القصة حصلت بجد اتمنى انكو تستوعبو اللى حصل
يوم فرحى الصبح قايم والعروسة فى بيت اهلى كنت كتبت الكتاب قبل الفرح ب اسبوع
المهم انا صاحى على تليفون من حمايا كان هو اللى بيوضب الشقة بعد ما اتفرشت وخلاص بيقولى ماسورة الحمام ضربت والشقة شبه غرقت بس متقلقش انا اتصرفت وعملنا الماسورة دى بس الصالة والغرف غرقو قولتله طيب قول صباح الخير الاول وقومت لقيت مراتى فى وشى بتقولى فيه ايه قولتلها متشغليش بالك انتى ايه اللى جابك قالتلى عشان تودينى الكوافير صاحبى طارق **** يرحمه كان لسه جايب عربية جديدة كيا كارينز وكان متفق معايا أنه هيزفنى بيها لبست واتصلت بيه جه ونزلنا من البيت انا ركبت العربية وهو طبعا فرحان أن ده اليوم المنتظر العروسة اول ما ركبت العربية توكتوك ابن حلال حك فى الناحية الشمال جاب العربية من اول الرفرف لحد الشنطة طارق بصلى قالى ايه قولتله ايه قالى لا متشغلش بالك واتحركنا مكملناش 400 متر توكتوك ابن حلال تانى جه من الجنب اليمين حك فى الناحية اليمين من اول الرفرف لحد الشنطة العربية بقت بخطين 🤦🤦🤦
لقيت طارق وطى على ودنى وقال انت كتبت الكتاب صح قولتله اه قالى طلقها يا معلم قدامها ناشف اوى قولتله وضحكنا ماشين فى جسر السويس وبدون اى مقدمات الكاوتش بتاع العربية ضرب انا هنا استغربت هو فيه ايه طارق بص ليا ومات ضحك نزلنا غيرنا الكاوتش بتاع العربية وكملنا طريقنا وصلنا روكسى عند الكوافير وهى نزلت خارجين من. روكسي وطالعين على جسر السويس اخت فاضلة جاية من أقصى اليمين الى الشمال بدون اى إشارة عشان الأستاذة كانت تقريبا بتتخانق ف التليفون كسرت علينا مسك فرامل بس كان متأخر وعملنا حادثه بس مكنتش جامدة لقيت طارق بيسب الدين ليا ولليوم اللى شافنى فيه وانا لحد اللحظة مش مجمع ولا فاهم غير حاجة واحدة انهارده فرحى يا جدعان عايز كله يبقى تمام 😂😂
وصلت انا البيت وهو قالى أنه هيروح يركن العربية تحت ويجيب عربية ابوه عشان الزفة الحلاق اللى كنت متفق معاه أبوه مات فى اليوم ده بس كان ساب حد فى المحل عشان يحلق ليا وكده وانا برده ولا فى دماغه انا التارجت بتاعى أن انهارده ليلة العمر ومش لازم اكون متشائم
خلصت حلاقة وليست البدلة وطارق جه بعربية باباه ومشينا واحنا فى الطريق فى حتة انا اول مرة فى حياتى اشوف فيها لجنة واقفة الظابط كتر الف خيره ساب الدنيا وجه على العربية شاف الرخص والبطايق وانا بكل نية صافية بقوله حضرتك انا فرحة انهارده ورايح اجيب العروسة من الكوافير ف احنا الرخص والبطايق بتاعتنا سليمة ف ياريت لو نمشى
بصلى الظابط وقالى هأااو هاو فرحك لا يا معلم مافيش جواز انهارده طالما فرحك يبقى اكيد معاكم مخدرات انزلو أنفاسنا تفتيش فوق الذاتى بشوية والعربية اتخربقت تفتفيش بس مكنش فيه حاجة المشكلة ان مكنش فيه طفاية حريق فى العربية الظابط قالى انسي بقى الفرح وانسى الكلام ده كله انت بتاعى انهارده مش هسيبك الا لو عربية عدت من غير طفاية حريق ويالا سخرية القدر مصر كلها حاجة طفايات حريق فى العربيات بتاعتهم فى اليوم ده
فين وفيييييييييييين لما لقينا واحد ابن حلال مش معاه طفاية حريق الراجل وقف اتفتش وسأله على كفاية الحريق قاله أنه مش معاه نده عليا وقال الراجل شايف العريس ده الراجل قاله اه قاله خده وامشى يلا مبروك يا عريس
واحنا ماشيين وعند دخلة روكسي عملنا حادثة طارق يبصلى ويقولىيابنى افهم دى كلها علامات بتقول ان الجوازة دى الكون مش راضى عنها 😂😂😂
روحنا عشان اجيب العروسة انا رايح متأخر اه نسيت اقولكم الموبيل بتاعى ضاع فى اليوم ده 🙂🙂 روحت متأخر طبعا بعد التكديرة الجميلة فى الكمين طلعت لقيت العروسة طالعة شبه الباندا لما اتاخرت واتصلت بيا وانا مردتش افتكرت انى جرالى حاجة وفتحت فى العياط لحد ما الميك اب بتاعها باظ ف قعدنا شوية عشان يرجع ويظبطو الميك اب بتاعها تانى روحنا الاستوديو واتصورنا وتقريبا دى الحاجة اللى مشيت بسهولة ومرونة وطلعنا على القاعة دخلنا القاعة وأغنية هشام عباس الشهيرة اللى بتشتغل فى أول الافراح لتبدأ النور قطع قعدنا بتاع حوالى عشر دقائق على ما المولدات اشتغلت انا فى الكلمة والعامة دى بدات اقلق واخاف 😂😂😂😂😂 وجت كلمة طارق فى ودانى أن الكون غير راضى عن الجوازة دى اشتغلت المولدات والفرح اشتغل والرقص والهيل ده ابتدأ وانا فى عز فرحتى وبرقص خالى العزيز بيشدنى عشان ارقص معاه جاكيت البدلة اتقطع والفرح حصلت خناقة فيه بسبب ******* الصغيرة عيل من قرايبنا ضرب عيل من قرايبهم والخناقة قامت بس اتكلمت قوام قوام هنا انا قولت لازم اخد موقف وقررت أن اخلى الدى جى يخلص الفرح عشان امشى ركبنا العربية المتخرشمة وطلعنا وفى وسط الزفة العربية إللى قدامنا الكاوتش بتاعها فرقع وضرب وكنا هنلبس فيها لولا ستر ****
ده كان يوم فرحى يا جماعة 😂😂😂😂
فضفضه ثقافة المختصر المفيد لكل عطاط جديد (للرجال فقط)