انا عايزه اوضح كام نقطه كدا بخصوص الموضوع دا لانه خد اكبر من حجمه مع انى كنت متوقعه ردود فعل عنيفه شويه بس مش للدرجه دى
اولا كدا انا مكنتش بروح لواحد برئ مثلا و اضحك عليه ولا اغريه ولا اضربه على ايده عشان يبدأ علاقه معايا كل الرجاله اللى نمت معاهم كانو خاينين بطبعهم و متعددين العلاقات كمان و هما اللى كانو بيجروا ورايا عشان العلاقه احيانا كانت بتبقى بالتهديد كمان و اوقات كان بيجمع بينى و بين واحده تانيه اصلا غير مراته
انا مضحكتش على حد ولا خليت حد يعمل حاجه مكانش بيعملها قبل كدا فلو فيه لوم عليا فى العلاقه يبقى على الاقل اوى 50% من اللوم مش كله
ثانيا اليوم اللي اتمسكت فيه من مرات واحد انا مكنتش عايزه اروحله الشقه دى اصلا لانى انا كنت قاعده فى شقه ايجار هو اللى كان بيدفع ايجارها و كان ديما متعود هو اللى يجيلى و فى اليوم دا بالذات هو اللى صمم اروحله شقته و حلف مليون يمين ان مراته غضبانه و عند اهلها و مش راجعه تانى الا بعد اسبوع على الاقل و لما روحتله كنت عامله حسابى على كدا و حتى لما طلب البس اللانجري بتاعها رفضت و لبست حاجتى و رفضت انام على نفس الفرشه و طلعت مفرش جديد من الدولاب و فرشته و كنت عامله حسابى اخده معايا و انا ماشيه لولا اللى حصل و موضوع انى طلعت قدامها عريانه حصل لانى كنت قالعه هدومى اصلا فى الصاله اول ما دخلت و كانت متبعتره على الارض و دخلت الحمام و اتشطفت و لبست و لقيت نفسى ريحتى (جنس) و مكنش ينفع امشى فى الشارع كدا و بدل ما اخد دش استخدمت برفان من بتاعها عشان يغطى على الريحه
ثالثا موضوع انى استمتع بالموضوع اه ما طبيعى لازم استمتع بيه امال بعمله ليه اصلا لو مش هتسمتع مكنتش عملته و حاجه غصب عنى انى احس ان الراجل مفضلنى عن مراته و مش فى الجنس بس فى الوقت اللى بيقضيه معايا و الكلام اللى بنتكلمه و الحاجات اللى بيحكيها عن حياته الشخصيه و العمليه و العائلية اللى مش بيقولها لاى حد ولا حتى مراته طبيعى اى حد مكانى هيحس بشعور مميز ان فيه ثقة وصلت للمرحله دى
اما بقى موضوع غلط من صح منا اكيد عارفه انه غلط و عارفه انه حرام بس برضو مهو وجودنا هنا غلط و حرام فمن الغباء اصلا تدخل تحكم عليا انى بعمل غلط و انت داخل للغلط اصلا و بتكتب فى مكان معمول للغلط و مكان مليان شذوذ و دياثه و فضايح و جنس فاكيد انا مش اسوء من كل دا
انا مش ملاك ولا شيخه و بغلط و عارفه انى بغلط بس مش بنافق و احكم على حد تانى و اشاور على عيوب الناس و انسى عيوبى
انا مش ندمانه على المتعه اللى اتمتعتها لانى كبيره و عارفه انا بعمل ايه و عارفه العواقب و عارفه الصح و مش ندمانه انكان حصل طلاق او لا لان دى مش مشكلتى ولا ذنبى دى مشكلة الرجاله اللى بتبقى متجوزه بنات ناس قمة فى الجمال و يروح يخونها و اذا مكانش معايا كان اكيد هيبقى مع غيرى و مشكلة البنات المهمله فى نفسها و في جوزها و منكدها عيشتها و عيشة جوزها و مش عارفه تديه حقوقه و بتعامله كانه ماكينه ATM مش بتشوفه ولا بتكلمه الا ما تهريه طلبات لها و للبيت و للعيال
معلش يا سمر .. كلامك كله مغالطات منطقية .. محشى مغالطات .. اسمحيلى ارد
مبدئيا كده: انا مش جى احكم عليكى كسمر انتى بتعملى ايه وانتى من جواكى كويسة ولا لأ ونفسك تعملى الصح ولا لأ .. انا مش هحكم بالنوايا انا هتكلم هنا بالافعال .. عشان الافعال هى اللى ظاهرة قدامى وعشان ممكن تتطبق على اى بنت غيرك او حتى على اى شاب تانى بطريقة مختلفة .. خلينا نبدأ
اولا: "كل اللى كنت بروحلهم خاينين وغدارين ويستاهلوا وانا عليا لوم بنسبة 50%"
- لو اتعرضت لك مراية بتشوفى فيها خفايا كل واحد فينا هتلاقى كل واحد له اخطاء .. حتى الشيخ اللى مبيفوتش فرض ممكن تلاقى له .. ولو مش جنس هتبقى غيبة او ظلم وغيره وغيره .. فا لو المعيار بتاعك اللى بيخليكى تدخلى فى علاقة مع الشخص انه جاحد ومجرم .. فا انتى كده عندك مليارات البشر كلهم اخطاء لكن بنسب متفاوتة .. والمصيبة مش فى كده .. المصيبة انك حكمتى عليهم كلهم من فعلهم انهم زى بعض عشان خانوا مراتتهم .. صحيح الفعل بشع بس قدام **** هما مش زى بعض .. فيه اللى بيتلذذ بأنه يوجع اللى استأمنته على اسمها وبينهم ميثاق غليظ ويخونها وقت ما تبقى بعيد .. فيه اللى مراته ظالمة ومجرمة وتحت ضغط قرفها نسى نفسه والشيطان ركبه فا قرر يخونها .. فيه اللى مراته مش بتديله حقه الشرعى فا فكر تفكير مختل وخانها .. فيه اللى من جواه مستمتع باللى بيعمله فيه اللى من جواه بيتقطع كل لحظة على انه خان مراته (حتى لو انتى مشوفتيش ده ووش مش هيوريهولك عشان هيخاف تبعدى) .. فا مينفعش ابدا تحكمى عليهم انهم عشان خاينين يبقى عادى يتعمل معاهم كده .. حكمتى عليهم من بره وبس (وحتى من بره بينهم اختلافات) .. طب انتى ترضى حد يحكم عليكى من بره بس ؟ .. من طبيعة افعالك فقط .. تفتكرى هيقول ايه ؟
ثانيا: "انا مضحكتش على حد ولا خليت حد يعمل حاجه مكانش بيعملها قبل كدا"
- تخيلى مكان نضيف فيه كيس زبالة واحد .. واحد معندوش ددمم رماه .. وبقى كل ما حد يعدى يلاقى كيس الزبالة ده فى المكان النضيف اللى مش مكان زبالة ده .. يقوم قايل ماهو فيه حد رامى اهو .. انا هرمى انا كمان جت عليا .. واللى بعده يعمل كده .. واللى بعده .. ايه النتيجة .. كوم زبالة مطلع ريحة بشعة وملموم حواليه دبان وناموس وبترمح فيه الفيران .. تفتكرى هل هيبقى من المنطقى لو جبتى كل حد رمى زبالة فيه وقررتى تعاقبيه ..هل من المنطقى ساعتها يقول لك انا مش مسئول انا رامى كيسة واحدة ؟؟ .. ايوه انتا رامى كيس .. وغيرك كيس .. وغيرك .. لو كل واحد فيكم مكنش رمى الكيس الوحيد ده .. مكنش المقلب ده اتعمل .. نفس الكلام ..عمل كده قبل كده مرة او مليون .. لوحدك او معاكى حد .. مكانش المفروض ترمى كيس الزبالة يا سمر .. مكنش المفروض تشاركى فى الجريمة دى .. فيه واحدة بتتخان مفتكرش انك لو حبيتى فى يوم هترضى تحسى باللى هى ممكن تحس بيه دلوقت ..اقولك على تريكاية ؟ ..هتلاقى كذا حد من اللى عملتى معاهم علاقة بيحكولك قد ايه الدنيا جية عليهم .. ومراتتهم ظالمة .. وبتضربهم وبتطفى السجاير تحت باطهم .. فى الاغلب مش بتبقى كده الا حالات قليلة .. بس هو مش هيطلع نفسه خاين .. مش هيطلع نفسه وسخ .. وانتى هتسمعى وتقتنعى عشان الليلة تعدى .. وكل واحد يبقى مرضى ومبسوط.
ثالثا: "ببقى مبسوطة انى خدت اهتمامه اكتر من مراته بحس بشعور انى مميزة"
- بصراحة مش عارف ازاى حد دخل علاقات متعددة .. وانا اللى عمرى ما نزلت مع بنت حتى واخرى شوية شات ورسايل مبتوصلش لحاجة وافلام يعنى اعتبر خام .. وفاهم النقطة دى اكتر منك .. دى سذاجة يا سمر .. لا هو انتى فاكرة انتى مميزة عنده فعلا ؟ .. حبيبتى دول كلمتين بيتقالوا عشان الست بتتاكل من ودانها .. عشان يوهمك انك مهمة عنده .. السبب بقى .. ربك اعلم .. بس الاسباب تنوعت .. لو هو مثلا تقليدى فى السرير فا عايز يشدك عاطفيا فا بيمثل عليكى دراما عشان يعلقك .. او عشان عنده نقص فى الرومانسية فا بيحاول يعيش الجو لحد ما الليلة تعدى واهو يكون اشبع نفسه عاطفيا وجسديا .. ومليون سبب تانى ممكن احكيلك فيهم لبكره .. هقولك كلمة تزعلك .. بس انا اسف .. انتى لو كنتى مهمة عنده .. مكنش رضالك ده .. انا اسف تانى .. اقلها احنا فى الشرع عندنا اربعة .. كان ساعتها هيقدم لك حياة وبداية جديدة .. وكان ساعتها هيثبت فعلا انه متعلق ومهتم .. مش عارف فاتتك نقطة الاهتمام المزيف دى ازاى .. بس يمكن عشان انا ولد فا عارف الرجالة بتفكر ازاى .. شعورك انك مميزة شعور طبيعى البنات بتحب تحس انهم مميزين وفيه حد مهتم بيهم وعايزهم من كل النواحى .. بس الطريقة اللى بتشبعى بيها الاهتمام وحب التميز ده طريقة غلط .. وبيتظلم بيها ناس تانية.
رابعا: "احنا كلنا هنا فا كلنا غلط .. بس انا مش منافقة وبشاور على عيوبى .. انا اكيد مش اسوء من كل ده"
- الغلط درجات .. وألا مكنش حكم السرقة غير حكم القتل غير حكم السب وغيرهم ..و اه كل الناس هنا غلطانة .. وازيدك من الشعر بيت ؟ .. اللى مش هنا وعمرهم ما دخلوا مواقع جنس غلطانين كمان .. واللى عمرهم ما كان الجنس من خطاياهم عندهم خطايا تانية .. فا لا مش معنى ان كل الناس غلطانة وليها قرفها .. يبقى كلهم متساويين وزى بعض .. لا احنا مختلفين وكل واحد حجم قرفه مختلف .. بالنسبة للنفاق فا مش مطلوب منك ابدا .. ابدا يعنى انك تاخدى برأى الناس او تشوفى بيقولوا ايه .. رأيهم مش مهم وطز فيه .. انتى كويسة انتى نص نص انتى فى الضياع .. مش هيفرق معاكى وبلا تأثير .. شوية كلام فى الهوا وهيطير .. المهم يا سمر .. انتى شايفة نفسك ازاى ؟ .. راضية عنها ومتصالحة معاها .. ناوية على ايه فى المستقبل .. ده اللى مهم .. ده اللى هيفرق .. لو شايفة نفسك تمام وزى الفل .. اوك بتمنى لك حياة سعيدة مليئة بالمتعة واللذة .. لو شايفة غير كده .. انتى ادرى واحدة بازاى تصلحيها .. محدش هيعرفك زى نفسك .. ومش المفروض ان كلام الناس هو اللى يزعلك .. فيه حاجات تانية اهم هى اللى تزعل.
خامسا: "انا مش ندمانة .. مش ذنبى ان فيه طلاق حصل .. هما اللى ستات ظالمة"
- اما نقطة الندم فا اتكلمت فيها قبل كده .. انتى ادرى انتى ندمانة ولا لأ .. وزى ما قولتلك ده شىء شخصى .. شخصى من ناحية ان محدش له الحق يتهمك اخره يوجهك للصح من وجهة نظره .. وفى نفس الوقت ندمك وجوده او غيابه ملوش اى تأثير على اى حد غيرك انتى .. فا دى مش مهمة .. اما بقى مش ذنبك ان فيه طلاق حصل .. لأ الحقيقة انتى تتحملى النسبة اللى قولتيها فوق (ايوه بالظبط 50% ) ..لو مكنتيش روحتى كان هيخونها مع حد تانى وكانت هتكتشف برضه ؟ .. مفيش مشكلة بس اقلها مكنتيش هتبقى مسئولة .. التنصل من المسئولية خدع نفسية بيعملها كل الناس طول الوقت عشان يرحموا من نفسهم من الوجع الداخلى .. والست ذات نفسها او غيرها متعرفيش هى ظالمة لأى مدى وبنسبة كبيرة مش هتبقى ربع اللى هو بيحكيه .. لأن مفيش مبرر للخيانة مفيش مبرر فعلا .. وعموما انتى تقدرى توقفى كل ده وتبعدى عن الوجع ده .. وساعتها مش هيفرق معاكى رأى حد من الناس اللى بتهاجمك .. لأنك هتكون راضيتى اللى اهم منهم .. فكرى مرة تانية .. كملى حوار التعليم .. اشغلى وقتك .. وابقى شوفى الرسالة اللى بعتهالك .. فيها خلاصة تجربتى .. متأكد انها هتفيدك .. بالتوفيق