الجيل ده بجد اتظلم جامد اوى لا عرف يبقى صايع ولا عرف يبقى محترم وانطبق عليه قول اللى رقص على السلم لا فوق شافوه ولا اللى تحت سمعوه جيل اتفشخ على مدار السنين طفولته كانت زلزال شبابه ثورة وهوب لاقى نفسه فى الأربعينات الطفولة كانت طفولة غريبة فى كل حاجة حتى برامج الترفيه بتاعته كانت غريبة وغير منطقية يعنى انا اتفرج مثلا على قرد متجوز ارنب أو أخ لارنب أو مصاحب أرنب بوجى وطمطم من رغم أننا كلنا بنحب البتاع ده بس فيه حاجات انا مش فاهم هى عدت علينا ازاى اولا طمطم اللى يركز فى طريقة كلامها كانت دائما منبهرة ومستغربة ولما تفتح بوقها كان عامل زى بابا العربية اللعبة زيكو وزيكا دول فى حتة تانية خالص الميكانيكية اللى كانو بيمشو بيها غريبة وعجيبة كانو بيمشو بالجنب مع إصدار حركات بالأيد بجد انا كنت بخاف منهم وهما ماشيين مش ماشية انسان ولا حيوان حتى عم شكشك الراجل اللى كان شنبه اكبر من وشه أصله شنب وطلعله وش برنامج ماما سامية كانت بتجيب ***** بائسة من الحياة وتفضل تحنسهم والعيال اصلا مكنتش طايقى نفسها ولا طايقة ماما سامية نفسها نيجى بقى على الكارثة الكبرى كارتون مازنجر وكابتن ماجد مازنجر ده كانت كارتون غريب عجيب كان ماشى كالاتى بعد ما تتر الكرتون يخلص يجى شاشة ردار وصوت بيب بيب بيب وفى نقطة فى الرادار ده والراجل اللى قاعد على الردلدر بيراقبه مش بيقول غير هى جملة واحدة كل حلقة هااااااا جسم غريب يقترب من برج المراقبة دكتور نبيل دكتور نبيل ده انا مكنتش فاهم ايه وظيفته اصلا هممممم سوف اتصل بناهر على الفور يتصل بناهر والشاشة هنا تتقسم نصين بالطول نص للدكتور نبيل ونص لماهر اللى كانت سوالفه واصله لحد رقبته والمكالمة تمشى كالاتى
دكتور نبيل = ماهر جسم غريب يقترب من المدينه لابد أنه إلى أرسله ابو الغضب
ماهر= سوف أتى فى الحال
السكة تتقفل وماهر يجرى وبحركة سحلوبية
