بشويش يا دنيا يا دنيا سايق عليك النبي حاسبي على مهلك. دايسانا في طريقك ليه ده أحنا مش أدك. سايقه بسرعه ليه ؟ حاسبي على خلقك. مكفايه فيكي ناس سقونا من مرك. داسوا علينا وعدوا وزهقونا أكيد منك. أكلوا في حقوقنا كتير وسوأوا سيرتك. من غير جرس إنذار لغوا قانون أرضك لا صانوا مال ولا عرض و قالوا ده عرفك. وجابوا الحق عليكي والذنب مش ذنبك. متضربي كلاكسات وخدي الغلبانين جمبك. متشغلي التكيف وبزياده من حرك.
وقعدي المساكين بالقرب من قلبك. وفكري الطاغيين والحاصدين شرك. في آخر محطه أكيد هيدفعوا مهرك. و اللي ظلم إنسان مدفنه هنا في أرضك.
وقعدي المساكين بالقرب من قلبك. وفكري الطاغيين والحاصدين شرك. في آخر محطه أكيد هيدفعوا مهرك. و اللي ظلم إنسان مدفنه هنا في أرضك.
