من نصائح صديق ليا
بعد علاقة فاشلة دامت 4 سنين
احب اقولك وانصحك:
1- الحرام اخرته وحشه
2-الحرام كله وحش بس الشيطان بيزين ليك البدايه وبعد ما العلاقه تفشل هتدرك ان البدايه هي كمان كانت وحشه
3-قلبك متعلقهوش بواحده بحلوها ومرها الا لو والدتك او اختك
4-لو قلبك بالفعل اتعلق انسحب بالتدريج لحد ما تجهز وتتقدم رسمي و الموضوع يتم علي خير
5-انت بتتعوض عادي ولو مت هتشوف غيرك ولو حصل خلافات بينكم ومشاكل وتراكمات و اي حاجه حصلت او شافت واحد معاه فلوس اكتر منك - وحتي الشبعانه في بيت اهلها بتفضل اللي معاه فلوس- انت ساعتها هتتعوض عادي عشان كدا بقولك اوعي الحرام لان الحرام كله مقرف و تفاصيله مقرفه ونهايته مقرفه و صدقني هتتفشخ
6-لا تتبع خطوات الشيطان : النظره بتفرق و الكلام بيفرق و الاهتمام الزياده بيفرق و الضحكه بتفرق والكلام مره علي مره بيحلو والخطوات هتوقعك اكتر
ولو وقعت فيها انسحب واقفل الموضوع فورا لان نهايته هتمحي حلاوه الخطوات دي وهتمحي حلاوه حياتك اصلا واصبر لحد ما تتجوز لان الحلال افضل
7-اهم حاجه صلاتك , عقلك , صحتك لو ماشي في الحرام هتلاقيك ضايع في موضوعين علي الاقل من التلت مواضيع دول او كلهم! فوق لنفسك الوقت بيعدي بسرعه وكل ما الوقت يعدي تكلفه الرجوع بتكبر
8-حافظ علي نفسك وخليك امين علي نفسك وعلي اولادك وعلي زوجتك المستقبليين لان لو مقضيها في الحرام فدا هياثر عليك في المستقبل وهيسببلك عقد نفسيه و هتظلم اسرتك مستقبلا الا لو !
قررت ترجع فورا وفورا يعني فورا و متبررش لنفسك تاجل لحظه واحده بس ان ترجع لربنا وتبطل الحرام
9-اختار صحابك ويكونو رجاله صح ويجروك للصلاه والجيم مش شويه عيال كل واحد يقولك انا ماشي مع دي ودي بعتتلي دا ودي نامت معايا , هتلاقي اما تغير صحابك وتمشي مع رجاله صح هتلاقي نفسك مضايق و مش متعود ساعتها لازم تصبر لانك كدا بتتغير للاحسن
