مساء الفل عليكم وكل سنة وانتو طيبين وخير
تعالو نتكلم شوية عن تطوير الذات عشن نقدر نفيد بعض .
طيب الاول نعرف يعنى ايه تطوير الذات؟
دى عملية مستمرة طول ما الانسان عايش الهدف منها تحسين السلوك والمهارات ومعرفته وقدرته الشخصية عشان يقدر يحقق اهدافه اللى هو عايزاها وطموحه .
وتطوير الذات لسه جوانب كتيرة اوى تعالو معايا عشان نتعرف عليها .
1-التعلم المستمر
بص يا سيدى المقصود هنا بالتعلم المستمر انك تقرا كتب تحضر دورات تدريبية ومتابعة الحاجات الجديدة فى مجال اهتمامك وتخصصك .
2-تحسين المهارات الشخصية .
دى المهارات اللى زى القيادة والتواصل وازاى تعرف تدير الوقت بشكل سليم .
3-الصحة الجسدية والعقلية.
النقطة دى من رائ انا انها مهمة جدا لازم الواحد يهتم بصحته كويس يمارس رياضة ويكون فيه تغذية سليمة مش سمك لبن تمر هندى ويعرف يحتفظ على صحته النفسية من خلال تمارين التأمل او الانشطة الترفهية .
4-تحديد الاهداف.
لازم تعمل هدف واضح ومحدد وتشتغل عليه وتعمل انك تحقق الهدف ده ممكن تبدا باهداف صغيرة على مدى قصير عشان تحس انك بتعمل حاجة وانك بتنجح ف تتحمس للاهداف الكبيرة
5-التغلب على التحديات.
فى اى طريق الواحد بيمشى فيه بيقابل تحديات كتيرة وبتحصل مخاوف لازم تعمل مواجهة ليها وتبقى واثق من نفسك وتحول المخاوف والتحديات دى لفرص نمو لقدراتك.
6- بناء علاقات ايجابية .
لازم تعزز علاقاتك الاجتماعية وتبنى ليك شبكة من العلاقات تديك دعم قوى .
7-تعلم مهارات جديدة.
استثمر وقتك الفاضى انك تتعلم
مهارات جديدة تقدر توسع فكرك وتزود فرص نجاحك
8- التوازن بين الحياة والعمل .
لازم يكون فيه توازن صحى بين الشغل بتاعك وحياتك الشخصية عشان مفتاح للسعادة والنجاح المستديم يعنى خصص وقت لشغلك ووقت للاسرة والاصدقاء ووقت لهوايتك لو عندك هواية .
خلص البوست بس مخلصتش المعلومات عن تطوير الذات اتمنى يكون البوست مفيد ويعجبكم انتظرو المزيد .....
