- إنضم
- 31 مايو 2022
- المشاركات
- 1,728
- مستوى التفاعل
- 1,912
- الإقامة
- اعيش وسط بالحمقى
- نقاط
- 51
- الجنس
- ذكر
- الدولة
- Egypt
- توجه جنسي
- ثنائي الميل
يرجى دمج الفصل الثاني مع قصة المتشردقبل ما ابدأ الفصل عايز اشكر كل الناس اللى شجعتنى ودعمتنى في الكومنتات انا مكنتش متخيل الدعم دا كله حقيقة وبجد انا فرجان اووى اني قدرت اقدم حاجة تبسطكم وهحاول على قد ما اقدر اقدم حاجة تليق بيكم يلا اسيبكم مع الفصل
الفصل الثاني
عطية جرني على الاوضة وربطني بسلاسل في حلقات في السقف وبقيت متشعلق من ايديا ورجليا متربطة في بعض وقلعني القميص اللى كنت لابسه وبقيت نص عريان والمدير كان جاي وفي ايده كرباج واداه لعطية وراح قاعد في وشي وهو حاطط رجل على رجل وبيبصلي وبيضحك وقال لعطية ابدأ
وعطية مكدبش خبر وبدأ ضرب في بالكرباج على ضهري وكان بيضرب بإفترى وانا بحاول اكتم صوتى ومصرخش عشان منولش لشكرى اللى عايزة وانه يشوفنى مكسور وبتألم الضرب متعبنيش قد ما محاولة كتم الوجع جوايا تعبتني ،،، تعزييب قعد ساعة ونص اغمى عليا فيهم اربع مرات وضهري كله بقا ددمم مكان الضرب وخلاص مبقتش قادر اخد نفسي ومش داري بجسمي والرؤية كانت مشوشة وكنت بتعرف على الملامح بالعافية شوية ولقيت سنية داخلة وفي ايديها حاجة راسها حمرا ولما ركزت شوية لقيته سيخ حديد كان متسخن لحد ما احمر ولقيت المدير بيقوم وبياخده من ايدها وبيقرب عليا ومسكني من شعرى وقالي: قسماً بربي يا بلال لهخليك تمشي على العجين متلغبطوش وحط السيخ على صدري وانا مستحملتش وبقيت اصرخ من الوجع وانا شامم ريحة جلدي وهو بيتكوي وفضلت اصرخ كدا لحد ما نفسي اتقطع واغمى عليا . صحيت ولقيت نفسي في الاوضة اللى بننام فيها لقيت كل اللى حواليا نايمين فعرفت انه لسه بدري قومت من مكاني بالعافية لقيت نفسي عريان وقولت : يار* يكون كل دا كان كابوس ، بس للأسف طلع حقيقة لما بصيت على صدرى ولقيت علامة X جوا دائرة وكانت وجعاني قومت من مكانى وخدت التيشيرت بتاعى وحته قماشة من المفرش اللى بنام عليه وطلعت برا في جنينة صغيرة كدا قدام الملجأ ، بصيت على السما لقيت النهار لسة بيشقشق قولت : كويس الحق قبل ما حد يصحى ويشوفني ، روحت على حنفية ماية بيسقوا بيها الزرع وقعدت جنبها وغسلت القماشة البيضا اللى كانت معايا وبقيت بمسح بيها على ضهرى وببص على اقماشة لقيتها حمرا نفس لون الدم غسلتها تانى وفضلت يجي نص ساعة بنضف الجروح اللى في ضهرى وبعدين غسلت وشي ولبست التيشيرت ودخلت تانى قعدت جنب الشباك وانا ببص على الشمس وهي بتتحرر من سجن الليل عشان تطلع لفسحة النهار وتنور الدنيا وافتكرت جمله كنت قريتها على ضهر عربية من اللى كنت بغسلهم " مهما طال الليل لابد من طلوع الفجر " افتكرتها وابتسمت بحزن وانا بقول: امتا بقا يخلص الليل دا عشان دا طول اوى
(( طبعا انت دلوقتي بتقول اى العبط دا ازاى في ملجأ وبيعرف بقرأ معلش اصل نسيت اقولك انه كنا بنتعلم اجباري واحنا صغيرين )) سمعت صوت سنية وهيا داخلة وبتنادي على الكل عشان يصحوا ولما شافتني صاحي قالتلي تعالى عشان المدير عايزك
انا في سري: يادي ام المدير اللى مبيجيش من وراه خير ابدا ده
سنية زعقت فيا: متخلص يلا انت متنح لي كدا
انا: ح.. حاضر رايح اهو
روحت مكتب المدير وخبطت ودخلت وهو اول ما شافنى :اهلا اهلا بالشملول بس انا زعلان منك طالع خرع كدا لمين مش عيب تنام وتسيبنا نكمل ليلتنا وحدنا وقعد يضحك جامد وبعدين كمل: ابقا مد ايدك على حد هنا تانى ولا فكر بس مجرد تفكير تخرج عن طوعي وشوف انا هعمل فيك ايه
انا خفت منه واتبرجلت في الكلام: اااا ه ... لا .. لا مش هيحصل سعادتك انا تحت امرك علطول يا سيد الناس
شكرى: جدع كدا انت تعجبنى يلا روح استنا قدام الباب برا هتلاقي جماعة هيعدوا ياخدوك تروح تشتغل معاهم
انا: امرك
طلعت برا وقفت استنى ولقيت سيد جه جنبي وبيكلمنى: عامل اى ياصحبي ؟!
انا: كويس المهم حد كلمك ولا عملك خاجة من العيال دي وانا ادفنهملك بالحياة
سيد: انت محرمتش انت صوت صريخك كان جايب اخر الشارع بس العموم ياسيدى محدش كلمنى ولا حد هيمد ايده على حد تانى
انا: ليه بقا ان شاء****
سيد: اضرب المربوط يخاف السايب
انا: عندك حق
لقيت عربية بصندوق من ورا مش عارف تقريبا بيسموها ربع نقل كانت محملة عمال في الصندوق دا ووقفت قدامنا وواحد من العمال اتكلم : مين فيكم بلال ؟!
انا : انا بلال ، بصيت لسيد وقولتله خلي بالك على نفسك يا صاحبي وركبت في العربية والعربية اتحركت على الموقع اللى كنا هنشتغل فيه وروحنا وبدأنا شغل انا بدأت اتعلم بسرعة وبحاول اعمل كل اللى اقدر عليه عشان ابقا محبوب في الشغل وبين الناس اللى هنا
عدى شهرين وانا اتأقلمت وحبيت الشغل كمان دا غير الاكل اللى كان بنسابلى كويس اوى احسن من اللى كنت باكله في الملجأ واتصاحبت على الملعم بتاعى او الصنايعي بتاعى زي ما بنسميه وبقينا اعز اصحاب وكان فيه ايام كتير بنبات في الشغل مع بعض وفي يوم واحنا بايتين سوا انا وهوا وكام حد تانى وبعد ما خلصنا عشاء قعدت انا وهو في البلكونة نتكلم واحنا مولعين سجارتين قالي: بقولك اي يا بلال في موضوع كدا كنت عايز اخد رايك فيه
انا: خير يابو حور (اسمه احمد بس بيحب الناس تناديه باسم بنته)
احمد: عايزك تعرف يابلال انى محكتش الكلام دا غير ليك ولسامح عشان بعتبركم اخواتي
انا: انت مش عارف يابو حور كلامك دا عندى كبير ازاى متشكر جدا جدا على ثقتك دي فيا وان شاء *** هكون قد الثقة دي احكيلي خير بقا في اي
احمد: مراتي ياسيدي مش عارف مالها متغيرة ليه الفترة الاخيرة دي
انا: متغيرة ازاي يعني ؟!
احمد: يعني من قيمة شهر او شهر ونص كدا وانا لاحظت عليها حاجات غريبة كدا متطمنش
انا: حاجات زي اي ياحمد احكى
احمد: يعني كل ما اطلب منها نعمل علاقة ترفض وتتحجج باي حاجة وكمان بقت تكرشني برا الاوضة وتقولى انا تعبانة وعايزة انام وحدي وكمان بقت تدخل الحمام وتطول فيه بالساعة والساعتين وبقت عصبيه اووى ومبقتش تطيقني خالص وتزعق فيا طبعا هتقول عليا مش راجل بس وال** انا متكلمتش عشان عارف اني في حاجة حصلت وعشان معاشارها وعارف حنيتها وطيبة قلبها وانها بتحبني مكنتش سكتت
انا: طب ومشوفتش دكتور ليه ؟
احمد: لفيت على الدكاترة النفسيين وغيرهم وكله بيقول سليمة ومفهاش حاجة
انا: طب وبعدين
احمد: حكيت لسامح وهو قالى لازم تشوف شيخ لان شكلها كدا ممسوسة
انا: طب وروحت ؟
احمد: الصراحة لا انا مسدقتهوش بس فيه موقف حصل من يومين كدا خليني اتأكدت
انا: حصل ايه ؟!
احمد بصلي كدا اللي هو مش عايز يحكى او مكسوف يحكى
فحاولت الم الدنيا: طب هتعمل اى ؟
احمد: سامح قالى على شيخ كدا وقالى انه كبير وكل اللى راحوله اتعالجوا بس انا خايف وعايزك تيجي معايا
انا: طبعا من غير ما تقول كدا كدا انا معاك وفي ضهرك
احمد: حبيبي يا بلال وال** كنت عارف انك هتقول كدا عشان عارفك جدع وصاحب صاحبك
انا: بس هنروح امتا
احمد: هكلم لسة الشيخ واشوفه
انا: طيب كلمه وقولى
تانى يوم رجعت الملجأ بعد اسبوع غياب ولقيت الدنيا مختلفتش اوي غير بس ان سيد تعب بسبب الشغل الكتير و المجهود اللى بيعمله واللى واحد عادي ميقدرش يستحمله مابالك بيه وهو ضعيف كدا انا كنت راجع على قبل المغرب كدا وكنت قاعد اتسهرى وارغي انا وسيد صاحبي لحد ما لقينا عطيه جاي وبيقول لسيد: قوم تعالى معايا
انا: هتاخده على فين ؟
عطية : وانت مال امك انت متتدخلش في اللى ملكش فيه ولا انت وحشتك الاوضة
سيد: خلاص خلاص هو مكنش يقصد بس خير في حاجة يعني
عطية: جبنا لسعادتك دكتور عشان نشوف فيه ايه عشان ترجع تشتغل ولا انت استحليت التفخدة
سيد قام مع عطية وجيت اقوم معاه اساعده عطية زقنى وقعت على الارض وقالى: مقولتلكش تيجي
عطية خده ومشي وانا روحت قعدت على الشباك وببص للسما: شكلك مطول يالليل ومبينلهاش نهار
فضلت قاعتد مستنى والموضوع حسيته طول اكتر من ساعتين ولسة لاسيد جه ولا حتى الدكتور خرج
قولت يمكن مش عايز يوديه مستشفى فبيعالجه هنا واقنعت نفسي بكده وبعد نص ساعة كمان لقيت الدكتور خارج ومعاه ممرض وكل واحد فيهم شايل صندوق اللى هو بياخدوه في السفر عشان يشيله فيه الحاجات المتلجة وكدا عشان متدوبش وشوفت المدير واقف معاه وبيقوله: هشوف يا دكتور لو اى حد زي كدا ملوش لازمه عندى هقولك عليه
الدكتور طلع رزمه فلوس بس مش مصري دي دولار وبيقوله: بقيه الفلوس هتجيلك مع المندوب
وسابه ومشي انا هنا اتأكدت ان في حاجة غلط انا اصلا كنت شاكك من الاول مستحيل شكرى يجيب دكتور لحد هنا عشان يعالج حد دا مستحيل يدفع جنيه في الملجأ ، قومت بسرعة من مكان وجريت نحيه المكتب بتاع المدير وملقتش فيه حاجة كملت مشي في الطرقة ودي كان ممنوع على حد فينا يدخلها وكانت ضلمة وصلت لاخرها لقيت فيها سلم لتحت نزلت جري ولقيت اوضة في وشي كان طالع منها روايح نتنة زقيت الباب بكل قوتي ودخلت وشوفت منظر مرعب خلاني ارجع كل اللى في بطنى
لقيت سيد صاحبي واخويا وحبيبي نايم على السرير اللى كان في نص الاوضة وبطنه مفتوحة والسرير والمكان كله ددمم قربت منه وانا خايف وبدعى ر*** يكون كل دا حلم قربت وبقيت واقف جنبه بصيت على بطنه كانت مفتوحة بالطول وفاضية تماما مفهاش اي حاجة ورجليه وايديه كانو كمان مشقوقين بالطول والعظم مشقوق وفاضي من جوا ( ودي معلومة حقيقية يا صديقي نخاع العظام من اكتر الحاجات المطلوبة واللى سعرها بيعدي الملايين ) حتى عينيه كانوا شايلين الاتنين المنظر كان مرعب بكل المقاييس وريحة الدم كانت مالية المكان انا حرفيا منطقتش بحرف ولا نزلت دمعة من عيني كأن عقلي عمل استوب وهنج مبقاش عايز يشتغل رافض فكرة ان اعز حد عليا واغلى شخص عندى مات ياريته مات دا اتقطع واتاخدت اعضائه انا مبقتش سامع حاجة حواليا غير صوت صفير جامد ودماغى بقا عامل زي القناة المشفرة اللى مش عايزة تجمع اي صورة ومش حاسس بحاجة ،،
فوقت بعد وقت مش عارف قد ايه لقتنى على مرتبتي اللى بنام عليها قولت اكيد دا كان حلم بس لما بصيت حنبي قلبي كأن حد مسكه وعصره جامد بأيده لما شفت مرتبة سيد فاضية هنا شيطانى سيطر عليا وركب دماغى وبقا هو اللى سايق انا اتعميت ومبقتش شايف قدامى روحت على مكتب شكري وخبطت الباب برجلى الدرفة اتهبدت على الارض جامد ووقعت مخلوعة ولقيت شكرى وعطية وسنية قاعدين وقدامهم شنطة دولارات وبيوزعو الفلوس مابينهم انا حسيتهم اتخضوا وشوفت نظرة خوف في عنيهم مني وكان في مراية جنب المدير شوفت شكلى فعلا خوفت من نفسي كنت قالع من فوق وعضلاتى اللى طلعتلى بسبب شغل المعمار التقيل كان متقسمه وواضحة وشي كان لونه احمر وعيني حمرا لون الدم من العياط والدموع نازله على وشي ..قربت منهم وكلي شر حاسس بنار بتاكلنى من جوة دمى بيغلي قربت اكتر وانا بتكلم بنبرة مختلفه اول مرة اتلكم بيها: قتلتوه ليه مفيش في قلبكم رحمة وكمان قاعدين تقسموا الفلوس وبتضحكوا
المدير اتكلم بخوف: ان ... انت اى اللى جابك وازاى تدخل كدا
انا: انا جاي عشان ادفعكم الحساب واخد حقه يولاد الكلب
عطية قام جرى عليا بس معرفش ازاى ولا كيف ولا امتا بقا متكوم قدامى على الارض ووشه كله بيجيب ددمم سنية لما شافت كدا قامت عشان تجري روحت ماسك الكرسي اللى كان قاعد عليه عطية ورميته نحيتها فخبط في دماغها ونزلت على الارض مغمى عليها ودماغها سايحة في الدم
شكري بصلي وكله خوف وهو بيتنفض وبيقول: خ.. خد الفلوس مش عايز حاجة بس بال** عليك ما تموتنيش انا عندى عيال مش عايزهم يتيتموا انا انفجرت في الضحك جامد: طبعا مش عايزهم يتيتموا عشان ميجيش حد ويعمل فيهم زى ما عملت فينا ولما يزهق منهم يقطعهم ويبيع اعضائهم صح هههههههه وال*** مكنتش اعرف انك دمك خفيف كدا،، جريت عليه ومسكته من قفاه وروحت رازع دماغه في المراية خليتها اتدغدغت ووشه كله بقا ددمم سيبته ينزل على الارض وروحت ناحية زاوية في المكتب كان فيها لمبة جاز جبتها وروحت ناحيته وبكل برود كبيت الجاز على وشه وهو عمال يستسمحنى: ارجوك ارحمني ارجوك متموتنيش طب وغلاوة سيد عندك ارحمني
هنا انا اتجنن وشديته من دماغة وانا عيني بتطق شرار : سيد!! سيد اللى موتته بدم بارد وقطعته انا هرحمك في حالة وحدة بس ترجعهولى تعرف ترجعهولى ودموعي بقت شلال وزعقت فيه جامد: رد يبن الزانية هتعرف ترجعه سليم وبصحته تانى!! لقيته سكت قولتله: انا مش هقتلك لا انا مش هخليك ترتاح انا هخلي الناس كلها تبعد عنك وتكرهك شديته وحطيت راسه في شنطة الفلوس وكبيت باقى الجاز عليه وانا بقول: وهتولع مع فلوسك اللى قتلت صاحبي عشانها دورت في جيوبه لقيت علبة كبريت ابتسمت : شايل قدرك في جيبك ، وخدتها وبعدت عنه وولعت العود ورميته عليه تقوم النار ماسكة في الفلوس وفي وشه وهو عمال يصرخ طلعت برا الاوضة وجسمي عليه ددمم مهتميتش ومشيت لقيت كل اللى في الملجأ واقفين بيبصولى بخوف ورعب من اللى شافوه ضحكت وانا بقول في نفسي: للدرجادى بقيت وحش وبرعب الناس اللى منى يلا معادتش تفرق وحش ولا غيره
طلعت برا الملجأ وفضلت امشي ومش عارف ليا طريق كل اللى كنت عايزة انى ابعد بس مش عايز اكتر من كدا وانا ماشي تايه لقيت عربية نقل كبيرة عند بنزينة بتفول وصاحباها كان لسة رايح يركب وهو بيقول : ايوة ياحبيبتى ايوة ... انا في الشغل ... اه هتأخر هودى شوية عفش ****** ( محافظة لا داعي لذكر اسمها) جريت بسرعة نحيتها وركبت في الصندوق واستخبيت في وسط العفش من غير ما حد يشوفنى قولت حلو انا هبعد خالص ، كنت عارف ان الشرطة هتبدأ تدور عليا لانى عارف كويس اووى ان لا سنية ولا حته عطية ماتو وهيتلحقوا بس مش مهم وهناك بعيد ابدأ حياة جديدة نضيفة ، كان فيه في وسط العفش انتريه وكان متغطى فوقه فردت جسمى عليه عشان انام ونمت كانى منمتش بقالى سنين ومصحتش غير على ايد بتهزنى ففوقت بسرعة مخضوض !!
طيب لهنا نكون وصلنا لنهاية الفصل الثاني من سلسلة المتشرد لو عجبك الفصل قولى رأيك في الكومنتات وعايز تشجيع لانى عندى اكتر من فكرة لقصص تانية وناوي انزلها فلو لقيت دعم هنزلهم في اقرب وقت ، انا وفيت بوعدي اهو ونزلتلكم في اليوم اللى قولت عليه وكمان جزء طويل اهو عايزك بقا تروق عليا كدا
اعملك يجدع لايكقولى **** ينور ، اشتمنى ماكدة بتقدرني😂
يلا اشوفك على خير في جزء جديد سلااااام
اسف لو الطريقة غلط انا لسة مش فاهم ببتعمل ازاى
