تحذير
"برجاء الاحتفاظ بالتذكره لنهايه الرحله"
الرحله بقت مؤلمه و صعبه و كلها مطبات
عارف انك لازم تتخلص منها علشان تعرف تخلص الرحله
بتسال نفسك ميه سؤال....؟؟؟؟
هل لو تخلصت من التذكره الرحله حتنتهي ؟
طب افرض انك مش عايز تكمل الرحله؟
هل لسه مجبر تحتفظ بالتذكره؟
هل يمكن لو تخلصت منها الرحله تنتهي؟
هل حد يلاحظ ان التذكره لسه مش معايك اصلا ؟
هل لو كنت عايز تغير الرحله كلها بتذكرتك حيفرق لحد في حاجة ؟
طب حيفرقلك انت في حاجة ؟
و تلاقي علي كل ده اجابه واحده بس :-
عمرك ما حتكون مستعد لرحله جديده
و انت لسه معاك التذكره القديمه....
أحيانا مش بينفع خلاص نكمل في القديمه
بنكتشف ساعتها ان الظاهر اننا ركبنا خط غلط....
ناس كتير جيبوها ملاينه بتذاكر قديمه حتي بعد ما رحتلها انتهت خافت ل ترميها
تذكره ورا تذكره جبها ما عدتش فيه مساحه لتذكره جديده
و ما بقوش للاسف عارفين يركبوا اي رحله جديده وقفوا علي المحطه لا منها رجعوا لبيتهم
ولا منها وصلوا مشوارهم
