكر التلفون وفتش م لقاه وقال ليها : لحظه تلفونك ارسل مسج لي ناس البيت عشان م يقلقو
ميناس : رسلت ليهم قبل م اطلع من البيت طمن بالك انت بس وخلي قلبك معاي وانسي اي شي ،،،،
صحت رهف مبسوطه واخدت دوش ومشت المطبخ تشرب الشاي لقت هيلين تتبسم براها صبحت عليها وقعدت في الكرسي وهيلين ختت ليها الشاي وهي بتغني فرحااانه ،،،،
رهف : باين عليك مبسوطه
هيلين : جدا عشان الليله مدام ميناس ادتني اجازه
رهف : دووووم ان شاء **** ميناس طيوبه وتستاهل كل خير
هيلين : عشت كتير وشفت بس م لقيت راجل بحب مرته زي ما خطاب بحب ميناس اتخيلي نص الليل طلب منها تمشي معاه شقته ديك،،، الكنتي ساكنه فيها
رهف اتشرقت بالشاي هيلين جات جاريه وبقت تضرب فيها في ضهرها وتقول وهي فرحاانه خير خير في زول اتذكرك
رهف قامت بسرعه لافته للنظر ودخلت غرفتها وطلعت التلفون واتصلت بي خطاب والتلفون مقفول طبعا ،،،،، اتوترت جدا وبقت تدخل وتمرق وتحاول التلفون وتعاين للساعه واول م عشره جات لبست بسرعه وطلعت وهي م شايفه قداما من الغضب
نبيل عايز يطير من الفرح لما شاف رهف جايه عليه وقال : هلا هلا
رهف سلمت في يأس وقعدت وهي بتقول : مافي موضوع قلت افضل اجي اساعدك شويه
نبيل : احسن حاجه عملتيها
رهف : لا م عندي نفس لو امكن عصير برتقال
نبيل : حاااضر عن اذنك
بعد طلع رهف حاولت التلفون ولسه مقفول وجسمها ولع نار وم قدرت تمنع دموعها من النزول ،،،، كدا يا خطاب ؟؟؟
نبيل جا داخل وخت العصير جنب رهف ومعاه بسكويت وشيكولاته وقال : اتصلت الاء ولما عرفت انك جيتي حلفت المجنونه الا تجي الشغل عشان انتي جيتي
رهف سكتت مسافه وبعدها قالت : عندي فكره رايكم شنو نمشي اي منتزه نقضي وقت لحدي المساء ونقفل تلفوناتنا اصلا انتو مواعيدكم خمسه بعدها نطلع
نبيل في فرح : احلي اقتراح بس خلي الويه تصل و خطاب تلفونو مقفول كمان يعني كان مشي معانا ،،، لما جيتي خليتي خطاب في البيت ؟
رهف بان عليها الضيق وجاوبت : انا صحيت وطلعت طوالي مشيت مشوار وجيت علي هنا
نبيل فتح تلفونو وبقي يفرج رهف علي الصور لما كان في الجامعه وصور التخريج وصور مع اصحابه بس رهف لفت نظرها صوره كان معاهم خطاب ،،،، خفق قلبها بقوه لما شافت صورتو
رهف كبرت الصوره وبقت تعاين للبت كانت فاتنه فائقه الجمال وخطاب كان سعيد جدا وهو بعاين ليها في عيونها وهي بتضحك وبتعاين للكاميرا ،،،،،
رهف استجمعت قواها وسألت : دي منو ؟
نبيل ارتبك ومسح وشو بمنديل وبعدها جاوب : د دي اسمها عدن زميلتنا في الشغل او بمعني اصح كانت بتتدرب عندنا لكن اهلها بره السودان ،،،،
رهف في احباط بعد اتذكرت انها نفس البت البترسل رسايل لي خطاب : اي وحده زميلتكم خطاب بمسك يدها ويتصور معاها ؟
نبيل : انا آسف م مفروض اوريك الصور دي
رهف طبعا وصلت الذروة في الغضب وشالت شنطتها وطلعت بسرعه وهي م شايفه قداما من الغضب
رهف وهي ماشه م اتوقفت : اتصلو علي لما تجهزو ،، حاسه نفسي مخنوقه عايزه اشم هوا
خطاب صحي من النوم مخلوع عاين للساعه وبسرعه لبس هدومه وطلع من الغرفه ،،،، ميناس شافتو وهي في المطبخ جات جاريه : علي وين حبيبي ؟ جهزت ليك الشاي والكيك البتحبو
خطاب في انزعاج ماشي لي عم طه وجاي،
طلع بسرعه وقفل باب الشقه وراه ودق باب عم طه وبعد مسافه جات مرتو فتحت ليه سأل من عم طه ولقاه مافي مشي السوق بس خطاب قال في خجل : ممكن ي خاله تلفونك عايز اعمل مكالمه مهمه وتلفوني نسيتو في البيت الكبير
زوجه البواب : طيب ي ولدي لحظه اجيب ليك تلفون عمك طه
بعد دقايق جات شايله التلفون وسألتو من ميناس ورد ليها : كويسه خالص بعدين بتجي تسلم عليك
شال التلفون وطلع في الحديقه واتصل علي رهف وردت على اساس انو عمو طه بس خطاب قال في حنان : حبيبه عمري
رهف عيونا اتملت دموع وقفلت الخط وكمان التلفون وبقت تبكي في حرقه
المهم خطاب رجع اتصل لقي الرقم مقفول وطلع منزعج جدا بعد سلم التلفون ، لقي ميناس مجهزه الشاي قعد وهو مضايق وم طايق روحه وبعدها قال في اهتمام : ميناس ان شاء **** تكوني عملتي حسابك امس ؟
ميناس في حيره : كيف م فهمت عليك
خطاب : نحن متفقين م نجيب اولاد قريب صاح ؟
ميناس في ضيق : البسمع كدا يقول انا عشيقتك م مرتك
خطاب : جاوبي علي حسب السؤال لانو دي حاجه متفقين عليها من زمان يعني م مجال نقاش ،،،
ميناس في غضب : م اتذكرت و**** بعدين نحن اصلا منظمين طبيعي
خطاب : انتي قاصده تدبسيني و
قطع كلامه وحس انو غلط في حقها وقام باس راسا وهو بقول : اعذريني حقك علي انا مضايق شويه ،،،،
ميناس جات جنبو وقالت في دلال : ولا يهمك حبيبي عارفه م قصدك بس طالبه منك طلب
خطاب : أأمري
ميناس : تسلم يا روحي ،،، في اسوره جميله عجبتني عايزاك تشتريها لي
خطاب : بكره امشي اشتريها براك ،،،،
ميناس : لا هي في طريقنا لما نرجع نشتريها نفسي تشتري لي حاجه انت ،،،،موش تديني القروش واشتري براي ،،،،،
خطاب : حااضر
بعد شربو الشاي خطاب اخد دوش بسرعه واستعجل ميناس عشان يمشو الصايغ و يلحق **** الجمعه ،،،،،
رهف بقت تتجول في الطرقات لحدي م لقت نفسها قريب الشقه وبعد قربت للباب لقت عربيه خطاب مافي ،،، وقفت امجاد عايزه تمشي شارع النيل واتذكرت انها واعده نبيل والاء ،،،، فتحت التلفون واتصلت عشان تقول ليهم انها جايه عليهم وردت عليها الاء : وين انتي ي زوله منفضه لينا وقافله تلفونك ؟ انا في السوق لو قريبه تعالي لي عندي حاجه بسيطه م تخافي م بحومك كتير وبعدين نمشي المنتزه ونبيل يجينا هناك ،،،،
رهف في حزن : انا جايه عليك طيب ،،،،
بعد عشره دقايق رهف وصلت السوق ومشت لاقت الاء ،،،،
رهف : عايزه تشتري شنو ؟ بسرعه انا م رايقه خالص
الاء : هههههه ي لطيف باين باين ،،، دبلتي بقت ضيفه عايزه ابدلها بس ونمشي ،،،،
دخلو محل راقي ولقو مره وراجل بضحكو وبشترو في اساور بس الراجل اتلفت وعينو وقعت على رهف وكان
————————————–
———————
☆إمتناني
☆يتبــــــــــــــــــــــــــــــــــــــــــــع☆
الجزء الثاني عشر من رواية إمرأة بلا هوية
اتلفت وعينو وقعت علي رهف ،،،، الضحكه اتجمدت في وشو واتسمر قبلوالاء مسكت الاساور وقالت في فرح : روووعه مافي كلام تتهني بيهم ان شاء **** حبيبه
اما رهف كانت
ميناس في سعاده واضحه : رهف شكلها الاساور م عجبتها
رهف وهي بتحاول تكون عاديه : بالعكس حلوين خالص…
خطاب بدا عليه الحزن وبقي ساكت وصابه فيه مطره واتأكد انو علاقتو بي رهف بقت مهدده بالانهيار وبقي عايز يلاقي رهف بأي طريقه عشان يوضح ليها سوء الفهم دا بس هي رفضت تديهو اي فرصه عشان يبرر موقفه ،،، وبعد الاء بدلت الدبله طلعو بسرعه بدون مع تقول ليه ماشه علي وين ؟؟
ميناس طارت من الفرح وقالت في سرها : لسه م شفتي حاجه بيبي
رهف م قالت ولا كلمه لحدي م وصلو بيت اهل زوجها ،،،، لانو بت المرحوم الصغيره اتصلت عليها واعتذرت وطلبت منها تجي تشيل قسيمه الزواج وشهاده الوفاة ،،،، بعد خلصت موضوعها لقت مكالمات كتيره من خطاب بس م رجعت ليه ،،، ولما عرفت انو جا الصيدليه رفضت تمشي هناك ومشت مع الاء عشان تقابل خطيبا وقضت معاهم اليوم كلو لحدي المغرب وم عرفت تمشي وين رغم اصرار الاء الشديد انها تمشي معاها البيت ،،،،
الاء : زوله عجيبه انتي!!!! طيب ح تمشي وين قولي لي ؟
رهف عاينت لي حسام في خجل وقالت : بمشي بيت عمي ،،،
الاء : استغفر **** العظيم ،،،، تاااني ماشه ليهم ي رهف ؟؟
رهف بصوت مبحوح: م عندي حل تاني،، م طايقه اعاين لي خطاب في وشو ،،،، مضطره حتي لو ما استقبلوني كويس ح ابيت بس، ومن الصباح بطلع ،،،، وعليك **** جدي لي في موضوع الداخليه ي الويه
الاء : طيب م دام مصره يلا نمشي البقاله دي ونجي ،،،، اتلفتت علي حسام وقالت : انتظرنا اسي بنجي ،،،
رهف في ضيق : اوووف بقاله شنو ؟ اسي دا وقتو ؟
الاء : م بأخرك يلا ،،،،
كان في سوبر ماركت في اول الشارع وجنبو ملحمه ومحل خضار ،، دخلت الاء ورهف جنبها ،،،،، اشترت سكر وزيت ولحمه وخضار وعدس ومكرونه وكم غرض كدا،،، وحاسبت وختت الحاجات في كيسين كبار وطلعت،،، وفي الشارع ادت رهف الكيسين وقالت ليها : ادخلي عليهم بالحاجات دي ،،،،، بشيلوك في راسهم،،،،، وتاني لما تطولي م تجيهم بضربو ليك ويسألو منك
فتحت شنطتها وطلعت قروش وعايزه تدخلهم لي رهف في شنطتها بس رهف منعتها وحضنتها وبقت تبكي وقالت ليها : شكرا ليك و**** عندي قروش موش كفايه الحاجات الاشتريتيها؟ لولاك م عارفه كان ح اعمل شنو بس اول م اقبض مرتبي بسدد ليك ديونك
الاء : ي بت نحن ولايا زي بعض ووضعي م افضل من وضعك بكتير،،،، انا كمان يتيمه وعايشه مع عم وزوجه عم بتمنو بتين اعرس واطلع وافضي ليهم البيت ولو م كنت شغاله كان رموني في الشارع زماااان،،، اسكتي خلي الطابق مستور .
وصلت رهف بيت عمها ودقت الباب وبعد شويه جات اشجان ولما شافتا صرت وشها،،،،،، بس رهف اتلفتت عشان تشيل الاكياس واشجان طوالي ابتسمت
بسمات جات طالعه في استياء وبرضو لما شافت الاكياس فرحت وقالت وهي بتفتش فيهم : لييي تعبانه حبيبتي ؟ الحاله واحده
اشجان : م برد من قبيل بتصل عليه،،،، كنت عايزه لبن ،،،،
رهف : في كيس لبن بدره جبتو معاي ،،،،
اشجان في فرح :حلوو
خطاب يدخل ويمرق ويضرب لي نبيل يسأل عن رهف وتاني يرجع في تلفون الاء ويلقاه مقفول وبقي متوتر رفض العشاء وبعد ميناس نامت مشي رقد في غرفه رهف والدنيا مسوده في وشو،،،،،، واخر شي اتذكر كريم واتصل عليه ولقاه لسه في النادي وقال ليهو م شاف رهف من فتره وكان فعلا صادق لانو م رجع البيت لسه وم عارف حاجه ،،،،
صحت رهف بدري واخدت دوش ولبست جات قعدت في الصاله بعد شويه بسمات جابت الشاي وبقت تتونس وتضحك وتحكي ليها عن امها وابوها وكيف كانو ناس طيبين وبعدها سألتا : خطاب دا اريتو خطاب السرور يتخت في الجرح يبرأ
ليها ،،، حتي صحباتك كانو طبقه هاي ،،، بعدين راجل زي خطاب دا!!! كان رميتي شباكك عليه زماااان وفي الفتره القضيتيها معاه دي كان قعدتيهو علي الحديده،
رهف وشها اتغير واتصدمت بي كلام مره عمها ،،،، معقوله دي حقيقه رهف القديمه ،،، رهف قبل الحادث كانت بالبشاعه دي ؟؟ لا لا مستحيل المره دي عايزه تدمرني ،،، حسبي **** ونعم الوكيل
كريم جا من جوه قعد جنبهم وقال : بالمناسبه خطاب امس اتصل سأل عنك وانا طبعا م عارفك معانا
رهف : احسن انك م عارفني جيت،، عشان م توريهو محلي
بسمات :النصحيه ي بت ،،،، انتي وحيده وم عندك سند ،،، الولد دا شاريك وعايزك بالحلال ولو علي مرته الراجل محلل ليه اربعه ،،،،،
رهف في ضيق : م عندي ليهو حاجه يمشي لي مرتو وولدو
كريم اضايق من كلام امه وقال : امي خليها بي راحتا مافي زول يضغط عليها ،،،، المره الاولي جبروها تتزوج راجل قدر جدها وكانت النتيجه شنو ؟؟
بسمات : دي قسمه ،،، بعدين مافي زول جبرها انتو كذبتو الكذبه وصدقتوها ؟؟؟ كانت موافقه بكامل ارادتها و خطاب م زي ابراهيم **** يرحمه ،،،، خطاب شاب ومحترم ووجيه وغني والاهم من دا بحبها ،،،،
كريم : احسن امشي شغلي انا ،،،،
رهف : وانا كمان ح امشي لي الاء وصيتا لي شغل وكمان سكن
كريم : سكن شنو ،،، بيت عمك موجود….
بسمات وهي وبتعاين لي كريم في غضب وعتاب: احسن ليها تعرس خطاب وترتاح من بيت عمها ومن الداخلية ،،،، المره راحتها في بيت زوجها بعد شويه جات اشجان طالعه من الغرفه مغمضه عين ومفتحه عين ولابسه قلاده ذهبيه في رقبتها انيقه جدا ومميزه،،،،، رهف عينها وقعت علي القلاده حست بي دوار شديد وبعده جات في مخيلتها يوم جات من المدرسه وكانت طالعه مناسبه مع صحباتا ،،، لبست احلي م عندها وفتحت الخزانه حقتا وفتشت القلاده م لقتا ، بقت تبكي وجات حبوبتها كمان فتشت وما لقتا ورهف زعلت شديد واعتذرت وم مشت المناسبه عشان القلاده ذكري من امها ،،،،،،،،،
اشجان غطت القلاده بي يدها وقالت في ارتباك : خير ي رهف مالك بتعايني لي رقبتي كدا ؟ خوفتيني!
رهف م ردت ودعتهم وطلعت واول م فتحت الباب لقت ،،،،
————————————–
———————
☆إمتناني
☆يتبــــــــــــــــــــــــــــــــــــــــــــع☆
الجزء الثالث عشر من رواية إمرأة بلا هوية
رهف ودعتهم وطلعت واول م فتحت الباب لقت خطاب واقف جنب عربيته علي بعد كم متر منها ،،،،رهف اخدت ليها وقفه وبعدها مسكت الاتجاه المعاكس عشان توقف حافله ،،،، بس خطاب جا عليها وهو بقول : رهف ،،،، انتظري ،،، دا م حل ،،، لازم نقعد ونتفاهم ،،،
رهف وقفت وادتو ضهرها وقالت في ضيق : نعم
خطاب : يلا العربية،، نمشي نقعد في حته ونتفاهم….
رهف : آسفه م عندي زمن…. عن اذنك…
خطاب : رهف… يلا العربية عشان انا م اتهور معاك ….
رهف : سبحان **** فاتح نفسك كمان تهدد ؟؟!
خطاب مشي عليها وجراها بالقوه والناس بقت تعاين ليهم وفتح باب العربية وقعدها ومشي ركب وساق العربية ،،،،
خطاب : تحبي نمشي وين ؟
رهف في سخريه نقضي الخميس والجمعة في الشقه وبعدها تشتري لي هديه اساور
خطاب سكت وساق العربية بسرعه ومشي الشقه وبعدها فتح ليها الباب بس هي صرخت فيه : يا برود اعصابك ياخ
خطاب : رهف بطلي حركات الشفع دي وانزلي يلا جوه ،،،،
رهف نزلت في عصبيه وهو مشي بسرعه قداما وفتح الباب ودخلت وقفله من جوه ،،،،
خطاب جا وقف قصادها ومسك يدينا الاتنين وباسهم وقال : و**** وحياتك عندي،،، م حبيت زول غيرك في حياتي ،،،، انا عمري 30 سنه م حاسي اني عشتها ،،،، يوم ظهورك في حياتي هو يوم ميلادي ،،،، حياتي مع ميناس او زواجي منها عباره عن صفقه عقدوها ابوي وابوها ،،، ونحن الضحايا ،،،، انا وهي وحتي محمد ولدي ،،،،
م عرفت الحب الا معاك
الحاجات الشفتيها كلها سراب،،، انتي الواقع الوحيد في حياتي ،،،،
رهف : انا عارفه انها زوجتك وعندها حقوق عندك بس انا م بتحمل اشوفك معاها
م بنكر اني حبيتك ،،، وبتمني انك تكون لي وحدي بس ليس كل م يتمناه المرء يدركه ،،،،
ح افضل احبك بس م بقدر ارتبط بيك و
خطاب في انهيار : رهف م تقولي كدا…. مستحيل تحكمي علي بالاعدام
رهف في حزن : يعلم ربي اني بقول ليك الكلام دا وقلبي بتقطع من جوه
قطعت كلاما وبقت تبكي في تشنج
انا مستحيل اعيش بدونك
رهف : اول حاجه انا م عايزه اقعد في الفيلا ديك تاني
خطاب في ضيق : اسمعي يا رهف
وكدا تعتبري نفسك ساكنه داخليه وشيلي الايجار منهم انتي ،،،،
سكت وبعدها واصل،،،، كدا م عندك مشكله صاح ؟
رهف : بنات منو ؟ ناس عدن ولا شنو ؟
خطاب في ارتباك : حبيبي دا طالما بغير علي معناه بحبني
سكت وبعدها واصل : رايك شنو في كلامي؟
رهف في استسلام : اشوف ،،،، م عارفه اقول ليك شنو ؟ ،،،،
خطاب : م تقولي اي حاجه يلا اوديك الدكتور ؟ ومعليش م بقدر ارجعك الصيدليه ،،، صحبي مهند جايي من بره ،،، ح امشي اجيبو من المطار م عنده زول غيري ،،،،
رهف : اوك ،،، حمد لله على السلامة….
وصلت رهف العياده وبعد جا دورها بدا معاها الدكتور جلسات التنويم المغناطيسي لانها فعاله في علاج فقدان الذاكره ،،،، وحكت ليه عن قلاده الذهب وقال ليها دا تقدم ملحوظ وطمنها واداها علاجات ومشت الصيدليه ،،،،،
الاء استقبلتها في لهفه وقالت بعد سلمت : اها يومك كان كيف في بيت عمك ؟
رهف حكت ليها اي حاجه….
نبيل : قابلتي خطاب ؟ كان مقلق عليك شديد
الاء : هو في شنو ؟ الشمار حارقني
رهف في حزن : مافي حاجه…. فجأه اتذكرت عدن م سألت خطاب منها وعلاقته بيها شنو بالضبط ؟؟ المواضيع كتيره زحمت راسا بس قالت في نفسها موش قررت تنسحب من المعركه ؟ يبقي الاسئله م ليها لزوم اذا عدن او غيرها م بتفرق كتير !!!!!
الاء : انتي شكلك اتكسسرتي في خطاب
نبيل وشو اتغير وقال بدون م يشعر : تكون مجنونه لو عملت كدا!!
الاء ورهف عاينو ليه وبعدها صلح كلامو : بقصد عشان ميناس زوله م ساهله وبتحب خطاب شديد ،،،،
رهف : تآخدو ساي انا خلاص بقي همي كلو اتعالج واقرأ وبس
نبيل فرح شديييبد وقال : كدا احسن ،،، بالمناسبه عازمكم يوم الجمعه قهوه في البيت مع الحجه ،،،
الاء : طوالي
رهف : تمام ،،، فرصه نتعرف علي ست الكل،،
نبيل مشي مصنع الادويه ورهف بسرعه جات قعدت جنب الاء
وقالت في قلق : معقوله انا اكون زي م قالت مره عمي بسمات ماديه وصائده ثروات ؟؟؟؟
الاء في حيره : و**** يا هوفا هي طبعا حضرت ماضيك ،،، يعني نحن نخت كلامها في عين الاعتبار ،،،، لكن ي روحي م تزعلي ما مهم انك كنت شنو ؟ المهم اسي انتي شنو….. انت اطيب وارقي بت قابلتني وسعيده اننا بقينا اصحاب ،،،، اتخيلي حسام قال عليك طيوبه وحلوه
رهف : تسلمي حبيبتي و**** انتي الاروع والاحلي وهو محظوظ وامو داعيه ليه لانك ح تبقي مرتو
خطاب جا داخل ومعاه مهند صحبه وحجه روضه وخوله وميناس جو سلمو عليه في حراره ،،،، مهند صديق خطاب قرو سوا من الاساس لحدي الجامعه وبعدها هاجر هو اخوانه مشو كندا بس ارتباط مهند بالسودان كان كبير،،، بقي يجي كل سنه الا الجيه الاخيره دي قرر يعيش هنا علي طول وخطاب ح يظبط ليه الامور من سكن وغيره وجهز ليه دراسه جدوي ل كم مشروع بالاضافه لاختياره في لجنه تحكيم برنامج عربي،،،،،
روضه : طولت شديد المره دي ي ولدي
مهند : خلاص ي حجه تاني لمن تزهجي مني
روضه : نحن لاقنك وين ي ولدي ؟ احسن جيت من بلد الكفار دي بعد ترتب امورك تشوف ليك بت حلال وتستقر ،،،،
خوله بقت تتبسم براها لكن مهند احبطها بعد رد : عرس ؟ انا بتين بقيت للعرس ؟ خليني اشوف نفسي شويه بعدين العرس ملحوق
كلهم بقو يضحكو الا خوله دخلت غرفتها وهي صاره وشها ،،،،
بعد الكل مشي،،، مهند سأل خطاب : مالك ي صحبي شكلك م رايق وامورك جايطه ؟
خطاب : ب**** باين علي ؟
مهند : م شديد بس نحن عشره عمر وانا بحس بيك يا اخوي ؟
سكت مسافه وواصل كلامه : شكلك بتحب
خطاب اخد نفس عميق وبعدها قال : اخوك وقع وم سمي ،،، حبيت زي المجنون وطفله م كملت 17 سنه
————————————–
———————
☆إمتناني
☆يتبــــــــــــــــــــــــــــــــــــــــــــع☆
الجزء الرابع عشر من رواية إمرأة بلا هوية
رهف رجعت الشقه ودخلت الغرفه حقتا ولقت حالتها صعبه كأنو ميناس اتعمدت تنوم فيها وتخلي الحاجات زي م هي ،، عشان تجي رهف تشوف ويتحرق قلبها وفعلا طلعت منها و قفلت الباب بسرعه وقعدت في الهول تبكي وحتي عطرها فايح في الشقه كلها ،،،رن جرس الباب مشت فتحت وكان خطاب ،،، سلم وقعد قريب منها وقال وهو بزح يدها عشان يشوف ليه مغطيه منو عيونها : حبيبي في شنو ؟ العيون الحلوه دي ليي مخبنها مني ؟
بعد زح يدها قال في خلعه : رهف مالك ؟ في شنو ي روحي ؟ حاسه بي حاجه ؟
رهف في هروب : لا مافي حاجه.. انت كيف عامل ؟ صحبك جا من السفر ؟
خطاب : ايوه جا ،،، ح اعرفك عليهو يوم الحفله…. بالمناسبه بعد بكره عيد ميلاد ولدي ،
رهف : و**** ؟ العمر كله ان شاء ****
خطاب باس يدها : انتي اول المدعوين طبعا
رهف : م بقدر اجي آسفه
خطاب في اصرار وهو مبتسم : م علي كيفك
رهف : خطاب انا م عندي نفس احضر حفله و
قطعت كلامها بعد سمعت صوت تلفونها ،،، رفعته وعاينت للرقم وعاينت لي خطاب ،،،
خطاب في حيره مسك التلفون وقال : ردي دي ميناس….
رهف اتوترت واشرت لي خطاب يسكت وفتحت الخط…. اهلين ميناس…
ميناس بعد سلمت عزمتها عيد ميلاد محمد وحرصت شديد انها لازم تجي…..
قفلت رهف وهي في حيره
خطاب : كدا ي رهف؟!!! احنس فيك من قبيل رفضتي وبعد كلام ميناس اقتنعتي
قبل م رهف ترد الباب خبط ،،، مشي خطاب وهو بقول : الجرس دا عملو لشنو ؟
جات الاء وسلمت وقعدت وعاينت لي رهف وقالت : جيت في وقت م مناسب ولا حاجه ؟
خطاب : جيتي في وقتك…
رهف : نورتي حبيبه
الاء : مفآجأة
رهف في فرح : واااو دا احلي خبر و****
خطاب : لييي انا بغير ،، اشمعني فرحتي كدا بعد شفتي صحبتك ؟
رهف ابتسمت : انت كمان غالي علي
خطاب قام ومسك رهف من يدها وقال : عيدي عبارتك دي تاني
رهف سكتت وحنت راسا في خجل وقالت : غيرت رايك من مشي السوق ولا شنو
خطاب : عنيده ومكابره بس حبيبه روحي و****
رهف : اسي انت م بتخجل من الاء دي ؟
خطاب : الويه دي اختي الصغيره ياخ
الاء قالت في استدراك : بالمناسبه نسيت اقول ليك ،،، بت عمك اشجان جاتك في الصيدليه بعد طلعتي وصادفت ميناس برضو جات تسأل منك وطلعو سوا ميناس واشجان ويظهر انها ح توصلها بالعربيه ،،،،
خطاب سكت ورهف قالت : اللما الشامي علي المغربي شنو ؟
الاء : الصدفه علي م اظن!!!!
خطاب انزعج جدا واستغل فرصه الاء بتتكلم مع خطيبها وقال بصوت منخفض : اشجان دي..
وسكت خطاب وبعدها كمل في تردد : م عارف اوصل ليك الفهم كيف ،،، بس كوني حذره منها…
رهف : عندي احساس انك بتعرفها ومن زمان كمان ،،،
خطاب في هروب : دي قصه طويله ودا م وقتها بس اعملي بي كلامي م حتندمي…
ميناس اتصلت على تسنيم صحبتا وطلبت منها تجيها البيت بسرعه واول م وصلت قالت ليها : عزمت غريمتي عيد الميلاد واتخيلي الظروف والصدفه خدمتني ولاقيت بت عمها وطلعت زوله ي لطيف منها تبيع بلد كامله ب ميه جنيه ،،،، لكن لازم تكون دي اخلاق البيئه الطالعه منها واحده زي رهف ،،،، بس قصاد المعلومات الادتني ليها، الالف جنيه م خساره فيها…..
تسنيم في خبث : انتي يختي بقيتي اخطر مني ،،، الشيطان يقول ليك ي معلمه
ميناس : اطلعها من البيت م كفايه
تسنيم : لكن م كان تعزميها ،،، دايره بي وجع الراس شنو ؟ بعد الحفله قبلي عليها تاني،،،،،
ميناس : لا ي ماما ح تشوفي لما تجي بحصل شنوو م عايزه افشل ليك المفآجأة
تسنيم : هههههه ي لطيف منك….
خطاب مشي البيت وتاني رجع عشان يجيب رهف والاء من السوق وقبلها وصل الصايغ واشتري دبله جميله ومحبس وخباهم في العربيه و اصر يعزمهم عشاء في مطعم فخم في فندق ال…… وهناك مسك الكيس عايز يشوف رهف اختارت شنو ،،، بس الاء مسكتو منو وقالت وهي مبتسمه : ممنوع
خطاب : حرااام عليك انا ناقص
و**** ي الويه لو قعدت احكي ليك عن حبي للبنوته دي عمري كلو م بقدر اخلص وصف
مافي بت قدرت تملكني وتسكن جوه خلايا الدم زي البت دي
الاء : احيييييي
رهف : خلاص اتلميتو الاتنين ؟
خطاب : و**** انا لو حصل لي شي تأكدي انو انتي السبب ،،،،
رهف في خلعه : بعد الشر
خلصو عشا ووصلهم الشقه وكالعاده وصي عم طه البواب ومشي
رهف اتصلت علي اشجان لانها جات وم لقتا في الصيدليه ،،،،،
اشجان : هوفا… اخبارك وصحتك ،،،،
رهف : اهلين كيفيك
اشجان : ح تمشي عيد ميلاد محمد بتين ؟
رهف : عيد ميلاد محمد؟
اشجان : صاحبه الشأن عزمتني ،،،، الموضوع مضايقك ولا حاجه ؟
رهف : اطلاقا،،،، واضايق لشنو ؟ ميناس حره تعزم اي زول عايزه تعزمو ،،،،
اشجان : مشيت اشتريت لي فستان راقي في ناس مهمه جايه الحفله دي ،،،،
رهف : تمام ،،،، يبقي نتلاقي في الحفله ،،،،،
قفلت وراسا بقي يودي ويجيب ،،، اشجان لقت قروش وين عشان تقدر تشتري فستان ؟
قطع عليها حبل تفكيرها اتصال الاء : وين انتي ي زوله تلفونك مشغول ساعتين ؟
رهف : اوووف يعني كمان كوافير ومكياج وغيره ؟ طلعيني عليك **** من البرامج دي
الاء : ب**** عليك ؟ اسمعي انا م دايره معاك اي حركات و**** تعملي اي شي وتجهزي انتي قدامي بعدين انا
رهف : ورطه شنو دي ياربي ؟؟
حسام وقف السياره قدام رهف وركبت ورا وبعدها سلمت عليه بالمرايه ،،،،،،
لبست فستان اوف وايت طويل مفصل علي جسدها وشبط شفاف اغمض درجه من لون الفستان اما تسريحه شعرها كانت بسيطه وملائمه لملامحها الملائكيه واكسسوار زهري رائع منسجم مع الميك اب،، ركبو عربيه حسام ،،،،،، الاء طول الطريق : حسام شايف الملاك دا
حسام م شال عينو منها وساكت طول الطريق مكتفي فقط بالنظرات ،،،،
وصلو بيت خطاب والحفله معموله في حديقه الڤيلا وكانت تحفففه
————————————–
———————
☆إمتناني
☆يتبــــــــــــــــــــــــــــــــــــــــــــع☆
الجزء الخامس عشر من رواية إمرأة بلا هوية
ميناس نططت عيونا واتخلعت لما شافت رهفالاء جرت رهف ومشو سلمو عليها وقدمو ليها الهدايا وطلبت منهم يتفضلو علي التربيزه ،
رهف بقت تفتش بي عيونها لي خطاب بس كانت كل مره بتلقي نفسها بتعاين جهة شاب وجيه شديد،،،،، اسمراني….
ميناس قربت من مهند ولقتو شارد بعيد سألتو وهي بتعاين في الجهة المتنح فيها وقالت : عجبتك ؟
مهند رد وهو م شال عيونو من رهف: في زول يقدر م يعجب بيها ؟
ميناس في غيظ : م عارفه العاجب الرجال فيها شنو ؟
مهند : حرااام عليك و**** عسل عديل
ميناس : كان عاجباك تقل جيبك وامشي ليها
مهند اتلفت وعاين لي ميناس في حزن وقال : عليك **** ؟ خساره و****
ميناس في مغيره الموضوع : وين صحبك ؟
مهند :جاي في الطريق
سكت حبه وواصل وهو بعاين : ممكن تعرفيني عليها ؟؟ ولا اقول ليك انسي ،،،، خليها في وقتها ،،،،
الاء بقت مبحلقه في مهند وبتقول : وووب دا انس ولا ملك ؟ فظيييع ،،،، نضيف وعسل ،،،،، لكن شكلك عجبتيهو
رهف في غيظ : شخص غريب
الاء : ههههه و**** زول زي دا كان بعاين لي انا كان طوااالي مسكتو ومشيت على المأذون
رهف : هههههه مجنونه بس
الاء عاينت علي المدخل وقالت في حيره : جبنا سيره القط ،،، الراجل دا الجابو شنو ؟ من قبيل احنس فيه ابي يقعد اسي براااه جا
رهف : ههههه ارتاح منك شويه يلا امشي لي خطيبك ،،،،
حسام جا عليهم والاء طارت فيه طوالي : شايفه غيرت رايك يعني
حسام : خطاب اصر علي ،،، لكن لو جيتي ضايقتك ممكن امشي عادي يعني!!!
رهف مشت وخلتهم بتناقشو وعيونها بتفتش لي خطاب لسه وبقت مقلقه عليه ،،،
طلعت التلفون واتصلت بس م رد وذاد توترها ،،،فجأة لقت زول من خلفها مادي ليها كاسه عصير
رهف في ارتباك : لا شكرا م عايزه
مهند عايز ينزل الكاس اتكب في فستان رهف
رهف بقت تفتش عن الاء م لقتا يظهر طلعت بره مع حسام ،،،،
طلعت السلم بسرعه وهي ماسكه الفستان ودخلت الحمام غسلت الجزو الفيهو العصير ومشت عشان تعرضه للهوا بس لقت مهند في الهول واضايقت جدا لما شافتو تاني وعايزه تنزل وقف في طريقها وقال : لييي البت الجميله دائما شرسه ؟
رهف : عفوا
مهند : بقصد قربي من الهوا عشان فستانك الحلو يجف ،،،
رهف : لو سمحت ممكن تسيبني لوحدي
مهند قرب منها شديد لحدي م حست بحراره انفاسه بس رهف زحت وضربتو كف ونزلت تحت وهي متوتره وقلبها بخفق بقوه بس بعد نزلت اول سلمه شافت رجلين زول قداما،،، رفعت راسها لقت خطاب واقف وقال ليها في فرح : ملاكي
قبل م ترد رهف،،، مهند جا نازل السلم وهو كمان متوتر ،،،،
خطاب قال في دهشه : مهند ؟
رهف عاينت لي مهند في خوف وردت : ااانا
بترت كلاما ونزلت تجري في السلم بس خطاب سأل مهند في حيره : الحاصل شنو ؟
مهند : ولا شي ،،، انت اتأخرت مالك ؟
خطاب : كنت موصي لي هديه حمودي من بدري واتأخرت في المحل لانها وصلت متأخره ،،،
سكت خطاب مسافه وبعدها قال : وجودك هنا مع رهف صدفه ؟
مهند في عدم اكتراث : البنوته عجبتني وقلت اتعرف عليها عملت لي فيها بنت بنوت بس عرفت فهمها شنو
خطاب في غضب : انت بتقول في شنو ؟ رهف دي اشرف بت عرفتها
بتر كلامه بعد سمع اصوات عاليه تحت ونزل بسرعه لقي واحد ماسك رهف من يدها وبقول : رهف عماد ؟ مصيرو الحي يلاقي ،،،، فاكره يعني اذا خليتي بورتسودان م بقدر القاك ؟ بتحلمي صاحيه يظهر
خطاب قرب منو في غضب وقال : في شنو ي بشير الجاك ؟ التصرف دا م بليق بي واحد زيك
بشير بعد فك يد رهف : معليش ي خطاب بس انت م عارف البت دي عملت فيني شنو ؟ ياخ دي ا
خطاب : طيب اذا في اشكال م بتحلي بالطريقه البشعه دي انت زول محترم ياخ ،،
رهف بقت تبكي في تشنج وهي بتعاين للناس بتتغامز وتأشر عليها وشافت نظرات الشماته في وش روضه وميناس وحتي خوله ،، حنت راسا وبقت م فاهمه حاجه ولا سامعه شي وخطاب بتكلم براحه مع بشير والمعازيم بدت تتسحب حبه حبه لحدي م فضل ناس البيت بس بالاضافه لي مهند وبشير ،،،،
مهند قرب منها ومد ليها كاسه مويه وهو بقول : اهدأي كل حاجه بتتحلي!!
رهف شربت حبه مويه ومدت ليه الكاسه وقالت بصوت خافت : سيبني في حالي لو سمحت
مهند : دا جزاي عشان قلت اخفف عنك لما مشكلتك تتحلي ؟
رهف شالت الشنطه وعايزه تطلع وقفتها روضه وقالت : هاربه وين ؟ الحمد لله ولدي عرفك علي حقيقتك ومن حسن حظنا بشير جا امس من السفر وجا سلم علينا وعزمناه عيد ميلاد محمد عشان **** يكشفك وانا لو في محلك اطلع من هنا وتاني م اظهر ل اي زول
ميناس بقت تعاين لي رهف وبعد شويه جا خطاب ووشو متغير شديد وحاول يكون عادي بس فشل لانو الضيق واضح عليه شديد وم قادر يعاين لي رهف في وشها ودا خلي رهف تطلع وبشير يطلع معاها بس خطاب وقفو وهو بقول : موش خلاص الموضوع دا انتهي ؟
بشير : ايوه ،،،، كنت عايز اسأل رهف لييي عملت فيني كدا و
خطاب قاطعه وهو بقول : امي انتي وميناس لو سمحتو اطلعو فوق عندنا موضوع م خلصنا
روضه وهي طالعه مع ميناس : كان تتكلم ساي قدامنا ،،،، هو في شي نحن لسه م عرفناه ؟
ميناس بعد طلعت غرفتها اتصلت على تسنيم وقالت ليها : الغبيه الاسمها اشجان م جات وكمان قافله تلفونها وفشلت لي خطتي كلها،،،، بس ربك جاب بشير الجاك صاحب مهند داك واتاري بعرف رهف من بورتسودان واسكتي ساي من الحصل
خطاب اخد نفس عميق بعد طلعو وقال : ياريت لو اخدت رايي قبل م تعمل الدراما دي اسي خربت سمعه البت ،،، بعدين هي مريضه وبتتعالج وفاقده الذاكره…
بشير : معذور اصلك م شفت البت دي وحبوبتا استنزفوني كيف ياخ ديل قعدوني علي الحديده خلوني ابيع الوراي والقدامي وخسرت اهلي ،،، انا وزوجها المرحوم ابراهيم كنا اكتر ضحايا اضررنا منها
سكت مسافه وبعدها واصل : قلت لي فاقده الذاكره ؟ ههههههه رهف عماد تفقد بلد بحالها الذاكره و**** م اصدق الكلام دا لو كنت انا نفسي الدكتور المسئول من حالتها
خطاب اصيب بنوبه احباط مدمره وبقي في حاله انعدام وزن ورهف واقفه بره مع مهند ،،،،،
خطاب م قدر يمشي نادي مهند وطلب منو يوصل رهف البيت وهي في حاله لا تحسد عليها ،،،،،،
————————————–
———————
☆إمتناني
☆يتبــــــــــــــــــــــــــــــــــــــــــــع☆