انا

[كينج كينج]

نفسي ارجع بالسنين
كلماتي
شاعر ومش شاعر

نفسي اصحي ف يوم الاقي
رجعت تاني بيت ابويا
اربع حيطان وسرير حديد
بيشاركني فيه اخويا
اربع حيطان مدهونين
حب وحنان عشره سنين
تسجيل صغير وشريط فؤاد
خدني الحنين بعد السنين

نفسي اصحي ف يوم الاقي
رجعت تاني لحضن امي
واملي عيني من عينيها
و خناقا حلوة ويا اختي
مين يساعد امي فينا
ياخد الخير من ايديها
يرصو فوق طبليه خشب
ملمومين حواليها

نقطع رغيف و نغمسو
لقما حب وسعاده
ولقما فيها الخير زياده
لقما فيها الخير مكفي
بالصلاه والعباده

نفسي اصحي ف يوم الاقي
لسه في حب باقي
لسه فيه احترام ما بنا
ف البُعاد و. ف التلاقي
نفسي ارجع بالسنين
واشوف الناس الطيبين
اللي راحوا وبعدوا عنا
وسابوا لينا الحنين..

اضغط لقراءة المزيد...