لما تيجي تشتري مستعمل تبص علي اللي هقولك عليه وتبعد عن اي بالظبط
مع خبير العربيات بشمهندس محمد اللي هوا انا.
اول حاجة يقلب اخوك ابعد عن العربيات اللي عدادها قليل وحالتها من برا مش كويسة أو اللي يقولك راشة حزام وفبريكا برا وتجيب القلم وتقعد تحك في العربية بالقلم العبيط دا واللي هيلبسك في العربية
تاني حاجة يقلب اخوك ابعد عن العربيات اللي ماشية كتير ومعدية ٥٠٠ الف كيلو
تالت حاجة يقلب اخوك متجيبش ميكانيكي معاك هات عفشجي وسمكري ودا من حقك ويكون حبيبك من طرفك انت واتعاملت معاه كذا مرة مش اول مرة ومتخليش صاحب العربية يجيب اي حد
رابع حاجة يقلب اخوك خد العربية لمركز محترم أو توكيل يكشف عليها مش اي كلام وابعد عن البنزينات لان كل شغلها شمال
خامس حاجة يحبيب اخوك العربية تكون فبريكا جوا ومش مغيرة سقف ومش راشة نظافة او اي حاجة ليها علاقة بالرش سواء حزام أو خوارج أو اكصدامين ورفرافين ابعد
سادس حاجة يحبيب اخوك العربية تتركب صاحب العربية تكون ست دكتورة أو مهندسة أو واحد دكتور او مهندس او محامي ليه بتقول كدا اقولك انا بقول كدا ليه علشان عربية المهندس أو الدكتور المحامي مبتتحركش كتير دا اول حاجة تاني حاجة مش بتتمرط تالت حاجة الصيانات بيعملوها في التوكيل والعربية بيبقي آخرها سفر السخنة أو الساحل مش اكتر من كدا
سابع حاجة يحبيب اخوك العربية تكون فبريكا جوا دا اهم حاجة مش شرط فبريكا برا بس المهم ميكونش فيها اي نوع من الصدا او اي نوع من التاكل أو بالبلدي بروما وركز في الحتة دي اوي
تامن حاجة ياشق عربيتك تتأكد من كفاءة الماتور وان كل قطع الغيار اصلية اللي في الماتور من صاحب العربية وهيبان كل دا مع الكشف لو لقيت العربية مغيرة سقف او ربع او نص طير يعم وسيب العربية دي يخويا
تاسع حاجة والأخيرة يا شقيق أبعد عن المحافظات البحرية معادا اسكندرية ابعد عن العربيات اللي في بيئة الصحراوية زي الفيوم وسيناء بالذات وأبعد عن المنصورة بالذات وحط تحت اسمها الف خط وأبعد عن البحيرة وكفر الشيخ والصعيد معادا سوهاج وقنا .
دمتم في سلامة وأمان واستقرار يا شباب
مش مهندس عربيات بس خبرة
ومتنساش اسالني ولا تسأل مهندس