نبدأ بسؤال 😊
هل تتوقعوا داني ممكن يكون قليل الادب مع المدرسين ؟ او يكون عنده سلوك مش كويس؟
جاوبو
اتهمت في تالته اعدادي اني بغش 🙂
الموضوع في اللجنه وانا بمتحن🏃♀️
المدرس :البنت اللي في التسك التالت 😑
انا :نعم يا مستر
المدرس :انتي بتغشي و معاكي سماعه 😑
انا: تقصدني انا .. لا مش معايا سماعه 😳
الفصل كله : داني مستحيل تغش .. لا مبتغشش .. مبتعرفش تغش صوت هيكون معاها سماعه🙂↔️
المدرس : طيب نستنا مدرسه تيجي تفتش عشان نتاكد 😏
انا : ماشي وانا مستنيه و سبت الروقه و استنيت و كنت مضايقه جدا جدا انه قال كدا و بعديها بشويه رجعت احل و هو مجبش حد معرفش ليه 🚶♀️
فضلت مضايقه منه جدا .. مع اني ف اول الامتحانات حبيته جدا و اسلوبه كان حلو و هزار كتير و شخصيه لذيذه بس شلت من الموقف اوي و حسيت انه ظلمني واني ماخدتش حقي😂😂😂
🌺🌺🌺🌺🌺🌺
طول ٣ سنين ثانوي وانا منستش الموقف خالص
يشاء **** و يراقب عليا في تالته ثانوي و اول ما شوفته
اتعرفت بقي و طول اللجنه مش هاديه وغير انه كان في تفتيش بأسلوب مش كويس اليوم دا و كمية توتر غير طبيعيه .. و كنت عايزة اروح الحمام
انا : لو سمحت يا مستر ممكن اروح الحمام
نفس المدرس: لو روحتي هتتفتشي قبل و بعد 😒
انا : ماشي بس انا عايزه اروح 😒
المدرس :استني المدرسه طيب😒
مش متذكره اي حصل منه يمكن قال اوعي يكون معاكي سماعه او حاجه تحت .. ف انا جبت اخري و اتعصبت😳
انا: هو حضرتك يا مستر كل مره تعمل كدا و تتهمني اني بغش 😡وانا مبغشش
المدرس: انا اول مره ادخل اللجنه دي اصلا .. انتي بتقولي اي
اللجنه برضو كان فيها بنات قديمه من اعدادي: ايو يا مستر انت عملت معاها كدا في تالته اعدادي
الفكره اني رديت بأسلوب مش كويس عليه و وقفتي برضو مكنتش كويسه بس انا منستش بجد الموقف خالص عشان كدا كان دا رد فعلي
و عشان ليا اصدقاء سكر
انا : كلمت واحده صاحبتي بعد اللجنه هو انا اسلوبي كان وحش
اعز صديقه😊: ايو اسلوبك كان وحش حتي وقفتك
انا : انا عايزه اعتذر
اعز صديقه : ايو شاطر لازم تعتذري فعلا
و بالفعل روحت و اعتذرت و هو قال عادي محصلش حاجه 🙂🚶♀
