نقاش ايه معنى الرجولة عندك

[أم قويق]

هو ببساطه الرجوله هيا تفكير الراجل مش الزعيق وخلاص .. والى هو يعرف يتصرف ويعرف يشد امتى وميشيلش حد تانى مسؤليه .. يحافظ على الى معاه ويحميها مهما حصل ويبعدها عن كل المشاكل ودا هيخليها هيا الى تحكيله وتقوله وتعتمد عليه اكتر

يعني لازم تكون في ست فالموضوع؟

 

[أم قويق]

مش عوايدك تعملى مواضيع

بعمل و بيقفلوها

 

[أم قويق]

الرجوله بالنسبالي كتمان السر والحب بدون ذرة مقابل

يعني كتم و حب و بس

 

[UnIdEnTItY]

بعمل و بيقفلوها

هههههههههه تلاقى كلامك دبش زى ردوودك

 

[sins_]

يعني لازم تكون في ست فالموضوع؟

انتى بتتكلم هنا اكيد مش عاوزه تعاملنا مع الرجاله 😂😂 بس اكيد مع الرجاله يسط ويقف فالمواقف

 

[Life selector]

الثبات على المبادئ

 

[Abo zed]

الرجولة ادب المعاملة والالتزام بالكلمة
٤٨ سنة

 

[بيكهام الاسمر]

الرجولة ادب والشقاوة صنف 😂😂

 

[مكيانيكي حريم]

طب ايه الافعال دي

الافعال أنه يكون حنين وراجل بمعاملته مع الست باي شي راجل بوعده راجل يملي عين الست اللي معاه

 

[AMG.]

كلامى هيبقى دينى شويه

 

[⚜️Boda]

احب ببساطة و يا ريت من غير هبد بقى
ايه معنى الرجولة بالنسبالك و ابقى حددلنا سنك عشان نعرف تفكيرك ايه

الراجل الغيور هادي الطباع حكيم ف تصرفاته جدع وشهم وكلمته واحده أما حد يحتاجك يلاقيك

 

[Hamaad*]

احب ببساطة و يا ريت من غير هبد بقى
ايه معنى الرجولة بالنسبالك و ابقى حددلنا سنك عشان نعرف تفكيرك ايه

الرجولة معانيها كتير الرجوله مش مجرد مواقف وافعال الرجولة كرم وعقل واخلاق ومبادئ وحق وشهامه وعفه وعزة لنفس وهيبه وغيره من الصفات

 

[Foxxy]

و تكون قد المسؤولية ازاي

المواقف و الضغوط اختبار مسئوليه

 

[الصقر_الجارح]

احب ببساطة و يا ريت من غير هبد بقى
ايه معنى الرجولة بالنسبالك و ابقى حددلنا سنك عشان نعرف تفكيرك ايه

الرجوله اني اتجوزك يا فوزيه​

 

[أمير االظلام]

يعني كتم و حب و بس

عاوزه الحق
اغلب التعريفات ومعاني الحاجات المهمه في حياتنا مفيش كلام وحروف بتشرح معناها
متهيالي حتى اللي بقوله ده وارد انتي متفهميش معناه

 

[yami7]

الولاء وانك تكون قد كلمتك قصاد اي حد مهما اتغيرت الظروف
وبتكلم بجد هي دي اهم حاجة بالنسبالي
19 سنة

 

[شهواني31]

احب ببساطة و يا ريت من غير هبد بقى
ايه معنى الرجولة بالنسبالك و ابقى حددلنا سنك عشان نعرف تفكيرك ايه

الرجولة هي مجموعة من المبادىء يجب أن توضع في عين الاعتبار في كل شئون الحياة وخلاصتها تحمل المسؤولية والقيام بالواجبات
وتقوم على عمودين أساسيين: الأمانة والكفاءة
ولا علاقة لها بالنوع ذكر أو أنثى
فرجولة الرجل في بيته بتحمله مسئولياته والقيام بها وحماية عرضه وابنائه واشباع زوجته عاطفيا وجنسيا
والرجولة في العمل تحمل المهام ومسئوليتها
وتحمل العواقب وعدم التنصل منها
والرجولة في التعامل مع الناس:
توقير الكبير واحترامه ورحمة الصغير
مساعدة الضعيف وعدم ظلمه ومجابهة الغاشم ورد كيده وصدق الوعد والوفاء بالعهد
وهكذا…

 

[الحلم المفقود]

احب ببساطة و يا ريت من غير هبد بقى
ايه معنى الرجولة بالنسبالك و ابقى حددلنا سنك عشان نعرف تفكيرك ايه

الرجوله ادب واخلاق

 

[امير العاشق]

احب ببساطة و يا ريت من غير هبد بقى
ايه معنى الرجولة بالنسبالك و ابقى حددلنا سنك عشان نعرف تفكيرك ايه

الرجوله بتبان من المواقف والافعال

 

[☆ N£S₩ANG¥ $TAR]

احب ببساطة و يا ريت من غير هبد بقى
ايه معنى الرجولة بالنسبالك و ابقى حددلنا سنك عشان نعرف تفكيرك ايه

احب ببساطة و يا ريت من غير هبد بقى
اه معنى الرجولة بالنسبالك و ابقى حددلنا سنك عشان نعرف تفكيرك ايه

مبدئيا كده انتي ست فرفوشة وزي العسل وشفت مشاركاتك ف كذة مكان وعارف انك برغم انك بتحبي النقاش الا انك مبتحبيش غير النقاش الهادف يعني بالعامي مش اي هري وخلاص فهتستحملي شرحي العميق لمعنى الرجل
الرجل بالانجليزي معناه Man لو بتدوري على ترجمة للغة دارجة يعني ( بروش عليكي بس اسفين ) 😂

بيولوجيًا الرجل معناه هو الكائن الحي ذكر الانسان ويتميز عن المرأة بافراز هرمون تيستستيرون بكميات مختلفة بين الرجال وده ليه علاقة طبعا بالفحولة الجنسية وهو اساسها بمساعدة عوامل اخرى هو اكبرها وطبعا ملوش علاقة لا باخلاق الرجل ولا مبادؤه ولا اي حاجة عشان من دي عشان دي حاجة بيتولد بيها عالاغلب وراثية

لو هنتكلم على الرجل من my point of view فهحب اقلك ان الرجل ليس الا كائن حي مظلوم تمام بين اشباه الرجال او الذكور ، وطبعا انا مش هقعد احمد فنفسي ولا الكلام ده كله ومش هقلك الرجل اللي ميوله الجنسي نوعه كذا عشان دي مش قصتنا واظن سياسة المنتدى اننا ما نحقرش من اي ميول حتى لو مش حابينه او كارهينه بس فعليا الراجل ده مظلوم اوي بين اشباه الرجال والذكور لانه من بين ٣،٣ مليار ذكر بينتج هرمون تيستستيرون الرجل هو عبارة عن ٨٠٠ مليون متوزعين ومتبهدلين ف كل حتة ، مش عشان هم اختارو كده لا ، عشان اتكتب عليهم يكونو رجالة بجد بتصرفاتهم واخلاقهم بس مش ينفع عشان هم اساسا او حاولو يبينو انهم كائنات حية زيهم زي اي كائن حي بيحب وبيحزن وبيعط عاااادي جدا

يعني الموضوع لو مثلا انتي يا ام قويق - واتمنى جدا لو تحكيلي يعني ايه ام قويق عشان محيراني فشخ😂 - لو انتي عندك اخت توأم مثلا ، ومشيها بطال او مشبوه ، والبت دي حرفيا شبهم بالملي ، الناس اللي بيشوفوها وهي طالعة بالليل تقضي مصلحة او سكرانة او اي كان من التصرفات الغير مقبولة عرفيا في الشرق الاوسط ونفس الناس دي بقى شافوكي وانتي رايحة شغلك مثلا او رايحة تجيبي اكل للعيال ، تفتكري هيرشو عليكي ورد مثلا ، لا طبعا عشان انتي فعينهم لا مؤاخذة وحدة مشيها شمال ولسا شايفينك مبارح خرباها ويا سلام لو اختك اتشاقت اكتر ونزللها فيديو مش ولا بد عالنت ، اتخيلي بقى معاملة زمايلك الذكور والاناث ليكي يا سيدتي الفاضلة ( وانا طبعا انا مش بقصد اي اساءة و**** بس بحاول ابسطلك المتعقد بكل سهولة بمثال صغنن ) اهو ده بقى يا ستي حال الرجالة مع اشباه الرجالة والذكور

لان كلهم ليهم نفس الشكل بيولوجيًا وشعر الدقن والصوت الخشن والكلام ده ، تلاقي البنت اللي ضحك عليها شبه رجل او مثلا كادلها زي ما بيكيدو النساء عشان فعليا في رجالة انا اعرفها و**** بتكيد اكثر من النسوان بس دي مش قصتنا ، قصتنا بقى ان البنت دي نفسها تعاملت بقى مع رجل حقيقي بجد ، تفتكري هتقله لا انت غير يبو رحاب ، انت الحب كله وبلوبيف بلوبيف ، لااا طبعا هتفشخ اهله عشان ده شكله زيه زي غيره ومش بيفرق كتير اصله وطبعا بيروحو الرجال فالرجلين لانهم هيتخزوقو عاطفيا وماديا ومعنويا مع اي حد عدى عليه شبه رجل قبل كده

الرجل ده انسان حساس اوي كده شبه القصص اللي هي بتاعت زماااان ، تلاقيه مرهف الاحساس واخلاقه عاليه تحسيه نبي مش انسان عادي ، طبعا ده بالنسبة لي ، وتلاقيه بيحب ياكل من تعبه عشان طعم الاكل بيكون مختلف تمام لما بتكون تعبان فيه وكمان تلاقيه لما بيعرق مبيعرقش مي واملاح بس لا ، بيعرق غيرة على اهل بيته ومحرماته وبينزف غضب لما يشوف حد فكر ينتهك خصوصيتهم وكمان اهم حاجة بالنسبالي هو خجول ، يعني مش زي الرجالة اللي تقلك انا بتاع حريم اوي ومقطع السمكة وديلها وعنتيل السرير وماشي يتحرش بالمواصلات والشوارع والنت وسايب غريزته اللي سايقاه زي ما يكون كلب مصعور وبيبعت صور عضوه الذكري فكل مكان زي ما يكون شهادة ماستر ولا كأس العالم وبيعرضه كل شوية ومش عارف ايه من القرف ده ، لا بالعكس خجول جدا وعنده sens الحياء ، بس ده طبعا مبيشملش اوضة نومه ومش هنخش فتفاصيل عشان مش قصتنا
وبس يا ستي

طبعا انا عارف اني طولت فالشرح بس حاولت اكون ملم لفكرتي عشان توصلك صح واقبلي مرور اخوكي الصغير اللي حاول يشرحلك الرجل الصحيحي قد ايه بيعاني مع اشباه الرجال والذكور
وبعض من صفات هذا المخلوق اللي يكاد يكون نادر