لو اتجوزت واحدة فيها ستة مواصفات من المواصفات دي يبقي انتي مش في جواز انت في حرب نفسية شديدة الضراوة .
.....
١- كل حاجة عندها دراما أو أزمة، والنكد أسهل حاجة.
٢- لسانها طويل، بتغلط في الكلام وقت الخناق، عصبية وصوتها عالي.
٣- مفيش عندها أي نوع من الحنية أو الاحتواء، قاسية في ردود أفعالها.
٤- بتحب السيطرة على كل حاجة في العلاقة: من اختياراتك، لوقتك، لفلوسك… لحد مين تكلم ومين تبعد عنه. تبعدك عن أهلك وأصحابك، وتعتبرك ملكية خاصة. ولو مشيت بعكس اللي هي عايزاه؟ تبدأ تقلب وشها عليك.
٥- غيورة بشكل مرضي، ومقارنة مستمرة مع أي بنت تعدي في حياتك.
٦- بتاخد قرارات مصيرية في لحظة غضب.
٧- الحب عندها = هدايا وسفريات ومفاجآت، ومفيش حاجة اسمها ظروف… لازم اللي هي عايزاه يحصل دلوقتي.
٨- مش بتقولك كلام حلو، ولا في دعم أو تشجيع… شايفة إن دا دورك انت بس.
٩- بتستخدم المشاعر كأداة ضغط، وعياطها دايمًا مربوط بطلب.. تبقى لطيفة جدًا لما تكون عايزة حاجة، وبعدها تتبدّل 180 درجة.
١٠- تفكيرها في شكل العلاقة قدام الناس أهم من علاقتها الحقيقية بيك.
١١- بتحب تخلق غيرة وخوف عندك عشان تحس إنها مرغوبة، وكل الرجالة عايزة تتجوزها.
١٢- أنانية جدًا، والأولوية دايمًا لنفسها ومزاجها ورغباتها.
١٣- الأمومة بالنسبة لها عقاب، والأطفال عبء مش نعمة.
١٤- بتحكي تفاصيل حياتكم لأي حد… خصوصًا أهلها، وبتدخلهم في كل حاجة علشان تضغط عليك وتخوفك.
١٥- كل اللي يهمها تستفيد منك… لكن ما عندهاش استعداد تدي حاجة حقيقية من نفسها.
١٦- لو قلت لها “أنا تعبان / مش مرتاح” تتعامل كأنك بتبالغ… “ما انت راجل، اتصرف” أو لو شافتك زعلان أو مضغوط… ممكن ولا تأخد بالها أصلا وترغي وتقولك: “خرجني يلا”.
١٧- ماعندهاش استعداد تغيّر أي حاجة في نفسها عشان العلاقة… “أنا كده ومش هتغير”.
١٨- تخليك تحس إنك مش كفاية، مهما عملت عشانها.. عشان تعمل أكتر.
١٩- مش بتعرف تتكلم معاها في شغلك أو مشاكلك… مش بتحس إنها بتفهمك.
٢٠- مش بتسامح بسهولة… أي غلطة منك بتتحول لـ “فايل” مفتوح، وتترمي في وشك وقت أي خلاف.
٢١- بتخلي العلاقة كلها بتدور حواليها… انت موجود عشانها، بس هي؟و مش مطلوب منها غير إنها “تبقى موجودة”بس.
٢٢- بتعيش في دور الطفلة علشان تتهرب من أي مسؤولية وتسيبك تتحمل كل حاجة لوحدك.
٢٣- بتطلب منك تكون متاح ٢٤/٧… لو مردتش على رسالتها في ١٠ دقايق، تشك فيك .
..........
مش لازم كل نقطة من دول تعني خطر، لو بتحصل أحيانًا ويتبعها نقاش ووعي فده طبيعي.
لكن لما ٦ علامات أو أكتر تبقى نمط ثابت،
فدي مش علاقة… دي حرب نفسية.
ولو عايز تفهم ليه بتختار نفس النوع ده من العلاقات
وتقع في فخ الأنوثة المزيّفة اللي بتستنزفك طاقيًا ونفسيًا
تقدر تحجز جلسة 1:1
