مساء الخير او صباحه على حسب بتقرأ امتى
النهارده وبما انه الويكند قررت اروح امارس رياضتي المفضلة اللي مبعرفش العبها وهي التنس اخدت العربية بعد الشغل ومعايا مضاربي ولبسي ودخلت ادور على خصم جدير بمواجهتي ملقتش حد من البنات فاضيين قولت مش مشكلة اختار اي راجل واهرسه في اللعب مش مشكلة واختارت اصغر واحد فيهم يلاعبني كان ولد في بداية العشرينات طويل كده صعب عليا اغلبه واكسر ثقته بنفسه بس هي دي الحياة لازم يتعلم بالطريقة الصعبة المهم عشان مطولش (قولوا طولي) خسرت كالعادة بس الهزيمة كانت اقسى من كل مرة بصراحة 🥲
بعد التمرين الولد قعد يواسيني واني مستوايا كويس ومحتاجة اظبط شوية حاجات بسيطة وبلا بلا بلا واتغاظت منه اكتر
المهم قالي ايه رايك نخرج نشرب حاجة بعدين قولتله انت عبيط يابني طبعاً لا تعالى اوصلك عشان متتخطفش قالي لا ماما هتعدي تاخدني المهم عشان نختصر الاحداث مامته جات فعلاً والمفاجأة اني اعرف مامته عشان كانت معايا في الكلية لا ومش بس كده حضرت فرح مامته لايڤ 😁 وهنا اتصدمت من العمر اللي جري بسرعة كده
وبعدين يابن الجزمة انا قد مامتك يبقى سيبني اكسب ايه الجيل اللي مبيحترمش كبير ده 🥲
وتنتهي قصتي بموسيقى حزينة في الويكند وانا بفكر في عمري اللي فات وايضا مهزومة في لعبتي المفضلة
كفاية كده عشان مطولش 😁
